1 Tesalonicenses
5 Wawqi-panillaykuna, Diospa akllasqan tiempokunamantawan punchawkunamanta qillqamunaytaqa manam necesitankichikñachu. 2 Qamkunaqa allintam yachankichik Jehova* Diospa punchawninqa,+ tutapi suwa hamuchkaq hina hamunanta.+ 3 Runakunam ninqaku: “Hawkañam, seguroñam kachkanchik”, nispanku. Hinachkaptinmi qunqayllamanta paykunapa chinkachisqa kaynin chaylla chayaramunqa,+ imaynam unqukunanpaq wiksayuq warmipa nanaynin chayaramusqan hina, manapunim lluptinqakuchu. 4 Wawqi-panillaykuna, qamkunaqa manam tutayaypi hinachu kachkankichik chay punchaw suwata achki hayparuchkanmanpas hina qunqayllamanta hayparamusunaykichikpaqqa. 5 Qamkunaqa llapallaykichikmi achkipi hinaspa punchawpi kaqkuna hina kankichik*,+ ñuqanchikqa manam tutapi hinachu nitaq mana achkipa kasqanpi hinachu kachkanchik.+
6 Chaynaqa, amañayá wakinkuna hina puñuchkaq hinaqa kasunchu,+ aswanqa rikchachkaq hinallayá kasunchik,+ hinaspapas yuyaywanyá kawsasunchik.+ 7 Puñuqkunaqa tutam puñunku, sinkakuqkunapas tutataqmi sinkakunku.+ 8 Punchawpi hina kaqkunayá ichaqa yuyaywan kawsasunchik, soldadopa qasqun harkachikunanta churakuchkaq hinayá Diospi hapipakusunchik chaynataq kuyanakusunchik, chaymantapas cascowan churakuchkaq hinayá salvasqa kananchikta suyasunchik.+ 9 Diosqa akllawarqanchik manam piñakuyninta chaskinanchikpaqchu, aswanqa señorninchik Jesucristorayku salvasqa+ kananchikpaqmi. 10 Paymi ñuqanchikrayku wañukurqa,+ chaynapi rikchachkaq hina tarikuspapas utaq puñuchkaq* hina kaspapas paywan kuska kawsananchikpaq.+ 11 Chaynaqa, hinallayá kallpanchanakuychik*+ hinaspa yanapanakuychik kunan chayna ruwasqaykichikman hina.
12 Wawqi-panillaykuna, qamkunapaq llamkaqkunata respetanaykichikpaqmi ruegakamuykichik, paykunaqa señorninchikta servispam pusasuqnikichik kachkan, hinaspapas rimapayasuchkankichikmi, 13 chaymantapas qamkunapaq llamkasqankuraykuyá paykunapaq riqsikuynikichik kachun, hinaspapas paykunataqa anchatayá kuyaychik.+ Qamkunapurapas hawkallayá kawsakuychik.+ 14 Wawqi-panillaykuna ruegakamuykikutaqmi mana kasukuqkunata anyanaykichikpaqpas,+ hukmanyasqakunata* kallpanchanaykichikpaqpas, mana kallpayuq hina kaqkunata yanapaykunaykichikpaqpas chaynataq llapallanwan pacienciakunaykichikpaqpas.+ 15 Amayá mayqinnikichikpas mana allinta ruwasuptikichikqa mana allinwanqa kutichiychikchu,+ aswanqa tukuy tiempoyá allin kaqkunata ruwaychik, chaynatayá llapallanwanpas ruwaychik.+
16 Tukuy tiempoyá kusikuychik.+ 17 Diostayá tukuy tiempo mañakuychik.+ 18 Tukuy imamantayá Diosta agradecekuychik.+ Chaykunata ruwanaykichiktam Diosqa munan Jesucristopa qatiqnin kasqaykichikrayku. 19 Amayá Diospa atiynin imapipas yanapasunaykichiktaqa harkakuychikchu*.+ 20 Amayá mana kaqpaqta hinaqa hapiychikchu Diospa rimarisqan willakuykunataqa.+ 21 Tukuy imamantayá allinta yachaychik,+ hinaspayá allin kaqkunata hinalla ruwaychik. 22 Karunchakuychikyá tukuy mana allin kaqkunamanta.+
23 Hawkayaypi kaq hinaspa hawkayay qukuq kikin Diosyá suma-sumaqta chuyanchasunkichik. Señor Jesucristo chayaramuspa kaypi kanan* tiempokamayá qamkunapa imayna kasqaykichik, vidaykichik hinaspa cuerpoykichik mana huchayuqña hinaspa chuyay-chuyayña* kachun.+ 24 Qayasuqnikichikqa rimasqanman hina ruwaqmi, chaynatam payqa ruwanqa.
25 Wawqi-panillaykuna, hinallayá ñuqaykupaq Diosta mañakuychik.+
26 Llapallan wawqi-paninchikkunatayá respetowan muchaykuspa rimakuykuychik.
27 Señorpa sutinpim tukuy sunquywan mañakamuchkaykichik llapallan iñiqkunapaq kay cartata leenaykichikpaq.+
28 Señor Jesucristopa ancha kuyakuyninyá* qamkunawan kachun.