REVISITACUNATA RURAI
YACHAI 8
Pacienciata ricuchi
1 Corintios 13:4-pica: “Cꞌuyaita charijca pacienciata charijmi” ninmi.
¿Jesusca imatataj rurarca?
1. VIDEOTA ricui. Mana cashpaca Juan 7:3-5 y 1 Corintios 15:3, 4, 7-ta liyipai. Qꞌuipaca cai catij tapuicunapi yuyai:
¿Jesuspaj huauquicunaca paitaca ima shinataj tratajcuna carca?
¿Jesusca paipaj huauqui Santiagotaca ima shinataj ayudashpa catirca?
¿Jesuspaj ejemplomantaca imatataj yachanchij?
2. Huaquincunaca Biblia yachachishcacunata chasquingapajca ashtahuan tiempotami minishtincuna. Chaimi pacienciata ricuchina canchij.
Jesús shina rurai
3. Bibliamanta yachai callarichun ama obligai. Callaripica huasiyujca Bibliamanta yachanataca manachari munanga. Chaimi pacienciata charina cangui. Bibliamanta estudiana ima laya cashcata ricuchingapajmi huaquin videocunata, informaciontapish ricuchi tucungui.
4. Cada uno chꞌican chꞌican cashcata yuyari. Huasiyuj o maijan familia imamanta mana yachasha nishcatami intindina cangui. “¿Paipaj crishcacunata saquinaca imamantataj sinchi can, uchillamanta chaicunapi crishcamanta? ¿Paipaj vecinocuna o familiacunachu Bibliamanta ama yachachun nicuncuna?” nishpami tapurina cangui. Biblia yachachishcacunapi yuyachun, chaicunata valorachunpishmi tiempota cuna cangui.
5. Diosta ayudachun mañai. Yachasha nijcunata ayudashpa catingapaj, cꞌuyaita ricuchishpa catingapajmi Diosta ayudachun mañana cangui. Shinallataj huasiyujta visitashpa catina cashcata o ña mana visitana cashcata yachangapajmi Diosta ayudachun mañana cangui (1 Corintios 9:26).