2 Samuel
6 Davidmi kaqmanta huñurachirqa allin peleaq Israel soldadokunata. Huñurachirqaqa 30.000 soldadokunatam. 2 Chaymantam Davidqa runankunawan Baale-juda llaqtaman rirqaku Diospa baulninta apamuq.+ Chay baulpa ñawpaqninpim runakuna Diosta mañakuqku, Jehova Diosqa querubin angelkunapa+ hawanpi* tiyaqmi hinaspa angelkunata kamachiqmi.+ 3 Muqupi yachaq* Abinadabpa+ wasinmantam musuq carretapi+ Diospa baulnintaqa apamurqaku. Chay carretataqa apamurqaku Abinadabpa churin Uzawan Aiom.
4 Chaynapimá muqupi yachaq Abinadabpa wasinmanta Diospa baulninta apamurqaku. Baulpa ñawpaqnintam Aioqa hamurqa. 5 Davidwan Israel runakunaqa Jehova Diosta hatunchastinmi hamurqaku. Hamurqakuqa cipres sachamanta tocanakunawanmi, arpakunawanmi, tinyakunawanmi, platillokunawanmi,+ panderetakunawanmi*,+ cuerdayuq kaqkunawanmi.+ 6 Nacon sutiyuq iraman chayaramuptinkum ichaqa Diospa baulninta aysaq torokuna urmarurqa, Uza sutiyuq runañataqmi baulta hapirurqa mana wichiykunanpaq.+ 7 Mana manchakuspa hapirusqanraykum Jehova Diosqa Uzapaq llumpayta piñakururqa.+ Hinaspanmi baulpa waqtanpi chaypunilla wañurachirqa.+ 8 Llumpayta piñakuspan Uzata Jehova Dios wañurachiptinmi Davidqa hukmanyarurqa*. Chayraykum chay sitiota sutichanku “Perez-uza*” nispa. 9 Jehova Diosta manchakuspanmi+ Davidqa chay punchaw nirqa: “¿Imaynatataq Jehova Diospa baulnintaqa apayman?”, nispa.+ 10 Davidqa manam Jehova Diospa baulnintaqa apamuyta munarqachu yachasqan llaqtamanqa*.+ Chaymi Davidqa Gat llaqtayuq Obed-edompa+ wasinman aparachirqa.
11 Jehova Diospa baulninqa Obed-edompa wasinpim kimsa killa karqa. Chaymi Jehova Diosqa Obed-edomta hinaspa lliw ayllunta tukuypi yanaparqa.+ 12 Hinaptinmi kamachiq Davidman willaykurqaku: “Obed-edompa wasinpi Diospa baulnin kasqanraykum Jehova Diosqa paytawan lliw wasinpi kaqkunata tukuypi yanapachkan”, nispa. Chayraykum Davidqa kusisqallaña rirqa chay runapa wasinta, chaynapi Diospa baulninta yachasqan llaqtaman apamunanpaq.+ 13 Jehova Diospa baulninta apamuqkuna+ suqta ichiyta puririptinkum Davidqa torota hinaspa puqusqa animalta Diospaq nakapurqa.
14 Davidqa kusikuyllawanña tusustinmi Jehova Diosta hatunchastin hamurqa linomanta mandilniyuq*.+ 15 David hinaspa llapallan Israel runakunam Jehova Diospa baulninta apamurqaku+ kusikuyllawanña qaparispanku+ chaynataq waqrata pukuspanku.+ 16 Jehova Diospa baulninta Davidpa llaqtan sutiyuq llaqtaman chayarachimuptinkum Saulpa churin Mical+ wasinpa ventananmanta qawarqa. Payqa Davidtam qawarqa Jehova Diosta hatunchastin kusikuyllawanña pawaykachastin hamuqta, chayraykum pinqarqa.+ 17 Davidqa Jehova Diospa baulninpaqmi carpata ruwarachirqa. Chay carpamanmi Diospa baulninta churaykurqaku,+ hinaptinmi Davidqa Jehova Diospaq+ animalkunata nakapuspa kañapurqa,+ nakapurqataqmi Dioswan hawkalla kasqankurayku animalkunatapas.+ 18 Davidqa tukuy chaykunata Diosman quruspanmi angelkunata kamachiq Jehova Diospa sutinpi runakunata bendeciykurqa. 19 Chaymantapas Israel runakunamanmi qarimanpas warmimanpas qurqa tantata, palmerapa rurunmanta ruwasqa tantata hinaspa uvas pasasmanta ruwasqa tantata. Chaymantam runakunaqa wasinkuman kutikurqaku.
20 Davidpas wasinmanmi kutirqa ayllunta yanapananpaq Diosta mañakuq. Hinaptinmi Saulpa churin Micalqa+ taripaykuspan nirqa: “¡Mayna sumaqllañam Israel runakunata kamachiqqa rikurirun! ¡Sirvientenkunata yanapaq warmikunapa ñawpaqnintam qalalla hamurqa, hamurqaqa achka runakunapa qayllanpi pachanta chustukuq loco hinam!”, nispa.+ 21 Hinaptinmi Davidqa Micalta nirqa: “Ñuqaqa Jehova Diosta hatunchastinmi kusikuyllawanña hamurqani. Ñuqatam Diosqa akllaykuwan taytaykipa hinaspa mirayninkunapa rantinpi. Jehova Diostaqmi churaykuwan Israel runankunata kamachinaypaq.+ Chayraykum ñuqaqa Jehova Diosta hatunchaspay kusikuywan tususaq. 22 Hinaspapas astawanraqmi mana hatuntukuq kasqayta qawachisaq. Qawachikusaqtaqmi mana kaqpaqpas hapikusqayta. Chaywanpas chay sirvientakunam hatunchawanqa”, nispa. 23 Saulpa churin Micalqa+ wañukunan punchawkamam mana wawayuq karqa.