Alli yachaitami chari tucungui
‘Diospaj Shimica, paillataj Quillcachishcami can’ (2 Timoteo 3:16). Tucui poderta charij Diosca paipaj yuyaicunata escribichunmi huaquin runacunaman yuyaita curca.
Diosca alli yachaita charichunmi munan
‘Ñucaca cambaj allipaj yachachijmi cani. Can catina ñanta yachachijmi cani. Ñuca mandashcacunata can cazushca cajpica, tucuipi can ima shinalla canaca jatun yacu shinami canman. Can cashcata ruranaca mama cucha yacu jataricuj shinami canman’ (ISAÍAS 48:17, 18).
Yaya Diosmi cai invitacionta quiquinman ruran. Diosca quiquin tranquilo, cushilla causaita charichunmi munan. Chashna causaita charichunca paillatajmi ayudai tucun.
Diospaj alli yachaitami tari tucungui
“Alli huillairajmi tucui cai pachapi huillashca canga” (MARCOS 13:10).
Cai alli huillaicunaca Jehová Dios ñalla tucui llaquicunata tucuchigrishcatami parlan. Shinallataj cai Allpa sumaj paraíso tucugrishcata, huañushca familiacuna, amigocuna causarigrishcatapishmi parlan. Testigo de Jehovacunaca Bibliamanta cai alli huillaicunatami tucui llajtacunapi huillacuncuna.