¿Tucui punllacunachu Diospaj yachachishcacunaca ñucanchijta ayudan?

Cada punlla Bibliata rezanaca ñucanchij crishcacuna sinchiyachunmi ayudan (Col. 2:6, 7). Jehová Diospaj yachachishcacuna ñucanchij causaipi ayudachun nishpaca, Biblia imata yachachishcapimi yuyana canchij, causaipipish pajtachinami canchij (Heb. 4:12; Sant. 1:22-25). Caita rurangapajmi Josué 1:8-pica quimsa yuyaicunata cun: 1) “Tutapish punllapish” Bibliata rezanami canchij. 2) Rezashcata ‘yuyaipimi charina’ canchij. Bibliata rezacushpaca yachacushcapi yuyangapaj, chaipi cashpaca imatashi ruraniman carca nishpa yuyangapajmi tiempota surcuna canchij. 3) Bibliapi ‘imalla mandashcatami’ pajtachinataj canchij. Cai quimsa yuyaicunata catishpaca cada punllami alli yuyashpa imatapish alli rurashpa causashun.