SALMOS
“Salmos” ninanqa: “Yupaychanapaq takikuna”, ninanmi.
PUNTA KAQ
(Salmos 1-41)
1 Mayna kusisqam mana allin ruwaq runakunapa nisqanta mana kasuq runaqa.
Payqa manam huchasapa runakuna hinachu kawsan.+
Manataqmi asipayakuq runakunawanpas hukllawakunchu.+
2 Aswanqa Jehova Diospa kamachikuyninkunawanmi kusikun.+
Kamachikuyninkunata tuta-punchaw leespanmi yuyaymanan.+
3 Chayna runaqa yakupa patanpi plantasqa sacha hinam kanqa.
Tiempollanpi ruruq sacha hinam kanqa.
Llaqinkunapas* manam chakinqachu.
Chayna runapaqa tukuy ima ruwasqanpas allinmi kanqa.+
4 Mana allin ruwaq runakunam ichaqa mana chaynachu kanku.
Wayrapa apasqan paja hinam kanku.
5 Chayraykum mana allin ruwaq runakunaqa mana allin ruwasqankuman hina ñakarinqaku.+
Manataqmi allin ruwaq runakunapa kasqanpiqa kanqakuchu.+
6 Jehova Diosqa qawachkanmi allin ruwaq runakunataqa.+
Mana allin ruwaqkunatam ichaqa chinkachinqa.+
2 ¿Imanasqataq nacionkuna chaqwapi kachkanku?
¿Imanasqataq runakunapas yanqakunata tantiachkanku?+
2 Kay pachapi kamachiqkunawan
autoridadkunam huñunakunku+
Jehova Diospa hinaspa akllasqan runapa* contranpi.+
3 Paykunam ninku: “¡Cadenankunatayá tipisunchik!
¡Waskankunatayá paskasunchik!”, nispanku.
4 Hanaq pachapi kaqmi paykunamanta asikunqa.
Jehova Diosmi paykunamanta asikunqa.
5 Chay punchawkunapim piñakuywan paykunata rimapayanqa,
piñakuptinmi paykunaqa manchakuywan kanqaku.
7 Jehova Diospa nisqantam willakusaq,
paymi niwarqa: “Qamqa churiymi kanki,+
kunan punchawmantam taytayki kani.+
8 Mañakuwaptikiqa nacionkunatam qusqayki,
tukuy kay pacham qampaq kanqa.+
10 Chaynaqa kay pachapi kamachiqkuna, yuyayniyuqyá kaychik.
Kay pachapi kaq juezkuna, qaqchasusqaykichiktayá uyarikuychik.
11 Jehova Diostayá manchakuywan yupaychaychik.
Paytayá kusikuywan yupaychaychik.
12 Diospa churintayá hatunchaychik,+
manachayqa qamkunapaq Dios piñakuptinmi wañuruwaqchik,+
paypa piñakuyninqa chayllam chayaramusunkichikman.
¡Mayna kusisqam Diospi hapipakuqkunaqa!
Churin Absalonmanta ayqikuspan Davidpa takisqan.+
3 Jehova Dioslláy, ¿imanasqataq chiqniwaqniykunaqa achkallataña mirarun?+
¿Imanasqataq achkallaña chiqniwanku?+
2 Achkallañam ñuqamanta ninku:
“Paytaqa Diospas manam yanapanqachu”, nispanku.+ (Samarinapaq*).
3 Jehova Dioslláy, qanmi ichaqa harkachikuna hina muyuriqniymanta harkawanki.+
Hatunchawaspaykim kallpanchawanki.+
4 Jehova Diosllaytam tukuy kallpaywan qayakullasaq,
hinaptinmi payqa sapaqchasqan urqumanta uyariykamuwanqa.+ (Samarinapaq).
5 Jehova Diosmi haykapipas yanapawaqniyqa,
chaymi siriykuspay hawkalla puñuykunipas,
hawkallataqmi hatarinipas.+
7 Jehova Dioslláy, ama hina kaspaykiyá hatarimuspayki yanapaykullaway.+
Qanmi chiqniwaqniykunata kakichunpi takanki,
mana allin runakunapa kiruntam pakinki.+
8 Jehova Diosnilláy, qamllam pitapas harkaykuqqa kanki.+
Qanmi runaykikunata bendecinki. (Samarinapaq).
Takiqkunata yachachiqpaq. Cuerdayuq kaqkunawan Davidpa takisqan.
4 Allin ruwaq Diosnilláy,+ qayakamuptiyqa uyariykullawayá.
Llakipi tarikuptiyqa yanapaykullawayá.
Llakipayariykuwaspaykiyá mañakusqayta uyariykamullaway.
2 Llapa runakuna, ¿haykapikamataq pinqayman churawankichik?
¿Haykapikamataq yanqapaq kaqkunata kuyankichik? ¿Haykapikamataq mana allinkunata maskankichik? (Samarinapaq).
3 Jehova Diosmi payman sunqu kaqkunataqa sapaqchanqa.
Jehova Diosqa uyariykamuwanqam qayakuptiyqa.
4 Piñasqa kaspaykichikqa amayá huchallikuychikchu.+
Camaykichikpi upallalla kaspayá sunqullaykichikpi imatapas niychik. (Samarinapaq).
6 Achkaqmi ninku: “¿Pitaq allin kaqta riqsiykachiwachwan?”, nispa.
Jehova Diosnilláy, qamta kusichiytam munallaniku.+
7 Anchatam sunquyta kusichiwanki,
chaymi achka kawsayta huñuqkunamantawan achka vinoyuqkunamanta astawan kusikuni.
Takiqkunata yachachiqpaq. Nehilotpaq*. Davidpa takisqan.
5 Jehova Dioslláy, rimasqaykunatayá uyariykullaway,+
llakiykunatayá uyariykullaway.
2 Qayakusqaytayá uyariykullaway.
Kamachiqlláy, Dioslláy, qamtam qayakamullayki.
3 Jehova Dioslláy, tutapayta qayakamuptiymi uyariykullawanki.+
Llakiykunata tutapay willakuspaymi uyariykuwanaykita suyallasaq.+
4 Diosnilláy, qamqa mana allinkunatam chiqninki.+
Mana allin ruwaqkunaqa manam qayllaykipiqa kanmanchu.+
5 Hatuntukuqkunaqa manam qayllaykipiqa kanmanchu.
Mana allin ruwaqkunataqa chiqninkim.+
6 Llulla rimaqkunatapas chinkachinkim.+
Jehova Dioslláy, qamqa chiqninkim runa wañuchiqtawan iskay uyataqa.+
7 Ñuqam ichaqa imaña kaptinpas hinalla kuyawasqaykirayku wasikiman yaykusaq.+
Wasiki* lawman qawaspaymi manchakuywan yupaychasqayki.+
8 Jehova Dioslláy, qamqa allin ruwaqmi kanki.
Chiqniwaqniykunamantayá amparaykullaway.
Munasqaykiman hina kawsakunaypaqyá yanapaykullaway.+
9 Paykunaqa llulla rimaqkunam kanku,
mana allinllatam tantiankupas.
Paykunapa siminqa wañuqkunapa pampakusqan kicharayachkaq uchku hinam,
llullallatam rimankupas.+
10 Qanmi ichaqa Dioslláy, mana allin ruwasqankumanta kutichipunki.
Mana allin ruwasqankuraykum kikillanku wichiykunqaku.+
Paykunaqa mana allin ruwasqankuraykuyá qipanchasqa kachunku.
Paykunaqa qamtam qipanchasurqanki.
11 Ichaqa qampi llapallan hapipakuqkunam kusisqa kanqaku.+
Kusikuymantam qaparinqaku,
qanmi waqaychanki.
Sutikita kuyaqkunapas qamraykum kusikunqaku.
12 Jehova Dioslláy, qanmi allin ruwaq runakunataqa yanapaykunki.
Paykunawanmi qamqa kusisqa kanki. Paykunapaqqa hatun harkachikunanku hinam kanki.+
Takiqkunata yachachiqpaq. Cuerdayuq kaqkunawan rakumanta* Davidpa takisqan.
6 Jehova Dioslláy, amayá piñakuspaykiqa qaqchawaychu.
Amayá piñakuspaykiqa anyawaychu.+
2 Jehova Dioslláy, llakipayariykullawayá, mana kallpayuqmi kallachkani.
Jehova Dioslláy, allinyaykachiwayá,+ tulluykunam katkatatachkan.
4 Jehova Dioslláy, kutimuspayá yanapaykullaway.+
Imaña kaptinpas kuyakuq kasqaykiraykuyá yanapaykullaway.+
5 Wañuqkunaqa manañam yuyasunkiñachu.
Wañusqakunapa kasqanpiqa* manañam pipas hatunchasunkiñachu.+
6 Llumpay llakiwanmi hukmanyarullaniña.+
Tukuy tuta waqaptiymi camaypas nuyuña kachkan.
Wiqiywanmá puñunaypas nuyurunña.+
7 Llumpayta waqasqayraykum ñawillaypas antayarunña.+
Chiqniwaqniykuna waqachiwaptinmi ñawiypas manaña rikukunñachu.
8 Ñuqamanta karunchakuychik mana allin ruwaqkuna.
Jehova Diosmi waqasqayta uyariykamuwanqa.+
9 Sunqumanta qayakusqaytam Jehova Diosqa uyariykamuwanqa.+
Jehova Diosmi mañakusqayta chaskiykullawanqa.
10 Llapallan chiqniwaqniykunam manchakuywan pinqaypi kanqaku.
Pinqakuymantam ayqinqaku.+
Davidpa takisqan. Kaytaqa llakisqa kaspanmi Jehova Diospaq takirqa Benjamin kasta Cus chiqniptin.
7 Jehova Dioslláy, qamllapim hapipakullani.+
Chiqniwaqniykunamantayá amparaykullaway.+
2 Manachayqa leon hinam paykunaqa tisaparuwanqa.+
Mana pipas harkaykuwaptinchá aparuwanqaku.
3 Jehova Diosnilláy, huchayuq kaptiyqa,
mana allinta ruwaruptiyqa,
4 ima mana allintapas yanapawaqniyta ruwaruptiyqa,+
chiqniwaqniyta yanqapas-yanqa ñakarichiptiyqa,
5 chiqniwaqniyyá ayqikuptiypas hayparamuwachun.
Pampapiyá saruparuwachun,
hinaspapas riqsisqa kasqaytayá yanqachachun. (Samarinapaq).
6 Jehova Dioslláy, piñakuynikipiyá hatariy.
Piñasqallaña kaq chiqniwaqniykunamantayá harkaykullaway.+
Ñuqaraykuyá allin kaqta ruwaykapullaway.+
7 Nacionkunayá muyuriqnikipi kachun,
qamñataqyá maymi kasqaykimanta peleamuy.
8 Jehova Diosmi lliw runapa jueznin kanqa.+
Jehova Diosnilláy, allin ruwaq kasqaytayá,
mana huchayuq kasqaytayá qawaykullaway.+
9 Dioslláy, mana allin ruwaqkunatayá chinkachiy.
Allin ruwaqkunatañataqyá yanapaykuy.+
Qamqa pimanpas mana sayapakuqmi kanki.+ Qanmi runapa sunqunta riqsinki.+ Qanmi runapa tantiasqanta yachanki.+
10 Diosmi harkaykuwaqniyqa,+ payqa allin sunquyuq runakunatam libraykun.+
11 Diosqa mana pimanpas sayapakuq juezmi.+
Mana allin ruwaqkunata ima pasananmantam sapa punchaw willakun.
12 Pipas mana wanakuptinqa+ wañuchinanpaqmi espadanta ñawchiyaykachin.+
Flechantapas flechananpaqmi hapin.+
13 Wañuchinanpaq armakunatam alistan.
Ratachkaq flechankunam listoña kachkan.+
14 Mana allin ruwaqta qawariychik. Mana allin ruwaytam wiksayakurun.
Llullallatam wachakurunpas.+
15 Payqa uku-uku uchkutam tuqurun.
Ichaqa chay uchkusqallanmanmi wichiykun.+
16 Mana allin ruwasqanpas kikillanmanmi kutinqa.+
Mana allin ruwasqankunapas kikinpa uma puyuqllanmanmi chayanqa.
17 Jehova Diostam yupaychasaq allin ruwaq kasqanmanta.+
Hanaq pachapi kaq Jehova Diospa sutinta hatunchanaypaqmi takisaq*.+
Takiqkunata yachachiqpaq. Guitit*. Davidpa takisqan.
8 Jehova Diosllayku, ¡sutikiqa kay pachapiqa ancha riqsisqam!
Kanchariynikipas hanaq pachapa hawankamaraqmi mastarikun.+
2 Ñuñuq wawakunatawan warmakunatam rimanankupaq kallpanchanki.+
Chaynatam chiqnisuqnikikunatawan
mana allin runakunata upallachinki.
4 nini: “¿Pitaq runaqa payta yuyarinaykipaqqa?
¿Pitaq runapa churinqa paymanta nanachikunaykipaqqa?”, nispay.+
5 Paytaqa angelkunamantapas tumpa menosllatam ruwarqanki,
hatunchaspam ancha riqsisqa kananpaq churarqanki.
6 Paytaqa unanchasqaykikunapi munaychakunanpaqmi churaykurqanki.+
Paypa sarupakunanpim llapa imata churaykurqanki:
7 Ovejakunata, cabrakunata,
vacakunata, purun animalkunata,+
8 alton pawaqkunata chaynataq
lamar quchapi tukuy rikchaq challwakunatapas.
9 Jehova Diosllayku, ¡sutikiqa kay pachapiqa ancha riqsisqam!
Takiqkunata yachachiqpaq. Mut-labenmanta* Davidpa takisqan.
א [alef]
9 Jehova Dioslláy, tukuy sunquywanmi hatunchasqayki.
Tukuy ima unanchasqaykimantam willakusaq.+
2 Qamraykum ancha kusisqa kasaq.
Hanaq pachapi Dioslláy, takispaymi sutikita hatunchasaq.+
ב [bet]
3 Chiqniwaqniykunaqa ayqikuspankum+
qampa ñawpaqnikipi wichiykuspa wañunqaku.
4 Qamqa allin juez kaspaykim yanapawanki.
Tronoykipi tiyaykuspaykim allin kaqta ruwanki.+
ג [guimel]
5 Nacionkunatam qaqcharqanki,+ mana allin ruwaqkunatam chinkachirqanki.
Paykunapa sutintapas wiña-wiñaypaqmi chinkarachirqanki.
6 Chiqnisuqnikikunam wiñaypaq chinkachisqa karqaku.
Llaqtankutapas purmarachispaykim
qalaypaqta chinkarachirqanki.+
ה [he]
7 Jehova Diosmi ichaqa trononpi wiñaypaq tiyanqa.+
Quejakunata allichananpaqmi trononta alistarun.+
8 Payqa runakunapa allin juezninmi kanqa.+
Pimanpas mana sayapakuspam jueznin kanqa.+
ו [waw]
9 Jehova Diosqa ñakarichisqa kaqkunatam pakaykunqa.+
Payqa sasachakuy punchawkunapi pitapas pakaykuqmi.+
10 Sutikita yachaqkunaqa qampim hapipakunqaku.+
Jehova Dioslláy, maskasuqnikikunataqa manam haykapipas saqinkichu.+
ז [zayin]
11 Sion muqupi yachaq* Jehova Diospaqyá takipuychik.
Imapas ruwasqankunamantayá runakunaman willaychik.+
12 Diosqa ñakariqkunataqa manam qunqanqachu.+
Paykunata wañuchiqtaqa Diosmi wañuchinqa.+
ח [jet]
13 Jehova Dioslláy, llakipayariykullawayá.
Chiqniwaqniykunapa ñakarichiwasqantayá qawarimuy.
Wañuypa patanmantam libraykullawanki.+
14 Libraykullawankiqa tukuy imapas allinkuna ruwasqaykimanta willakunaypaqmi. Chaytaqa willakusaq Sion llaqtapim.+
Libraykuwasqaykiraykutaqmi kusikusaq.+
ט [tet]
15 Nacionkunaqa kikinkupa uchku ruwasqallankumanmi wichiykunku.
Kikinkupa tuqlla churasqallankumanmi wichiykunku.+
16 Jehova Diosqa imapas tantiasqantaqa cumplinpunim.+
Mana allin runaqa kikinpa tuqlla churasqallanmanmi wichiykun.+
(Higayon*. Samarinapaq).
י [yod]
17 Mana allin runaqa ayqisqanpim wañusqakunapa kasqanpi* tukunqa.
Chaynam pasanqa Diosta qipanchaq llapallan runakunawanpas.
18 Wakchakunam ichaqa mana wiñaypaqchu qunqasqa kanqaku.+
Llampu sunqu runakunaqa chaskinqakupunim imapas suyasqankutaqa.+
כ [kaf]
19 ¡Jehova Dioslláy, hatarimuyá! Runaqa amayá hatuntukuchunchu.
Qamyá nacionkunapa jueznin kay.+
20 Jehova Dioslláy, paykunatayá mancharichiy.+
Wañuruqlla kasqankutayá paykunaqa yachachunku. (Samarinapaq).
ל [lamed]
10 Jehova Dioslláy, ¿imanasqataq karunchakuruwanki?
¿Imanasqataq ancha llakisqa kaptiyqa pakakuruwanki?+
2 Mana allin runaqa hatuntukuspam allin ruwaq runata ñakarichin.+
Ichaqa kikinpa tuqllallanmanmi wichiykunqa.+
3 Mana allin runaqa imapas ruwasqanwanmi hatuntukun.+
Kikillanpaq munaq runatam hatunchan*.
נ [nun]
Jehova Diostam pinqayman churan.
4 Mana allin runaqa qaritukuspanmi Diosmantaqa mana yachayta munanchu.
Hinaspam ninraq: “Diosqa manam kanchu”, nispan.+
5 Mana allin runa yachayniyuqpaq hapikuspanpas
qampa kamachikuynikikunamantaqa manam yachanchu.+
Chayna runaqa chiqniqninkunamantam asikun.
6 Mana allin runaqa sunqunpim nin: “Manam imawanpas hukmanyasaqchu.
Manam ñuqaqa haykapipas
ñakarisaqchu”, nispa.+
פ [pe]
7 Rimanpas mana allinllatam, llullallatam hinaspa pantayllatam.+
Qallunpas tukuy mana allinkunallatam tuqyachin.+
8 Llaqtakunatapas pakakuspanmi qawan.
Mana huchayuqtam pakallapi wañuchin.+
ע [ayin]
Pitapas wañuchinanpaqmi pakakuspan qawan.+
9 Leon hinaraqmi pakakuspan suyan.+
Chaynataqa suyan pitapas hapirunanpaqmi.
Tuqllanman wichiykachispanmi hapirun.+
10 Hapiruptinqa manañam ima ruwakuytapas atinchu.
Chaynatamá mana piyniyuqkunaqa makinman wichiykunku.
11 Hapiruspanmi sunqunpi nin:
“Kaytaqa Diosqa qunqarunmi.+
Qipancharuspanmi mana qawarinpaschu”, nispa.+
ק [qof]
12 Jehova Dioslláy, hatarispayá makikita haywariy.+
Amayá mana piyniyuqkunataqa qunqaruychu.+
13 ¿Imanasqataq mana allin runaqa Diosta mana kasunchu?
Payqa sunqunpim nikun: “Imanawanqataq Diosqa”, nispa.
ר [resh]
14 Chaywanpas Diosnilláy, qamqa qawankim ñakariqkunataqa.
Qawaspaykim yanapaykunki.+
Qanmanmi ñakariqkunaqa asuykamusunki.+
Mana taytayuqkunatapas qanmi yanapaykunki.+
ש [shin]
15 Diosnilláy, mana allin ruwaqkunapa makintayá pakiy,+
chaynapi mana allinkuna ruwasqanta
amaña qawanaykipaq.
16 Jehova Diosqa wiña-wiñaypaq kamachiqmi kanqa.+
Mana allin ruwaqkunaqa llapallankum chinkarunkuña.+
ת [taw]
17 Jehova Dioslláy, llampu sunquyuqkunatam qamqa uyariykunki.+
Paykunataqa kallpanchaspaykim mana saqinkichu.+
18 Qamqa mana taytayuqkunapaqwan ñakariqkunapaqmi allin kaqta ruwaykapunki.+
Chaynataqa ruwaykunki pipas manaña manchachinanpaqmi.+
Takiqkunata yachachiqpaq. Davidpa takisqan.
11 Ñuqaqa Jehova Diosllapim hapipakullarqani.+
Chaynaqa, imanasqamá niwachkankichik:
“¡Pichinkuchakuna hinayá urquman ayqikuy!
2 Qaway, mana allin runakunam
flechankuta hurquchkanku.
Llampu sunquyuqkunata flechanankupaqmi suyachkanku.
3 Allin ruwaykuna manaña kaptinqa,
¿imatataq ruwanman allin ruwaq runaqa?”, nispa.
4 Jehova Diosqa chuya wasinpim* kachkan.+
Jehova Diospa trononqa hanaq pachapim kachkan.+
Payqa llapallan runakunatam qawamuchkan.+
5 Jehova Diosqa qawamuchkanmi allin ruwaqtapas chaynataq mana allin ruwaqtapas.+
Payqa chiqninmi mana allin ruwayman qukuruqkunataqa.+
6 Mana allin ruwaqkunapa hawanmanmi mana allinkunata kachaykamunqa.
Paykunatam hapirunqa rupachkaq nina sansawan rupachkaq wayra.+
7 Jehova Diosqa allin kaqkunallata ruwaqmi,+ payqa allin ruwaqkunatam kuyan.+
Allin ruwaqkunaqa paypa chaskisqanmi kanqaku.+
Takiqkunata yachachiqpaq. Rakumanta* Davidpa takisqan.
12 Jehova Diosnilláy, qanman sunqu runaqa manañam kanñachu, chayraykuyá yanapaykullaway.
Tukuy sunqunkuwan yupaychasuqnikikunaqa manañam kanchu.
3 Jehova Diosqa chinkachinqam imatapas chaskinanraykulla hukkunata hatunchaqkunataqa.
Chinkachinqataqmi hatuntukuspa alabakuqkunatapas.+
4 Paykunaqa ninkuraqmi: “Siminchikwanmi kutipakusun.
Munasqanchikman hinam imatapas rimasun.
¿Pitaq ñuqanchiktaqa harkakuwachwan?”, nispanku.+
5 Jehova Diosmi nin:
“Ñakariqkunatawan wakchakunata qawarimuspaymi yanapaykusaq”, nispa.+
Nintaqmi: “Chiqniqnin runakunamantam
paykunataqa harkaykusaq”, nispa.
6 Jehova Diospa rimasqankunaqa mana pantayniyuqmi,+
hornopi qanchis kutikama chulluchisqa chuyay-chuyay qullqi hinam.
7 Jehova Dioslláy, qanmi harkaykunki.+
Kunanmanta wiñaykamam sapakamata waqaychaykunki.
8 Mana allin ruwaqkunaqa tukuy hinastinpim mana allinllata ruwachkanku,
chaynataqa ruwachkanku llapallan runakuna mana allinllataña ruwasqankuraykum.+
Takiqkunata yachachiqpaq. Davidpa takisqan.
13 Jehova Dioslláy, ¿haykapikamataq saqiruwanki? ¿Wiñaypaqchu qunqaruwanki?
¿Haykapikamataq qipancharuwanki?+
2 ¿Haykapikamataq hukmanyasqalla hinaspa llakisqalla kasaq?
¿Haykapikamataq sunqullaypas hukmanyasqa kanqa?
¿Haykapikamataq chiqniwaqniykunapas ñakarichiwanqa?+
3 Jehova Diosnilláy, uyariykullawayá.
Ama wañurunaypaqyá kallpata quykullaway.
4 Chaynapi chiqniwaqniypas “wichiykachinim” nispa ama niwananpaq.
Amayá saqiychu wichiykuptiy asikuwanankutaqa.+
5 Imaña kaptinpas kuyawasqaykimantaqa manapunim iskayrayanichu.+
Yanapaykuwaptikim sunqullaypas kusikunqa.+
6 Tukuy ima quwasqanmantam Jehova Diospaq takipusaq.+
Takiqkunata yachachiqpaq. Davidpa takisqan.
14 Mana yuyayniyuq runakunam sunqullankupi ninku:
“Jehova Diosqa manam kanchu”, nispanku.+
Paykunapa ruwasqankuqa mana allinllam. Paykunapa ruwasqankuqa millakuypaqmi.
Manam mayqanninkupas allintaqa ruwankuchu.+
2 Jehova Diosqa llapallan runakunatam hanaq pachamanta qawamuchkan.
Payqa allin yuyayniyuq runatam maskachkan.
Jehova Diosqa payta maskaqtam tariykuyta munachkan.+
3 Runakunaqa llapallankum Diosmanta karunchakurunku.+
Llapallankum mana allin ruwaqlla kanku.
Manam chullallapas
allin ruwaqqa kanchu.
4 Mana allin ruwaqkunaqa llapallankum mana yachayniyuq rikurirunku.
Tantata mikuchkaq hinam runaykunatapas mikuchkanku.
Jehova Diostaqa manam maskankuchu.
5 Ichaqa manchakuywanmi katkatatanqaku,+
katkatatanqakuqa allin ruwaqkunata Jehova Dios yanapasqanraykum.
6 Yaw mana allin ruwaqkuna,
ñakariqkunata sasachaptikichikpas Jehova Diosmi paykunataqa yanapaykunqa.+
7 ¡Sion muqumantayá hamuchun Israel runakunapa yanapaqninqa!+
Preso pusasqa runankunata Jehova Dios kaqmanta huñuptinqa
Jacobyá kusikuchun, Israelyá kusikuchun.
Davidpa takisqan.
15 Jehova Dioslláy, ¿pitaq carpaykipiqa samapakunman?
¿Pitaq yachanman* sapaqchasqayki muqupiqa?+
2 Yachanmanqa qampa munasqaykiman hina kawsakuqllam.+
3 Chayna runaqa manam pitapas yanqamantaqa tumpanchu.+
Runamasintapas manam ima mana allintapas ruwanchu.+
Manataqmi kuyasqan runakunatapas pinqaymanqa churanchu.+
4 Chayna runaqa mana allin ruwaqkunatam qipanchan.+
Jehova Diosta kasukuqkunatam ichaqa kuyan.
Mana allinninpaq kanan kaptinpas imapas nisqankunataqa ruwanmi.+
5 Qullqintapas qun mana mirayniyuqta kutichipunanpaqmi.+
Manataqmi imatapas chaskikunchu mana huchayuqkuna ñakarichisqa kanankupaqqa.+
Chayna runaqa haykapipas hawkam tarikunqa.+
Davidpa takisqan. Miktam*.
16 Diosnilláy, qamllapim hapipakullani, chayraykuyá amparaykullaway.+
2 Jehova Diostam nirqani: “Qanmi Jehova Diosqa kanki. Qamllam imapas allin kaqkunataqa quwanki.
3 Qamllata yupaychasuqniki runakunawanqa,
allin kawsakuq runakunawanqa sunqullaypas anchatam kusikun”, nispa.+
4 Taytacha-mamachata yupaychaqkunaqa llumpaytam ñakarinku.+
Taytacha-mamachakunapaqqa manapunim yawartaqa tallisaqchu.
Manataqmi sutinkutapas* rimayllapas-rimasaqchu.+
5 Jehova Diosqa tukuy imata quwaqniymi, payqa herenciay hinam,+ payqa vasoy hinam.+
Qanmi tukuy imaytapas waqaychanki.
6 Sumaq allpatam quykuwankupas,
chaywanmi ancha kusisqa kachkani.+
7 Yachachiwaqniy Jehova Diostam hatunchasaq.+
Tutankunapas yuyayniymi pantaypi kasqayta qawachiwan.+
8 Tukuy tiempom Jehova Diosqa hichpallaypi kachkan.+
Mana haykapipas hukmanyanaypaqmi payqa alliq* lawniypi kachkan.+
9 Chayraykum sunquypas kusisqallaña kachkan.
Hawkam kawsakunipas.
10 Wañusqakunapa kasqanpiqa* manamá saqiruwankichu.+
Tukuy sunquwan yupaychasuqnikitaqa manam pampakusqan uchkupiqa* saqirunkichu.+
11 Allinta kawsakunaypaqmi qamqa yachachiwanki.+
Qampa qayllaykipiqa ancha-ancha kusikuymi kachkan.+
Qampa alliqnikipiqa wiñaypaq kusikuymi kanqa.
Davidpa mañakusqan.
17 Jehova Dioslláy, yanapaykuwanaykipaq mañakamuptiyqa uyariykullawayá.
Yanapaykuwanaykipaq qayakamuptiyqa uyariykullawayá.
Sunqumanta mañakamusqaytayá uyariykamullaway.+
2 Ñuqapaq allinta tantiaspaykiyá yanapaykullaway.+
Qamqa allin ruwasqaykunatayá qaway.
3 Qamqa sunquytam allinta riqsinki.
Tutanmi sunquypa imayna kasqanta qawanki.+
Qamqa mayllaykuwankim.+
Ima mana allintapas manam tariwankichu.
Ima mana allintapas manam rimarqanichu.
4 Kamachikuynikikunata kasukusqayraykum
suwa runakunapa ruwasqantaqa mana ruwallanichu.+
5 Ñannikipiyá hinalla takyachillaway,
chaynapi mana wichiykunaypaq.+
6 Dioslláy, uyariwaqniy kasqaykiraykum qamllata qayakamullayki.+
Dioslláy, kumuykamuspayá rimasqayta uyariykullaway.+
7 Haykapipas kuyakuq kasqaykitayá qawaykachillaway.+
Diosnilláy, qamqa yanapaykunkim maskasuqniki runakunataqa.
Paykunataqa mana allin runamantam harkaykunki.
8 Ñawi ruruykita hinayá waqaychaykullaway.+
Rapraykipa ukunpiyá pakaykullaway.+
9 Mana allin ruwawaqniymantayá harkaykullaway.
Wañurachiyta munawaqniymantayá harkaykullaway.+
10 Mana llakipayakuqkunam paykunaqa kanku.
Hatuntukuspankum imatapas rimanku.
11 Chiqniwaqniykunaqa muyuriruwankum.+
Hapiruwanankupaqmi tantianakuchkanku.
12 Yarqasqa leon hinam tisaparuwanankupaq suyawachkanku.
Leon hinaraqmi pakakuykuspa suyawanku.
13 Jehova Diosnilláy, hatariykuyá, chaynapi mana allin ruwaqta wañuchinaykipaq.+
Espadaykiwanyá paymanta harkaykullaway.
14 Jehova Diosnilláy, mana allin runakunamantayá harkaykullaway.
Paykunaqa imayna kawsasqallankuwanmi hawka tarikunku.+
Paykunatam allin kaqkunawanraq saksaykachinki.+
Paykunaqa allin kaqkunatam mirayninkumanpas saqinku.
15 Ñuqaqa allin ruwaq kasqayraykum qamta qawaykullasqayki.
Qampa qayllaykipi rikcharispaymi kusikullani.+
Takiqkunata yachachiqpaq. Jehova Diosta yupaychaq Davidpa takisqan, paymi Jehova Diospaq kayta takirqa Saulmantawan wakin chiqniqninkunamanta libraykuptin. Jehova Diospaq takispanmi nirqa:+
18 “Jehova Diosnilláy, ancha-anchatam kuyayki. Qamqa kallpa quwaqniymi kanki.+
2 Jehova Diosniyqa harkaykuwaqniy qaqa hinam, pakakuna wasi hinam hinaspa libraykuwaqniymi.+
Diosniyqa pakakunay hatun rumi hinam,+
harkachikunaymi, atiyninwan yanapaykuwaqniymi, payqa pakaykuwaqniymi.+
3 Ñuqaqa hatunchana Jehova Diostam qayakullani,
payqa chiqniwaqniykunamantam libraykuwanqa.+
4 Wañuymi waska hina muyuriruwarqa.+
Mana allin runakunam qunqayta lluqlla hamuchkaq hina mancharichiwarqa.+
6 Sasachakuypi tarikuspaymi Jehova Diosta qayakullarqani,
Diosniytam hinalla qayakurqani.
7 Chaymi allpaqa kuyuyta hinaspa katkatatayta qallaykurqa,+
urqukunapa cimientonmi kuyurirqa,
kuyurirqaqa pay piñakuptinmi.+
8 Paypa sinqanmantam qusni lluqsimurqa,
siminmantañataqmi linwachkaq nina lluqsimurqa.+
Rawrachkaq nina sansam paymanta lluqsimurqa.
9 Pay hamuchkaptinmi cielokunapas waqtanpaykuq hinaraq karqa,+
chakinpim yanay-yanay puyukuna karqa.+
10 Angelpi* sillakuykuspam pawamurqa.+
Angelpa rapranpim utqayman uraykamurqa.+
11 Hinaspanmi rikuriykachirqa pakakunapaq hina
yanay-yanay tutayayta
chaynataq yanay-yanay puyutapas.+
12 Kancharichkaq qayllanmantam lluqsimurqa
runtu parawan rawrachkaq nina sansa.
13 Cielomantam Jehova Diosqa rayokunata tuqyachimurqa.+
Hanaq pachamanta taytanchik qaparimuptinmi
runtu parawan nina sansa wichimurqa.+
15 Jehova Diospa qaqchakuyninwanmi,
sinqanmanta lluqsimuq samayninwanmi mayukunapa ukunkunapas rikukurqaraq.+
Rikukurqataqmi allpa pachapa cimientonkunapas.+
16 Diosmi altomanta makinta haywarimuwarqa,
hapiykuwaspanmi uku-uku yakumanta hurquykuwarqa.+
17 Kallpasapa chiqniqniymantam libraykuwarqa,+
ñuqamantapas aswan kallpasapa chiqniwaqniy runakunamantam libraykuwarqa.+
18 Paykunaqa ñakarisqay punchawpim pawaykamuwarqa,+
ichaqa Jehova Diosmi yanapaykuwarqa.
19 Sasachakuymantam hurquykuwarqa,
hurquykuwarqaqa sunqunta kusichisqayraykum.+
20 Allin ruwasqayman hinam Jehova Diosqa kutichipuwan,+
makiykunapa allin ruwasqanman hinam kutichipuwan.+
21 Ñuqaqa Jehova Diospa kamachikuyninkunatam kasukuni,
manam Diostaqa qipanchanichu.
22 Kamachikuyninkunatapas manam qunqanichu,
kamachikuyninkunataqa kasukusaqmi.
24 Allin ruwasqayman hinayá Jehova Diosqa kutichipuwachun,+
paypa qayllanpi makiykunapa allin ruwasqanman hinayá kutichipuwachun.+
25 Diosnilláy, mana saqisuqnikikunataqa manam saqinkichu,+
allin ruwaqkunawanqa allin ruwaqmi kanki.+
26 Chuya runakunawanqa chuyam kanki.+
Llullakunaqa manam pantachisunkimanchu.+
28 Jehova Diosnilláy, achkiwaqniymi kanki.
Diosniyqa tutayaypipas achkiwaqniymi.+
29 Yanapakuynikiwanqa achkallaña suwakunamanpas pawaykuymanmi.+
Diospa yanapakuyninwanqa hatun pirqatapas qispiruymanmi.+
Lliw asuykuqninkunataqa payqa harkaykunmi.+
31 Jehova Diosmanta sapaq Diosqa manam kanchu.+
Hatun rumi hina waqaychakuq Diosninchik hinaqa manam hukqa kanchu.+
32 Diosqa kallpata quwaqniymi.+
Payqa purinay ñantam kichanqa.+
33 Chakiytapas luwichupata hinaraqmi kallpachin,
qatakunapipas allintam sayachiwan.+
34 Makiykunatam yachachin peleanaypaq,
broncemanta flechatapas wiñarichinaypaqmi yanapawan.
Humilde kasqaykim hatunchawan.+
36 Purisqay ñankunatam astawanraq kicharinki,
chakiykunaqa manam lluchkanqachu.+
37 Chiqniwaqniykunataqa haypanaykamam qatisaq,
wañuchinaykamam mana kutimusaqchu.
38 Mana hatarinankupaqmi saruparusaq,+
paykunaqa chakiymanmi wichinqaku.
39 Qanmi kallpanchawanki peleaq rinaypaq,
chiqniwaqniykunatam ñawpaqniyman wichichinki.+
40 Yanapaykuwaptikim chiqniwaqniykuna qayllaymanta ayqikunqaku,
chiqniwaqniykunataqa chinkachisaqmi.+
41 Paykunam yanapakuyta mañakunku, ichaqa manam pipas yanapaykunchu,
Jehova Diosta qayakuptinkupas manam uyarinchu.
42 Paykunataqa wayrapa apanan ñutu allpata hinam ñuturusaq,
callekunapi mituta hinam hawaman wischurusaq.
43 Llaqtamasiykunapa mana allinkuna niwasqanmantam libraykuwanki.+
44 Rimariykuptillaymi kasuwanqaku.
Huklaw nacionniyuq runakunam manchakuymanta ñawpaqniypi qunqurakunqaku.+
45 Huklaw nacionniyuqkunaqa hukmanyarunqakum,
pakakusqankumantam katkatatastin hamunqaku.
46 ¡Jehova Diosyá kawsachun! ¡Pakakunay hatun rumi hina Diosniyyá alabasqa kachun!+
¡Hatunchasqayá kachun salvaykuwaqniy Diosqa!+
47 Diosmi chiqniwaqniykunata mana allinwan kutichin,+
llaqtakunata munaychakunaypaqmi churaykuwan.
48 Chiqniwaqniykunamantam harkaykuwan.
Wañuchiy munawaqniykunapa hawanpiraqmi churaykuwanki,+
mana allin runamantam libraykuwanki.
49 Chayraykum Jehova Dioslláy, nacionkunapipas qamta hatunchasqayki.+
Takikunawanmi* sutillaykita hatunchasaq.+
50 Churasqan kamachiqta yanapananpaqmi Diosqa tukuyta ruwan,+
akllasqan runatam payqa imaña kaptinpas kuyan,+
Davidtawan mirayninkunatam wiñaypaq kuyan”, nispa.+
Takiqkunata yachachiqpaq. Davidpa takisqan.
19 Hanaq pachapi tukuy ima kaqkunam Diospa atiyninmanta willawanchik.+
Cielopi tukuy ima kaqkunam Diospa ruwasqankunata qawachiwanchik.+
2 Sapa punchawmi hatunchanku.
Sapa tutam yachayniyuq kasqanta qawachinku.
3 Manam imatapas ninchu,
manam rimasqanpas uyarikunchu.
4 Chaywanpas qaparisqanmi enteron allpa pachapi uyarikurun,
chay willakusqanqa uyarikurun kay allpa pachapa cantonkamaraqmi.+
Diosmi intipa carpanta hanaq pachapi ruwarqa.
5 Intiñataqmi puñunanmanta lluqsimuchkaq novio hinaraq lluqsimun,
kallpasapa qari hinaraqmi kusisqallaña lluqsimun.
6 Hanaq pachapa cantonmanta lluqsimuspanmi
huknin cantonta kutiykun,+
rupayninmantaqa manam imapas pakakuyta atinchu.
7 Jehova Diospa kamachikuyninkunaqa mana pantayniyuqmi,+ pitapas kallpanchaqmi.+
Jehova Diospa yuyarichikuyninkunaqa mana iskayrayanapaqmi,+ mana yachayniyuqmanmi yachayta qun.+
8 Jehova Diospa kamachikuyninkunaqa suma-sumaqmi, pipa sunquntapas kusiykachiqmi.+
Jehova Diospa kamachikuyninkunaqa chuyam, pitapas kusichiqmi.+
9 Jehova Diosta manchakuyqa*+ mayna allinmi, chayqa wiña-wiñaypaqmi.
Jehova Diospa tantiasqankunaqa allinpunim, mana pantayniyuqmi.+
10 Qurimantapas aswan munayraqmi,
chuya qurimantapas aswan sumaqraqmi.+
Panalmanta suturimuq mielmantapas aswan miskiraqmi.+
12 ¿Pitaq yachanman pantarusqanta?+
Mana yachastin pantasqaykunata pampachaykullaway.
13 Hatuntukuspa imatapas ruwarunaymantayá harkaykullaway.+
Chaykuna kanantaqa amayá munaychu.+
Hinaptinqa tukuy sunquywanmi yupaychallasqayki,+
hinaspapas pinqakuypaq kaqkunataqa manam ruwallasaqchu.
14 Pakakunay hatun rumi hina Jehova Dioslláy,+ libraykuwaqniy Dioslláy,+
rimasqaykunapas chaynataq yuyaymanasqaykunapas munasqaykiman hinayá kachun.+
Takiqkunata yachachiqpaq. Davidpa takisqan.
20 Jehova Diosyá llakisqa kaptikiqa uyariykusunki.
Jacobpa Diosninyá* imamantapas harkaykusunki.+
2 Chuya wasinmantayá yanapaykusunki.+
Sion muqumantayá kallpanchaykusunki.+
3 Ofrendakuna qusqaykitaqa amayá qunqachunchu.
Ofrendakuna kañapusqaykitaqa kusikuywanyá chaskiykusunki. (Samarinapaq).
4 Sunquykipa imapas munasqantam qusunki.+
Paymi yanapasunki imapas tantiasqaykikuna allin kananpaq.
5 Waqaychaykuwasqaykikumantam kusikuywan qaparisaqku.+
Diosninchikpa sutinpim señalta huqarisunchik.+
Jehova Diosyá tukuy ima mañakusqaykita qusunki.
6 Kunanqa allintam yachani Jehova Diosqa akllasqan runata allinta harkaykusqanta.+
7 Wakinkuqa carretayuq kaspankum, peleanapaq caballoyuq kaspankum mana manchakunkuchu.+
Ñuqanchikmi ichaqa Jehova Diosllata sutinmanta qayakunchik.+
8 Paykunaqa hukmanyaruspam wichiykunku.
Ñuqanchiktam ichaqa sayarinanchikpaq yanapaykuwanchik.+
9 Jehova Diosllayku, kamachiqtayá yanapaykuy.+
Mañakusqaykutayá uyariykullawayku.+
Takiqkunata yachachiqpaq. Davidpa takisqan.
21 Jehova Diosnilláy, qam kallpata quptikim kamachiqqa kusisqa tarikun.+
Qam libraykuptikim ancha kusisqa tarikun.+
2 Sunqunpa munasqantam quykunki.+
Imam mañakusqantam quykunki. (Samarinapaq).
3 Qamqa taripaykuspaykim anchata bendeciykunki.
Umanmanpas qurimanta coronatam churaykunki.+
4 Kawsakuyta mañakusuptikim qamqa quykurqanki.+
Quykurqankiqa wiña-wiñaypaq kawsakuytam.
5 Harkaykuptikim payqa hatunchasqa kachkan.+
Paytaqa ancha riqsisqatam hinaspa ancha hatunchasqatam ruwaykunki.
6 Qamqa wiñaypaqmi bendeciykunki.+
Payqa qanwan kaspanmi ancha-anchata kusikun.+
7 Kamachiqqa Jehova Diospim hapipakun.+
Hanaq pachapi Diosninchik kuyasqanraykum* paytaqa mana imapas hukmanyachinqachu.+
8 Chiqnisuqnikikunatam makikiwan haypanki.
Alliq* makikiwanmá paykunataqa haypanki.
9 Tantiasqayki punchawpim paykunataqa rupachkaq hornoman wischuykuchkaq hina chinkachinki.
Piñakuyninpim Jehova Diosqa paykunata chinkarachinqa. Rupachkaq ninamá qalaypaqta chinkachinqa.+
10 Mirayninkunatapas kay allpa pachamantam qalaypaqta chinkachinki.
Runakunapa kasqanmantamá paykunataqa chinkachinki.
11 Chaynataqa ruwanki contraykipi mana allin ruwayta munasqankuraykum.+
Paykunapa tantiasqankuqa yanqapaqmi kanqa.+
12 Flechaykita qawaykachiptikim
lluptikunqaku.+
13 Atiyniyuq Jehova Diosnilláy, hatariyá.
Atiyniyuq kasqaykimantam takipusqaykiku.
Takiqkunata yachachiqpaq. “Achikyaq luwichu” sutiyuq takiman hina Davidpa takisqan.
22 Diosnilláy, Diosnilláy, ¿imanasqataq saqirullawanki?+
¿Imanasqataq mana waqaychaykullawankichu?
¿Imanasqataq qayakusqaytapas mana uyariykullawankichu?+
2 Diosnilláy, tuta-punchawmi qayakamullayki.
Ichaqa manam uyariwankichu.+
3 Qamqa chuya Diosmi kanki.+
Israelpa hatunchasqanmi kanki.
4 Taytaykuqa qampim hapipakurqa.+
Qampi hapipakusqankuraykum yanapaykurqanki.+
5 Qamta qayakamusuptikim harkaykurqanki.
Qampi hapipakuspankuqa manam pinqaypichu karqaku.+
6 Ñuqaqa uruchallam kani, manam runachu.
Ñuqataqa runakunam pinqayman churawanku.
Llaqtapi runakunapa chiqnisqanmi kallani.+
7 Lliw qawawaqniykunam ñuqamanta asikunku.+
Umankutapas aywisparaqmi ñuqamanta asikunku:+
8 “Jehova Diospim hapipakurqa, chaynaqa payyá harkaykuchun.
Anchata kuyaspanqa payyá yanapachun”, nispanku.+
9 Qanmi mamaypa wiksanmanta hurquykuwarqanki.+
Qanmi mamaypa marqayninpi hawkallata uywakuwarqanki.
10 Llullu wawachallaraq kasqaymantapacham qamqa uywakuwarqanki.
Mamaypa wiksanpi kasqaymantaraqmi qamqa Diosniy kanki.
11 Sasachakuykunam hamuchkan, amayá ñuqamantaqa karunchakuychu.+
Manam pipas yanapaykuwaqniyqa kanchu.+
12 Chiqniwaqniykunam piña toro hinaraq muyuriruwan.+
Basan lawpi kallpasapa torokuna hinaraqmi chawpicharuwan.+
13 Siminkutapas ñuqapa contraypim hatuntaraq kicharunku,+
qaparispan aychaman pawaykuq leon hinaraqmi kachkanku.+
14 Tallisqa yaku hinam kallachkani.
Llapallan tulluykunam muqasqa kachkan.
15 Kallpallaypas allpa manka hinam chakirun.+
Qallullaypas kiru waraymanmi laqakurun.+
Qanmi wañuqkunapa kasqanman uraykachiwanki.+
16 Chiqniwaqniykunam allqukuna hinaraq chawpicharuwan.+
Suwakuna hinaraqmi chawpicharuwan.+
Leon hinaraqmi chakiykunamanwan makiykunaman pawaykamuwan.+
17 Tulluykunapas hina kaqllam kachkan.+
Chiqniwaqniykunam qawarayawan.
18 Pachaykunatam rakinakurunku.
Pachayta rakinakunankupaqpas sorteankuraqmi.+
19 Jehova Diosnilláy, amayá karullamantaqa qawamuwaychu.+
Qamqa kanki kallpa quwaqniymi.
Utqaymanyá hamuy yanapaykuwanaykipaq.+
20 Wañuchiwanankumantayá harkaykullaway.
Allqu hina chiqniwaqniykunapa makinmantayá libraykullaway.+
21 Leonpa siminmantayá harkaykullaway.+
Piña torokunamantayá harkaykullaway.
Uyariykuwaspaykiyá yanapaykullaway.
22 Wawqiykunamanmi sutillaykita riqsichisaq.+
Yupaychaqnikikunapa qayllanpim hatunchallasqayki.+
23 Jehova Diosta kasukuqkuna, ¡paytayá hatunchaychik!
Jacobpa llapallan mirayninkuna, ¡paytayá hatunchaychik!+
Israelpa llapallan mirayninkuna, ¡payllatayá yupaychaychik!
24 Payqa manam qunqarurqachu ñakarichisqa kaqkunataqa.+
Manamá qipancharurqachu.+
Ñakariqpa qayakusqantam uyariykurqa.+
25 Yupaychasuqnikikunapa chawpinpim hatunchallasqayki.+
Hatunchasuqnikikunapa qayllanpim imapas ruwanaypaq nisqayta ruwallasaq.
26 Llampu sunqukunaqa saksanankukamam mikunqaku.+
Jehova Diosta maskaqkunaqa paytam hatunchanqaku.+
Wiña-wiñaypaqyá kawsakuychik.
27 Tukuy hinastinpi kaqkunam Jehova Diosta yuyarispanku payman kutirikunqaku.
Llapallan runakunamá qayllaykipi qunqurakunqaku.+
28 Jehova Diosmi tukuy ima kamachiqqa.+
Paymi llapallan runakunata kamachin.
29 Llapallan apukunam mikuspanku qunqurakunqaku.
Allpaman llapallan kutiykuqkunam qayllanpi qunqurakunqaku.
Manam mayqanninkupas wiñaypaq kawsaytaqa atinkuchu.
30 Paykunapa mirayninkunam yupaychanqaku.
Hamuq miraykunamanmi Jehova Diosmanta willanqaku.
31 Chayamuspankum allin ruwasqanmanta willakunqaku.
Paypa ima ruwasqanmantam qipa wiñaykunaman willakunqaku.
Davidpa takisqan.
2 Sumaqllaña ikllirimuq* pastokunapim samaykachillawan.
Achkallaña yakupa kasqanman* pusawaspanmi samaykachillawan.+
Sutinraykum allin ñanninta pusallawan.+
Qanmi ñuqawan kachkanki.+
Tawnaykiwanmi kallpanchaykuwanki.+
5 Chiqniwaqniykunapa qayllanpim mikunayta churaykapuwanki.+
Aceitewanmi umallaymanpas talliykullawanki.+
Vasoymi huntay-huntay kachkan.+
6 Qamqa wañukunay punchawkama kuyawaspam* llakipayawanki.+
Wañukunay punchawkamam Jehova Diospa wasinpi yachasaq*.+
Davidpa takisqan.
24 Jehova Diospam kay allpa pachawan chaypi tukuy ima kaqkunapas.+
Paypam tukuy imapa qispinan allpawan chaypi llapallan yachaqkunapas*.
2 Paymi lamar quchapa hawanpi sumaqta takyachirqa.+
Mayukunapa hawanpim allinta takyachirqa.
3 ¿Pitaq Jehova Diospa urqunmanqa qispinman?+
¿Pitaq paypa chuya wasinpiqa kanman?
4 Mana imapipas huchallikuqmi, allin sunquyuqmi.+
Sutiypi mana llullakuqmi.
Pantachinanpaq sutiypi mana rimaqmi.+
5 Chayna runataqa Jehova Diosmi bendeciykunqa.+
Waqaychaqnin Diosmi paytaqa mana huchayuqpaqña hapinqa.+
6 Diosta maskaq miraykunaqa chaynam kanqaku.
Jacobpa yupaychasqan Diosnilláy, chaynam kanqaku qamta maskasuqnikikunaqa. (Samarinapaq).
7 Punkukuna, ¡kicharikuychikyá!+
Ñawpaq punkukuna, ¡kicharikuychikyá!
Ancha respetasqa kamachiq yaykumunanpaqyá kicharikuychik.+
8 ¿Pitaq atiyniyuq kamachiqqa?
Kallpasapa Diosmi, atiyniyuq Jehova Diosmi.+
Peleaypipas tukuy atiyniyuq Jehova Diosmi.+
9 Punkukuna, ¡kicharikuychikyá!+
Ñawpaq punkukuna, ¡kicharikuychikyá!
Ancha respetasqa kamachiq yaykumunanpaqyá kicharikuychik.
10 ¿Pitaq payqa? ¿Pitaq atiyniyuq kamachiqqa?
Angelkunata kamachiq Jehova Diosmi. Payllamá atiyniyuq kamachiqqa.+ (Samarinapaq).
Davidpa takisqan.
א [alef]
25 Jehova Dioslláy, qanmanmi asuykamullayki.
ב [bet]
2 Diosnilláy, qamllapim hapipakullani.+
Amayá pinqaypi kanaytaqa munaychu.+
Amayá chiqniwaqniykunaqa asikuwachunkuchu.+
ג [guimel]
3 Qampi hapipakuqkunaqa manam pinqaypichu kanqaku.+
Qipanchasuqnikikunam ichaqa pinqaypi kanqaku.+
ד [dalet]
4 Jehova Diosnilláy, ñannikitayá riqsiykachillaway.+
Maynin purinaytayá qawaykachillaway.+
ה [he]
5 Qamqa waqaychawaqniy Diosniymi kanki,
chayraykuyá imam kaqta yachaykachillaway.+
ו [waw]
Tukuy punchawmi qamllapi yuyaymanallani.
ז [zayin]
6 Jehova Dioslláy, llakipayakuq kasqaykitawan imaña kaptinpas kuyakuq kasqaykitaqa amayá qunqaruychu.+
Chayna kasqaykitam haykapipas qawachirqanki.+
ח [jet]
7 Amayá yuyariychu musullaraq kaspay pantasqaykunataqa.
Imaña kaptinpas kuyakuq kasqaykiraykuyá yuyarillaway.+
Jehova Dioslláy, qukuykuq kasqaykiraykuyá yuyarillaway.+
ט [tet]
8 Jehova Diosqa allin Diosmi hinaspa allin ruwaqmi.+
Chayraykum huchallikuqkunatapas yachachin sumaqta kawsakunankupaq.+
י [yod]
9 Paymi llampu sunquyuqkunaman allin kaqta yachachinqa.+
Llampu sunquyuqkunamanmi sumaqta kawsakunankupaq yachachinqa.+
כ [kaf]
10 Jehova Diospa ñanninkunam qawachin imaña kaptinpas kuyakuq kasqantawan hapipakunapaq hina kasqanta.
Paykunawan contrato* ruwaqkunamanmi chaynataq kamachikuyninkunata kasukuqkunamanmi chayna kasqanta qawachin.+
ל [lamed]
11 Sutikiraykuyá Jehova Dioslláy,+
huchay maynaña kaptinpas pampachaykullaway.
מ [mem]
12 ¿Pitaq Jehova Diosta manchakuq runaqa?+
Diosmi maynin rinanta qawachinqa.+
נ [nun]
13 Chayna runaqa allin kaqkunatam chaskinqa.+
Mirayninkunapas kay allpa pachatam chaskinqa.+
ס [samekh]
14 Jehova Diosta manchakuqkunam paypa ancha kuyasqan kanqaku.+
Paykunamanmi contrato ruwasqanmanta riqsichinqa.+
ע [ayin]
15 Ñuqaqa Jehova Diosllatam mañakuni yanapaykuwananpaq.+
Payqa chakiykunatam tuqllamanta harkaykunqa.+
פ [pe]
16 Qawariykamuwaspaykiyá llakipayariykullaway.
Sapallaymi mana pipa yanapasqan kallachkani.
צ [sade]
17 Sunqullaymi llakipa intusqan kachkan,+
kay llakiymantayá hurquykullaway.
ר [resh]
18 Ñakarisqaytawan llakipi tarikusqaytayá qawarimullaway.+
Huchaykunatayá pampachaykullaway.+
19 Qawarimuytaqyá achkallaña chiqniwaqniykunatapas,
paykunaqa pasaypaqtam chiqniruwanku.
ש [shin]
20 Wañuymantayá harkaykullaway.+
Qamllapim hapipakullani.
Chayraykuyá pinqaypi kanaytaqa ama munaychu.
ת [taw]
21 Munasqaykiman hina kawsasqayraykum chaynataq allin kaqkunata ruwasqayraykum harkasqa kasaq.+
Qamllapimá hapipakullani.+
22 Dioslláy, Israel runakunatayá sasachakuyninmanta hurquykuy.
Davidpa takisqan.
26 Jehova Dioslláy, qampa munasqaykiman hinam kawsakullarqani, amayá mana allin runata hinaqa qawallawaychu.+
Mana iskayrayaspaymi Jehova Diosllapi hapipakullani.+
2 Jehova Dioslláy, allinta qawawaspaykiyá imayna kawsakusqayta yachaykuy,
sunquymantawan umaymantayá imapas mana allin kaqkunata chinkachiy.+
3 Imaña kaptinpas kuyallawasqaykitaqa manam haykapipas qunqasaqchu,
munasqaykiman hinam kawsakullachkani.+
5 Manam hukllawakunichu mana allin runakunawanqa.+
Manam munanichu mana allin ruwaqkunawan kuska kaytaqa.+
6 Jehova Dioslláy, manam ñuqaqa ima mana allintapas ruwarqanichu,
chaymi altarpa* muyuriqninpi kallasaq.
7 Chaynapim qamta agradecekusqayta uyarinqaku.+
Sumaqllaña imapas ruwasqaykimantam willakusaq.
8 Jehova Dioslláy yachanayki* wasitaqa anchatam kuyallani,+
chay wasiqa atiynikiwan huntasqam kachkan.+
9 Amayá huchasapakunawanqa kuskanchawaychu,+
amataqyá runa wañuchiqkunatawan kuskataqa chinkarachiwaychu.
10 Paykunaqa millakuypaq kaqkunallatam ruwanku,
imatapas chaskikusqankuraykum pimanpas sayapakunku.
11 Ñuqam ichaqa munasqaykiman hina kawsakullasaq.
Mana allinmanta harkaykuwaspaykiyá chaskiykullaway.
Davidpa takisqan.
Jehova Diosmi harkawaqniyqa,+
¿pitataq manchakuyman?
3 Achkallaña tropakuna chawpicharuwaptinpas
manapunim manchakusaqchu,+
ñuqawan peleanankupaq hamuptinkupas
Diosllapim hapipakullasaq.
4 Jehova Diostam mañakurqani,
chaytam ñuqaqa maskallasaq.
Mañakurqaniqa wañukunaykama Jehova Diospa wasinpi kawsakuytam,+
chaynapi Jehova Diospa ancha-ancha kuyakuq kasqanta yachanaypaq,
Hatun rumipa hawanmanmi churaykullawanqa.+
6 Kunanqa llapallan chiqniwaqniykunapa hawanpim kachkani.
Ñuqaqa kusikuymantam Diosniypaq carpanpi kañapusaq.
Jehova Diospaqmá takipullasaq*.
7 Jehova Dioslláy, yanapaykuwanaykipaq qayakamusqaytayá uyariykullaway.+
Uyariykuwaspaykiyá llakipayariykullaway.+
8 Sunqullaypim yuyarini:
“Ñuqatayá maskawaychik”, nisqaykita.
Chaymi Jehova Diosnilláy qamllata maskallasqayki.+
9 Amayá ñuqamantaqa pakakuwaychu.+
Amayá piñakuynikipiqa qipancharuwaychu,
qanmi yanapawaqniyqa kanki.+
Amayá saqillawaychu, amayá qunqallawaychu.
Diosnilláy, waqaychaykuwaqniymi qamqa kanki.
10 Tayta-mamayña saqirullawaptinpas+
Jehova Diosmi ñuqataqa uywakullawanqa.+
11 Jehova Dioslláy, ñannikitayá riqsiykachillaway.+
Achkallañam chiqniwaqniykunaqa, chayraykuyá allin ñanninta pusarikullaway.
12 Amayá chiqniwaqniykunapa makinmanqa churaykuwaychu.+
Ñuqamantam yanqakunata rimanku,+
wañurachiwaytam munanku.
13 Jehova Dioslláy, maypiraq kachkayman karqa qamllapi mana hapipakuspayqa,
imaynaraq kachkayman karqa kuyakuywan yanapaykuwanaykimanta iskayrayaspayqa.+
14 Amayá manchakuychu nitaq hukmanyaychu.+
Jehova Diosllapiyá hapipakuy.+
Arí, Jehova Diosllapiyá hapipakuy.
Davidpa takisqan.
28 Harkaykuwaqniy hatun rumi hina Jehova Dioslláy,
qamtam sapa kuti qayakamullayki.+
Qayakamullaptiyqa amayá mana uyariqtukuychu,
mana uyariykullawaptikiqa wañusqakuna hinam tarikullasaq.+
2 Yanapaykuwanaykipaq qaparispa mañakullasqaytayá uyariykullaway.
Wasikipa uku lawninman makillayta haywarispay mañakullasqaytayá uyariykullaway.+
3 Amayá mana allin ruwaq runakunatawan kuskataqa wischurullawaychu.+
Paykunaqa runamasinkupaq allin kaqta munaspankupas sunqunkupiqa mana allinllatam munanku.+
4 Paykunamanqa
imam ruwasqankuman hinayá qupuy,+
mana allin ruwasqankuman hinayá kutichipuy,
imam chaskinankutayá quykapuy.+
5 Paykunaqa manamá Jehova Diospa ruwasqankunataqa qawarinkuchu,+
unanchasqankunatapas manamá qawarinkuchu,+
chayraykum paykunata tuñirachispanqa manaña hatarichinqachu.
6 Jehova Diosyá hatunchasqa kachun,
yanapaykuwananpaq mañakusqaytam uyariykullawarqa.
7 Jehova Diosmi kallpa qullawaqniyqa,+ paymi harkachikunayqa.+
Payllapim tukuy sunquywan hapipakullani.+
Pay yanapaykuwaptinmi sunquypi ancha kusisqa tarikullani,
chayraykum takipuspay hatunchallasaq.
8 Jehova Diosmi runankunataqa kallpanchan.
Payqa pakakuna hatun wasi hinam. Payqa akllakusqan runataqa waqaychanmi.+
9 Diosnilláy, runaykikunatayá waqaychaykuy, runaykikunatayá bendeciykuy.+
Paykunataqa michiq hinayá marqaynikipi wiñaypaq waqaychaykuy.+
Davidpa takisqan.
29 Kallpasapakunapa churinkuna, Jehova Diostayá hatunchaychik.
Ancha riqsisqa atiyniyuq kasqanmantayá Jehova Diosta hatunchaychik.+
2 Jehova Diospa sutintayá hatunchaychik.
Yupaychanapaq pachakunawan churakuspayá Jehova Diosta yupaychaychik.
3 Jehova Diospa rimasqanmi yakupa hawanpi uyarikun,
Diosmi rayo hinaraq tunrururumun.+
Jehova Diosqa achkallaña yakupa hawanpim kachkan.+
4 Jehova Diospa rimasqanqa atiyniyuqmi.+
Jehova Diospa rimasqanqa suma-sumaqmi.
5 Jehova Diospa rimarisqanqa cedro sachakunatapas chitqanraqmi.
Arí, Jehova Diospa rimasqanwanmi Libano lawpi cedro sachakunapas chitqakunraq.+
6 Libano lawpi urqukunatam vacapa uñanta hinaraq pawaykachachin.
Sirion*+ urqutam piña torota hinaraq pawaykachachin.
7 Jehova Dios rimaptinqa linwachkaq ninam lluqsimun.+
8 Jehova Diospa rimasqanwanmi chunniqkunapas katkatatan.+
Jehova Diosmi Cades lawpi+ chunniqtapas katkatatachin.
9 Jehova Dios rimaptinqa manchakuymantam luwichukunapas sullurun,
Chayraykum Diospa wasinpi* kaqkuna llapallanku ninku: “Hatunchasqayá kachun”, nispa.
10 Jehova Diosqa hanaq pachapi kaq yakupa hawanpim trononpi tiyachkan.+
Kamachiq Jehova Diosqa trononpim wiña-wiñaypaq tiyanqa.+
11 Jehova Diosqa runankunatam kallpanchanqa.+
Jehova Diosqa runankunatam bendecinqa hawka kawsakunankupaq.+
Davidpa takisqan. Wasi qispiruptin takinapaq.
30 Jehova Dioslláy, qanmi hatariykachiwarqanki, chayraykum hatunchallayki.
Manam saqirqankichu chiqniwaqniykuna asikuwanankutaqa.+
2 Jehova Dioslláy, yanapaykuwanaykipaqmi qayakamullarqayki. Hinaptinmi allinyaykachillawanki.+
3 Jehova Dioslláy, wañusqakunapa kasqanmantam* kawsariykachillawarqanki.+
Wañunaymantam harkaykullawarqanki.+
4 Jehova Diosman sunqu kaqkuna, paypaqyá takipuychik.+
Chuya sutinraykuyá hatunchaychik.+
5 Payqa manam unaypaqchu piñakun.+
Paypa kuyakuyninqa wiñaypaqmi.+
Tutaykuqta waqaspapas achikyaqtaqa kusisqallañam kasun.+
6 Hawkaraq kawsakuspaymi nirqani:
“Manam imapas hukmanyachiwanqachu”, nispay.
7 Jehova Dioslláy, qampa chaskisqayki kallaspayqa hatun urqu hinam kallarqani.+
Qipancharuwaptikim ichaqa manchakuyllawanña kallarqani.+
8 Jehova Dioslláy, sapa kutim qayakamullarqayki.+
Jehova Diosllaytam sapa kuti qayakullarqani llakipayariykullawananpaq.
9 ¿Imatataq pipas chaskinman wañuruptiyqa?+
¿Yaqachu allpaqa hatunchasunkiman?+ ¿Yaqachu allpaqa allin ruwaq kasqaykimanta willakunman?+
10 Jehova Dioslláy, uyariykullawaspaykiyá llakipayariykullaway.+
Jehova Dioslláy, qamyá yanapaykullaway.+
11 Llakisqa kachkaptiymi kusiykachillawanki.
Qachqa pachayta hurquykuwaspaykim sumaq pachawanña pachaykachillawanki.
12 Chaytaqa ruwarqanki mana samaykuspay qampaq takipullanaypaqmi.
Jehova Dioslláy, wiña-wiñaypaqmi hatunchallasqayki.
Takiqkunata yachachiqpaq. Davidpa takisqan.
31 Jehova Dioslláy, qampim hapipakullani.+
Amayá haykapipas pinqaypiqa kallasaqchu.+
Allin ruwaq kasqaykiraykuyá waqaychaykullaway.+
2 Kumuykamuspayá rimapayasqayta uyariykullaway.
Utqayman hamuspaykiyá mana allinmanta harkaykullaway.+
Ñuqapaqqa urqukunapi wasi hinam kanki.
Qamqa kanki pakakunay wasi hinam.+
3 Qamqa kanki harkaykuwaqniy qaqa hinam,+ qamqa kanki pakakunay wasi hinam.
Qamqa sutikiraykum mayninta rinaypaq pusallawanki.+
4 Chiqniwaqniykunapa tuqlla churasqanmantayá harkaykullaway.+
Qamllam kanki harkawaqniyqa.+
5 Makikipim kawsakuyniyta saqillani.+
Imam kaqta rimaq* Jehova Diosnilláy, qanmi waqaychaykullawanki.+
6 Mana imapaq valeq taytacha-mamachakuna yupaychaqkunataqa chiqninim.
Jehova Dioslláy, ñuqaqa qamllapim hapipakullani.
7 Imaña kaptinpas kuyawasqaykiraykum kusisqa tarikusaq.
Qanmi ñakariptiy qawariykullawanki.+
Hukmanyasqa tarikuptiymi qamqa chaylla yanapaykullawanki.
8 Chiqniwaqniykunapa makinmanqa manam churaykuwarqankichu.
Aswanqa pakaykuwaspaykim allin allpapi churaykuwarqanki.
9 Jehova Dioslláy, llakipayariykullawayá, llumpay hukmanyasqam kallachkani.
Llumpay llakisqa kaspay waqaptiymi ñawillaykunapas antayarunña.+ Manaña kallpayuqmi kallachkani.+
10 Llakisqallaña kaspaymi llumpaytaña hukmanyarullani.+
Kawsakunipas sasachakuyllapiñam.+
Huchayraykum mana kallpayuqña kallachkani.
Tullullaykunapas mana kallpayuqñam kachkan.+
11 Llapallan chiqniwaqniykunam ñuqamanta asikunku,+
astawanraqmi llaqtamasiykunaqa.
Riqsiwaqniykunapa manchakunanmi rikurirullani.
Ñanpi rikuwaqniykunapas ñuqamantam ayqikunku.+
12 Wañukuqtapas hinañam ñuqataqa qunqarullawanku.
Pakisqa puyñu hinañam ñuqaqa kallachkani.
13 Qipaypi rimakuwasqankutam uyariruni.
Manchakuywanmi kallachkani.+
Wañuchiwanankupaqmi llapallanku huñunakurunku.
Wañuchiwanankupaqmi llapallanku rimanakurunku.+
14 Ñuqam ichaqa Jehova Dioslláy, qamllapi hapipakuspay nillani:+
“Qamllam Diosnillayqa kanki”, nispay.+
15 Kawsakuyniyqa makikipim kachkan.
Chiqniwaqniykunamantayá harkaykullaway, maskawaqniykunapa makinmantayá harkaykullaway.+
16 Imaña kaptinpas kuyakuq kasqaykitayá qawaykachillaway.+
Kuyakuq kasqaykiraykutaqyá libraykullaway.
17 Jehova Dioslláy, qayakamuptiyqa amayá pinqaypiqa qiparachillawaychu.+
Mana allin runakunayá pinqaypiqa kachunku.+
Paykunaqa wañusqakunapa kasqanmanyá* uraykuchunku.+
18 Llulla runakunaqa upallachisqayá kachunku.+
Allin ruwaqkunamanta mana allinta rimaspa hatuntukuqkunaqa upallachisqayá kachunku.
19 ¡Mayna kuyakuqmi qamqa kanki!+
Manchakusuqnikikunatam qamqa kuyanki.+
Paykunata kuyasqaykirayku yanapaykusqaykitaqa lliw runakunam yachanku.+
20 Paykunataqa ñawpaqnikipim pakaykunki.+
Mana allin runakunamantam harkaykunki.
Mana allin rimaqkunamantam pakaykunki.+
21 Jehova Diosmi imaña kaptinpas hinalla kuyawarqa chiqniqniykunapa muyurirusqan llaqtapi.+
Chayraykuyá payqa hatunchasqa kachun.
22 Manchakuspaymi nirqani:
“Qayllaykimantam chinkarullasaq”, nispay.+
Ichaqa yanapaykuwanaykipaq qayakamuptiymi uyariykuwarqanki.+
23 Diosman sunqu runakuna, ¡Jehova Diostayá kuyaychik!+
Payman sunqu runakunatam Jehova Diosqa waqaychan.+
Hatuntukuqkunamanmi ichaqa imayna kawsasqankuman hina tupaqninta qupun.+
24 Jehova Diospi llapallan hapipakuqkuna, amayá manchakuychikchu.+
Sunquykichikpipas amayá iskayrayaychikchu.+
Davidpa takisqan. Maskil*.
32 ¡Mayna kusisqam pantasqanmanta pampachasqa runaqa!
¡Mayna kusisqam huchanmanta pampachasqa runaqa!+
2 ¡Mayna kusisqam mana huchayuqta hinaña Jehova Diospa chaskisqan runaqa!+
¡Mayna kusisqam runamasinta mana pantachiq runaqa!
3 Huchaymanta mana willakuspayqa tukuy punchawmi hukmanyasqa tarikullarqani.+
4 Tuta-punchawmi piñakuynikiwan ñakarillarqani.+
Rupaypi waspiruq yaku hinaraqmi kallpallaypas chinkarurqa. (Samarinapaq).
5 Chaymantam huchallayta willakuykurqayki.
Manam imatapas pakarqaykichu.+
Nirqanim: “Pantasqaykunatam Jehova Diosman willakusaq”, nispay.+
Qamñataqmi pantasqaykunatawan huchaykunata pampachaykullawarqanki.+ (Samarinapaq).
6 Chayraykum llampu sunqu kaqkunaqa mañakamusunki,+
tarisunaykipaq punchaw kachkaptillanraqmi mañakamusunki.+
Chayraykum lluqlla hinaña sasachakuykunapas paykunataqa mana imananqachu.
7 Pakakunaymi qamqa kanki.
Sasachakuykunamantam harkaykullawanki.+
Waqaychaykuwaptikim kusikuymanta qaparinqaku.+ (Samarinapaq).
8 Qanmi nirqanki: “Allinta tantianaykipaqmi yachachisqayki. Maymi rinaykitam riqsichisqayki.+
Yachachisqaykitaqmi allin kawsakunaykipaqpas.+
9 Amayá caballo hina utaq mula hina mana yuyayniyuqqa kaychikchu.+
Chay animalkunaman asuykunapaqqa
puntatam hakimaspa riendaswan churana”, nispa.
10 Mana allin runakunaqa llumpaytam ñakarinku.
Jehova Diospi hapipakuqmi ichaqa imaña kaptinpas paypa kuyasqan kanku.+
11 Allin ruwaqkuna, Jehova Diosraykuyá kusikuychik.
Allin sunquyuqkuna, kusikuymantayá qapariychik.
33 Allin kawsakuq runakuna, Jehova Diosraykuyá kusikuymanta qapariychik.+
Allin ruwaqkunaqa Diostam hatunchananku.
2 Arpawanyá Jehova Diospaq takipuychik.
Cuerdayuq kaqkunawanyá Diosta hatunchaychik.
3 Musuq takitayá takipuychik.+
Kusikuymanta qaparispayá tocapuychik.
4 Jehova Diospa rimasqankunaqa allinmi,+
tukuy ima ruwasqankunapas allinpunim.
5 Allin kawsakuqtawan allin ruwaqtam Diosqa kuyan.+
Jehova Diosqa llapallan runakunatam imaña kaptinpas kuyan.+
6 Jehova Dios rimariykuptillanmi hanaq pacha unanchasqa karqa.+
Chaypi tukuy ima kaqkunapas paypa samaynillanwanmi unanchasqa karqa.
7 Lamar quchapi yakutapas huk hawaqllamanmi huñun.+
Urqucharikuq yakutam payqa quchachin.
8 Llapallan runakunayá Jehova Diosta manchakuchunku.+
Llapallan runakunayá payta yupaychachunku.
9 Pay rimariykuptillanmi tukuy imapas rikurirqa.+
Pay kamachiptillanmi tukuy imapas maymi kananpi kachkan.+
10 Runakunapa mana allin tantiasqantam Jehova Diosqa pantarachirqa.+
Runakunapa tantiasqantam yanqacharurqa.+
11 Jehova Diospa tantiasqankunam ichaqa wiña-wiñaypaq kanqa.+
Sunqunpa munasqankunapas wiña-wiñaypaqmi kanqa.
12 ¡Mayna kusisqam Jehova Diosta Diosninkupaq hapiq runakunaqa!+
¡Mayna kusisqam Diospa akllasqan nacionqa!+
13 Jehova Diosqa hanaq pachamantam qawamuchkan.
Llapallan runakunatam qawamuchkan.+
14 Maymi yachasqanmantam*
kay allpa pachapi runakunata qawamuchkan.
15 Paymi llapallan runakunapa sunqunta ruwaqqa.
Tukuy ima ruwasqankutam payqa qawamuchkan.+
16 Kamachiqqa manam tropankuna kasqanraykuchu kawsan.+
Soldadopas manam kallpasapa kasqanraykuchu kawsan.+
17 Caballoqa maynataña kallpaspanpas
wañuymantaqa manam pitapas ayqichinmanchu.+
18 Jehova Diosqa kasukuqninkunatam qawamuchkan.+
Imaña kaptinpas kuyakuq kasqanmanta mana iskayrayaqkunatam qawamuchkan.
19 Qawamuchkanqa wañuymanta harkaykunanpaqmi.
Qawamuchkanqa muchuypi* mana wañurunankupaqmi.+
20 Ñuqanchikqa Jehova Dios yanapaykuwananchiktam suyachkanchik.
Paymi yanapaykuwaqninchikqa, paymi harkaykuwaqninchikqa.+
21 Paymi sunqunchikta kusiriykachiqqa.
Ñuqanchikqa paypa chuya sutinpim hapipakunchik.+
22 Jehova Dioslláy, yanapawanaykikuta suyanaykukamayá+
imaña kaptinpas hinalla kuyallawayku.+
Davidpa takisqan. David locotukuptin+ Abimelecpa qarqurusqanmanta.
א [alef]
34 Sapa punchawmi Jehova Diospaq takipullasaq.
Mana samaykuspam hatunchallasaq.
ב [bet]
2 Jehova Diosmantam ñuqaqa maypipas rimasaq.+
Llampu sunquqa chayta uyarispanmi kusikunqa.
ג [guimel]
3 Ñuqawan kuskayá Jehova Diosta hatunchaychik.+
Kuskayá sutinta hatunchasun.
ד [dalet]
4 Jehova Diosqa qayakuptiymi uyariykullawarqa.+
Mana imatapas manchakunaypaqmi yanapaykullawarqa.+
ה [he]
5 Payta maskaqkunaqa kusikuymantam kancharinqaku.
Paykunaqa manam haykapipas pinqaypiqa kanqakuchu.
ז [zayin]
6 Kay wakcha runapa qayakusqaytam Jehova Dios uyariykamullawarqa.
Sasachakuyniykunamantam harkaykullawarqa.+
ח [jet]
ט [tet]
8 Qawaykuspayá yachaykuychik Jehova Diosqa allin sunquyuq kasqanta.+
Anchatam kusikun paypa waqaychasqan runaqa.
י [yod]
9 Jehova Diostayá manchakuychik* paypa chuyanchasqan kaqkuna.
Payta manchakuqkunapaqqa manam imankupas pisipunqachu.+
כ [kaf]
ל [lamed]
11 Churillaykuna, asuykamuwaspayá uyariykullawaychik,
Jehova Diosta manchakuytam yachachisqaykichik.+
מ [mem]
12 ¿Mayqinnikichiktaq kusisqa kawsakuchkankichik?
¿Pitaq munanman unay wata kusisqa kawsakuyta?+
נ [nun]
13 Chaynaqa, amayá mana allintaqa rimaychu.+
Amayá llullata rimaspaqa pitapas pantachiychu.+
ס [samekh]
14 Mana allin ruwayta saqispayá allin kaqkunata ruway.+
Hawkayaytayá maskay, hinaspayá chayman hina kawsakuy.+
ע [ayin]
15 Allin ruwaq runakunatam Jehova Diosqa qawamuchkan.+
Paykunapa qayakusqantaqa uyarinmi.+
פ [pe]
16 Ichaqa mana allin ruwaqkunapa contranpim Jehova Diosqa kachkan.
Kay allpa pachamantam paykunataqa wiñaypaq chinkachinqa.+
צ [sade]
ק [qof]
18 Jehova Diosqa llakisqa sunquyuqkunapa hichpallanpim kachkan.+
Llumpay hukmanyasqa kaqkunatam yanapaykun.+
ר [resh]
19 Allin ruwaqkunaqa tukuy imawanmi ñakarinku.+
Chaywanpas Jehova Diosmi tukuy chaykunamanta libraykun.+
ש [shin]
ת [taw]
21 Mana allin runaqa mana allin ruwasqanraykum wañunqa.
Allin ruwaqta chiqniqkunapas imam chaskinankutam chaskinqaku.
22 Jehova Diosqa yupaychaqninkunatam wañuymanta harkaykun.
Llapallan paypi hapipakuqkunaqa mana huchayuqpaqñam chaskisqa kanqaku.+
Davidpa takisqan.
35 Jehova Dioslláy, chiqniwaqniykunamantayá harkaykullaway.+
Ñuqawan peleaqkunawanyá peleay.+
3 Lanzaykiwan hinaspa hachaykiwanyá maskawaqniykunamanta harkaykullaway.+
Niykuway: “Ñuqam waqaychasqayki”, nispa.+
4 Wañuchiyta munawaqniykunayá pinqaypi kachunku.+
Wañuchiyta munawaqniykunayá pinqakuymanta kutikuchunku.
5 Paykunaqa kachunku wayrapa apasqan paja hinayá.
Paykunataqa Jehova Diospa angelninyá qarquchun.+
6 Jehova Diospa angelnin qatiptinyá paykunaqa
lluchka ñanninta tutayaypi richunku.
7 Paykunaqa yanqamanta hapiruwanankupaqmi tuqllata churarunku.
Mana imanachkaptiymi paykunaqa ñuqapaq uchkuta tuqurunku.
8 Paykunaqa qunqaymantayá sasachakuypi kachunku.
Churasqanku tuqllallayá paykunataqa hapiruchun,
chayman wichiykuspankuyá wañuchunku.+
9 Ñuqam ichaqa Jehova Diosrayku kusisqa kasaq.
Pay waqaychaykuwaptinmi kusisqa kasaq.
10 Tukuy sunquywanmi nisaq:
“Jehova Dioslláy, ¿pitaq qam hinaqa kanman?
Qanmi mana kallpayuqtaqa kallpasapakunamanta pakaykunki.+
Mana kallpayuqtawan wakchatam suwakunamanta harkaykunki”, nispa.+
11 Llulla rimaqkunam tapupayawanku+
imapas mana yachasqay kaqkunamanta.
12 Allin ruwasqaymantam mana allinwan kutichiwanku.+
Chaywanmi llumpay hukmanyasqa tarikullani.
13 Paykuna unquptinkum qachqa pachawan churakuq kani.
Ayunaspaymi llakisqa tarikuq kani.
Mañakusqayta mana uyariykuwaptinmi
14 wawqiypas utaq puriqmasiypas wañukunman hina waqastin purillarqani.
Mamaypas wañukunman hinam waqaspay ñakarillarqani.
15 Paykunam ichaqa urmaruptiypas huñunakuruspa kusikurqaku.
Qunqaymanta hapiruwanankupaqmi pakakusparaq suyawarqaku.
Mana upallaykuspam kamiwarqaku.
16 Ñakarichiwaspankum asipayawanku.
Kachuparikuspankuraqmi piñallaña qawawanku.+
17 Jehova Dioslláy, ¿haykapikamataq qawaylla-qawawanki?+
Mana allin ruwawasqankumantayá harkaykullaway.+
Malta leonkunamantayá pakaykullaway.+
18 Hinaptinqa achkallaña runakunapa qayllanpim hatunchallasqayki.+
Achkallaña runakunapa chawpinpim hatunchallasqayki.
19 Yanqamanta chiqniwaqniykunaqa amayá kusikuchunkuchu.
Yanqamanta chiqniwaqniykunaqa amayá qimchinakuchunkuchu.+
20 Paykunaqa manam haykapipas allin kaqtaqa rimankuchu.
Astawanqa hawka kawsakuqkunata mana allinta ruwarunankupaqmi tantianku.+
21 Siminkupa hapisqanta rimaspam yanqamanta tumpawanku.
Ninkum: “Kikiykupunim rikurqaykiku”, nispa.
22 Jehova Dioslláy, qamqa rikurqankim, amayá upallakuykuychu.+
Jehova Diosnilláy, amayá karullamantaqa qawamuwaychu.+
23 Jehova Dioslláy, rikcharispayá hamuy yanapaykuwanaykipaq.
Ñuqapa rantiypi rimarispayá yanapaykullaway.
24 Jehova Dioslláy, allin ruwaq kasqaykiman hinayá imapaqpas tantiaykapuway.+
Amayá saqiychu paykuna asikuwanantaqa.
25 Amayá kikinkupuraqa ninakuchunkuchu: “Kayqaya maskasqanchiktaqa tarirunchik”, nispaqa.
Amayá haykapipas nichunkuchu: “Kayqaya chinkarachinchik”, nispaqa.+
26 Paykunaqa llapallankuyá pinqaypi kachunku.
Chaynayá kachunku ñakarisqaymanta asikuqkunaqa.
Hatuntukuspa ñakarichiwaqniykunaqa pinqaypiyá kachunku.
27 Ñuqapa allinniyta munaqkunayá
ichaqa kusikuymanta qaparispa nichunku:
“Jehova Diosyá hatunchasqa kachun. Payqa yupaychaqninpa hawka kawsakusqanwanmi kusikun”, nispa.+
Takiqkunata yachachiqpaq. Jehova Diosta yupaychaq Davidpa takisqan.
36 Mana allin runapa sunqunpiqa mana allin ruwayllam kachkan.
Payqa Diostapas manam manchakunchu.+
2 Allinpaq hapikuspanmi kikinpa huchantaqa mana qawakunchu,
nitaqmi mana allin ruwasqantapas chiqninchu.+
3 Nanay simiwanmi riman, pitapas llullakunmi.
Allin kaqkunataqa manam ruwanchu.
4 Puñunanpipas mana allin ruwaykunallatam tantian.
Mana allin kawsayllatam munan.
Mana allin ruwayllatam maskan.
5 Jehova Dioslláy, kuyakuynikiqa* hanaq pachakamaraqmi chayan.+
Runakunata yanapaq kasqaykiqa puyukunakamaraqmi haypan.
6 Allin ruwaq kasqaykipas hatu-hatun urqukuna hinaraqmi.+
Ima tantiasqaykipas uku-uku yakukuna hinaraqmi.+
Jehova Dioslláy, qamqa runakunatapas chaynataq animalkunatapas waqaychankim.+
7 Diosnilláy, ¡mayna sumaqmi imaña kaptinpas kuyakuq kasqaykiqa!+
Raprayki ukupim lliw runakuna pakakunku.+
8 Paykunaqa wasikipi kaqkunawanmi saksaykunku.+
Kallpaq mayu hinaña tukuy ima miskillaña qusqaykiwanmi saksaykunku.+
9 Qanmi Diosnilláy tukuy imata kawsachiqqa kanki.+
Achkita quwasqaykikuraykum achkitapas rikuniku.+
10 Llapallan riqsisuqnikikunataqa hinallayá imaña kaptinpas kuyaspayki yanapaykuy.+
Allin kaqtayá ruwaykapuy llampu sunquyuqkunapaqqa.+
11 Hatuntukuqqa amayá saruparuwachunchu,
mana allin ruwaqqa amayá qarquruwachunchu.
12 Waqaya wichiykunku mana allin ruwaqkunaqa.
Wichiykachiptinkum hatariyta mana atinkuchu.+
Davidpa takisqan.
א [alef]
37 Amayá piñakuychu mana allin ruwaqkunawanqa.
Amayá mana allin runakunapa imayna kawsakusqankutaqa munapayaychu.+
2 Paykunaqa qura hinam chaylla chakirunqaku.+
Chayllaraq ikllimuq* qura hinam chakirunqaku.
ב [bet]
3 Jehova Diosllapi hapipakuspaykiyá allin kaqta ruway.+
Llaqtapi yachaspaykiyá* payllapi hapipakuy.+
4 Jehova Diosraykuyá kusikuy.
Payqa sunquykipa munasqantam qusunki.
ג [guimel]
5 Vidaykitaqa Jehova Diospa makinpiyá saqiykuy.+
Paypiyá hapipakuy, paypi hapipakuptikiqa allinnikipaqmi imatapas ruwanqa.+
6 Hinaptinqa allin kawsakuynikim achikyaq hinaraq achkirinqa.
Hinaptinqa allin ruwasqaykim chawpi punchawpi inti hinaraq kancharinqa.
ד [dalet]
7 Jehova Diospa qayllanpiqa upallallayá kay,+
hinaspaykiyá hawkalla suyay.
Mana allin runapa mana allin tantiasqan
allin karuptinqa amayá piñakuychu.+
ה [he]
8 Amayá llumpaytaqa piñakuychu.+
Llumpayta piñakuspaykiqa mana allintam ruwaruwaq.
9 Mana allin ruwaqkunaqa chinkachisqam kanqaku.+
Jehova Diospi hapipakuqkunam ichaqa kay allpa pachapi yachanqaku.+
ו [waw]
10 Ñam chayaykamuchkanña mana allin ruwaqkunapa chinkachisqa kayninkuqa.+
Maskaspapas paykunataqa
manañam tarinkichu.+
11 Llampu sunquyuqkunam ichaqa kay allpa pachapi yachanqaku.+
Paykunaqa kusikuywanmi hawkayaypi kawsakunqaku.+
ז [zayin]
12 Mana allin runakunaqa allin ruwaq runakunatam wichichiyta munanku.+
Kachuparikusparaqmi allin runakunata chiqnikunku.
13 Jehova Diosmi ichaqa mana allin runakunamantaqa asikunqa.
Payqa yachanmi chinkachisqa kananku punchaw chayamunanta.+
ח [jet]
14 Mana allin runakunaqa ñakariqkunatawan wakchakunata
wañuchinankupaqmi espadankutawan flechankuta hurqunku.
Allin ñanpi kawsakuqkunata chinkachinankupaqmi chaykunata ruwanku.
15 Ichaqa kikinkupa espadallankuwanmi tuksikurunqaku.+
Flechankupas paykunapaqa pakipasqam kanqa.
ט [tet]
16 Allin ruwaqpa pisillapas kapuqninmi aswan allinqa
mana allin ruwaqkunapa achkallaña kapuqninmantaqa.+
17 Mana allin ruwaq runakunapa makinqa pakipasqam kanqa.
Allin ruwaqkunatam ichaqa Jehova Dios yanapanqa.
י [yod]
18 Jehova Diosqa yachanmi allin ruwaq runakunapa imayna kawsakusqantaqa.
Ima chaskisqankupas wiñaypaqmi kanqa.+
19 Sasachakuy punchawkunapipas manam pinqaypichu kanqaku.
Muchuy* tiempopipas saksasqam kanqaku.
כ [kaf]
20 Mana allin ruwaqkunam ichaqa chinkachisqa kanqaku.+
Jehova Diosta chiqniqkunaqa qura hinam chakirunqaku.
Qusni hinam chinkarunqaku.
ל [lamed]
21 Mana allin runaqa imapas prestasqankuta hapikuykuspam mana kutichipunchu.
Allin ruwaq runam ichaqa qukuykuqllaña.+
22 Diospa bendecisqan runakunam allpataqa chaskinqaku.
Paypa ñakasqan runakunam ichaqa chinkachisqa kanqaku.+
מ [mem]
נ [nun]
25 Warma kaspaypas,
yuyaqña kaspaypas allin ruwaq runataqa manam qunqasqataqa rikurqanichu.+
Churi-wawankutapas manam rikurqanichu mikuy mañakuqtaqa.+
26 Payqa qukuykuqllañam.+
Churinkunapas bendecisqam kanqaku.
ס [samekh]
27 Mana allinkunamanta karunchakuspaykiyá allin kaqta ruway,+
hinaspaqa wiñaypaqmi kawsakunki.
28 Jehova Diosqa allin ruwaqkunatam kuyan.
Manam saqinqachu payman sunqu kaqkunataqa.+
ע [ayin]
Paykunaqa waqaychasqam kanqaku.+
Mana allin ruwaqkunapa mirayninkunam ichaqa chinkachisqa kanqaku.+
29 Allin ruwaq runakunapaqmi kay allpa pachaqa kanqa.+
Paykunaqa wiña-wiñaypaqmi chaypi kawsakunqaku.+
פ [pe]
30 Allin ruwaq runaqa yachaywanmi riman,
allin kaqkunallamantam riman.+
31 Diosninpa kamachikuyninkunataqa sunqunpim waqaychan.+
Payqa manam haykapipas urmanqachu.+
צ [sade]
32 Mana allin ruwaq runaqa
allin ruwaq runatam wañurachinanpaq pakakuspan qawan.
33 Jehova Diosmi ichaqa paykunapa makinpiqa mana saqinqachu.+
Juezpa ñawpaqninpiña kaptinpas manam huchayuqpaqqa ninqachu.+
ק [qof]
34 Jehova Diospi hapipakuspayá paypa munasqanman hina kawsakuy,
hinaptinqa allpata chaskinaykipaqmi hatunchasunki.
Mana allin runakuna chinkachisqa kaptinkuqa rikunkim.+
ר [resh]
35 Mana allin ruwaq runatam rikurqani.
Kallmasapallaña wiñaq sachata hinamá rikurqani.+
ש [shin]
37 Qawariyá allin kawsakuq runata.
Ñawikimantaqa amayá chinkachunchu allin ruwaq runaqa.+
Payqa hamuq punchawkunapim hawka kawsakunqa.+
38 Huchasapa runakunam ichaqa chinkachisqa kanqaku.
Manam imatapas paykunaqa suyankuñachu.+
ת [taw]
39 Jehova Diosmi allin ruwaq runataqa salvaykun.+
Paymi sasachakuykunapipas harkaykun.+
40 Allin ruwaqkunataqa Jehova Diosmi libraykunqa.+
Paypi hapipakusqankuraykum
mana allin ruwaqkunamanta harkaykunqa.+
Yuyarinapaq Davidpa takisqan.
38 Jehova Dioslláy, piñakuspaykiqa amayá qaqchawaychu.
Piñakuynikipiqa amayá anyawaychu.+
2 Flechallaykikunam ñuqallayta tuksiruwan.
Makillaykim ñuqallayta ñakarichiwachkan.+
3 Piñakusqaykiraykum qalaypaqta unqurullani.
Huchayraykum tullullaykunapas katkatatachkan.+
4 Pantasqayraykum umallaypas wichiruchkanña.+
Tukuy chaykunam ñuqallaypaqqa llasa-llasaq qipi hina.
5 Mana yuyaywan ruwasqayraykum
heridaypas ismuspa asnarichkanña.
6 Llumpay hukmanyasqam kallachkani, mana kallpayuqmi kallachkani.
Chisyaymi llakisqa purillani.
7 Ukullaypas ruparichkanmi.
Qalaypaqtam unqurullani.+
8 Ñutupasqa hinam mana kallpayuq kallachkani.
Sunqullay hukmanyaptinmi llakillawanña hapichikuni.
9 Jehova Dioslláy, tukuy ima munasqaykunatam qamqa yachallanki.
Llaki hapillawasqanpas qanmantaqa manam pakasqachu.
10 Sunqullaypas utqayllamanñam pakpakyachkan.
Mana kallpayuqñam kallachkani, ñawillaypas tutayarunñam.+
11 Unqurusqayraykum puriqmasiykunapas chaynataq riqsinakusqaykunapas saqiruwanña.
Kuyasqaykunapas ñuqamantam karunchakurunku.
12 Chiqniwaqniykunapas wañuchiwanankupaqmi tuqllata churarunku.
Mana allin ruwawaqniykunam wañurachiwanankupaq rimanakunku.+
Rinrillankupim tukuy punchaw llullakunallata willanakunku.
13 Ñuqam ichaqa mana uyariqpastukunichu.+
Mana rimaq runa hinam upallalla kakuni.+
14 Manam uyariqtukunichu imapas niwasqankutaqa.
Mana kutipakuy atiqñam rikuriruni.
15 Jehova Dioslláy, chaynaqa rikurirullani qamta suyaspaymi.+
Hinaptinmi qamqa Jehova Dioslláy uyariykullawanki.+
16 Ñuqam nirqani: “Amayá asikuwachunkuchu.
Urmaruptiyqa amayá hatuntukuspaqa ñakarichiwachunkuchu”, nispay.
17 Ñuqallayqa wichiykunaypaqñam kallachkarqani.
Nanayniypas manam samaykuwarqachu.+
19 Chiqniwaqniykunaqa kallpasapallañam kanku.
Yanqamanta chiqniwaqniykunaqa achkallañamá kanku.
20 Allinta ruwaptiypas mana allinllawanmi kutichiwanku.
Allin kaqta maskasqayraykum chiqniwanku.
21 Jehova Dioslláy, amayá saqirullawaychu.
Dioslláy, amayá karullamantaqa qawawaychu.+
22 Waqaychawaqniy Jehova Dios,
utqayman hamuspaykiyá yanapaykullaway.+
Takiqkunata yachachiqpaq. Jedutunmanta+ Davidpa takisqan.
Mana allin runa waqtaypi kaptinqa
simiytam imawanpas taparusaq”, nispay.+
2 Mana imatapas rimarispaymi upallalla karqani.+
Allin kaqkunamantapas manam rimarirqanichu.
Nanayniykunam ichaqa llumpayllaña karqa.
3 Sunquymi ruparirqaraq.
Yuyaymanaptiymi nina hinaraq ruparirqa.
Chaymi nirqani:
4 “Jehova Dioslláy, willaykullawayá imayna kanaymanta,
willaykullawayá hayka wata kawsakunaymanta.+
Chaynapi kawsakuyniy pisilla kasqanta yachanaypaq.
5 Vida quwasqaykiqa pisi punchawkunallam*.+
Qayllaykipiqa kawsakullasqay punchawkunaqa manam imapaschu.+ (Samarinapaq).
Arí, runapa vidanqa allin rikchakuspanpas chinkaruq samay hinallam.+
6 Arí, runaqa llantuy hinalla kawsakuyniyuqmi.
Yanqallam kayman-chayman purikachan.
Pipaq qipananta mana yachastinmi tukuy imata huñukun.+
7 Chaynaqa Jehova Dioslláy, ¿imapitaq hapipakullayman?
Ñuqallayqa qamllapim hapipakullani.
8 Mana allin ruwaymantayá libraykullaway.+
Amayá saqiychu mana yuyayniyuq runa kamiwanantaqa.
9 Upallallam kallarqani,
manam imatapas rimallarqanichu.+
Chaynaqa kallarqani ñuqapa rantiypi qam rimasqaykiraykum.+
10 Amañayá castigawaychu.
Maqawasqaykiwanmi wañunayallachkaniña.
11 Runataqa mana allin ruwasqanmantam correginki.+
Paypa tukuy imapas huñukusqantaqa puyu uru hinam tukurunki.
Arí, runaqa chinkaruq samay hinallamá.+ (Samarinapaq).
12 Jehova Dioslláy, mañakusqaytayá uyariykullaway.
Yanapawanaykipaq qayakamusqaytayá uyariykullaway.+
Waqasqaytayá qawariykullaway.
Qampaqqa huklaw llaqtayuq runa hinallam kani.+
Ñawpaq abueloykuna hina forasterollam kani.+
13 Amayá piñakuywanqa qawallawaychu.
Chaynapi manaraq chinkaruchkaspay kallpanchasqa tarikunaypaq”, nispa.
Takiqkunata yachachiqpaq. Davidpa takisqan.
40 Jehova Diostam suyallarqani yanapaykuwananpaq.
Hinaptinmi payqa uyariykullawarqa, qayakusqaytam payqa uyariykullawarqa.+
2 Manchakuypaq uchkumantam hurquykuwarqa.
Sinigamantam hurquykuwarqa,
hinaspanmi hatun rumipa hawanpi sayaykachiwarqa.
Sumaq pampapim sayaykachiwarqa.
3 Paytaqmi musuq takitapas yachaykachiwarqa.+
Diosninchikpaq takipunaypaqmi yachaykachiwarqa.
Achkaqmi chayta qawaspanku Jehova Diosta hatunchanqaku,
hinaspam paypi hapipakunqaku.
4 ¡Mayna kusisqam Jehova Diospi hapipakuq runaqa!
Payqa manam hatuntukuqkunawanpas nitaq llullakunawanpas hukllawakunchu.
5 Jehova Dioslláy,
tukuy imatam qamqa ruwallarqanki.
Manam qam hinaqa pipas kanchu.
Mana yupay atinam tukuy ima ruwasqaykikunaqa.+
Mana yupay atinam allinniykupaq tukuy ima tantiasqaykikunaqa.+
Tukuy chaykunamanta willakuspayqa manam tukuymanchu.+
6 Qamqa manam munarqankichu animalkuna wañuchipunaytawan ofrendakuna qunaytaqa,+
ichaqa uyarikuq kanaypaqmi rinrillayta kichaykurqanki.+
Qamqa manam mañakurqankichu animalkuna kañapunaytaqa nitaq huchayrayku ofrendakuna qunaytaqa.+
7 Chaymi nirqani: “Kayqaya hamuruni.
Wankukuq qillqapim ñuqamanta qillqasqa kachkan.+
8 Diosnilláy, qampa munaynikita ruwaspaymi anchata kusikullani,+
kamachikuynikikunatapas sunqullaypim waqaychallani.+
9 Achka runakunapa qayllanpim sumaq willakuymanta willakullani.+
Yachasqaykiman hinam Jehova Dioslláy
chaymantaqa mana upallaykuspa willakullani.+
10 Allin ruwasqaykikunaqa manam sunqullaypichu karqa.
Sumaq sunqu kasqaykimantawan pitapas waqaychaykuq kasqaykimantam willakullani.
Achka runakunapa qayllanpim kuyakuq* kasqaykimantawan imam kaqta rimaq kasqaykimanta willakullani”, nispa.+
11 Jehova Dioslláy, llakipayariykullawayá.
Imaña kaptinpas kuyakuq kasqaykiraykuyá hinaspa imam kaqta rimaq kasqaykiraykuyá waqaychaykullaway.+
12 Sasachakuyniykunaqa achkallañam, mana yupay atinañam rikurirun.+
Pantasqaykunawan hukmanyaruspaymi manaña rikukunipaschu.+
Pantasqaykunaqa chukchaykunamantapas aswan achkaraqmi.
Llumpay hukmanyasqam kallachkani.
13 Jehova Dioslláy, ama hina kaspaykiyá libraykullaway.+
Jehova Dioslláy, chaylla hamuspaykiyá yanapaykullaway.+
14 Wañuchiy munawaqniykunayá
llapallanku pinqaypi kachunku.
Ñakarisqaymanta kusikuqkunaqa
pinqakuymantayá ayqichunku.
15 Ñuqamanta asikuqkunaqa
pinqaypiyá kachunku.
16 Qamta maskasuqnikikunayá
ichaqa kusikuymanta kancharichunku.+
Yanapaykusqaykirayku kusikuqkunayá nichunku:+
“Jehova Diosyá hatunchasqa kachun”, nispa.+
17 Ñuqam ichaqa mana kallpayuq wakcha kallachkani.
Jehova Dioslláy, amayá qunqarullawaychu,
qanmi yanapaykuwaqniyqa kanki, qanmi harkaykuwaqniyqa kallanki.+
Diosnilláy, amayá unamuychu.+
Takiqkunata yachachiqpaq. Davidpa takisqan.
41 Mayna kusisqam wakchata yanapaykuq runaqa.+
Paytaqa Jehova Diosmi sasachakuymanta pakaykunqa.
2 Jehova Diosmi waqaychaykunqa, wañunanmantam waqaychaykunqa.
Chayna runaqa kusisqam kawsakunqa.+
Chayna runataqa manam haykapipas chiqniqninkunapa makinpiqa saqinkichu.+
3 Unquspa manaña hatariptinpas Jehova Diosmi yanapaykunqa.+
Unquptinpas camantam allichaykapunki.
4 Ñuqam nirqani: “Jehova Diosnilláy, llakipayariykullawayá.+
Allinyaykachillawayá,+ huchallikurullanim”, nispay.+
5 Chiqniwaqniykunam ichaqa ninku:
“¿Haykapitaq wañunqa? ¿Haykapitaq sutinpas qunqasqa kanqa?”, nispanku.
6 Pipas qawaykuwaqniy hamuqqa llullallatam riman.
Lluqsiruspanpas mana allinkunallatam ñuqamanta willakachakun.
7 Llapallan chiqniwaqniykunam rimakuwan.
Ñuqamanta rimakuwaspankum nichkanku:
8 “Ima mana allinchá kay runataqa hapirun.
Camachakurunmi, manañachá hatarinmanchu”, nispanku.+
9 Puriqmasiypas qipancharuwanmi.+
Ñuqawan kuska mikuqpas chiqniruwanmi.+
10 Qamyá ichaqa Jehova Dioslláy, llakipayariykullawaspayki hatariykachillaway,
chaynapi imam ruwawasqankuman hina kutichipunaypaq.
11 Chiqniwaqniy imatapas mana ruwawaptinqa
yachasaqmi qampaq hina kasqayta.+
12 Qanman sunqu kasqayraykum yanapallawanki.+
Qampa qayllaykipim ñuqallayqa haykapipas kasaq.+
13 Israelpa yupaychasqan Jehova Diosqa
wiña-wiñaypaqyá hatunchasqa kachun.+
Chaynayá kachun*, chaynayá kachun.
ISKAY KAQ
(Salmos 42-72)
Takiqkunata yachachiqpaq. Maskil*. Coreypa mirayninkunapa takisqan.+
42 Imaynam luwichupas yakunayachikuspan yakuta maskan,
chaynam ñuqapas Diosnilláy qamta maskallayki.
2 Diosniymantam yakunayachikuchkaq hina kallachkani.+
¿Haykapiraq Diosniypa qayllanpi kallasaq?+
3 Tuta-punchawmi wiqillayta millpuchkani.
Chisyaymi asikuwaspanku ninku: “¿Maytaq chay Diosnikiqa?”, nispanku.+
4 Yuyarinim achkallaña runakunawan purisqayta,
paykunapa ñawpaqnintam
kusikuyllawanña takistin Diospa wasinman riq kani.
Diosta hatunchastinmá riq kani.
Chaykunata yuyarispaymi hukmanyasqa tarikullani.+
5 ¿Imanasqataq hukmanyasqa kallachkani?+
¿Imanasqataq mana hawkachu tarikullani?
Diosnillaytam suyallasaq.+
Paytaqa waqaychaykuwaqniy kasqanraykum kaqmanta hatunchasaq.+
Qamtam yuyariki Jordanpi kaspay, Hermon urqupi kaspay,
Mizar urqupi kaspay.
7 Kallpachkaq yakutam uyarini.
Chayqa paqchaykikunapa qapariyninmi.
Yakupas urquchakuruspam hawaytaraq pasarun.+
8 Punchawmi Jehova Diosqa imaña kaptinpas hinalla kuyawanqa.
Tutankunam Diosniypaq takisaq. Kawsachiwaqniy Diosniytam mañakusaq.+
9 Harkawaqniy qaqa hina Diosniytam tapusaq:
“¿Imanasqataq qunqarullawanki?+
¿Imanasqataq chiqniwaqniykuna ñakarichiwaptin kayman-chayman llakisqa purillachkani?”, nispay.+
10 Wañurachiwayta munaspankum* chiqniwaqniykunaqa tukuyta niwan.
Chisyaymi asikuwaspanku ninku: “¿Maytaq chay Diosnikiqa?”, nispanku.+
11 ¿Imanasqataq hukmanyasqa kachkani?
¿Imanasqataq mana hawkachu tarikullani?
Diosnillaytam suyallasaq.+
Libraykullawaqniy Diosniy kasqanraykum paytaqa kaqmanta hatunchasaq.+
43 Diosnilláy, qawaykullawayá imayna runa kasqayta.+
Hinaspaykiyá Diosniy kasqaykirayku qipanchasuqnikikunamanta harkaykullaway.+
Waqaychaykullawayá mana allin ruwaq runamantawan llulla runamanta.
2 Qamqa kanki Diosniymi, qamqa kanki pakakunay wasi hinam.+
¿Imanasqataq qipancharuwanki?
¿Imanasqataq chiqniwaqniykuna ñakarichiwaptin kayman-chayman llakisqa purillachkani?+
3 Achkiwaspaykiyá imam kaqta yachaykachillaway.+
Chaykunayá ñuqataqa pusallawachun+
sapaqchasqayki muqumanwan carpaykiman.+
4 Chaynapimá kusichiwaqniy Diosniypa altarninpa kasqanman risaq.+
Hinaspaymi Diosnilláy,
arpawan qamta hatunchasqayki.+
5 ¿Imanasqataq hukmanyasqa kallachkani?
¿Imanasqataq mana hawkachu tarikullani?
Diosnillaytam suyallasaq.+
Waqaychaykullawaqniy Diosniy kasqanraykum paytaqa kaqmanta hatunchasaq.+
Takiqkunata yachachiqpaq. Coreypa mirayninkunapa takisqan.+ Maskil*.
44 Diosnillayku, kikiykupunim uyarirqaniku
ñawpaqta tukuy ima ruwasqaykimantaqa.
Chaykunamantam ñawpaq abueloyku willawarqaku.+
2 Qampunim huklaw nacionniyuqkunataqa qarqurqanki,+
hinaspam chay allpata ñawpaq abueloykuman qurqanki.+
Chay allpapi yachaq* runakunatamá wischurqanki.+
3 Ñawpaq abueloykuqa manam kikillankumantachu chay allpataqa hapikuykurqaku.+
Manataqmi kikinkupa kallpallankuwanchu chaypi yachaq runakunataqa qarqurqaku.+
Aswanqa qanmi alliq* makikiwan yanapaykurqanki,+ hinaspapas kanchaynikiwanmi achkiykurqanki.
Paykunataqa yanapaykurqanki kusichisusqaykiraykum.+
4 Diosnilláy, qamqa kamachiqniymi kanki.+
Qanmi Jacobtaqa yanapaykullarqanki.
5 Qam yanapawaptikikuqa chiqniwaqniykutam maynin hamusqankuta kutirichisaqku.+
Ñuqaykuwan peleanankupaq hatarimuqkunatam qampa sutikipi saruparusaqku.+
6 Manam flechaypas
nitaq espadaypas harkawanmanchu.+
7 Qampunim chiqniwaqniykumantaqa pakaykuwarqankiku.+
Qanmi chiqniwaqniykuta pinqaypi qipachirqanki.
8 Diosnillayku, sapa punchawmi hatunchallasqaykiku.
Wiña-wiñaypaqmi sutikita hatunchallasaqku. (Samarinapaq).
9 Ichaqa qunqaruwaspaykikum pinqayman churaruwankiku.
Soldadoykutapas manañam yanapankiñachu.
10 Sapa kutim chiqniwaqniykumanta ayqiniku.+
Chiqniwaqniykuqa munasqankutam apakunku.
11 Ovejata hina mikuruwanankupaqmi quykuwankiku.
Tukuy hinastinmanmi chiqirachiwankiku.+
12 Mana imallapaqmi rantikuruwankiku*.+
Rantikuwasqaykikumantaqa manam imatapas chaskirqankichu.
13 Llaqtamasiykupa chiqnisqanñam rikuriruniku.
Muyuriqniykupi yachaqkunapa asipayasqanñam rikuriruniku.
14 Nacionkunapa asipayasqanñam rikuriruniku.+
Paykunaqa umankutapas aywisparaqmi asipayawanku.
15 Sapa punchawmi pinqaypi kallani.
Pinqakuymantam uyallaypas pukayanraq.
16 Chaynaqa kachkaniku kamiwasqankuraykum,
chiqniwaqniyku mana allinta ruwawasqankuraykum.
17 Tukuy kaykunam ñakarichillawachkanku.
Chaywanpas manam qamtaqa qunqaykikuchu.
Manataqmi qunqanikuchu qanwan contrato* ruwasqaykutapas.+
18 Sunquykupas qamllapaqmi.
Ñannikimantapas manam karunchakullanikuchu.
19 Qanmi ichaqa atuqkunapa puñunanman wikapaykuwankiku.
Qanmi ichaqa llumpay tutayaypi saqirullawankiku.
20 Diosninchikpa sutinta qunqaruptinchikqa
utaq huklaw nacionniyuq runakunapa taytacha-mamachanta mañakuptinchikqa,
21 ¿manachu Diosninchikqa yacharunqa?
Payqa yachanmi runakunapa sunqunpi kaqtaqa.+
22 Qamraykum tukuy tiempo wañuypa patanpi kaniku.
Nakanapaq ovejakunata hinam qawawanku.+
23 Jehova Diosllayku, yanapaykullawaykuyá. ¿Imanasqataq puñukuchkankiraq?+
¡Rikchariyá! Amayá wiñaypaqqa qipancharuwaykuchu.+
24 ¿Imanasqataq pakakunki?
¿Imanasqataq ñakariptiyku qawakuwankiku?
25 Pasaypaq pinqayman churasqam tarikullaniku.
Pampapim kallachkaniku.+
26 ¡Yanapaykullawaykuyá!+
Imaña kaptinpas kuyakuq kasqaykiraykuyá libraykullawayku.+
Takiqkunata yachachiqpaq. “Amanqaykuna” niq takiman hina taki. Coreypa mirayninkunapa takisqan.+ Maskil*. Kuyanakuymanta taki.
45 Sunquymi allin kaqmanta ancha kusisqa kachkan.
Chaymi nini: “Takiyqa kamachiqmantam riman”, nispa.+
Simiyqa hichu-hichu qillqaqpa makin hinayá kachun.+
2 Lliw runamantapas kuyayllapaqmi qamqa kanki.
Suma-sumaqllatañam rimankipas.+
Chayraykum Diosqa wiñaypaq bendecisunki.+
3 Atiyniyuq runa,+ espadaykitayá wiqawnikiman watakuy,+
chaynapi kancharichkaq atiyniyuq kanaykipaq.+
4 Runakunawan riqsichikunaykipaqyá lluqsiy,+ chiqnisuqnikikunata chinkachinaykipaqyá lluqsiy.
Imam kaqta, mana hatuntukuq kayta hinaspa allin ruwayta qawachinaykipaqyá caballopi sillakuykuspayki lluqsiy.+
Alliq* makikim allin kaqkunata ruwanqa.
5 Kamachiqlláy, flechaykikunaqa ñawchiy-ñawchiymi,+ chiqnisuqnikikunapa qasquntapas pasanraqmi,+
llapallan runakunam makikiman wichinku.
6 Diosmi wiña-wiñaypaq kamachinaykipaq churasunki.+
Kamachispaykiqa allin kaqkunallatam ruwanki.+
7 Qamqa allin kaqtam kuyarqanki,+ mana allin kaqtañataqmi chiqnirqanki.+
Chayraykum Diosnikiqa wakinkunamantapas qamta aceitewan tallichkaq hina kusikuywan akllaykusurqanki.+
8 Pachaykikunapas mirrawan, aloewan* hinaspa canelawanmi miskillataña asnarichkan.
Marfilwan* ruwasqa kamachiqpa wasinmantam cuerdayuq kaqkunawan kusichimusunki.
9 Kamachiqkunapa warmi churinkunapas akllasqayki warmikunawan kuskam kachkanku.
Warmikipas alliq lawnikipim sayachkan Ofir lawmanta apamusqanku quri alaqayuqkuna.+
10 Churilláy, nisqaytayá uyariykuway.
Qunqayñayá llaqtaykitaqa, qunqayñayá taytaykipa ayllunkunatapas.
11 Kuyayllapaq kasqaykiraykum
kamachiqqa kuyasunki.
Qusayki kasqanraykuyá paytaqa kasukuy.
12 Tiro llaqtayuq runakunam tukuy imakunata apamusunki.
Apu runakunam yanapaykunaykipaq maskamusunki.
13 Kamachiqpa wasinpim warmi churinqa sumaqllataña kancharichkan.
Pachankunapas quriwan sumaqyachisqam kachkan.
14 Kamachiqmanmi pusanqaku suma-sumaq awasqa* pachayuqta.
Riqmasin sipaskunatapas qanmanmi pusamusunki.
15 Kusikuywanmi pusamusunki.
Paykunam yachanayki* wasiman yaykumunqaku.
16 Churikikunam ñawpaq abueloykikunapa rantinpi kanqaku.
Paykunatam churanki kay pachapi kamachiqkuna kanankupaq.+
17 Sutikitam qipa wiñaykunaman willasaq.+
Chaymi runakunaqa wiña-wiñaypaq hatunchasunki.
Takiqkunata yachachiqpaq. Coreypa mirayninkunapa+ llañumanta* takisqanku.
46 Diosmi pakaykuwaqninchikqa hinaspa kallpanchawaqninchikqa.+
Payqa sasachakuypipas chaylla yanapaykuwaqninchikmi.+
2 Chayraykum kay allpa pachapi imaña kaptinpas mana manchakusunchu.
Manam manchakusunchu lamar quchaman urqukunaña chinkaykuptinpas.+
3 Manam manchakusunchu lamar quchaña qapariywan timpurimuptinpas.+
Manam manchakusunchu lamar quchaña lluqsimuspan urqukunata katkatatachiptinpas. (Samarinapaq).
4 Pallqaq mayukunam Diospa llaqtanta kusichin.+
Hanaq pachapi Diosninchikpa chuya carpantam kusichin.
5 Diosmi chay llaqtapiqa kachkan,+ manam chay llaqtaqa chinkanmanchu.
Achikyamuchkaptinmi Dios hamunqa yanapananpaq.+
6 Llaqtakunam chaqwakurqaku, kamachiqkunam chinkachisqa karqaku.
Pay qapariptinmi allpapas chullururqaraq.+
7 Angelkunata kamachiq Jehova Diosmi ñuqanchikwan kachkan.+
Jacobpa Diosninmi pakaykuwaqninchikqa. (Samarinapaq).
8 Hamuspaykichikyá qawaychik Jehova Diospa ruwasqankunata.
Qawaychikyá allpa pachapi sumaq ruwasqankunata.
9 Payqa kay allpapi wañuchinakuytapas chinkachinmi.+
Flechatapas chaynataq lanzatapas pakipanmi.
Peleananku carretakunatapas* kañanmi.
10 Paymi nin: “Makiyman churakuspaykichikyá yachaychik Dios kasqayta.
Llapallan llaqtapa hatunchasqanmi kasaq.+
Kay pachapim hatunchasqa kasaq”, nispa.+
11 Angelkunata kamachiq Jehova Diosmi ñuqanchikwan kachkan.+
Jacobpa Diosninmi pakaykuwaqninchikqa.+ (Samarinapaq).
Takiqkunata yachachiqpaq. Coreypa mirayninkunapa takisqan.+
47 Llapallan runakuna, taqllakuychik.
Kusikuymanta qaparispayá Diosta hatunchaychik.
2 Jehova Diosqa hanaq pachapi taytam, manchakunapaqmi.+
Payqa kay allpa pachata kamachiqmi.+
3 Paymi munaychakunanchikpaq llaqtakunata quykuwanchik.
Llaqtakunatapas makinchikmanmi churaykun.+
4 Paymi akllaykapuwanchik chaskinanchik allpataqa.+
Chay chaskinanchikqa kuyasqan Jacobta kusichiqmi.+ (Samarinapaq).
5 Kusikuywan qapariptinkum Diosninchik huqarikurqa.
Waqrata pukuykuptinkum Jehova Diosninchik huqarikurqa.
6 Diospaqyá takipuychik*. Paypaqyá takipuychik.
Kamachiwaqninchikpaqyá takipuychik. Paypaqyá takipuychik.
7 Diosqa kay allpa pachata kamachiqmi.+
Paypaqyá takipuychik, allin yuyayniyuqyá kaychik.
8 Diosmi llapallan llaqtakunata kamachichkan,+
payqa chuyay-chuyay trononpim tiyachkan.
9 Kamachiqkunam huñunakurunku
Abrahanpa yupaychasqan Diospa runankunawan.
Allpa pachapi kamachiqkunaqa Diospa makinpim kachkanku.
Payqa tukuy imapa hawanpi kaq taytanchikmi.+
Coreypa mirayninkunapa takisqan.+
48 Jehova Diosqa ancha atiyniyuqmi, payllam hatunchanapaq hinaqa.
Payllam llaqtanpiwan sapaqchasqan muqupi hatunchana Diosqa.
2 Sion muqupa hatu-hatun kasqanqa mayna sumaqmi.+
Llapa runakunam chaypiqa kusikunku.
Chay muquqa atiyniyuq kamachiqpa llaqtanmi.+
3 Chaypi kaq hatun pirqakunapim
Diosqa waqaychakuq kasqanta qawachikurqa.+
4 Kamachiqkunam llapallanku huñunakurunku.
Llapallankum chayman rinku.
5 Ichaqa chay llaqtata qawaykuspankum uyarayarqakuraq.
Manchakuymantam ayqikurqaku.
6 Manchakuymantam katkatatarqaku.
Wachakuywan ñakarichkaq warmi hinam ñakarirqaku.
7 Intipa qispimunan lawmanta kaq wayrawanmi Tarsis sutiyuq botekunata pakiparunki.
8 Tukuy chaykunamantaqa uyariyllam uyarirqaniku.
Kunanmi ichaqa angelkunata kamachiq Jehova Diospa llaqtanpi kikiykupuni rikuykuniku.
Diosmi chay llaqtataqa wiñaypaq takyachinqa.+ (Samarinapaq).
10 Diosnillayku, sutiki hinam
hatunchasqa kaynikipas kuchun-kuchun kay allpa pachaman chayan.+
Qamqa allin kaqkunallata ruwaqmi kanki.+
11 ¡Sion muquyá kusikuchun!+
¡Juda allpapi llapallan yachaqkunapas* tantiasqaykikunawanyá kusikuchunku!+
13 Murallakunatayá sumaqta qawamuychik.+
Sumaq ruwasqa torrenkunatayá qawamuychik,
chaynapi qipa wiñaykunaman willanaykichikpaq.
14 Kay rimasqanchik Diosmá wiña-wiñaypaq Diosninchikqa.+
Paymi wiñaypaq yanapawasunchik.+
Takiqkunata yachachiqpaq. Coreypa mirayninkunapa takisqan.+
49 Llapallan runakuna, kaytayá uyariychik.
Kay allpapi llapallan yachaqkuna*, kaytayá uyariychik.
2 Uyariychikyá hatunpas uchuypas.
Uyariychikyá apupas wakchapas.
3 Yachaywanmi rimarisaq.
Sunquypi yuyaymanasqaytam rimarisaq,+ chaynapim yachakunqa yuyaywan imatapas ruwasqay.
4 Yachaywan rimasqankupim yuyaymanasaq.
Watuchiytam arpawan willakusaq.
5 Manam manchakusaqchu sasachakuy punchawkunapipas.+
Manam manchakusaqchu chiqniwaqniykuna muyuriruwaptinpas.
6 Tukuy ima kapuqninkupi hapipakuqkunaqa+
chaynataq quri-qullqinkumanta hatunchakuqkunaqa+
7 manam atinmanchu wawqinta sasachakuymanta qullqiwan hurquytaqa.
Manataqmi Diosmanpas qullqitaqa qunmanchu waqaychananpaqqa.+
8 Runaqa maynaña qullqinwanpas
vidantaqa manam rantiyta atinmanchu.
9 Manataqmi wiñay kawsananpaqqa qullqitaqa qunmanchu. Wawqintaqa manam harkayta atinmanchu wañuymantaqa.+
10 Runakunaqa yachayniyuqpas chaynataq mana yachayniyuqpas
wañuqllam kanku.+
Wañuruptinkuqa quri-qullqinkupas hukpaqmi kanqa.+
11 Wasinkupas chaynataq carpankupas
wiñaypaq kanantam paykunaqa munanku.
Tukuy imankutapas sutinkuwanraqmi suticharunku.
12 Chaywanpas runaqa maynaña hatunchasqa kaspanpas manam wiñaypaqchu kawsan.+
Animalkuna hina wañuruqllam.+
13 Chaynam kanqaku mana yachayniyuqkunawan
yanqa rimasqankuta uyariqkunaqa.+ (Samarinapaq).
14 Paykunaqa ovejakuna hinam wañusqakunapa kasqallanpaq* kanku.
Wañuymi paykunataqa michinqa.
Achikyaramuptinmi allin kawsakuqkuna paykunata kamachinqa.+
Paykunaqa wiñaypaqmi chinkanqaku.+
Paykunaqa wañusqakunapa kasqanpim*+ kanqaku, manam sumaq wasipichu.+
15 Ñuqatam ichaqa wañusqakunapa kasqanmanta* Diosniy harkaykuwanqa.+
Diosniyqa pampakusqay uchkumantamá hurquykuwanqa. (Samarinapaq).
16 Amayá hukmanyaychu pipas apuyaptinqa.
Amayá hukmanyaychu tukuy imawan wasinta huntachiptinqa.
17 Chay runa wañukuspanqa manapunim imantapas apanqachu,+
nitaqmi tukuy kapuqninkunatapas apanqachu pampakusqan uchkumanqa.+
18 Kawsaspanqa kikillantam hatunchakuq.+
Runaqa tukuy imayuq kaptikim hatunchasunki.+
19 Runaqa kikillanta hatunchakuspanpas ñawpaq abuelonkuna hinam wañun.
Manam haykapipas achkitaqa rikunqakuñachu.
20 Chayta mana sumaqta yachaq runaqa maynaña hatunchasqa kaspanpas+
animalkuna hina wañuruqllam.
Asafpa takisqan.+
50 Jehova Diosmi rimarqa,
pay hinaqa manam huk Diosqa kanchu.+
Paymi lliw runakunata huñun intipa qispimunanmanta intipa siqaykunankama.
2 Suma-sumaq Sion muqumantam Diosqa kancharimun.+
3 Diosninchikmi hamunqa, ichaqa manam upallallachu.+
Paypa ñawpaqninpiqa ninam rupakuchkan.+
Paypa muyuriqninpiqa wayra-param qaparichkan.+
4 Hanaq pachapi kaqkunatawan kay pachapi kaqkunatam huñun+
runankunapa jueznin kananpaq. Diosmi nin:+
5 “Tukuy sunquwan yupaychawaqniykunatayá huñumuychik,
huñumuychikyá animalkunata kañaspa ñuqawan contrato* ruwaqkunata”, nispa.+
6 Allin ruwaq Dios kasqanmantam hanaq pacha willakun,
Diosqa allin juezmi.+ (Samarinapaq).
7 Diosmi nin: “Runallaykuna, uyariwaychikyá, ñuqam rimarisaq.
Israel runakuna, qamkunapa contraykichikpim rimarisaq.+
Ñuqaqa kani qamkunapa Diosnikichikmi.+
8 Anyachkaykichikqa manam sapa kuti tukuy imapas quwasqaykichikmantachu
nitaq animalkunata kañapuwasqaykichikmantachu.+
9 Ñuqaqa manam mañakuchkaykichik wasikichikpi toroykichiktachu
nitaq kanchaykichikpi cabraykichiktachu.+
10 Purun animalkunaqa llapallanmi ñuqapa.+
Urqukunapi waranqantin animalkunapas ñuqapam.
11 Ñuqaqa riqsinim urqukunapi alton pawaq llapallan animalkunataqa.+
Purunpi mana yupay atina animalkunapas ñuqallapam.
12 Yarqawaptinpas manam qanmantaqa mañakuykimanchu.
Tukuy imapa qispinan allpapas chaynataq chaypi kaq tukuy imapas ñuqapam.+
13 ¿Yaqachu ñuqaqa torokunapa aychanta mikuyman?
¿Yaqachu ñuqaqa cabrakunapa yawarninta tomayman?+
14 Ñuqa tayta Diosman imapas quwanaykimantaqa imapas qusqaymantayá agradecekuway.+
Hanaq pacha Diospaq imatapas ruwanaykipaq nisqaykitaqa cumpliypuniyá.+
15 Sasachakuy punchawkunapi qayaykamuwaptikiqa ñuqam yanapaykusqayki.+
Hinaptinmi qamñataq hatunchawanki”, nispa.+
16 Mana allin ruwaqtam ichaqa Dios ninqa:
“¿Ima uyaykiwantaq rimanki kamachikuyniykunamantawan
contrato ruwasqaymanta?+
17 Qamqa manam munankichu anyasqa kaytaqa.
Nisqaykunatapas manam kasukunkichu.+
18 Suwata rikuruspaykipas manam imatapas ninkichu*.+
Hukllawakunkipas hukwan-hukwan pierdekuqkunawanmi*.
19 Simikiwanmi mana allinllata willakachakunki.
Qalluykiwanmi llullallata rimanki.+
20 Tiyaykuspaykim wawqikimanta mana allinkunata rimanki.+
Mamaykipa wawanmantam yanqakunata rimanki.
21 Chaykunata ruwachkaptikipas upallallam kakurqani.
Chaymi nirqanki ñuqapas qam hina kasqayta.
Kunanmi ichaqa chaykunamanta qaqchasqayki,
huchaykikunatam qawachisqayki.+
22 Diosta qunqaruqkuna, ama hina kaspayá kaypi yuyaymanaychik.+
Chaynapi mana pipa harkakusqanta ama tisaparunaypaq.
23 Ñuqa tayta Diosta agradecekuwaqniyqa hatunchawanmi, agradecekuwasqanqa imatapas quwachkanman hinam.+
Munasqayman hina allin kawsaqtaqa
ñuqam yanapaykusaq”, nispa.+
Takiqkunata yachachiqpaq. Davidpa takisqan. Kaytaqa takirqa Bat-sebawan+ huchapakuruptin Diosmanta willakuq* Natan anyaptinmi.
51 Dioslláy, imaña kaptinpas kuyakuq kasqaykiraykuyá llakipayariykullaway.+
Ancha llakipayakuq kasqaykiraykuyá pantasqaykunamanta pampachaykullaway.+
2 Pantasqaykunatayá sumaqta mayllaykullaway.+
Huchaykunamantayá chuyanchaykullaway.+
3 Ñuqaqa pantasqaykunatam riqsikullani.
Huchaykunataqa manam qunqayta atillanichu.+
4 Qam qawachkaptikim huchallikurullani.+
Qampa qayllaykipim mana allinta ruwarullani.+
Rimasqaykikunaqa allin ruwaq kasqaykitam qawachin.
Mana pantaq juezmi qamqa kanki.+
5 Mamay wachakuwasqanmantapacham pantaq kallani.
Mamaypa wiksanpi kasqaymantaraqmi huchayuq kallani.+
6 Qamqa allin sunquyuq runatam kuyanki.+
Chayraykuyá yanapaykullaway sumaq sunquyuq kanaypaq chaynataq yachayniyuq kanaypaq.
7 Huchaytayá challana qurawan* mayllaykuway, hinaptinqa chuyañam kasaq.+
Mayllaykuwaptikiqa ritimantapas aswan yuraqraqmi kasaq.+
8 Kusikunapaq takikunatayá uyariykachillaway,
chaynapi pakiparusqayki tullullaykuna allinyananpaq.+
9 Amañayá yuyayñachu ñuqallaypa huchallaykunataqa.+
Huchaykunamantayá mayllaykullaway.+
10 Dioslláy, chuya sunqu kanaypaqyá yanapaykullaway.+
Haykapipas sunqumanta allin kaqta ruwanaypaqyá yanapaykullaway.+
11 Qayllaykimantaqa amayá wischurullawaychu.
Hinallayá atiynikiwan* yanapaykullaway.
12 Kaqmanta kusisqa kanaypaqyá yanapaykullaway.+
Qamta kasukunaypaqyá yanapaykullaway.
13 Hinaptinqa mana kasukuqkunamanmi kamachikuynikikunata yachachisaq.+
Chaynapi huchasapakuna qanman kutirikamunankupaq.
14 Dioslláy, qamqa harkaykuwaqniymi kanki.+ Runa wañuchiq kanaymantayá libraykullaway.+
Chaynapi allin ruwaq kasqaykimanta kusikuywan willakunaypaq.+
15 Jehova Dioslláy,
simiytayá kichariykuy qamta hatunchasunaykipaq.+
16 Animalkuna kañapunayta munaptikiqa chaytach ruwapuykiman.+
Qamqa manam chaytaqa munankichu.+
17 Dioslláy, huchankurayku ñakakuqkunataqa chaskiykunkim.
Sunqumanta wanakuspa llumpay llakisqa kaqkunataqa manam qipanchankichu.+
18 Allin kaqta munasqaykiman hinayá Sion muquta allinyaykachiy.
Jerusalenpa murallankunatayá kaqmanta hatariykachiy.
19 Hinaptinqa allin ruwaq runakunapa qususqaykiwanmi kusikunki.
Kusikunkitaqmi animalkunata kañapusuptikipas chaynataq ofrendakunata qusuptikipas.
Torokunatamá altarpi qampaq kañanku.+
Takiqkunata yachachiqpaq. Maskil*. Davidpa takisqan. Kaytaqa takirqa Aimelecman+ David risqanmanta Saulman Edom kasta Doeg willaptinmi.
52 Yaw kallpasapa runa, ¿imanasqataq mana allinkuna ruwasqaykimanta hatuntukunki?+
Diosqa imaña kaptinpas hinallam kuyakun.+
2 Ñawchiy-ñawchiy cuchillo hinam qampa rimasqaykiqa.+
Mana allinllata tantiaspaykim llullallata rimanki.+
3 Allin kaqmantapas astawanqa mana allinllatam kuyanki.
Imam kaqta rimanaykimantaqa llullallatam rimanki. (Samarinapaq).
4 Nanay simiwanmi rimanki.
Nina qallu runam kanki.
5 Chayraykum Diosqa chaylla chinkachisunki.+
Mana munakuchkaqtam hapiykuspa carpaykimanta hurqumusunki.+
Kay allpamantam chinkachisunki.+ (Samarinapaq).
6 Allin ruwaqkunam chayta qawaykuspanku mana ima niytapas atinqakuchu.+
Paymanta asikuspankum ninqaku:+
7 “Qawaychik Diosta mana maskaspan
kapuqninkunallapi hapipakuq runata.+
Payqa mana allin tantiasqankunallapim hapipakurqa”, nispa.+
8 Ñuqam ichaqa kallmasapa aceitunas hina Diospa wasinpi kasaq.
Kuyakuq* Dios kasqanmantaqa manapunim haykapipas iskayrayasaqchu.+
9 Taytalláy, yanapaykuwasqaykimantam wiña-wiñaypaq hatunchallasqayki.+
Qanman sunqu kaqkunapa qayllanpim
qampa sutikipi hapipakullasaq. Sutikipi hapipakuyqa allinmi.+
Takiqkunata yachachiqpaq. Maalat. Maskil*. Davidpa takisqan.
53 Mana yuyayniyuq runakunam sunqullankupi ninku:
“Jehova Diosqa manam kanchu”, nispanku.+
Paykunapa ruwasqankuqa mana allinllam. Paykunapa ruwasqankuqa millakuypaqmi.
Manam mayqanninkupas allintaqa ruwankuchu.+
2 Diosqa llapallan runakunatam hanaq pachamanta qawamuchkan.+
Payqa allin yuyayniyuq runatam maskachkan. Jehova Diosta maskaqkunatam payqa tariykuyta munachkan.+
3 Runakunaqa llapallankum Diosmanta karunchakurunku.
Llapallankum mana allin ruwaqlla kanku.
Manamá chullallapas
allin ruwaqqa kanchu.+
4 Mana allin runakunaqa llapallankum mana yachayniyuq rikurirunku.
Tantata mikuchkaq hinam runaykunatapas mikuchkanku.
Jehova Diostaqa manam maskankuchu.+
5 Ichaqa manchakuywanmi katkatatanqaku.
Manam chaynaqa haykapipas tarikurqakuchu.
Chaynaqa kanqa chiqnisuqnikikunapa tullunta Dios chiqirachisqanraykum.
Jehova Dios qipancharusqanraykum paykunataqa pinqayman churanki.
6 ¡Sion muqumantayá hamuchun Israel runakunapa yanapaqninqa!+
Preso pusasqa runankunata Jehova Dios kaqmanta huñuptinqa
Jacobyá kusikuchun, Israelyá kusikuchun.
Takiqkunata yachachiqpaq. Cuerdayuq kaqkunata tocaspa takinapaq. Maskil*. Davidpa takisqan. Kaytam takirqa Zif runakuna llaqtankupi Davidpa pakakusqanmanta Saulman willaptinku.+
54 Dioslláy, sutikiraykuyá waqaychaykullaway.+
Atiynikiwanyá harkaykullaway.+
2 Dioslláy, mañakusqaytayá uyariykullaway.+
Imapas nillasqaykunatayá allinta uyariykullaway.
3 Mana riqsisqa runakunawan mana llakipayakuq runakunam
wañurachiwayta munachkanku.+
Paykunaqa manam Diostapas manchakunkuchu.+ (Samarinapaq).
4 Diosmá ñuqallaytaqa yanapawan.+
Yanapawaqniykunatam Jehova Diosqa yanapan.
5 Chiqniwaqniykunamanmi ichaqa mana allin ruwasqankuman hina kutichipunqa.+
Allin ruwaq kasqaykiraykuyá paykunata chinkarachiy.+
6 Kusikuywanmi animalkunatapas nakapusqayki.+
Jehova Dioslláy, sutikitam hatunchasaq. Sutikita hatunchayqa allinmi.+
7 Sasachakuykunapi tarikuptiymi yanapaykuwanki.+
Chiqniwaqniykunapa pinqaypi kasqantam qawasaq.+
Takiqkunata yachachiqpaq. Maskil*. Cuerdayuq kaqkunawan Davidpa takisqan.
55 Dioslláy, mañakusqaytayá uyariykullaway.+
Llakipayariykuwanaykipaq mañakusqaytayá uyariykullaway.+
2 Uyariykuwaspaykiyá yanapaykullaway.+
Sasachakuykunawanmi mana hawkachu tarikullani.+
Hukmanyasqallañam kallachkani.
3 Chaynaqa kallachkani chiqniwaqniykunawan
mana allin runakuna manchachiwasqanraykum.
Tukuy ima ruwasqankuwanmi sasachawanku,
llumpaytam chiqniwanku.+
4 Sunqullaymi hukmanyasqa kachkan.+
Wañuyta manchakuymi inturullawan.+
5 Manchakuymanta katkatataymi hapirullawan.
Manchakuywanmá katkatatallachkani.
6 Sapa kutim nillani: “¡Amalaya paloma hina raprayuq rikuriruyman!
Huklawman pawarikuspaychá hawka kawsakuyman.
8 Llumpa-llumpay wayramantachá utqayman lluptikuyman.
Llumpa-llumpay paramantachá utqayman lluptikuyman”, nispa.
9 Jehova Dioslláy, llaqtapiqa qawani mana allin ruwaytawan chiqninakuyllatam.+
Mana allin ruwaqkunatayá hukmanyarachiy, tantiasqankutapas yanqacharuyá.
10 Tuta-punchawmi purinku llaqtapa murallanpi.
Llaqta ukupiqa kachkan mana allinkunawan sasachakuyllañam.+
11 Chay ukupiqa kachkan wañuchinakuyllañam.
Chaypiqa kachkan pantachinakuywan ñakarichinakuyllañam.+
12 Chiqniwaqniy kamiwaptinqa
manach llumpaytachu hukmanyayman.
Mana allin ruwawaqniyqa manamá chiqniwaqniychu.+
Chiqniwaqniymantaqa pakakuruymanchá.
14 Qanwanqa kuskam puriq kanchik.
Achka runakunawan kuskam Diospa wasinmanpas yaykuq kanchik.
15 ¡Qunqaymantayá chinkachunku!+
Kawsachkaqllayá wañusqakunapa kasqanman* uraykuchunku.
Chaynaqa kachunku mana allin ruwaq kasqankuraykuyá.
16 Ñuqam ichaqa Jehova Diosta qayakusaq.
Paymi ñuqataqa yanapaykuwanqa.+
17 Tutaykuqtapas, achikyaqtapas chaynataq chawpi punchawtapas llakisqa kaspaymi qayakullani.+
Hinaptinmi payqa uyariykullawan.+
18 Chiqniwaqniykunamantam payqa harkaykuwanqa, hinaptinmi hawkaña kawsakusaq.
Achkallaña chiqniwaqniykunamantam payqa yanapaykuwanqa.+
19 Trononpi ñawpaqmantaraq tiyaq Diosmi
uyariykuwaspan paykunawan peleanqa.+ (Samarinapaq).
Diosta mana manchakuq runakunaqa
manam imayna kawsakusqankutapas saqiyta munanqakuchu.+
20 Kuska puriqmasiymi puriqmasinkunata mana allinta ruwarun.+
Contrato* ruwasqantapas yanqacharunmi.+
21 Rimasqankunapas llukllu hina llampuy-llampuyraqmi.+
Sunqunpim ichaqa wañuchinakuyllata tantiachkan.
Rimasqankunaqa aceitemantapas aswan llampuraqmi.
Ichaqa espadamanmi rikchakun.+
Allin ruwaq runa wichiykunantaqa manam haykapipas saqinqachu.+
23 Dioslláy, runa wañuchiqkunawan llullakunaqa manam unaytachu kawsanqaku.+
Paykunataqa uku-uku uchkumanmi tanqaykunki.+
Ñuqam ichaqa qamllapi hapipakusaq.
Takiqkunata yachachiqpaq. “Karuniqpi kaq paloma” niq taki. Davidpa takisqan. Miktam*. Kaytaqa takirqa Filistea runakuna Gat llaqtapi hapiruptinkum.+
56 Diosnilláy llakipayariykullawayá, runakunam wañuchiwayta munachkanku.
Tukuy punchawmi ñakarichiwachkanku.
2 Chiqniwaqniykunam sapa punchaw ñakarichiwanku.
Hatuntukuspankuraqmi ñuqawan peleanku.
3 Manchakuywan kaspaymi qamllapi hapipakullani.+
4 Imapas nisqanmantam Diosta hatunchani.
Payllapim hapipakullani, manam imatapas manchakunichu.
¿Imanawanmantaq runaqa?+
5 Ñakarichiwanankupaqmi tukuyta ruwanku.
Mana allinta ruwawanallankupaqmi yuyaymananku.+
6 Qunqaymanta hapiruwanankupaqmi pakakunku.
Wañurachiwanankupaqmi
maynin purisqaytapas watiqawanku.+
7 Taytalláy, paykunataqa amayá chaskiychu, paykunaqa mana allin ruwaqmi kanku.
Llapallan mana allin ruwaqkunataqa piñakuynikipiyá chinkarachiy.+
8 Qamqa kayman-chayman purisqaytam yachanki.+
Odrekimanmi wiqiykunatapas chaskinki.+
Tukuy ima sasachakuyniykunaqa libroykipim qillqasqa kachkan.+
9 Yanapaykuwananpaq Diosta mañakuptiymi chiqniwaqniykunaqa ayqikunqaku.+
Manam iskayrayanichu Dios yanapaykuwananmantaqa.+
10 Diostam hatunchani imapas rimasqanmanta.
Jehova Diostam hatunchani imapas nisqanmanta.
11 Diospim hapipakullani, manam imatapas manchakunichu.+
¿Imanawanmantaq runaqa?+
12 Diosnilláy, qanman imapas nisqaytam ñuqaqa ruwallasaq.+
Agradecekuspaymi hatunchallasqayki.+
13 Qamqa manam saqirqankichu wañunaytaqa.+
Urmarunaymantam harkaykuwarqanki.+
Chaynapi qampa qayllaykipi hinalla kawsakunaypaq.+
Takiqkunata yachachiqpaq. Miktam*. “Ama chinkachiychu” niq takiman hina taki. Davidpa takisqan. Kaytaqa takirqa Saulmanta ayqikuspan machaypi tarikuspanmi.+
57 Diosnilláy, llakipayariykullawayá.
Qampi hapipakusqayraykuyá llakipayariykullaway.+
Sasachakuykuna tukurunankamam rapraykipi pakakullasaq.+
2 Hanaq pachapi Diosllaytam qayakullani.
Sasachakuykunapi yanapaykuwaqniy Diostam qayakullani.
3 Payqa yanapawaqniytam hanaq pachamanta kachamuwanqa.+
Chiqniwaqniytam pinqaypi qipachinqa. (Samarinapaq).
Payqa kuyakuqllañam*, hapipakunapaq kasqanraykum yanapaykuwanqa.+
4 Leonkunapa muyurirusqanmi kallachkani.+
Wañurachiwaqniy munaq runakunapa chawpinpim kallachkani.
Paykunapa kirunkuqa lanzakunawan flechakuna hinam.
Qallunkupas ñawchiy-ñawchiy espada hinam.+
5 Diosnilláy, hanaq pachapa hawankamaraqyá huqarikuy.
Enteron allpapiyá allin riqsisqa kay.+
6 Chakiymanta hapiruwanankupaqmi tuqllata churarunku.+
Chayraykum ñuqallayqa hukmanyasqa kallachkani.+
Chiqniwaqniykunam wichiykachiwanankupaq uchkuta tuqurunku,
ichaqa kikillankum chay uchkuman wichiykunku.+ (Samarinapaq).
7 Diosnilláy, sunqullayqa qamllapaqmi,
qamllapaqmá sunqullayqa.+
Qampaqmi tocapuspay takipusqayki.
8 Ñuqam rikcharisaq,
manaraq achikyamuchkaptinmi rikcharisaq.
Ñuqam arpata tocasaq, cuerdayuq kaqkunatam tocasaq.+
9 Jehova Dioslláy, llapallan runakunapa chawpinpim hatunchallasqayki.+
Llaqtakunapa chawpinpim qampaq takipullasqayki*.+
10 Dioslláy, kuyakuynikiqa* hatu-hatunmi, kaymanta hanaq pachakama hinaraqmi.+
Hapipakunapaq hina kasqaykiqa puyukunakamaraqmi haypan.
11 Diosnilláy, hanaq pachapa hawankamaraqyá huqarikuy.
Enteron allpapiyá allin riqsisqa kay.+
Takiqkunata yachachiqpaq. “Amayá chinkachiychu” niq takiman hina taki. Davidpa takisqan. Miktam*.
58 Runakuna, ¿yaqachu qamkunaqa upallalla kaspaykichik allin ruwaymanta rimawaqchik?+
¿Yaqachu mana pimanpas sayapakuspa runamasikichikpa sasachakuyninta allichawaqchik?+
2 Qamkunapa sunquykichikpiqa mana allinllam kachkan.+
Mana allinllatataqmi chiqichinkichikpas.+
3 Mana allin runakunaqa nacesqankumantapacham mana allin kaqkunallata ruwanku.
Mamanpa wachakusqanmantapacham llutanpi purispanku llullallata rimanku.
4 Paykunapa rimasqankuqa culebrapa kachukuynin hinaraqmi.+
Mana uyariqtukuq culebra hinam kanku.
5 Chayna culebraqa qatipaqpa takipayasqantapas manam uyarinqachu.
Mayna sumaqtaña takiptinpas manam uyarinqachu.
6 Diosnilláy, paykunapa kirunkutayá pakiparuy.
Jehova Dioslláy, chay leonkunapa kakichuntayá kakllaruy.
7 Tallisqa yaku hinayá chinkaruchunku.
Diosyá flechananta tiquykuspan flecharuchun.
8 Paykunaqa purichkaspankuyá qallu-qallu hina chakiruchunku.
Achkita mana rikuq wañusqa nacemuq wawa hinayá kachunku.
9 Mankaykichik manaraqpas qunirichkaptinmi
Diosqa nisyu wayrawan aparachinqa tullpaykichikpi kaq manaraq chakisqa kallmakunatawan kañakuchkaq chaki kallmakunata.+
10 Mana allin ruwasqankuman hina Dios kutichipusqanta qawaspanmi allin ruwaq runaqa kusikunqa.+
Mana allin ruwaq runakunapa yawarnintam sarunqa.+
11 Hinaptinmi runakuna ninqaku: “Allin ruwaq runaqa imam chaskinantam chaskinqapuni.+
Diosmá kay allpapi runakunapa juezninqa”, nispa.+
Takiqkunata yachachiqpaq. “Amayá chinkachiychu”, niq takiman hina taki. Davidpa takisqan. Miktam*. Kaytaqa takirqa wañurachinanpaq wasinta qawaq rinankupaq runankunata Saul kamachiptinmi.+
59 Dioslláy, chiqniwaqniykunapa makinmantayá libraykullaway.+
Chiqniwaqniykunamantayá harkaykullaway.+
2 Mana allin ruwaqkunamantayá harkaykullaway.
Runa wañuchiqkunamantayá pakaykullaway.
3 Kallpasapa runakunam
wañurachiwanankupaq pakakuspa suyawan.+
Jehova Dioslláy, suyawanqa manam mana kasukuq kasqayraykuchu nitaq huchallikusqayraykuchu.+
4 Yanqamanta maqawanankupaqmi kallpamunku.
Qayakamuptiy yanapaykuwanaykipaqyá hatariy.
5 Angelkunata kamachiq Jehova Diosnilláy, qamqa kanki Israelpa Diosninmi.+
Rikcharispaykiyá llapallan llaqtakuna imayna kasqanta qawariy.
Iskay uya runakunataqa amayá llakipayaychu.+ (Samarinapaq).
7 Tukuy ima rimasqankutayá uyariy.
Rimasqankuqa espada hinam.+
Paykunam ninku: “¿Pitaq uyariwachkanchik?”, nispanku.+
8 Qanmi ichaqa Jehova Diosnilláy paykunamanta asikunki.+
Llapallan llaqtakunamantam asikunki.+
9 Kallpa quwaqniy Diosnilláy, qamllapim suyachkani.+
Diosmi ñuqapa pakaykuwaqniyqa.+
10 Imaña kaptinpas kuyakuq Diosniymi yanapaykuwanqa ñuqataqa.+
Pay yanapawaptinmi chiqniwaqniykunapa pinqaypi kasqanta qawasaq.+
11 Amaraqyá chiqniwaqniykunataqa wañurachiychu.
Chaynapi runamasiykuna imapas ruwasqaykita mana qunqanankupaq.
Atiynikiwanyá kayman-chayman purichiy. Harkawaqniyku Jehova Diosnillayku, chaymantañayá paykunataqa wichiykachiy.+
12 Rimaspa huchallikusqankuraykum
chaynataq hatuntukuq kasqankuraykum mana allinman chayanqaku.+
Llullallata rimasqankuraykum chaynataq mana allinllata rimasqankuraykum mana allinman chayanqaku.
13 Paykunataqa piñakuynikipiyá chinkarachiy.+
Manaña maypipas kanankupaqyá paykunataqa chinkarachiy.
Chaynapim yachanqaku Jacobpa mirayninkunata chaynataq enteron allpapi kaqkunata Dios kamachisqanta.+ (Samarinapaq).
14 Tutañayá kutimuchunku,
allqu hina anyakuspayá llaqtata muyumuchunku.+
15 Mikunankupaq imatapas maskaspayá kayman-chayman purichunku.+
Amayá saksachunkuchu nitaq puñunankupaqpas tarichunkuchu.
16 Ñuqam ichaqa atiyniyuq kasqaykimanta takisaq.+
Imaña kaptinpas kuyakuq kasqaykimantam achikyaqta kusikuywan willakusaq.+
Qamqa pakaykuwaqniymi kanki.
Sasachakuypi tarikuspaypas kallpaykuspay* pakakunaymi kanki.+
17 Kallpa quwaqniy Diosnilláy, qampaqmi takipusqayki.+
Qamqa harkaykuwaqniymi kanki. Qamqa imaña kaptinpas kuyakuqmi kanki.+
Takiqkunata yachachiqpaq. “Yuyarinapaq amanqay” niq takiman hina taki. Davidpa takisqan. Miktam*. Yachachinapaq. Kaytaqa takirqa Aram-naaraim lawmanta chaynataq Aram-zoba lawmanta runakunawan peleaspanmi. Joabñataqmi kutispan Kachi wayqupi wañurachirqa 12.000 Edom runakunata.+
60 Diosnillayku, qanmi qipancharuwarqankiku. Qanmi chiqirachiwarqankiku.+
Ñuqaykuwanmi piñakururqanki, chaywanpas ¡kaqmantayá chaskiykullawayku!
2 Qamqa allpatam katkatatachirqanki, allpatam raqrarachirqanki.
Ama wichirinanpaqyá raqrankunata wichqaykuy.
3 Qamqa runaykikunatam saqirqanki ñakariykunapi kanankuta.
Qamqa vinowanmi sinkarachiwarqankiku.+
4 Kasukusuqnikikunamanyá willay ayqikunankupaq,
chaynapi flechawan mana hapirachinankupaq. (Samarinapaq).
5 Chaynapi kuyasqayki runakuna ñakarichiqninkupa makinmanta libraykusqa kanankupaq.
Atiynikiwanyá yanapaykuwayku, qayakamusqaykutayá uyariykuwayku.+
6 Chuya Diosmi* nirqa:
“Kusikuywanmi Sichem* allpata rakinaspay qusaq.+
Kusikuywanmi Sucot wayquta tupusaq.+
7 Galaad allpaqa ñuqapam, Manases allpaqa ñuqapam.+
Efrain allpañataqmi cascoy hina.
Juda allpañataqmi kamachinaypaq tawnay hina.+
8 Moab allpañataqmi mayllakunay lavatorio hina.+
Edom allpañataqmi usutayta wikapanaypaq kanqa.+
Filistea allpapim kusikuymanta qaparisaq”, nispa.+
9 ¿Pitaq pusawanman chawpichasqa llaqtaman*?
¿Pitaq pusawanman Edom allpakama?+
10 Dioslláy, qipancharuwaptikikuqa, ¿pitaq hukqa qam hina kanman?
Diosllayku, soldadoykutapas manaña yanapaptikiqa, ¿pitaq hukqa qam hina kanman?+
11 Diosllayku, sasachakuyniykupiyá yanapaykuwayku.
Runakunapa yanapakuyninqa yanqapaqmi.+
12 Diosninchik yanapawaptinchikmi kallpayuq kasunchik.+
Paymi chiqniwaqninchikkunataqa sarupanqa.+
Takiqkunata yachachiqpaq. Cuerdayuq kaqkunata tocaspa Davidpa takisqan.
61 Diosnilláy, qayakusqaytayá uyariykullaway.
Mañakusqaytayá uyariykullaway.+
2 Sunqullay hukmanyasqa kaptinmi
yanapaykuwanaykipaq kay allpa pachapa cantonmanta qayakamusqayki.+
Ñuqamanta aswan hatun rumimanyá pusarullaway.+
3 Qamqa harkaykuwaqniymi kanki.
Chiqniwaqniymanta harkaykuwaqniy torre hinam kanki.+
4 Wasikipim wiñaypaq samapakullasaq.+
Raprayki ukupim pakakullasaq.+ (Samarinapaq).
5 Taytalláy, imapas ruwanaypaq nisqaytam uyariykuwanki.
Sutiki manchakuqkunaman qusqaykitam ñuqamanpas quykullawanki.+
6 Kamachiqtaqa unaytam kawsachinki.+
Achka watam kamachiqtaqa kawsachinki.
7 Payqa Diospa qayllanpim trononpi wiñaypaq tiyanqa.+
Taytalláy, kuyakuq* kasqaykiraykuyá paytaqa ama haykapipas saqiychu.+
8 Hinaptinmi takispay sutikita wiñaypaq hatunchasaq.+
Chaytaqa ruwasaq imapas nisqayta sapa punchaw ruwastinmi.+
Takiqkunata yachachiqpaq. Jedutun. Davidpa takisqan.
62 Diostam hawkalla suyallani,
paymi yanapawaqniyqa.+
2 Payqa harkaykuwaqniy hatun rumi hinam, payqa yanapaykuwaqniymi, payqa pakaykuwaqniymi.+
Manamá haykapipas qalaypaqqa wichisaqchu.+
3 ¿Haykapikamataq wañuchinaykichikpaq tukuyta ruwankichik?+
Qamkunaqa tuñiykamuchkaqña rumi pirqa hinam kankichik.
4 Paykunaqa yanqacharunankupaqmi tantianakunku.
Llullakuyllatam munankupas.
Siminkuwanmi sumaqllataña rimanku, sunqunkupim ichaqa mana allinllata tantianku.+ (Samarinapaq).
5 Diostam hawkalla suyallani.+
Payllapim hapipakullani.+
6 Payqa harkaykuwaqniy hatun rumi hinam, payqa yanapaykuwaqniymi, payqa pakaykuwaqniymi.
Manamá haykapipas wichisaqchu.+
7 Diosmi yanapawaqniyqa, paymi hatunchawaqniyqa.
Diosllamá harkaykuwaqniy hatun rumi hinaqa.+
8 Runamasillaykuna, payllapiyá haykapipas hapipakuychik.
Paymanyá sunquykichikta kichariychik.+
Payqa ñuqanchikta pakaykuwaqninchikmi.+ (Samarinapaq).
9 Runakunaqa samay hinallam kanku.
Yanqallam runakunaqa.+
Runakunamantaqa samayninraqmi astawanqa llasan.+
10 Mana allinta ruwaspa qullqi tarisqaykichikpiqa amayá hapipakuychikchu.
Amataqyá suwakusqaykichiktapas allin kasqanpaqqa hapiychikchu.
Apuyaruspaykichikpas amataqyá kapuqnikichikpiqa hapipakuychikchu.+
11 Atiyqa Diosllamantam hamun,
Diospa chayna nisqantam iskay kutikama uyarirqani.+
12 Jehova Dioslláy, qamllam imaña kaptinpas kuyakuqqa kanki.+
Qamqa sapakamamanmi imam ruwasqankuman hina kutichipunki.+
Juda sutiyuq chunniqpi kachkaspan Davidpa takisqan.+
63 Diosnilláy, qanllam kanki Diosniyqa.
Qamtam hinalla maskachkayki.+
Yakunayayniypi yakuta hinam maskachkayki.+
Mana yakupa kasqan chaki allpapi kaspaymi maskallachkayki.+
2 Chuya carpaykiman rispayraqqa chaypim qamta qawaq kayki.
Atiynikitawan kanchariynikitam rikuq kani.+
3 Kawsakuymantapas aswan allinqa imaña kaptinpas kuyakuq kasqaykim.+
Chayraykum simiywan hatunchallasqayki.+
4 Wañukunaykamam hatunchallasqayki.
Makiyta huqarispam sutillaykita hatunchasaq.
5 Allinnin kaqta mikuspam saksasqa kallachkani.
Chaymi kusikuymanta hatunchallasqayki.+
6 Puñunaypi kaspaymi yuyarillayki.
Tukuy tutam qampi yuyaymanallani.+
7 Qanmi yanapawaqniy kanki.+
Rapraykipa ukunpim kusikuymanta qaparillani.+
8 Qamllapim hapipakullani*.
Alliq* makikiwanmi hapillawanki.+
9 Wañuchiwayta munaq runakunam ichaqa
allpapa sunqunpi kanqaku.
10 Espadawan wañuchisqam kanqaku.
Atuqkunam paykunataqa mikunqa.
11 Kamachiqmi ichaqa Diosrayku kusikunqa.
Diospa sutinpi rimaqkunam
llullakuqkunataqa upallachispa kancharinqaku.
Takiqkunata yachachiqpaq.
Davidpa takisqan.
64 Diosnilláy, qayakamusqaytayá uyariykullaway.+
Chiqniwaqniykuna mana imanawananpaqyá harkaykullaway.
2 Mana allin ruwaqkunapa tantiasqanmantayá harkaykullaway.+
Achkallaña mana allin runakunamantayá harkaykullaway.
3 Qallunkupas kuchukuq espada hinam.
Mana allin rimasqankupas flechakuna hinam.
4 Mana allin rimasqankuwanmi pakakusqankumanta mana huchayuq runakunata flechanku.
Mana manchakuspankum qunqaymanta flechanku.
5 Mana allin tantiasqankupim hapipakunku.
Tuqllakunata churanankupaqmi rimanakunku.
Ninkum: “Kay tuqllakunataqa manam pipas rikunqachu”, nispa.+
6 Mana allinta ruwanankupaqmi tantianku.
Runata imaynata pantarachinankupaqmi pakallapi tantianakunku.+
Sunqunkupi imam tantiasqankutaqa manam yachachwanchu.
7 Diosmi paykunataqa flecharunqa.+
Paykunataqa flecham qunqaymanta hapirunqa.
8 Rimasqallankum paykunataqa sasachanqa.+
Sasachakuypi kasqankuta rikuqkunaqa umankuta aywispam asipayanqaku.
9 Hinaptinmi llapallan runakuna mancharikunqaku.
Diospa ruwasqanmantam willakunqaku,
imam ruwasqantam yachanqaku.+
10 Allin ruwaq runaqa Jehova Diosraykum kusikunqa, pay pakaykunanpaqmi kallpaykunqa*.+
Allin sunquyuqkunaqa kancharinqakum.
Takiqkunata yachachiqpaq. Davidpa takisqan.
65 Dioslláy, Sion muqupim hatunchasqa kanki.+
Qanman imam nisqaykutam ruwasaqku.+
2 Pipapas mañakusqanta uyariq Diosnilláy, qanmanmi llapallan runakuna asuykamusunki.+
3 Pantasqaykunawanmi hukmanyasqa tarikullani.+
Ichaqa qanmi pantasqaykuta pampachaykullawankiku.+
4 Mayna kusisqam qampa akllasqayki runaqa.+
Mayna kusisqam wasikipi yachananpaq* akllasqayki runaqa.
5 Mañakusqaykuta uyariykuspaykim allin kaqkunata ruwapuwankiku.+
Diosllayku, qamqa harkaykuqniykum kanki.
Qamqa llapallan runakunapa hapipakunanmi kanki.+
Lamar quchakunapi kaqkunapas qamllapim hapipakunku.
6 Atiynikiwanmi urqukunatapas sumaqta takyachirqanki.
Atiynikipas qampaqa pachayki hinam.+
7 Lamar qucha piñakuptinpas hawkayachinkim.+
Lamar qucha hina runakunapa qaparisqantam hawkayachinki.+
8 Tukuy ima unanchasqaykita qawaspankum tukuy hinastinpi runakuna uyarayanqaku.+
Intipa qispimunan lawmanta intipa siqaykunan lawkamam runakuna kusikuymanta qamrayku qaparinqaku.
9 Qanmi kay allpa pachata cuidanki,
chaymi kay allpa pachaqa tukuy imayuq.+
Qam munaptikim mayukunapas kachkan.
Qanmi kay allpa pachata unancharqanki tukuy ima qispinanpaq,
qanmi runakunamanqa kawsaykunata mikuchinki.+
10 Tarpusqankutam parawan nuyuykachinki. Yapusqankupa kurpankunatam parawan wichirichinki.
Allpankuta parawan nuyuykachiptikim tarpukusqankuqa sumaqllataña wiñan.+
11 Watantinmi runakunaman tukuy imata qunki.
Purinayki ñankunapipas tukuy imam kakun.+
12 Chunniqpi pastokunam sumaqllataña wiñachkan.+
Muqukunapas sumaqllatañam pachakuchkan.+
13 Pampakunam animalkunawan huntallaña kachkan.
Wayqukunapas kawsaykunawanmi huntallaña kachkan.+
Llapallankum kusikuymanta takinku.+
Takiqkunata yachachiqpaq. Taki.
66 Llapallan runakunayá Diospaq kusikuywan takichunku.+
2 Ancha riqsisqa sutintayá takispa hatunchaychik.
Hatunchaspayá takiychik.+
3 Diostayá niychik: “¡Mayna sumaqmi ruwasqaykikunaqa!+
Ancha atiyniyuq kasqaykiraykum
chiqnisuqnikikunapas ñawpaqnikipi qunqurakunqaku.+
4 Llapallan runakunam ñawpaqnikipi qunqurakunqaku.+
Qampaqmi takipusunki.
Sutikitam takispa hatunchanqaku”, nispa.+ (Samarinapaq).
5 Hamuspaykichikyá qawaychik Diospa tukuy ima ruwasqankunata.
¡Mayna sumaqmi runakunapaq tukuy ima ruwasqankunaqa!+
Chaypim ñuqanchikrayku paypa ruwasqanmanta kusikurqanchik.+
7 Atiyninwanmi payqa wiñaypaq kamachinqa.+
Llapallan runakunatam payqa qawachkan.+
Mana kasukuqkunaqa amayá hatunchakuchunkuchu.+ (Samarinapaq).
8 Llapallan runakuna, Diosninchiktayá hatunchaychik.+
Paypaq takipusqaykichikyá uyarikuchun.
9 Paymi kawsachiwanchik.+
Manam urmananchiktaqa saqinchu.+
10 Diosnilláy, qamqa imayna kasqaykutam qawaykuwarqankiku.+
Qullqita chulluchichkaq hinam chuyanchaykuwarqankiku.
11 Mallamanmi wichiykachiwarqankiku.
Llasaq qipiwanmi ñitirachiwarqankiku.
12 Runakunawanmi saruparachiwarqankiku.
Ninapa chawpintawan yakupa chawpintam pasachimuwarqankiku,
hinaspam samanayku allpaman pusamuwarqankiku.
13 Wasikimanmi yaykumusaq animalkunata kañapunaypaq.+
Imapas ruwanaypaq nisqaytaqa cumplisaqpunim.+
14 Ruwanaypaq nisqaytaqa cumplisaqmi,+
hukmanyasqa kaspay rimasqaytaqa cumplisaqmi.
15 Wira animalkunatam qampaq kañapusqayki.
Qusnichipusqaykitaqmi carnerokunatapas.
Qanmanmi qusqayki torokunatapas chaynataq chivokunatapas. (Samarinapaq).
16 Diosta manchakuqkuna, hamuspayá llapallaykichik uyariychik.
Ñuqarayku imapas ruwasqanmantam willasqaykichik.+
17 Simiywanmi qayakurqani,
qalluywanmi hatuncharqani.
18 Sunquypi mana allin kaptinqa
Jehova Diosqa manam uyariykuwanmanchu karqa.+
20 Diosqa hatunchasqayá kachun, payqa mañakusqaytam uyariykuwarqa.
Payqa imaña kaptinpas hinallam kuyawarqa.
Takiqkunata yachachiqpaq. Cuerdayuq kaqkunawan takinapaq.
67 Diosqa llakipayaykuwaspanchikmi yanapaykuwasun.
Diosmi kuyakuyninta qawaykachillawasun.+ (Samarinapaq).
2 Chaynapim llapallan runakuna ñannikimanta yachanqaku.+
Llapallan llaqtakunapipas yachanqakum yanapakuq Dios kasqaykita.+
3 Diosnilláy llapallan runakunayá hatunchasunki.
Llapallan runakunayá yupaychasunki.
4 Llapallan llaqtakunayá kusikuchunku. Kusikuymantayá qaparichunku.+
Qamqa mana pimanpas sayapakuq juezmi kanki.+
Qamqa allpapi llapallan nacionkunatam maynin rinanta riqsichinki. (Samarinapaq).
5 Diosnilláy, llapallan runakunayá hatunchasunki.
Llapallan runakunayá yupaychasunki.
6 Allpaqa allintam rurunqa.+
Diosninchikmá bendeciwasun.+
7 Diosninchikmi bendeciwasun,
Enteron allpapi runakunam payta manchakunqaku.+
Takiqkunata yachachiqpaq. Davidpa takisqan.
68 Diosyá hatarichun, hinaptinyá chiqniqninkuna chiqichisqa kachun.
Llapallan chiqniqninkunayá qayllanmanta ayqichunku.+
2 Qusnita wayra apachkaq hinayá paykunataqa chinkarachiy.
Imaynam wirapas* ninapi chulluspan chinkan,
chaynayá mana allin ruwaqkunapas Diospa qayllanmanta chinkachisqa kachunku.+
3 Allin ruwaqkunayá ichaqa kusikuchunku.+
Diospa qayllanpiyá kusisqallaña kachunku.
Kusikuymantayá kancharichunku.
4 Diospaqyá takiychik, sutintayá takispa hatunchaychik.+
Chunniqkunapi* sillada riqpaqyá takipuychik.
Paypa sutinmi Jehova*,+ ¡paypa qayllanpiyá kusikuychik!
5 Diosqa mana taytayuqkunapa taytanmi. Viudakunapa yanapaqninmi.+
Diosqa chuya wasinpim kachkan.+
6 Diosqa mana piyniyuqkunamanmi aylluta qun.+
Diosqa preso kaqkunatam kacharin hawka kawsakunankupaq.+
Mana kasukuqkunam ichaqa chaki allpapi yachanku.+
7 Diosnilláy, runaykikunata maynin rinanta riqsichispa
chunniqninta hamuptikim+ (Samarinapaq)
8 allpapas katkatatarqa.+
Qam parachimuptikim parapas chayamurqa.
Israelpa yupaychasqan Diosnillayku, qamraykum Sinai urqupas katkatatarqa.+
9 Diosnilláy, anchallatañam parachimurqanki.
Hukmanyasqa runaykikunatam kallpanchaykurqanki.
10 Paykunaqa carpakunallapim yacharqaku*.+
Diosnilláy, qukuykuq kaspaykim wakchamanpas pisipuqninta quykurqanki.
11 Jehova Diosmi kamachin.
Sumaq willakuymanta willakuq warmikunaqa achkallañam kanku.+
12 Soldadokunapa kamachiqninkunam ayqikunku.+ ¡Ayqikunkumá paykunaqa!
Wasinkupi qipaqkunaqa hukkunapa qichumusqanmanta wakinwanmi qipakunku.+
13 Qamkunaqa carpaykichikpi* waqtapaspa ninapi qunikuspaykichikpas
qullqimanta raprayuq palomatam chaskinkichik.
Qurimanta puruyuqtam chaskinkichik.
14 Tukuy atiyniyuq Dios kay pachapi kamachiqkunata chiqirachiptinmi+
Zalmon urquta ritirurqa.
15 Basan urquqa Diospa urqunmi.+
Basan urquqa puntasapallaña urqum.
16 Achkallaña puntayuq urqukuna,
¿imanasqataq yachananpaq Diospa akllakusqan urqutaqa munapayankichik?+
Jehova Diosmá chay urqupiqa wiña-wiñaypaq yachanqa.+
17 Diospa peleanan carretakunaqa chunka wara-waranqantinmi.+
Sinai urqumantam Jehova Diosqa chuya wasiman hamurun.+
18 Jehova* Diosnilláy, qamqa altomanmi qispirqanki.+
Presokunatam pusakurqanki.
Runakunatam regalota hina pusakurqanki.+
Mana kasukuq runakunataraqmi paykunawan kawsanaykipaq pusakurqanki.+
19 Jehova Diosyá hatunchasqa kachun, paymi sapa punchaw qipinchikta apaysiwanchik.+
Payqa yanapaykuwaqninchik Diosmi. (Samarinapaq).
20 Payqa yanapaykuwaqninchik Diosmi ñuqanchikpaqqa.+
Llapallan kamachiq Jehova Diosqa wañuymanta harkaykuwaqninchikmi.+
21 Diosqa chiqniqninkunapa umantam sarunqa.
Huchallapi kaq runataqa uma puyuqninpim sarupanqa.+
22 Jehova Diosmi nirqa: “Basan lawmantam kutichimusaq,+
lamar quchapa ukunmantam kutichimusaq.
23 Chaynapi chiqnisuqnikikunapa yawarninta sarunaykipaq,+
allquykikunapas laplananpaq”, nispa.
24 Diosnilláy, risqaykitam qawanku.
Kamachiqlláy, chuya wasikiman risqaykitam paykunaqa qawanku.+
25 Takiqkunam ñawpaqnikita rinku.
Cuerdayuq kaqkunata tocaqkunapas qipaykitam tocastin rinku.+
Chawpitañataqmi sipaskuna rinku panderetakunata salsalyachistin.+
26 Achkallaña runakunapa chawpinpiyá Diosta hatunchaychik.
Israelpa mirayninkuna, qamkunayá Jehova Diosta hatunchaychik.+
27 Aslla kaq Benjaminpa mirayninkunam ñawpaqninkuta richkanku.+
Juda runakunapa kamachiqninkunapas achkallaña runayuqmi richkanku.
Zabulon runakunapi kamachiqkunapas richkankum, Neftaliy runakunapi kamachiqkunapas richkankum.
28 Diosnikim kamachisurqanki kallpasapa kanaykipaq.
Diosnilláy, yanapawasqaykikuman hinayá wakinkunatapas yanapaykuy.+
kamachiqkunaqa tukuy imata apamusunki.+
30 Suqus ukupi achkallaña purun animalkunatayá qaqchay.
Achkallaña vacakunatapas uñantintayá qaqchay+
runakuna qunqurakunankukama hinaspa qullqita* apamunankukama.
Payqa chiqichinmi wañuchinakuyllata munaq runakunataqa.
31 Broncemanta alaqakunatam Egiptomanta apamunqaku*.+
Diosman qunankupaqmi Cus lawmanta tukuy imata apamunqaku.
32 Kay pachapi kamachiqkuna, Diospaqyá takipuychik.+
Jehova Diospaqyá takipuychik. (Samarinapaq).
33 Ñawpaqmantaraq kaq cielokunapa hawanta sillada riqpaqyá takipuychik.+
¡Qawaychik! Payqa atiyninwanmi qaparimun.
34 Diosqa atiyniyuq kasqantayá riqsikuychik.+
Payqa Israel runakunatam kamachin.
Paypa atiyninqa hanaq pachapim kachkan.
35 Diosqa trononpim tiyachkan, payqa manchakuna Diosmi.+
Payqa Israel runakunapa Diosninmi.
Payqa runankunamanmi kallpatawan atiyta qun.+
Diosyá hatunchasqa kachun.
Takiqkunata yachachiqpaq. “Amanqay” niq takiman hina taki. Davidpa takisqan.
69 Diosnilláy yanapaykullaway, yakupim hiqiparullachkaniña.+
2 Mitupim sinigarullani. Manam sayaytapas atillanichu.+
Uku-uku yakumanmi yaykurullani,
hinaptinmi kallpaq yaku apallawachkan.+
3 Pisiparullaniñam yanapaykuwananpaq qayakusqaypi.+
Kunkaypas saqrayarunñam.
Ñawillaypas utirunñam Diosniyta suyasqaypi.+
Yanqamanta wañurachiwayta munaqkunaqa
astawanraqmi yapakurun.
Mana suwakusqayta kutichipunaypaqmi hikutawanku.
5 Taytalláy, qamqa yachankim mana yuyayniyuq kasqayta.
Huchaykunaqa manam qanmantaqa pakasqachu.
6 Angelkunata kamachiq Jehova Dioslláy,
llapallan kamachiq Dioslláy, qampi hapipakuqkunaqa amayá pinqayman churasqaqa kachunkuchu ñuqapa huchayraykuqa.
Israelpa yupaychasqan Dioslláy,
qamta maskasuqnikikunaqa amayá pinqayman churasqaqa kachunkuchu ñuqapa huchayraykuqa.
8 Wawqiykunapaqmi mana riqsisqa runaña rikuriruni.
Mamaypa wawankunapaqmi huklaw llaqtayuq hinaña rikuriruni.+
9 Wasikita anchata kuyasqayraykum sunqullaypas nina hinaraq ruparin.+
Qamta kamisusqaykiwanmi sunquypas nanarin.+
10 Ayunaspa waqaptiypas
pinqaymanmi churawarqaku.
11 Qachqa pachawan churakuruptiypas
paykunaqa asikuwarqakum.
12 Llaqtapa punkunpi tiyaqkunam ñuqamanta rimanku.
Sinkakunapas ñuqamantam takita hurqurunku.
13 Jehova Dioslláy,
qampaq hina kaptiyqa mañakusqaytayá uyariykullaway.+
Dioslláy, imaña kaptinpas kuyakuq kasqaykiraykuyá uyariykullaway.
Kuyakuq kasqaykiraykuyá harkaykullaway.+
14 Sinigamantayá hurquykullaway.
Amayá chinkaykunaytaqa saqiruychu.
Chiqniwaqniykunamantayá harkaykullaway.
Uku-uku yakumantayá hurquykullaway.+
15 Amayá kallpaq yakuqa aparullawachunchu.+
Amayá munaychu uku-uku yakukuna millpuruwanantaqa.
Amayá uchkupas millpuruwachunchu.+
16 Jehova Dioslláy, qamqa imaña kaptinpas kuyakuqmi kanki,+ chayraykuyá uyariykullaway.
Llakipayakuq kasqaykiraykuyá qawariykullaway.+
17 Amayá yupaychaqnikitaqa qipancharullawaychu.+
Chayllayá uyariykullaway, hukmanyasqam kallachkani.+
18 Asuykamuwaspayá yanapaykullaway.
Chiqniwaqniykunamantayá harkaykullaway.
19 Qamqa yachankim kamisqa kasqaytaqa, pinqayman churasqa kasqaytaqa chaynataq llakisqa kasqaytapas.+
Qamqa llapallan chiqniwaqniykunatam qawachkanki.
20 Kamiwasqankuwanmi sunqullaypas nanarunña. Chayqa mana hampiy atinañam kachkan.
Llakipayaykuwanankutam munarqani, ichaqa manam pipas llakipayaykuwarqachu.+
Pipas sunquyta tiyaykachinantam munarqani, ichaqa manam pipas sunquyta tiyaykachirqachu.+
21 Mikuyta quwanankumantaqa wañunaypaqmi hampita quykuwarqaku.+
Yakumanta kaptiymi vinagreta quykuwarqaku.+
22 Mikuy ruwasqallankuyá* paykunataqa tuqlla hina wichiykachichun.
Kusikuyninkuyá tuqlla hina hapiruchun.+
23 Ñawinku antayaruptinyá ama imatapas rikuchunkuchu.
Wiqawninkuyá mana samaykuspa katkatatachun.
24 Piñakuynikiyá paykunamanqa chayachun.
Piñakuynikiyá paykunataqa haypachun.+
25 Yachananku* carpapas chunnichunyá.
Amayá chaypiqa pipas yachachunchu.+
26 Paykunaqa maqasqayki runatam wañuchinankupaq maskachkanku.
Ñakarichisqayki runamantam paykunaqa hinalla rimachkanku.
27 Mana allin ruwasqankuman hinayá kutichipuy.
Allin ruwaq kaspaykipas paykunataqa amayá yanapaychu.
28 Kawsaqkunapa sutin qillqasqa libromantaqa sutinkupas chinkachisqayá kachun.+
Allin ruwaqkunapa sutinkuwan kuskaqa amayá kachunchu.+
29 Ñuqatayá ichaqa Diosnilláy, atiynikiwan harkaykullaway.+
Ñuqaqa tukuy imawanmi ñakarillachkani.
30 Diospa sutintam takispay hatunchasaq.
Diospa sutintam ñuqaqa kusikuywan hatunchasaq.
31 Jehova Diospaqmi chayqa toromantapas aswan allin kanqa.
Waqrayuq hinaspa situyuq malta toromantapas aswan allinraqmi kanqa.+
32 Allin ruwaq runakunam chayta qawaspanku kusikunqaku.
Diosta maskaqkuna, sunquykichikyá kusikuchun.
33 Jehova Diosqa uyarichkanmi wakchakunataqa.+
Manataqmi qunqanchu preso pusasqa runankunatapas.+
34 Hanaq pachawan kay pachayá Diosta hatunchachun.+
Hatunchachuntaqyá lamar quchapas, hatunchachuntaqyá chaypi tukuy ima kaqkunapas.
35 Diosqa Sion muqutaqa harkaykunqam.+
Juda allpapa llaqtankunatapas kaqmantam hatarichinqa,
hinaptinmi paykunaqa chaypi yachanqaku.
36 Runankunapa mirayninkunam chaypiqa yachanqaku.+
Diospa sutinta kuyaqkunam chaypiqa yachanqaku.+
Takiqkunata yachachiqpaq. Yuyarinapaq Davidpa takisqan.
70 Diosnilláy libraykullaway.
Jehova Dioslláy, chaylla hamuspaykiyá yanapaykullaway.+
2 Wañuchiy munawaqniykunayá
llapallanku pinqaypi kachunku.
Ñakarisqaymanta kusikuqkunaqa
pinqakuymantayá ayqikuchunku.
3 Ñuqamanta asikuqkunaqa
pinqaypiyá kachunku.
4 Qamta maskasuqnikikunayá
ichaqa kusikuymanta kancharichunku.+
Yanapaykusqaykirayku kusikuqkunayá nichunku:
“¡Diosyá hatunchasqa kachun!”, nispa.
5 Ñuqam ichaqa mana kallpayuq wakcha kallachkani.+
Diosnilláy, utqaymanyá yanapaykullaway.+
Qanmi yanapaykuwaqniyqa kanki, qanmi harkaykuwaqniyqa kanki.+
Jehova Diosnilláy, amayá unamuychu.+
71 Jehova Dioslláy, qampim hapipakullani.
Amayá haykapipas pinqaypiqa kallasaqchu.+
2 Allin ruwaq kasqaykiraykuyá harkaykullaway.
Kumuykamuspayá uyariykullaway, hinaspayá harkaykullaway.+
3 Pakakunaypaq sapa kuti yaykunay machay
hinayá qamqa kapuway.
Qamyá kamachiy yanapaykuwanankupaq.
Qamqa kanki harkaykuwaqniy qaqa hinam, qamqa kanki pakakunay wasi hinam.+
4 Diosnilláy, mana allin runakunamantayá harkaykullaway.+
Ñakarichiwaqniykunapa makinmantayá libraykullaway.
5 Llapallan kamachiq Jehova Diosnilláy, qamllapim hapipakullani.
Musu kasqaymantaraqmi qamllapi hapipakullani.+
6 Mamay wachakuwasqanmantapacham qamqa yanapawarqanki.
Qanmi mamaypa wiksanmanta hurquykuwarqanki.+
Qamtam haykapipas hatunchallayki.
7 Achka runakunam ñuqamanta uyarayankuraq.
Ichaqa qanmi harkaykuwaqniy kanki.
8 Qamta hatunchallanaypaqmi simillayqa kachkan.+
Tukuy punchawmi suma-sumaq kasqaykimanta rimallani.
9 Yuyaqyaruptiyqa amayá qunqarullawaychu.+
Kallpallay pisiruptinpas amayá saqirullawaychu.+
10 Chiqniwaqniykunam ñuqamanta rimanku.
Wañurachiwaqniy munaqkunam huñunakuruspanku rimanku.+
11 Paykunam ninku: “Diosmi saqirun, qatispaykichik hapiramuychik.
Manam pipas yanapaykuqninqa kanchu”, nispa.+
12 Taytalláy, amayá karullamantaqa qawawaychu.
Taytalláy, utqayman hamuspaykiyá yanapaykullaway.+
13 Chiqniwaqniykunaqa pinqayman churasqayá kachunku
hinaspa chinkachisqayá kachunku.+
Mana allinniyta munaqkunaqa
pinqayman churasqayá kachunku.+
14 Ñuqam ichaqa hinalla suyasqayki.
Aswan-aswanraqmi hatunchallasqayki.
15 Allin ruwaq kasqaykimantam rimallasaq.+
Waqaychakuq Dios kasqaykimantam tukuy punchaw rimallasaq.
Tukuy ima ruwasqayki mana yupay atina kaptinpas rimallasaqmi.+
16 Llapallan kamachiq Jehova Dioslláy,
rispaymi atiywan ruwasqaykikunamanta rimallasaq.
Qampa allin ruwaq kallasqaykimantam rimallasaq.
17 Diosnilláy, musu kasqaymantaraqmi qamqa yachachillawarqanki.+
Kunankamapas hinallam willakullachkani sumaq kaqkuna ruwasqaykimanta.+
18 Diosnilláy, yuyaqyaruspa suqu umaña kallaptiypas amayá saqirullawaychu.+
Qipa wiñaykunamanyá atiynikimanta willaykullasaq.
Qipa hamuqkunamanyá atiynikimanta willaykullasaq.+
19 Diosnilláy, allin ruwasqaykim alto-altokamaraq chayarun.+
Hatu-hatunmi tukuy ima ruwasqaykikunaqa.
Diosnilláy, ¿pitaq qam hinaqa kanman?+
20 Ñakariykunapiwan sasachakuykunapi kanayta saqiwachkaspaykipas+
kaqmantayá kawsarichiway.
Allpapa sunqunmantayá hatariykachillaway.+
21 Astawanraqyá hatunchaway.
Harkaykuwaspaykiyá sunqullayta tiyaykachiy.
22 Hinaptinqa Diosnilláy, hapipakunapaq kasqaykiraykum+
cuerdayuq kaqkunata tocaspay hatunchasqayki.
Israelpa chuya Diosnin,
arpawan takispaymi hatunchasqayki.
24 Allin ruwaq kasqaykimantam tukuy punchaw rimallasaq.+
Chiqniwaqniykunaqa llapallankum kamisqa kanqaku, pinqayman churasqam kanqaku.+
Salomonmanta taki.
72 Diosnilláy, kamachiqmanyá yachaynikita quykuy qam hina allin ruwaq juez kananpaq.
Kamachiqpa churintayá yanapaykuy mana pimanpas sayapakuq kananpaq.+
2 Runaykikunapa sasachakuynintayá allinta ruwaspa allichachun.
Wakchakunapa sasachakuynintapas allintayá allichachun.+
3 Urqukunayá runakunaman hawka kawsakuyta apamuchun.
Muqukunayá allin ruwayta apamuchun.
4 Payqa llaqtapi wakchakunatayá yanapachun.
Wakchakunapa churintayá yanapaykuchun.
Ñakarichiqkunatayá ichaqa sarupachun.+
5 Paykunapas chaynataq mirayninkunapas wiña-wiñaypaqmi kasukusunki.+
Intipas killapas kanankamaqa
kasukusunkimá.
6 Payqa kanqa rutusqa pastoman chayamuchkaq para hinam.
Allpata nuyuykuq para hinam.+
7 Pay kamachiptinqa allin ruwaqkunam waytarinqa.+
Hawka kawsakuymi kanqa killapas chinkanankama.+
8 Payqa kamachinqa lamar quchamanta huk lamar quchakamam.
Eufrates mayumanta qallaykuspam kuchun-kuchun kay allpa pachata kamachinqa.+
9 Chunniqpi yachaqkunam* llapallanku paypa qayllanpi qunqurakunqaku.
Chiqniqninkunaqa llapallankum allpata llaqwanqaku.+
10 Tarsis lawpiwan islakunapi kamachiqkunam kamachiqpa mañakusqanta qunqaku.+
Saba hinaspa Seba nacionpi kamachiqkunam tukuy imata apamunqaku.+
11 Kamachiqkunam llapallanku paypa qayllanpi qunqurakunqaku.
Llapallan llaqtakunam payta kasukunqaku.
12 Payqa yanapaykunanpaq qayakuq wakchatam yanapaykunqa.
Yanapaykunqataqmi mana hatuntukuqtapas, yanapaykunqataqmi mana piyniyuqtapas.
13 Mana piyniyuqkunatawan wakchakunatam yanapaykunqa.
Wakchakunatam wañuymanta harkaykunqa.
14 Sasachakuymantawan ñakariymantam paykunataqa libraykunqa.
Kamachiqpa ancha valorasqanmi paykunapa yawarninqa.
15 Payqa Saba lawmanta quritayá chaskikuchun.+
Paypaqyá sapa punchaw Diosta mañakuchunku.
Paytayá sapa punchaw bendecichunku.
16 Kay allpa pachapim kawsaykuna achkallaña qispinqa.+
Urqukunapa puntankunapipas achkallañam kanqa.
Libano lawpi hinaraqmi kamachiqpa kawsay tarpukusqankunaqa kanqa.+
Allpapi waytakuna hinam llaqtapi runakunaqa waytarinqa.+
17 Kamachiqpa sutinqa wiña-wiñaypaqyá kachun.+
Inti kanankamaqa hinayá aswan riqsisqa kachun.
Paypa bendecisqanyá runakunaqa kachun.+
Llapallan runakunayá paytaqa kusisqapaq hapichunku.
18 Israelpa yupaychasqan Jehova Diosyá hatunchasqa kachun.+
Payllam tukuy imataqa sumaqllataña ruwan.+
19 Wiña-wiñaypaqyá paypa sutinqa hatunchasqa kachun.+
Kanchariyninyá allpa pachaman huntaykuchun.+
Chaynayá kachun*, chaynayá kachun.
20 Kaypim tukun Jeseypa churin Davidpa mañakusqanqa.+
KIMSA KAQ
(Salmos 73-89)
Asafpa takisqan.+
73 Diosqa mayna allinmi Israel runakunapaqqa, chuya sunqu kaqkunapaqqa.+
2 Ñuqam ichaqa yaqalla urmaykurqani,
ñuqam ichaqa yaqalla wichiykurqani.+
3 Hatuntukuqkunapa allin kawsakusqantam munapayarqani.
Mana allin ruwaqkunapa hawka kawsakusqantam munapayarqani.+
4 Mana allin ruwaqkunaqa mana ñakarispam wañunkupas.
Alli-allinmi kawsakunkupas.+
5 Mana allin runakunaqa manam wakin runakuna hinachu llakikunku,+
manataqmi wakin runakuna hinachu ñakarinkupas.+
6 Mana allin runakunapaqa hatuntukuq kayninkum collarninku hina.+
Mana allin ruwayninkum pachanku hina.
7 Puqurusqankuraykum mana allin ruwaqkunapaqa ñawinkupas pawaruchkanña.
Paykunapa kapuqninkuqa ima munasqankumantapas aswan achkaraqmi.
8 Mana allin runakunaqa hukkunamantam burlakunku, mana allinllatam rimankupas.+
Hatuntukuspam hukkunata ñakarichinankupaq rimanku.+
9 Mana allin runakunaqa hanaq pachapipas kachkanmanku hinam rimanku,
allpa pachapim hatuntukuspanku tukuyta rimastin purinku.
10 Diospa runankunapas mana allin runakunapa ruwasqantañam qatipakunku,
mana allin runakunapa yakuntañam tomankupas.
11 Mana allin runakunam ninku: “¿Imaynatataq Diosqa yachanman?+
¿Imaynatataq hanaq pachapi taytaqa kaykunamanta yachanman?”, nispanku.
12 Arí, mana allin runakunaqa chaynam kanku, paykunapaqqa imapas manam sasachu.+
Mana allin runakunaqa aswan kapuqniyuqraqmi kankupas.+
13 Mana allin runakuna chayna kaptinkuqa,
¿imapaqñataq chuya sunquyuqqa kayman? ¿Imapaqñataq mana allinmantapas makiyta mayllakuyman?+
14 Ñuqaqa tukuy punchawmi hukmanyasqa karqani.+
Ñuqataqa sapa achikyaqtam castigawaqku.+
15 Kaykunata pimanpas nispayqa
runaykikunatach qipancharuyman karqa.
16 Chaykuna mana allin kasqanta sumaqta yachaykuyta munaspaymi
llakisqa tarikurqani.
17 Diospa suma-sumaq wasinman yaykuruspaymi ichaqa
yacharurqani mana allin runakunata ima pasananmanta.
18 Mana allin runakunataqa qanmi wichichinki.+
Mana allin runakunataqa mana imayuqtam saqinki.+
19 Mana allin runakunaqa ñawi qimchiyllapim chinkachisqa kanqaku.+
Paykunaqa qunqayllamantam chinkarunqaku, chay punchawqa paykunapaqqa manchakuypaqmi kanqa.
20 Jehova Dioslláy, imaynam pipas rikchariruptin puñuy chinkarun,
chaynam rikcharichkaq hina mana allin runakunataqa chinkachinki.
21 Sunquypim ichaqa piñasqa karqani,+
ukuypas nanay-nanayllañam karqa.
22 Ñuqaqa mana yuyayniyuqmi karqani, imatapas manam sumaqtachu yachaykuq kani.
Qampa qayllaykipiqa animal hinam karqani, mana imapas yachaqmi karqani.
23 Kunanmi ichaqa qanwan kachkani.
Qamqa alliq makiymantam hapillawachkanki.+
24 Allin ñanpi purinaypaqmi rimapayawanki.+
Chaymantam ichaqa hatunchawanki.+
25 Pitaq qanmanta hukqa hanaq pachapi kapuwanman,
kay allpa pachapipas qamllam kapuwanki, qanmanta huktaqa manam imatapas munanichu.+
26 Aychaywan sunquyña mana allin hina kaptinpas,
Diosmi ñuqapa sunquytaqa waqaychanqa. Payqa wiñaypaq herenciaymi.+
27 Qanmanta karunchakuqkunaqa wañunqakupunim.
Qamqa chinkachinkim llapallan qipanchasuqnikikunataqa.+
28 Ñuqapaqmi ichaqa Diosniyman asuykuyqa allinpuni.+
Ñuqapa pakakunayqa llapallan kamachiq Jehova Diosllam,
paypa tukuy ima ruwasqankunamantam ñuqaqa willakusaq.+
74 Dioslláy, ¿imaynanpitaq wiñaypaq qipancharuwankiku?+
¿Imaynanpitaq llumpa-llumpayta piñakurunki pastoykipi mikuq ovejaykikunapaqqa?+
2 Yuyariyá rantisqayki runaykikunataqa.+
Yuyariyá qampaqña kananpaq sasachakuymanta hurquykusqayki ayllutaqa.+
Yuyariyá kasqayki Sion muqutaqa.+
3 Hamuspayá qawaykuy pirqakuna tuñirachisqankuta.+
Mana allin runakunam chuya wasikita qalaypaq tuñirachinku.+
4 Chiqnisuqnikikunam wasikipi qayaykachakurqaku.+
Chaypim tukuy imata sayarachinku wañuchisqankumanta runakuna yachananpaq.
5 Chay chiqnisuqnikikunaqa hachankuwan sachakunata takaq runakuna hinam karqaku.
6 Hachakunawan hinaspa fierrokunawanmi llaqllasqa kaqkunata pakiparurqaku.+
7 Wasikitam kañaykurqaku.+
Sutiki apaq carpaykitam yanqacharurqaku. Sutiki apaq carpaykitam wichirachirqaku.
8 Chiqnisuqnikikunaqa mirayninkunapiwanmi sunqunkupi nirqaku:
“Diosta yupaychasqanku sitiokunata llapallanta kañarusunchik”, nispanku.
9 Qawanaykupaqqa ima señalpas manañam kanchu.
Diosmanta willakuqkunapas* manañam kanchu.
Manataqmi mayqanllaykupas yachanikuchu haykapikama kayna kanaykutaqa.
10 Dioslláy, ¿haykapikamataq hinalla chiqniwanqaku?+
¿Haykapikamataq chiqnisuqnikikunaqa sutikimanta mana allinllata rimanqaku?+
11 ¿Imaynanpitaq alliq* makikita mana haywarimunkichu?+
Makikita haywarimuspaykiyá chiqnisuqnikikunata chinkachiy.
12 Diosniyqa ñawpaqmantaraqmi kamachiqniy.
Payqa imamantapas runakunata harkaykuqmi.+
13 Atiynikiwanmi lamar quchata taspirqanki.+
Lamar quchapi manchakuypaq kaqkunatam umanpi sarurqanki.
14 Cocodrilopa* umankunatam saruparqanki.
Aychantañataqmi llaqtapi runakunaman mikuchirqanki, chunniqpi runakunamanmi mikuchirqanki.
15 Pukyukunatam tuqyachirqanki, mayukunatam kallpachirqanki.+
Kallpaq mayukunatam chakichirqanki.+
16 Qampam tutapas punchawpas.
Qanmi achkitapas rikurichirqanki, qanmi intitapas unancharqanki.+
17 Qanmi kay allpa pachatapas maymi kasqanmanta maymi kanankama kananpaq nirqanki.+
Qanmi usyay tiempotapas chaynataq puquy tiempotapas rikurichirqanki.+
18 Jehova Dioslláy, chiqnisuqnikikunapa mana allinkuna nisusqaykitayá yuyariy.
Mana yuyayniyuq runakuna sutikita mana kaqpaqta hina hapisqankutayá yuyariy.+
19 Dioslláy, urpikitaqa amayá purun animalkunamanqa quykuychu.
Amayá ñakariq runaykikunataqa wiñaypaqqa qunqaruychu.
20 Dioslláy, ñuqaykuwan contrato* ruwasqaykitaqa amayá qunqaruychu.
Kay pachapa tutayay kuchunkunapiqa mana allinllañam.
21 Ñakariq runaqa amayá qanmantaqa karunchakuchunchu iskayrayaspaqa.+
Mana pipa qawarisqan runakunayá sutikita hatunchachun. Wakchakunayá sutikita hatunchachun.+
22 Dioslláy, hatarispaykiyá rimarikuy.
Yuyariyá mana yuyayniyuq runapa tukuy punchaw kamisusqaykita.+
23 Amayá qunqaychu chiqnisuqnikikunapa imapas nisusqaykitaqa.
Kamisuqnikikunaqa mana tukuytam mana allinta nisunki.
Takiqkunata yachachiqpaq “Amayá tuñichiychu” sutiyuq taki. Asafpa takisqan.+
75 Taytalláy, ñuqaykurayku tukuy ima ruwasqaykimantaqa agradecekuykikum.
Arí, tukuy ima ruwasqaykimantaqa agradecekunikum.
Qamqa hichpallaykupim kachkanki,+ runakunapas sumaq-sumaqllataña tukuy imakunata ruwasqaykimantam willakunku.
2 Taytalláy, qanmi ninki: “Haykapi juzganaypaq nispayqa
mana pimanpas sayapakuspam juzgani.
3 Allpa pachaña kuyuptinpas ñuqam sumaqta takyachini,
runakuna mancharisqallaña kaptinkupas ñuqam hawkayachini”, nispa. (Samarinapaq).
4 Ñuqam hatuntukuqkunata nirqani: “Amayá pimantapas aswan allinpaqqa hapikuychikchu”, nispay.
Mana allin ruwaqkunatam nirqani: “Amayá hatuntukuychikchu,
5 amayá hatuntukuychikchu,
amataqyá hatuntukuspaqa rimaychikchu.
6 Runakunapa hatuntukuq kayninqa hamun manam intipa qispimunanmantachu,
intipa siqaykunanmantachu nitaq uray* lawmantachu.
7 Diosqa juezmi.+
Payqa wakintam wichichin wakintañataqmi hatunchan.+
8 Jehova Diosmi vasota hapichkan,+
vinopas puqusqam kachkan, pusuqarichkaqraqmi kachkan.
Payqa talliykunqapunim,
llapallan mana allin runakunam chakiy-chakiy kanankama tomanqaku”, nispa.+
9 Ñuqam ichaqa, kaykunamanta haykapikamapas willakusaq.
Jacobpa Diosnintam takispay hatunchasaq.
10 Diosmi nin: “Mana allin runakunapa atiynintam tukusaq,
allin ruwaqkunapa atiynintam ichaqa yapasaq”, nispa.
Takiqkunata yachachiqpaq, cuerdayuq kaqkunawan Asafpa takisqan.+
76 Diosqa riqsisqam juda allpapiqa.+
Sutinpas ancha riqsisqam Israel allpapiqa.+
3 Chaypim linwachkaq flechakunata pakiparqa,
harkachikunatawan espadatam pakiparurqa, peleanapaq kaqkunatapas pakiparurqam.+ (Samarinapaq).
4 Qamqa achkiynikiwanmi kancharinki.
Purun animalkunata hapinanku urqukunamantapas suma-sumaqmi kanki.
5 Mana manchakuqkunapas, qari-qari runakunapas mana imayuqmi qiparurqaku.+
Paykunaqa puñururqakum.
Soldadokunapas manam ima ruwakuytapas atirqakuchu.+
6 Jacobpa yupaychasqan taytalláy, qam qaqchaykuptikim
carretata apaq runapas puñururqa, carreta aysaq caballopas puñururqam.+
7 Taytalláy, qamqa manchakuna Diosmi kanki.+
¿Pitaq qam piñakuptiki kawsanman?+
8 Hanaq pachamantam imam ruwanaykita nimurqanki.+
Hinaptimi allpa pachapas mancharikuspa upallalla karqa.+
9 Imam ruwananta ruwananpaqmi Diosqa hatariykurqa,
allin ruwaqkunata mana allinmanta waqaychaykunanpaqmi Diosqa hatariykurqa.+ (Samarinapaq).
10 Taytalláy, runakunapa piñakuyninqa qamtam hatunchasunki.+
Piñakuyninkuqa alaqa hinam qampaq kanqa.
11 Jehova Diosmanyá niychik imatapas ruwapunaykichikpaq, hinaspayá nisqaykichikman hina ruwaychik.+
Paypa muyuriqninpi kaqkuna, llapallaykichikyá regalokunata manchakuywan apamuychik.+
12 Diosqa pinqaymanmi churanqa hatuntukuq kamachiqkunataqa.
Payqa allpa pachapi kamachiqkunatam manchakuymanta katkatatachin.
Takiqkunata yachachiqpaq. Jedutun. Asafpa takisqan.+
77 Ñuqaqa Diostam qayakullasaq yanapallawananpaq.
Qayakuptiymi payqa uyariykamullawanqa.+
2 Hukmanyasqa kallaspayqa Jehova Diostam maskallani.+
Tutankunapas mana samaykullaspam makiyta payman haywarillani.
Manam imapas sunquytaqa tiyaykachinchu.
3 Diosta yuyariptiyqa llakillañam hapiwan,+ hukmanyasqam tarikullani.
Kallpallaypas manañam kanchu.+ (Samarinapaq).
4 Manañam puñuykuytapas atinichu, manam hawkachu tarikullani.
Manam ima niytapas atiniñachu.
5 Ñawpaq punchawkunatam yuyarillani,+
ñawpaq watakunatam yuyarillani.
6 Tutankunam takisqayta yuyarillani.+
Sunqullaypim yuyaymanani.+
Tukuy imapim yuyaymanani.
7 ¿Wiñaypaqchu Jehova Diosqa saqiruwasun?+
¿Manachu haykapipas yanapaykuwasun?+
8 ¿Wiñaypaqchu kuyakuyninqa* tukurun?
¿Qipa wiñaykunapaq imapas ruwananpaq nisqantaqa manachu cumplinqa?
9 ¿Diosqa qunqarunchu yanapawayninchikta,+
icha piñakuruspanchu manaña llakipayawanchik? (Samarinapaq).
10 ¿Hinallachu ninay: “Llakisqam kachkani
hanaq pachapi taytanchik manaña kuyapayawasqanchikrayku”, nispay?+
11 Jehova* Diospa tukuy ima ruwasqankunataqa manam qunqasaqchu.
Ñawpaqta tukuy imakuna ruwasqaykitaqa manam qunqasaqchu.
12 Tukuy ima ruwasqaykipim yuyaymanasaq.
Imatapas imayna ruwasqaykipim yuyaymanasaq.+
13 Taytalláy, ñannikikunaqa chuyam.
Taytalláy, qam hina atiyniyuqqa manam pipas kanchu.+
14 Taytalláy, qamllam kanki tukuy imatapas suma-sumaqta ruwaqqa.+
Qamlla atiyniyuq kasqaykitam llaqtapi runakunaqa yacharqa.+
15 Atiynikiwanmi hurqumurqanki runaykikunataqa.+
Atiynikiwanmi hurqumurqanki Jacobpa churinkunata hinaspa Joseypa churinkunata. (Samarinapaq).
16 Taytalláy, yakukunam qawasurqanki.
Qawasuspaykim yakukuna mancharikurqa.+
Uku-uku yakupas urquchakurqam.
17 Puyukunamantam para taqtakamurqa.
Hanaq pachamantam rayokunapas tunrururumurqa,
flechaykikunam kayman-chayman chayarqa.+
18 Rayoykikunapa tunrururumusqanpas carretapa kallpasqan hinam uyarikurqa.+
Kay allpa pachatam llipyaykikuna kancharirqa.+
Kay allpa pachapas manchakuymantam katkatatarqa.+
19 Ñannikiqa lamar qucha chawpintam rirqa,+
achkallaña yakupa chawpintam rirqa.
Chaywanpas yupikiqa manam qiparqachu.
20 Runaykikunatam ovejakunata hina pusarqanki,+
Moisestawan Aarontam runaykikunata nanachikunankupaq churaykurqanki.+
78 Runallaykuna kamachisqaykunatayá kasukuychik.
Imapas nisqaykunatayá uyariychik.
2 Simiyta kicharispaymi suma-sumaqta rimapayasqaykichik.
Ñawpaqmantaraq mana entiendesqaykichikkunatam yachachisqaykichik.+
3 Tayta-mamanchikkunapa willawasqanchikkunataqa,
tukuy ima uyarisqanchikkunatawan tukuy ima yachasqanchikkunataqa,+
4 churi-wawaykikunamanqa mana pakaspam willasaq.
Jehova Diospa tukuy ima ruwasqanmanta,+
hatunchasqa kasqanmanta, atiyninmanta+ chaynataq
tukuy imatapas suma-sumaqta ruwasqanmantam qipa wiñaykunaman willasaqku.+
5 Diosqa Jacobmanmi kamachikuyta qurqa.
Israelmanmi kamachikuyta qurqa.
Ñawpaq abuelonchikkunatam nirqa
kaykunata churi-wawankuman yachachinankupaq.+
7 Paykunaqa churi-wawankupas Diospi hapipakunankupaq.
Diospa tukuy ruwasqankunata mana qunqarunankupaq,+
aswanqa tukuy kamachikuyninkunata kasukunankupaq.+
8 Chaynapi paykuna ñawpaq abuelonku hina mana kanankupaq,
ñawpaq abuelonkuqa mana uyarikuqmi chaynataq mana kasukuqmi karqaku.+
Ñawpaq abuelonkuqa ñataq-ñataqmi qipaman kutiqku.+
Ñawpaq abuelonkuqa Diostam qipanchaqku.
9 Efrain ayllukunaqa flechayuqkamam karqaku,
ichaqa peleanankupaq punchaw chayaramuptinmi qipaman kutirqaku.
10 Manam Dioswan contrato* ruwasqankuman hinachu ruwarqaku.+
Kamachikuykuna qusqantapas manam kasukurqakuchu.+
11 Paykunarayku tukuy ima ruwasqantapas qunqarurqakum,+
atiyninwan tukuy imata ruwaspa qawachisqantapas qunqarurqakum.+
12 Ñawpaq abueloykichikkuna qawachkaptinmi atiyninwan tukuy imata ruwarqa.+
Chaykunataqa ruwarqa Egiptopi kaq Zoan lawpim.+
13 Lamar quchatam kichaykurqa chayninta chimpanankupaq.
Yakukunata kichaykuptinmi kaylawpi waklawpi pirqa hina takyarurqa.+
14 Punchawmi puyuwan pusarqa,
tutanñataqmi ninawan kanchaspan pusarqa.+
15 Chunniqpim rumi qaqakunata pakirqa, saksanankukamam yakuta qurqa.
Achka-achka yakumantapas tomachkanmanku hinam tomarqaku.+
16 Qaqamantam achka yakuta pawachimurqa.
Yakukunam mayukuna hinaraq kallparqa.+
17 Ñawpaq abueloykichikkunam ichaqa hanaq pachapi taytanchikta hinalla qipancharqaku.
Chunniqpi mana kasusqankuwanmá huchallikurqaku.+
18 Diostam piñachirqaku
munasqanku mikuyta mañapayaspanku.+
19 Diosmantam nirqaku: “¿Yaqachu kay chunniqpi
mikuyta quruwachwan?”, nispanku.+
20 Nirqakuraqmi: “Hatun rumita waqtaruptinqa
achkallay-achka yakum llimparinankama lluqsiramurqa.+
¿Chaynachu tantatawan aychatapas quruwasunchik?”, nispanku.+
21 Jehova Diosñataqmi chayta uyariruspan llumpayta piñakururqa.+
22 Manam Diospiqa hapipakurqakuchu.+
Dios yanapaykunanmantam iskayrayarqaku.
23 Chayraykum Diosqa puyukunata kamachimurqa,
cielopa punkuntam kichaykamurqa.
24 “Maná” sutiyuq mikuytam parachimurqa sapa punchaw mikunankupaq.
Hanaq pachamantamá mikuyta qumurqa sapa punchaw mikunankupaq.+
25 Atiyniyuqkunapa* mikunantam mikurqaku.+
Dios achkanpi quykuptinmi saksanankukama mikurqaku.+
26 Intipa qispimunanmantam wayrata pukuchimurqa,
atiyninwanmi sur lawmanta wayrata pukuchimurqa.+
27 Ñutu allpata hinam aychatapas parachimurqa,
alton pawaqkunatam lamar quchapa patanpi aquta hina parachimurqa.
28 Yachasqankupa* chawpinmanmi wichichimurqa,
yachasqankupa muyuriqninmanmi wichichimurqa.
29 Paykunaqa aminankukamam mikurqaku.
Diosqa munasqankutam qurqa.+
30 Ichaqa manaraq saksachkaptinkum,
mikusqankupas simillankupiraq kachkaptinmi
31 Diospa piñakuynin paykunaman chayarurqa.+
Diosmi kallpasapa runakunata wañurachirqa.+
Diosmi Israelpa miraynin musukunata chinkarachirqa.
32 Chayta qawachkaspankupas hinallam huchallikurqaku.+
Diospa tukuy ima ruwasqanta qawachkaspankupas manam Diospiqa hapipakurqakuchu.+
33 Chayraykum Diosqa waspiyta hina paykunata chinkarachirqa.+
Manchakuypaq kaqkunawanmi paykunata chinkarachirqa.
34 Diosta mana kasukusqankurayku wañuy karuptinmi chayraq Diosta maskarqaku.+
Chayraqmi Diosmanqa kutirikurqaku.
35 Chayraqmi yuyarirqaku Diosqa pakaykuqnin ruminku hina kasqanta,+
chayraqmi yuyarirqaku Diosqa hanaq pachapi taytanku kasqanta.
Chayraqmi yuyarirqaku Diosqa tukuy imamanta libraykuqninku kasqanta.+
36 Ichaqa yanqakunatam rimaqku,
llullallatam rimaqku.
37 Manam sunqumantachu yupaycharqaku.+
Manam contrato ruwasqankuman hinachu ruwarqaku.+
38 Chaywanpas Diosqa paykunatam llakipayarqa.+
Huchankuta pampachaspam paykunataqa mana chinkarachirqachu.+
Llumpa-llumpay piñakuyninpi paykunata chinkarachinanpaq kachkaptinpas,+
manam chayraykuchu paykunataqa chinkarachirqa.
40 ¡Achka kutikamam Diostaqa chunniqpi qipancharqaku!+
¡Achka kutikamam Diostaqa chunniqpi llakichirqaku!+
42 Manam yuyarirqakuchu atiyninwan Dios hurqumusqantaqa,
manam yuyarirqakuchu ñakarichiqninku runakunapa makinmanta hurqumusqantaqa.+
43 Manam yuyarqakuchu Egiptopi Diospa tukuy ima ruwasqantaqa.+
Manam yuyarqakuchu Zoan lawpi Diospa milagrokuna ruwasqantaqa.
44 Manataqmi yuyarqakuchu manaña tomanankupaq
Nilo mayuta yawaryarachisqantapas.+
45 Tankayllukunatam* puyuta hinaña Egipto runakunaman aparamurqa.+
Karyakunatam Egipto runakunaman aparamurqa.+
46 Tarpusqanku kawsaykunatam aqarway uruwan tukurachirqa.
Llamkasqankutam aqarway uruwan tukurachirqa.+
47 Uvasninkutam runtu parawan tukurachirqa.+
Purun higosninkutam runtu parawan chinkarachirqa.
48 Carga apananku animalninkutam runtu parawan wañurachirqa.+
Wakin animalninkutam rayowan* wañurachirqa.
49 Piñakuyninpim Egipto runakunaman sasachakuyta chayachirqa,
ñakariyta chayachirqa hinaspa piñakuyninta chayachirqa,
angelninkunatam kachamurqa paykunata ñakarichinanpaq.
50 Piñakuyninpaqmi ñanta kicharirqa,
manam paykunataqa wañuymantaqa harkarqachu.
Unquywanmi paykunataqa tukururqa.
51 Egipto runakunapa piwi* churinkutam llapallanta wañurachirqa.+
Campa mirayninpa carpankunapim piwi churinkuta wañurachirqa.
52 Chaymantam runankunata ovejakunata hina pusarqa.+
Chunniqnintam ovejakunata hina pusarqa.
53 Tukuy imamanta waqaychaspam pusarqa,
chaymi mana imatapas manchakurqakuchu.+
Chiqniqnin runakunatam lamar qucha millpururqa.+
54 Runankunatam ichaqa sapaqchasqan allpaman pusarqa.+
Alliq* makinwan tarisqan urqukunamanmi pusarqa.+
55 Risqanku lawpi runakunatam qarqurqa.+
Llapallan runankunamanmi herencianta qurqa.+
Israelpi llapallan ayllukunatam maypi yachanankupaq churarqa.+
56 Ichaqa hinallam Diosta piñachirqaku.
Hanaq pachapi taytankutam hinalla qipancharqaku.+
Kamachisqankunatapas manam kasukurqakuchu.+
57 Ñawpaq abuelonku hina iskay uya kaspankum Diosta qipancharurqaku.+
Mana allin tiqusqa flecha hinam mana hapipakunapaq hina karqaku.+
58 Taytacha-mamachakunata yupaychanankupaq muqukunata ruwaspankum kaqmanta-kaqmanta Diosta piñachirqaku.+
Diostam piñachirqaku taytacha-mamachakunata ruwaspanku.+
59 Diosqa chayta qawaspanmi llumpayta piñakurqa.+
Chayraykum Israel runakunataqa qalaypaq qipancharurqa.
61 Atiyninta qawachikunan baulnintam chiqniqninkunapa makinpi saqiykurqa.
Kancharinan baulnintam chiqniqninkunapa makinman churaykurqa.+
62 Espadawan runankunata chiqniqninkuna wañuchinankupaqmi saqiykurqa.+
Runankunapaqmi llumpa-llumpayta piñakururqa.
63 Musun kaqkunatam nina ruparurqa,
manaraq qari riqsiq sipaskunatapas manam hatuncharqakuchu.
64 Sacerdotekunatapas* espadawanmi wañuchirqaku.+
Wañukuqkunapa warminkupas manam waqarqakuchu.+
65 Jehova Diosñataqmi puñusqanmanta rikcharichkaq hina rikcharirurqa.+
Vinowan sinkarusqanmanta kallpasapa runa mallaqyaruq hinam mallaqyarurqa.+
66 Chiqniqninkunatam maymi hamusqankuman kutichirqa,+
chiqniqninkunatam pinqayman wiñaypaq churarurqa.
67 Joseypa mirayninkunatam qipancharurqa.
Efrain aylluntapas manam akllarqachu.
70 Yupaychaqnin Davidtam akllaykurqa.+
Ovejakunapa kanchanmantam hurquykurqa.+
71 Uñayuq ovejakunata michisqanmantam hurquykurqa.
Jacobpa mirayninkunata michinanpaqmi akllaykurqa,
runankunamanta nanachikunanpaqmi akllaykurqa,+ akllakusqan Israel runakunata michinanpaqmi akllaykurqa.+
Asafpa takisqan.+
79 Dioslláy, chiqnisuqniki runakunam runaykikunapa yachasqanman* yaykurunku.+
Chuya wasikitam* yanqacharunku.+
Jerusalentam tuñirachinku.+
2 Wañukuq runaykikunapa aychantam alton pawaqkunaman qaraykunku.
Wañukuq runaykikunapa aychantam purun animalkunaman qaraykunku.+
3 Jerusalenpa muyuriqninmanmi yawarninkutapas yakuta hinaña chaqchurunku.
Wañukuqkunata pampananpaqpas manañam pipas kanchu.+
4 Mana yupaychasuqniki runakunapa burlakunanñam rikuriruniku.+
Muyuriqniykupi runakunam pinqayman churawaspanku asikuwanku.
5 ¿Haykapikamataq Jehova Diosllayku piñasqa kanki? ¿Wiñaypaqchu piñasqa kanki?+
¿Haykapikamataq piñakuynikiqa nina hina kanqa?+
6 Mana riqsisuqniki nacionkunamanyá piñakuynikitaqa kachariy.
Sutikipi mana qayakuq llaqtakunamanyá piñakuynikitaqa kachariy.+
7 Chay runakunaqa Jacobtam millpurunku.
Allpantapas mana imayuqtam saqirunku.+
8 Ñawpaq abueloykupa huchanmantaqa amayá ñuqaykuqa ñakarisaqkuchu.+
Diosllayku, llakipayariykullawaykuyá.+
Qalaypaqmi pinqayman churaruwanku.
9 Diosllayku yanapaykullawaykuyá.+
Ancha riqsisqa sutikiraykuyá yanapaykullawayku.
Sutikiraykuyá kay sasachakuymanta hurquykullawayku, huchaykutayá pampachaykullawayku.+
10 Amayá saqiychu huklaw llaqtayuq runakuna
“maytaq Diosninku” ninankutaqa.+
Qawachkaptiykuyá ñuqaykuta imam ruwawasqankuman hina paykunatapas ruway.+
11 Huklaw runakunapa makinpi kaq runaykitam llakillaña hapin.+
Huklaw runakunapa makinpi kaq runaykikunatayá wañuymanta atiynikiwan libraykuy.+
12 Jehova Dioslláy, huklaw llaqtapi runakunaqa
qanmanta mana allinta rimasqankuraykuyá qanchis kutikama ñakarichunku.+
13 Chayta ruwaptikiqa ñuqaykurayku imapas ruwasqaykimantam wiñaypaq agradecekusqaykiku.
Chayta ruwaptikiqa pastoykipi mikuq+ ovejaykikunaqa ñuqaykurayku imapas ruwasqaykimantam wiñaypaq agradecekusqaykiku.
Hatunchasqa kasqaykimantam haykapipas willakusaqku.+
Takiqkunata yachachiqpaq. Amanqaymanta takiman hina taki. Yuyarinapaq. Asafpa takisqan.+
80 Israel runakunapa michiqnin uyariykuy.
Ovejata hina Joseyta pusaq Diosnilláy, uyariykuyá.+
2 Efrainpa, Benjaminpa, Manasespa ñawpaqninpiyá
atiyniki sutilla kachun.+
Hamuspayá yanapaykullawayku.+
3 Taytalláy, kaqmantayá sayariykachillawayku.+
Yanapasqa kanaykupaqyá uyayki kancharimullawachunku.+
4 Angelkunata kamachiq Jehova Dioslláy. ¿Haykapikamataq piñasqa kanki? ¿Haykapikamataq qayakamusqaykuta mana uyariwankikuchu?+
5 Qamqa wiqinkutam tantata hina quykunki.
Qamqa wiqinkutam millpuykachinki.
6 Qamqa huklaw runakuna qichunakuwanankupaqmi saqiruwankiku.
Chiqniwaqniyku runakunam munasqankuta ruwawanku. Chiqniwaqniyku runakunam ñuqaykumanta asikunku.+
7 Angelkunata kamachiq taytalláy, kaqmantayá sayariykachillawayku.
Yanapasqa kanaykupaqyá uyayki kanchariykamullawachunku.+
8 Egiptomantam uvasta lluqsichimurqanki.+
Manaraq plantachkaspaykim huklaw runakunata qarqurqanki.+
9 Chay allpapi tukuy kaqkunata hurquruspam sumaqta qallpayachirqanki.
Chaypi sapichakuspam enteron allpapi mastarikurqa.+
10 Llantuyninmi urqukunatapas pampaykurqa.
Diospa cedro sachankunatapas kallmankunam llantuykurqa.
11 Lamar quchakamam kallmankunaqa chayarqa.
Eufrates mayukamam ikllipankunapas* chayarqa.+
12 ¿Imaynanpitaq uvasnikikunapa murallanta tuñirachinki?+
Tuñisqata qawaspankum chaynin puriq runakunapas uvasnikita pallakunku.+
13 Purunpi wiñaq kuchikunam uvasnikita mikukunku.
Purun animalkunam uvasnikita mikukunku.+
14 Angelkunata kamachiq taytalláy, ama hina kaspayá kutirimuy.
Hanaq pachamanta qawarimuy.
Qawarimuspaykiyá kay uvasnikita sumaqta waqaychaykuy.+
15 Plantasqayki raku tulluntayá alliq* makikiwan waqaychaykuy.+
Qawarimuyá kallmankunata, qampaqmi mana pakikuqta wiñachirqanki.+
16 Ninawanmi kañarunku,+ takaparunkum.
Qaqchaptikim runakuna wañuchkanku.
17 Makikiyá hapichun alliqnikipi kaq runataqa.
Makikiwanyá hapiykuy runapa churinta. Qampaqmi kallpasapata ruwaykurqanki.+
18 Chayta ruwaptikiqa manam qanmantaqa karunchakusaqkuchu.
Wañuymantayá harkaykuwayku, chaynapi sutikipi qayakamunaykupaq.
19 Angelkunata kamachiq Jehova Dioslláy, kaqmantayá sayariykachillawayku.
Yanapasqa kanaykupaqyá uyayki kancharimullawachunku.+
Takiqkunata yachachiqpaq. Guitit*. Asafpa takisqan.+
81 Diospa ñawpaqninpiyá kusikuymanta qapariychik, Diosqa kallpa quwaqninchikmi.+
Jacobpa Diosninpaqyá kusikuymanta qapariychik.
2 Imatapas tocaspayá qallariychik, panderetata salsalyachiychik.
Arpatawan cuerdayuq kaqkunatayá tocaychik.
3 Llullu killa kaptinqa waqratayá pukuychik.+
Puqusqa killa kaptinqa waqratayá pukuychik.
Kusikunanchik hatun punchawpaqyá* waqrata pukuychik.+
4 Kay kamachikuyqa Israel runakunapaqmi.
Jacobpa Diosninmi kaytaqa kamachin.+
Mana yachasqay rimaypim kayna qayakuyta uyarirqani:
6 “Hombroykipi llasaq qipimantam samaykachirqayki.+
Llasaq canastata makikipi apasqaykimantam samaykachirqayki.
7 Llakisqa kaspa qayakamuwaptikim runakunapa makinmanta libraykurqayki.+
Rayokunapa kanan puyu ukumantam rimapayamurqayki.+
Meriba* law yakukunapim imayna kasqaykita yachaykuyta munarqani.+ (Samarinapaq).
8 Runallaykuna uyariwaychik, qamkunapa contraykichikpim rimasaq.
Israel runakuna, allinchá kanman uyariykuwaptikichikqa.+
9 Qamkuna ukupiqa amayá kachunchu taytacha-mamachakunaqa.
Huklaw runakunapa yupaychasqan taytacha-mamachakunapa ñawpaqninpiqa amayá qunqurakuychikchu.+
10 Ñuqa taytayki Jehova Diosllam Diosnikiqa kani.
Ñuqam Egiptomanta hurqumurqayki.+
Simikita allinta kichariy, simiki huntatam imatapas quykusqayki.+
11 Runaykunam ichaqa mana uyariwarqakuchu.
Israel runakunaqa manam kasuwarqakuchu.+
12 Chayna kaptinkum ñuqaqa saqirurqani sunqunkupa munasqanta ruwanankupaq.
Munasqankutamá ruwarqaku.+
13 Allinchá kanman runaykuna uyariykuwaptinqa.+
Allinchá kanman Israel runakuna ñanniykunapi puriptinqa.+
14 Chayna kaptinqa chiqniqninkunatam pinqayman churayman.
Chayna kaptinqa chiqniqninkunatam castigayman.+
15 Jehova Diosta chiqniqkunaqa qayllanpim laqaykachanqaku.
Paykunaqa wiñaypaqmi chinkanqaku.
16 Diosqa allinnin trigotam mikuchisunki.+
Hatun rumimanta hurqusqa mielwanmi saksachisunki”, niqta.+
Asafpa takisqan.+
82 Diosqa maymi kasqanpi sayaykuspanmi huñunakuypi kaqkunapa qayllanpi rimarin.+
Payqa dioskunapa qayllanpim tantiasqankunamanta rimarin:+
2 “¿Haykapikamataq juzganaykichikpaq runakuna hamusuptikichik mana allinllata ruwankichik?+
¿Haykapikamataq mana allin runakunallaman sayapakunkichik?+ (Samarinapaq).
3 Pipapas mana qawarisqan runatayá yanapaykuychik.
Mana taytayuqtayá yanapaykuychik.+ Mana piyniyuq runapaqwan wakcha runapaqyá allin kaqta ruwaykapuychik.+
4 Mana allin runakunapa makinmantayá mana pipa qawarisqan runatawan wakchata hurquykuychik.
Mana allin runakunapa makinmantayá libraykuychik”, nispa.
5 Manam imatapas yachankuchu dioskunaqa.
Manam imatapas entiendenkuchu.+
Kayman-chaymanmi tutayaypi purinku. Allpa pachapas uku-ukumantam katkatatachkan.+
6 Ñuqam nirqani: “Qamkunaqa dioskunam kankichik,+
qamkunaqa llapallaykichikmi hanaq pachapi taytapa churinkuna kankichik.
7 Ichaqa wakin runakuna hinam wañunkichik.+
Wakin kamachiq hinam chinkankichik”, nispay.+
8 Taytalláy, hatarispaykiyá kay allpa pachata juzgay,+
llapallan runakunaqa qampa makillaykipim.
Asafpa takisqan.+
83 Taytalláy, amayá upallallaqa kaychu.+
Diosnilláy, amayá upallallaqa kaychu. Amayá hawkallaqa kaychu.
2 Qawariy, chiqnisuqnikikunam chaqwakuchkanku.+
Chiqnisuqnikikunam hatuntukuspanku tukuyta ruwachkanku.
3 Runaykikunata mana allinta ruwanankupaqmi sakrillawan rimanakuchkanku.
Pakasqaykikunata mana allinta ruwanankupaqmi tantianakuchkanku.
4 Paykunam ninku: “Hakuchik llapallankuta chinkarachimusun,+
chaynapi Israel runakunata haykapipas manaña yuyarinankupaq”, nispanku.
5 Sunqullankupim tukuyta tantianku.
Qanwan peleanankupaqmi contratota* ruwarunku.+
6 Rimanakurunkum Edom runakuna, Ismael runakuna, Moab runakuna,+ Agar runakuna,+
8 Asiria runakunapas+ paykunamanmi hukllawakurun.
Lotpa mirayninkunata yanapanankupaqmi+ hukllawakurunku. (Samarinapaq).
9 Madian runakunata imam ruwasqaykiman hinayá paykunatapas ruwaruy.+
Sisarata hinayá paykunataqa ruwaruy. Cison mayupi Jabinta imam ruwasqaykiman hinayá paykunataqa ruwaruy.+
10 En-dor lawpim chinkarachirqanki.+
Allpapaq wanuñam rikurirurqaku.
11 Kamachiqninkupas Orebwan Zeeb hinayá kachunku.+
Umalliqninkupas Zebawan Zalmuna hinayá kachunku.+
12 Paykunam nirqaku: “Diospa yachasqan* allpatayá hapikuykusun”, nispanku.
13 Taytalláy, kichkata hinayá chakirachiy.+
Pajata wayra apachkaq hinayá kayman-chayman chiqirachiy.
14 Sachakunata nina rupachkaq hinayá ruparuy.
Urqukunata ninawan kañachkaq hinayá kañaruy.+
15 Wayrantin parawanyá qatikacharuy.+
Llumpa-llumpay wayrawanyá mancharichiy.+
16 Jehova Dioslláy, uyankutayá pinqayman churaruy,
chaynapi sutikita yachanankupaq.
17 Wiñaypaqyá pinqaypi kachunku. Wiñaypaqyá manchakuywan kachunku.
Pinqayman churasqayá kachunku. Chinkachisqayá kachunku.
18 Llapallan runakunayá yachachunku sutikiqa Jehova kasqanta.+
Yachachunkuyá kay allpa pachapa hawanpiqa qamlla hanaq pachapi tayta kasqaykita.+
Takiqkunata yachachiqpaq. Guitit*. Coreypa churinkunapa takisqan.+
84 Angelkunata kamachiq Jehova Dioslláy,
¡mayna sumaqmi qampa wasikiqa!+
2 Jehova Dioslláy, anchatam munani wasikipa punkunpi kayta,
arí, wañuruchkaniñam wasikipa punkunpi kanaymanta.+
Kawsaq Diospa ñawpaqninpim sunquywan aychaypas kusikuymanta qaparin.
3 Pichinkuchakunapas wasikipiqa qistachakunmi*.
Wayanakuypas wasikipiqa mallquchankunatam uywan.
Angelkunata kamachiq Jehova Dioslláy, altarnikipa hichpanpim wasichakun, altarnikipa hichpanpim mallquchankunata uywan.
¡Dioslláy, qamqa kanki kamachiqllaymi, Diosllaymi!
4 ¡Mayna kusisqam wasikipi yachaqkunaqa*!+
Paykunaqa wiñaypaqmi hatunchasunki.+ (Samarinapaq).
5 ¡Mayna kusisqam kanku qampi kallpata tariqkunaqa!+
¡Mayna kusisqam kanku wasikiman riq ñanninta sunqumanta puriy munaqkunaqa!
6 Baca sutiyuq wayquta chimpaspankum
pukyukunata chaypi rikurichinku,
yachachiqtapas punta kaq param hatunchan.
7 Sapa kutim aswan kallpawan purinqaku,+
Sion muqupim Diospa qayllanman sapakama asuykunqaku.
8 Angelkunata kamachiq Jehova Dioslláy, mañakamusqayta uyariykullaway.
Jacobpa Diosnin, qayakamusqaytayá uyariykullaway. (Samarinapaq).
10 ¡Ñuqapaqqa huk punchawllapas wasikipa pationpi kaymi aswan allinqa, waranqa kutita huklawpi kanaymantaqa!+
Ñuqaqa munani Diosniypa wasin punkupi kaytam,
huchallapi kaqkunapa wasinpi kanaymantaqa.
11 Jehova Diosqa inti hinam,+ payqa harkachikuna hinam.+
Payllam pitapas chaskiykun,
payllataqmi pitapas ancha riqsisqata ruwan.
Jehova Diosqa yanapanqam payman sunqu kaqkunataqa.+
12 Angelkunata kamachiq Jehova Dioslláy,
¡mayna kusisqam qamllapi hapipakuq runaqa!+
Takiqkunata yachachiqpaq. Coreypa churinkunapa takisqan.+
85 Jehova Dioslláy, allpaykitam kuyapayaykunki.+
Jacobpa kaqtam kutirachimunki, huklaw runakunapa makinpi kaqkunatam kutirachimunki.+
2 Runaykikunapa huchantam pampachaykunki.
Llapallan huchankutam pampachaykunki.+ (Samarinapaq).
3 Piñakuynikitam mana kachaykurqankichu.
Piñakuynikitam qanmanta karuncharurqanki.+
4 Waqaychaqniyku taytalláy, kaqmantayá huñuykullawayku,
amayá ñuqaykuwanqa piñakuruychu.+
5 ¿Wiñaypaqchu ñuqaykuwan piñasqa kanki?+
¿Lliw mirayniykunapaqchu piñasqalla kanki?
6 ¿Manachu kawsakuyta quwankiku
llaqtayki kusisqa kananpaq?+
8 Uyarisaqmi Jehova Diospa nisqanta,
payqa payman sunqu runakunamanmi hawkayaymanta ninqa.+
Ichaqa amayá kaqmantaqa kikillankupiqa hapipakuchunkuchu.+
9 Diosqa yanapaykunanpaqmi payman sunqu kaqkunapa hichpallanpi kachkan,+
chaynapi allpanchikpi pay hatunchasqa kananpaq.
10 Imaña kaptinpas kuyakuywan chiqap kaqta maskaymi tupanakunqaku.
Allin ruwaywan hawkayaymi muchanakunqaku.+
11 Chiqap kaqta maskaymi kay allpapi wiñanqa,
allin kaqta ruwaymi hanaq pachamanta qawanqa.+
12 Jehova Diosmi allin kaqta qunqa.+
Allpanchikpi tarpukusqanchikpas allinmi qispinqa.+
13 Allin kaqta ruwaymi paypa ñawpaqninta rinqa,+
purinanpaqmi ñanta kichanqa.
Davidpa mañakusqan.
86 Jehova Dioslláy, kurkuykamuspayá uyariykullaway.
Ñakariypim tarikullani, wakcham kallani.+
2 Qanman sunqu kallasqayraykuyá wañuymanta harkaykullaway.+
Qampi hapipakuq runaykitayá yanapaykullaway.
Qamqa Diosniymi kanki.+
3 Jehova Dioslláy, llakipayariykullawayá.+
Chisyaymi qayakamullayki.+
4 Kusikuytayá kay runaykiman quykullaway.
Jehova Dioslláy, ñuqaqa qanmanmi asuykamullayki.
5 Jehova Dioslláy, qamqa allin Diosmi kanki.+ Qamqa pampachakuykuqmi kanki.+
Qayakamusuqnikikunataqa qamqa imaña kaptinpas hinallam kuyanki.+
6 Jehova Dioslláy, mañakusqaytayá uyariykullaway.
Yanapaykuwanaykipaq qayakamusqaytayá uyariykullaway.+
7 Ñuqaqa yachanim uyariykuwanaykitaqa.+
Chaymi hukmanyasqa kaspay qayakamullayki.+
8 Jehova Dioslláy, qam hina Diosqa manam pipas kanchu.+
Qam hina ruwaqqa manam pipas kanchu.+
9 Jehova Dioslláy,+ hatarichisqayki llapallan runakunam
qampa ñawpaqnikipi qunqurakunqaku.
Qampa sutikitam hatunchanqaku.+
10 Qamqa kanki ancha atiyniyuqmi, tukuy imatam suma-sumaqta ruwanki.+
Qanmanta hukqa manam pipas qam hina Diosqa kanchu.+
11 Jehova Dioslláy, ñannillaykita riqsichiway.+
Ñuqaqa chiqap kaqpim purisaq.+
Sunquy huklla* kananpaqyá yanapaykullaway, chaynapi sutillaykita manchakunaypaq.+
12 Jehova Dioslláy, qamqa Diosniymi kanki, tukuy sunquywanmi hatunchayki.+
Sutillaykitam wiñaypaq hatunchasaq.
14 Dioslláy, hatuntukuq runakunam wañuchiwanankupaq hatarinku.+
Mana allin runakunam wañuchiwayta munanku.
Paykunaqa manam manchakusunkichu.+
15 Jehova Dioslláy, qamqa kanki llakipayarikuq Diosmi hinaspa kuyapayakuq Diosmi.
Qamqa kanki mana chaylla piñakuqmi, imaña kaptinpas ancha kuyakuqmi hinaspa imam kaqta rimaqmi.+
16 Dioslláy, qawarimuwaspaykiyá llakipayariykullaway.+
Kay runaykimanyá kallpata quykullaway.+
Yupaychaqniki warmipa wawantayá yanapaykuy.
17 Kuyakuynikitayá qawaykachillaway.
Chaynapi chiqniwaqniykuna chayta qawaspa pinqaypi kanankupaq.
Jehova Dioslláy, qamqa yanapawaqniymi kanki, sunquyta tiyaykachiqmi kanki.
Coreypa churinkunapa takisqan.+
87 Diosmi llaqtanta takyachichkan chuya urqukunapi.+
2 Jehova Diosqa Sionpa punkunkunatam astawanqa kuyan+
Jacobpa llapallan carpankunamantaqa.
3 Diospa llaqtan, qanmantam sumaqllataña rimanku.+ (Samarinapaq).
4 Rahabtawan+ Babiloniatam riqsiwaqniykunapa kasqanpi churasaq,
kaypim kachkanku Filisteawan Tiropas Cuswan kuska.
Ninqakum: “Kayqa kaypim rikurirqa”, nispanku.
5 Sionmantam ninqaku:
“Kaypim llapallanku mirayta qallaykurqaku”, nispanku.
Hanaq pachapi taytam sumaqta takyachinqa.
6 Llaqtakunata sutin-sutin churaspanmi Jehova Diosqa ninqa:
“Kayqa kaypim rikurirqa”, nispa. (Samarinapaq).
7 Takiqkunawan+ muyuspa tusuqkunam+ ninqaku:
“Qanmanta miraqmi kaniku”, nispanku.+
Coreypa churinkunapa takisqan.+ Takiqkunata yachachiqpaq. Maalat takiman hina taki. Takita qatichinapaq. Zerapa miraynin Hemanpa Maskilnin*.+
88 Jehova Dioslláy, yanapaykuwaqniy kasqaykiraykum+
punchaw qayakamuyki.
Tutanñataqmi qanman asuykamuyki.+
2 Mañakusqayqa qanmanyá chayamuchun.+
Kurkuykamuspayá qayakusqayta uyariykullaway.+
3 Ñuqaqa llumpa-llumpay sasachakuypim tarikullani.+
Wañusqakunapa kasqanmanmi* uraykullachkaniña.+
4 Wañusqata hinañam qawawanku.+
Mana kallpayuq runa hinañam kallachkani.+
5 Wañuqkunapa chawpinpim saqisqa kallachkani.
Wañusqakuna hinam chutarayachkani.
Qunqasqaykiñam rikuriruni.
Yanapakuynikimanta karupiñam rikuriruni.
6 Uku-uku uchkumanmi hinaruwanki.
Tutayaypa kananpim kachkani, machu-machu uchkupim kachkani.
7 Piñakuynikiqa llumpa-llumpaytam llasawachkan.+
Qamqa urquchakuq yakukunawanmi pamparuwanki. (Samarinapaq).
8 Riqsinakusqaykunatam ñuqamanta karuncharunki.+
Paykunapaqmi mana allintaña rikurirachiwanki.
Wichqasqa hinam tarikuni, manam lluqsiyta atinichu.
9 Ñakarisqayraykum ñawillaykunapas tutayarunña.+
Jehova Dioslláy, chisyaymi qayakamullayki.+
Qanmanmi makillayta haywarimuyki.
10 ¿Yaqachu manchakuypaq kaqkunata wañusqakunapaq ruwawaq?
¿Yaqachu wañusqakuna hatarimunmanku qamta hatunchasunaykipaq?+ (Samarinapaq).
11 ¿Yaqachu wañusqakunapa kasqanpi willakunmanku imaña kaptinpas kuyakuq kasqaykimanta?
¿Yaqachu wañuqkunapa chinkasqanku sitiopiqa* imam kaqta rimasqaykimanta willakunmanku?
12 ¿Yaqachu suma-sumaq kaynikimanta tutayaypi yachanmanku?
¿Yaqachu qunqasqa allpapi allin ruwaq kasqaykimanta yachanmanku?+
13 Jehova Dioslláy,+ yanapaykuwanaykipaqmi qaparispayraq qayakamuchkayki.
Sapa achikyaqtam mañakusqayqa qanman chayamusunki.+
14 Jehova Dioslláy, ¿imaynanpitaq qipancharuwanki?+
¿Imaynanpitaq manaña qawariwankichu?+
15 Warma kasqaymantaraqmi ñakarillachkani.
Warma kasqaymantaraqmi wañuypa patanpi kallachkani.+
Llumpa-llumpay llakisqam kachkani tukuy kaykunawan ñakarinaypaq saqiwasqaykimanta.
16 Piñakuynikim ñitiruwachkanña.+
Manchachikuynikim wañurachiwachkanña.
17 Chisyaymi yaku hina chawpicharuwan.
Chisyaymi muyuriruwan*.
18 Ñuqamantam karuncharunki kuyasqay runaykunatawan puriqmasiykunata.+
Kunanmi ichaqa puriqmasiypas tutayayllaña.
Maskil*. Zerapa miraynin Etanpa takisqan.+
89 Jehova Diosqa imaña kaptinpas kuyakuq kasqanmantam wiñaypaq takisaq.
Hapipakunapaq kasqaykimantam qipa wiñaykunaman willakusaq.
2 Ñuqam nirqani: “Kuyakuynikiqa* wiñaypaqmi kanqa,+
hanaq pachapim chiqap rimaq kasqaykita suma-sumaqta takyarachinki”, nispay.
4 ‘Kamachisqayki* wiñaypaq takyananpaqmi+
hinaspa miraynikikunatapas wiñaypaq kamachiq kanankupaqmi churasaq’”, nispa.+ (Samarinapaq).
5 Jehova Dioslláy, hanaq pacham suma-sumaq ruwasqaykikunamanta hatunchasunki.
Arí, akllasqayki runaykikunam imam kaqta rimasqaykimanta hatunchasunki.
6 ¿Pitaq hanaq pachapi Jehova Dios hinaqa kanman?+
Diospa churinkunamanta,+ ¿pitaq Jehova Dios hinaqa kanman?
7 Akllasqan runakunapa manchakunanmi Diosqa.+
Payqa muyuriqninpi kaqkunapaqqa hatu-hatunmi.+
8 Angelkunata kamachiq Jehova Dioslláy.
Jehova* Dioslláy, ¿pitaq qam hina atiyniyuqqa?+
Nisqaykiman hina ruwaqmi qamqa kanki.+
9 Qamqa lamar quchatam munaychakunki.+
Piñakuspa urquchakuptinmi qamqa hawkayachinki.+
10 Wañusqata hinam Rahabta llikiparurqanki.+
Kallpasapa makikiwanmi chiqnisuqnikikunata kayman-chayman chiqirachirqanki.+
11 Qampam hanaq pachawan kay pachapas.+
Qanmi unancharqanki kay allpa pachatawan llapallan kay allpa pachapi kaqkunatapas.+
12 Norte lawtapas sur lawtapas qanmi rikurichirqanki.
Tabor urquwan+ Hermon urqum+ sutikita kusikuywan hatunchanku.
13 Qampa makikiqa atiyniyuqmi.+
Qampa makikiqa kallpasapam.+
Qampa alliq* makikitam huqarinku.+
14 Qamqa kamachinki allin kaqta ruwaspam chaynataq mana pimanpas sayapakuspam.+
Kuyakuynikiwan* nisqaykiman hina ruwaynikim ñawpaqnikipi kachkan.+
15 Mayna kusisqam kanku kusikuymanta qapariq runaykikunaqa.+
Jehova Dioslláy, paykuna purinankupaqmi kanchaynikiwan achkiykunki.
16 Chisyaymi paykunaqa sutikirayku kusikunku.
Allin ruwaq kasqaykiraykum hatunchasqa kanku.
17 Qamqa kallpaykiwanmi riqsichikunki.+
Qam chaskiykuwaptikikuqa kallpasapam kaniku.+
18 Harkachikunaykuqa Jehova Diospam,
kamachiqniykupam hinaspa Israelpa chuya Diosninpam.+
19 Huk kutipim qanman sunqu kaqkunaman musquypi hina* qawachispayki nirqanki:
“Atiyniyuq runamanmi kallpata qurqani.+
Runaykikunamanta akllasqay runatam hatuncharqani.+
21 Makiywanmi paytaqa hapisaq,+
makiywanmi paytaqa kallpanchasaq.
22 Chiqniqnin runakunamanqa manam mayqinmanpas imatapas qunqachu.
Mana allin runakunaqa manam mayqillanpas ñakarichinqachu.+
23 Paypa ñawpaqninpim chiqniqninkunata llikipasaq.+
Chiqniqnin runakunatam wañuchisaq.+
24 Kuyakuyniywan* imam kaqta rimayniyqa paywanmi kachkan.+
Sutiyraykum aswan kallpasapa kanqa.
25 Lamar quchapa hawanmanmi makinta churasaq,
mayukunapa hawanmanmi alliq makinta churasaq.+
26 Paymi qayakamuwanqa: ‘Qanmi taytay kanki.
Qanmi Diosniy kanki, qanmi salvaykuwaqniy hatun rumi hina kanki’, nispa.+
27 Ñuqañataqmi piwi* churita hina churaykusaq,+
llapallan kamachiqkunapa kamachiqnin kananpaqmi churasaq.+
28 Paytaqa wiña-wiñaypaqmi imaña kaptinpas kuyanki.+
Paywan contrato ruwasqaypas manam yanqachu kanqa.+
29 Mirayninkunatam wiña-wiñaypaq takyachisaq.
Trononpas hanaq pacha hinam wiñaypaq kanqa.+
30 Churinkuna kamachikuyniykunata mana kasukuptinkuqa,
yachachikuyniykunaman hina mana puriptinkuqa,
31 kamachikuyniykunata mana kaqpaqta hina hapiptinkuqa,
kamachikuyniykunata mana kasukuptinkuqa,
32 paykunatam castigasaq, paykunatam tawnaywan waqtasaq,+
mana kasukusqankumantam waqtasaq.
33 Paytaqa imaña kaptinpas hinallam kuyasaq.+
Paywan rimasqayman hinam ruwasaq.
34 Contrato ruwasqayqa manam yanqachu kanqa.+
Rimasqayman hinam ruwasaq.+
35 Chuya kasqayraykum imapas nisqayqa wiñaypaq kanqa,
Davidtaqa manam llullakusaqchu.+
37 Killa hinam wiñaypaq takyanqa,
hanaq pachamantam qawamunqa”, nispa. (Samarinapaq).
38 Ichaqa hina kikillaykim karuncharuspayki qipancharurqanki.+
Akllasqayki runawanmi llumpa-llumpayta piñakurqanki.
39 Yupaychaqnikiwan contrato ruwasqaykitam yanqacharunki.
Coronantapas pampaman wischuykuspaykim yanqacharunki.
40 Rumimanta murallankunatam tuñirachinki.
Mana yaykuy atina pirqankunatam wichirachinki.
41 Chayninta puriqkunam tukuy imankuta apakurqaku.
Paytaqa llaqtamasinkunapas mana allintañam qawanku.+
42 Qamqa chiqniqninkunatam yanapaykurqanki.+
Chiqniqninkunatam kusichirqanki.
43 Espadantam qipaman kutichirqanki,
peleaptinkupas manam yanaparqankichu.
44 Achkiynintam tutayarachirqanki,
tronontam pampaman wikapaykurqanki.
45 Chayllam musu kayninta chinkarachirqanki,
pinqaywanmi pacharachirqanki. (Samarinapaq).
46 Jehova Dioslláy, ¿haykapikamataq pakakunki? ¿Wiñaypaqchu pakakunki?+
¿Hinallachu piñakuyniki nina hina rawranqa?
47 ¡Yuyariyá ñuqaqa mana wiñaypaq kawsasqayta!+
¿Yanqapaqchu runakunata unancharqanki?
48 ¿Pi runataq mana wañuspan wiñaypaq kawsanman?+
¿Yaqachu pipas wañusqakunapa kasqanman* uraykunanmanta librakunman? (Samarinapaq).
49 Jehova Dioslláy, ¿maytaq ñawpaq kuyakuynikiqa*?
¿Maytaq Davidman tukuy ima nisqaykikunaqa?+
50 Jehova Dioslláy, yuyariyá runaykikunata chiqniqninkuna kamisqanta.
Yuyariyá ñuqamanta runakuna yanqakunata rimasqankuta.
51 Jehova Dioslláy, yuyariyá runaykikunata chiqniqninkuna tukuy ima nisqanta.
Yuyariyá akllasqayki runamanta mana allinkunallataña rimasqankuta.
52 Jehova Diosqa wiñaypaqyá hatunchasqa kachun. Chaynayá kachun*, chaynayá kachun.+
TAWA KAQ
(Salmos 90-106)
Diosta yupaychaq Moisespa mañakusqan.+
90 Jehova Dioslláy, qamqa kanki wiñaypaq yachanayku* wasi hinam.+
2 Urqukunapas manaraq kachkaptinmi qamqa karqankiña.
Allpa pacha manaraqpas kachkaptinmi qamqa karqankiña. Allpa pachapi wiñaqkunapas manaraq kachkaptinmi+ qamqa karqankiña.
Wiña-wiñaypaq Diosmi kanki.+
3 Qamqa runatam allpaman kutiykachinki.
Qamqa ninkim: “Runapa churinkuna kutiykuychik”, nispa.+
4 Qampaqqa 1.000 watapas qayna punchaw hinallam.+
Yaqa iskay-kimsa hora hinallam.
5 Paykunatam tukurunki,+ paykunaqa chaylla chinkaruq puñuy hinallam kanku.
Achikyaqta ikllirimuq* qura hinallam kanku.+
6 Achikyaqtam llanllay-llanllayllaña kaspa waytarin.
Inti siqaykuytañataqmi qawiruspan chakirun.+
7 Piñakuynikim millpuwachkanku.+
Piñakuynikim manchachiwachkanku.
8 Huchaykutam ñawpaqnikiman churarunki.+
Uyaykipi achkiwanmi pakallapi imapas ruwasqaykuta qawachinki.+
9 Piñakusqaykiraykum wañuruchkanikuña.
Kawsakuyniykuqa samay hinallam chinkarun.
10 Ñuqaykuqa kawsaniku 70 watallam.
Kallpasapa kaqkunapas 80 watallatam kawsanku.+
Chaywanpas chay watakunaqa llakikuywan sasachakuyllañam.
Chayllam tukuruniku, chayllam chinkaruniku.+
11 ¿Pitaq yachanman piñakuptiki atiyniki imayna kasqantaqa?
Piñakuynikiqa hatu-hatunmi hinaspa llumpay manchakunapaqmi.+
12 Imaynata kawsakunaykupaqyá yachaykachillawayku.+
Sunquykupi yachayniyuq kanaykupaqyá yanapaykullawayku.
13 ¡Jehova Dioslláy, kutimuy!+ ¿Haykapikamataq kaynaqa kallasaqku?+
Yupaychaqnikikunatayá llakipayariykullawayku.+
14 Achikyaqmanyá kuyakuynikiwan* saksaykachiwayku+
kusikuymanta qaparinaykupaq, wañukunaykukama kusisqa kanaykupaq.+
15 Ñakarichiwasqaykikuman hinayá kusikuyta quykuwayku.+
Watan-watan ñakarisqaykuman hinayá kusikuyta quykuwayku.+
16 Tukuy ima ruwasqaykitayá yupaychaqnikikuna qawachunku.
Achkiriynikitayá churinku qawachunku.+
17 Jehova Diospa bendicionninyá ñuqanchikwan kachun.
Imapas llamkakusqaykuyá allin kachun.
Arí, llamkakusqayku allin kananpaqyá yanapaykuwayku.+
2 Jehova Diostam nisaq: “Qamqa pakakunaymi kanki, qamqa pakakunay hatun pirqa hinam kanki,+
qamqa hapipakunay Diosmi kanki”, nispay.+
3 Payqa pichinkuchakunapaq tuqllamantam libraykusunki,
wañuchikuq unquymantam libraykusunki.
4 Rapran ukupim pakakunki,+
purun ukupim uqllakuykusunki.
Haykapipas mana saqisuspaykim+ harkachikuna hina kanqa,+ mana yaykuy atina muralla hinam kanqa.
5 Tutapi+ manchakuypaq kaqkunatapas manam manchakunkichu,
punchawpi+ pawaq flechatapas manam manchakunkichu,
6 tutayaypi hapikuq unquytapas manam manchakunkichu,
chawpi punchawta wañuy kaptinpas manam manchakunkichu.
7 Waqtaykipim 1.000 wañunqaku,
alliqnikipim* 10.000 wañunqaku,
qanmanmi ichaqa mana imapas asuykamusunkichu.+
8 Qamqa qawayllam qawanki
mana allin ruwaqkunapa castigo chaskisqanta.
9 Qamqa nirqanki: “Jehova Diosqa pakaykuwaqniymi”, nispam.
Qamqa hanaq pacha taytatam yachanayki* wasita hina ruwarunki,+
10 qamtaqa manam imapas imanasunkichu,+
manam ima unquypas qampa carpaykimanqa chayamunqachu.
13 Leonkunatam sarunki, culebrakunatam sarunki.
Hatun leonkunatawan hatun culebrakunatam sarupanki.+
14 Diosmi nirqa: “Payqa kuyawanmi, chayraykum waqaychasaq.+
Sutiyta yachasqanraykum waqaychasaq.+
15 Paymi qayakamuwanqa, ñuqañataqmi uyarisaq.+
Sasachakuyninpim paywan kasaq.+
Paytaqa yanapasaqmi, paytaqa ancha riqsisqatam ruwasaq.
16 Kusisqallatam unayta kawsachisaq.+
Yanapanaypaq tukuy ima ruwasqaytam qawachisaq”, nispa.+
Samana punchawpaq taki.
92 Hanaq pacha taytáy, takispa sutikita hatunchayqa suma-sumaqmi.
Jehova Diospa tukuy ima ruwasqankunamanta agradecekuyqa ancha allinmi.+
2 Ancha allinmi kuyakuynikimanta* achikyaqta willakuyqa.+
Ancha allinmi imam kaqta rimasqaykimanta tutan willakuyqa.
3 Ancha allinmi cuerdayuq kaqkuna waqachkaptin willakuyqa. Ancha allinmi mandolina waqachkaptin willakuyqa.
Ancha allinmi arpa waqachkaptin willakuyqa.+
4 Jehova Dioslláy, qamqa tukuy imata ruwasqaykiwanmi kusirachiwanki.
Tukuy imata ruwasqaykiraykum kusikuymanta qaparini.
5 ¡Jehova Dioslláy, suma-sumaqmi tukuy ima ruwasqaykikunaqa!+
¡Mana pipa yachay atinanmi tantiasqaykikunaqa!+
6 Mana yachayniyuq runakunaqa manam mayqillanpas haypayta atinmanchu.
Mana yachayniyuq runakunaqa manam mayqillanpas yachayta atinmanchu.+
7 Mana allin runakunaqa mana allin qurakuna hina ikllispankupas*,
wiñaypaq chinkanankupaqmi ikllirinku. Mana allin ruwaqkuna waytarispankuqa,
wiñaypaq chinkanankupaqmi waytarinku.+
8 Jehova Dioslláy, qanmi ichaqa wiñaypaq hatunchasqa kanki.
9 Jehova Dioslláy, chiqnisuqnikikunata chinkasqata hinaña qaway.
Chiqnisuqnikikunapa imayna chinkachisqa kasqankutayá qaway.
Mana allin ruwaqkunaqa llapallankum chiqichisqa kanqaku.+
10 Qanmi ichaqa purunpi wiñaq kallpasapa torota hina ruwawanki.
Aceitewanmi aychayta nuyuchikusaq.+
11 Chiqniwaqniykunatam chinkasqata hinaña qawasaq.+
Wañuchiwanankupaq maskawaqniykunapa chinkasqankutam uyarisaq.
12 Allin ruwaqkunam ichaqa palmera sacha hina waytarinqaku.
Libano urqupi cedro sacha hinam wiñanqaku.+
13 Jehova Diospa wasinpim plantasqa kachkanku.
Diospa wasinpa punkunpim waytarichkanku.+
14 Machuyaruspankupas hawkam kawsakunqaku.+
Kallpasapallañam kanqaku, puqusqallañam kanqaku.+
15 Jehova Dios allin ruwaq kasqanmantam willakunqaku.
Payqa pakakunay hatun rumi hinam,+ payqa manam mana allintaqa ruwanchu.
93 ¡Jehova Diosqa kamachiqñam!+
Hatunchasqa kaywanmi payqa pachasqa kachkan.
Jehova Diospa kallpanqa pachan hinam,
wiqaw watakun hinam.
Kay allpa pachaqa sumaq takyachisqam kachkan,
manam pipas kuyuchiytaqa atinmanchu.
2 Ñawpaqmantaraqmi tronoykiqa sumaq takyachisqa karqa.+
Qamqa haykapipas karqankiñam.+
3 Jehova Dioslláy, mayukunam aytinyachkan.
Mayukunam huqarikuruspan qaparichkan.
Mayukunam hinalla huqarikuchkan, tunrururuyllañam rikuchkan.
4 Hanaq pachapi Jehova Diosqa atiyniyuqmi.
Tunrururuspa kallpaq yakukunapa hawanpim kachkan.+
Lamar quchapa urquchakuyninmantapas aswan atiyniyuqmi.+
5 Kamachikuynikikunaqa mana iskayrayanapaqmi.+
Jehova Dioslláy, chuya kaynikiqa wasikitam+ wiñaypaq sumaqyachin.
94 ¡Mana allin ruwasqankuman hina kutichipuq Jehova Dioslláy!+
¡Mana allin ruwasqankuman hina kutichipuq taytalláy, kanchariy!
2 Kay pachapa jueznin, hatariy.+
Hatuntukuq runakunamanyá imam ruwasqankuman hina kutichipuy.+
3 Jehova Dioslláy, ¿haykapikamataq
mana allin ruwaqkunaqa kusisqa kanqaku?+
4 Mana samaykuspam mana allinkunata rimachkanku,
mana allin ruwaqkunam llapallanku hatuntukuspa purichkanku.
5 Jehova Dioslláy, runaykikunatam sarupachkanku,+
akllakusqaykikunatam ñakarichichkanku.
6 Viudakunatawan huklaw llaqtayuqkunatam wañuchichkanku,
mana taytayuqkunatam wañuchichkanku.
8 Mana yuyayniyuq runakuna, kayta yachaychik,
mana yachayniyuqkuna, ¿haykapitaq yachayniyuq kankichik?+
9 ¿Manachu rinrita ruwaqqa uyarinman?
¿Manachu ñawita ruwaqqa rikunman?+
10 ¿Manachu llapallan runakunata rimapayaqqa qaqchanman?+
¡Paymi runakunaman yachayta quqqa!+
11 Jehova Diosqa yachanmi runakunapa imapas piensasqantaqa,
payqa yachanmi waspiy hinalla kasqankuta.+
12 Jehova* Dioslláy, mayna kusisqam corregisqayki runaqa,+
mayna kusisqam kamachikuynikikunata yachachisqayki runaqa.+
13 Paymanqa sasachakuy punchawkunapim hawkayayta qunki,
mana allin ruwaqkunapaq uchkuta uchkunankukamam hawkayayta qunki.+
15 Juezkunaqa allin kaqtañam ruwanqaku,
allin sunquyuq runakunapas chaytam ruwanqaku.
16 ¿Pitaq mana allin runakunamanta harkaykuwanman?
¿Pitaq mana allin ruwaqkunamanta waqaychaykuwanman?
17 Jehova Dios mana yanapawaptinqa
manapas unaypich wañuruymanña karqa.+
20 ¿Yaqachu mana allin kamachiqqa qanwan hukllawakunman?
Kamachikuykunaman hina mana ruwaq kamachiqqa, ¿yaqachu qanwan hukllawakunman?+
22 Ñuqapaqmi ichaqa Jehova Diosniyqa pakaykuwaqniy kanqa,
Diosniyqa pakakunay hatun rumi hinam.+
23 Payqa imam mana allin ruwayta munawasqankuman hinam paykunataqa ruwanqa,+
paykunapa imam ruway munasqallankuwanmi paykunataqa chinkarachinqa.
Jehova Diosmi paykunataqa chinkachinqa.+
95 ¡Hamuychik, kusikuymantayá qaparisun Jehova Diospa ñawpaqninpi!
Kusikuymantayá qaparisun salvaykuwaqninchik hatun rumi hina Diosninchikpaq.+
2 Tukuy ruwasqankunamanta agradecekustin hakuchik paypa qayllanman.+
Kusikuymantayá qaparispa takipusun.
3 Jehova Diosqa ancha riqsisqa Diosmi.
Payqa alli-allin kamachiqmi, pay hina Diosqa manam pipas kanchu.+
4 Allpapa sunqunpas makinpim kachkan.
Urqukunapas paypam.+
5 Lamar quchapas paypam, paymi ruwarqa.+
Paymi makinkunawan kay chaki allpatapas ruwarqa.+
6 Hamuychik, kumuykuspa hatunchasun.
Unanchaqninchik Jehova Diospa ñawpaqninpi qunqurakusun.+
7 Payqa Diosninchikmi.
Ñuqanchikñataqmi kanchik pastonpi michisqan ovejankuna hina.+
Sichum qamkuna kunan nisqanta uyarispaykichikqa,+
8 amayá Meriba* lawpi hinaqa sunquykichiktaqa rumiyachiychikchu,+
amayá Masa law chunniqpi hinaqa kaychikchu,+
9 ñawpaq abueloykichikkunam chaypi piñachiwarqaku.+
Tukuy ima ruwasqaykunata qawachkaspankupas piñachiwarqakum.+
10 40 watapunim chay miraykunata millakurqani, hinaspam nirqani:
“Kay runakunaqa sapa kutillam qipanchawan.
Kay runakunaqa manam ñanniykuna riqsiytaqa atinkuchu”, nispay.
11 Chaymi piñakuspay nirqani:
“Samanay sitiomanqa manapunim yaykumunqakuchu”, nispay.+
96 Jehova Diospaqyá musuq takita takiychik.+
¡Lliw runayá Jehova Diospaq takichun!+
2 Jehova Diospaqyá takiychik, sutintayá hatunchaychik.
Sapa punchawyá libraykuwaqninchik kasqanmanta allin willakuyta willakuychik.+
3 Ancha riqsisqa kasqanmantayá nacionkunapi willakuychik.
Tukuy imakuna ruwasqanmantayá lliw runakunaman willakuychik.+
4 Jehova Diosqa mayna hatunmi, chaymi hatunchananchik.
Payllam taytacha-mamachakunamantapas manchakuna Diosqa.
5 Jehova Diosmi hanaq pachata unancharqa.+
Runakunapa taytacha-mamachanmi ichaqa yanqa.+
6 Paypa kasqanqa sumaqllaña kancharichkaqmi.+
Paypa kasqanpiqa atiywan sumaq kayllam kachkan.+
7 Llaqtakunapi ayllukuna, Jehova Diostayá hatunchaychik.
Ancha riqsisqa atiyniyuq kasqanmantayá Jehova Diosta hatunchaychik.+
8 Jehova Diospa sutintayá hatunchaychik.+
Qunaykichikpaq kaqta apamuspayá wasinpa pationkunaman yaykuychik.
9 Yupaychanapaq pachakunawan churakuspayá Jehova Diosta yupaychaychik.
¡Diospa qayllanpiyá lliw runakuna katkatatachun!
10 Llapallan nacionkunapiyá willakuychik: “¡Jehova Diosmi kamachiqninchikqa!+
Kay allpa pachaqa sumaq takyachisqam kachkan, manam pipas kuyuchiytaqa atinmanchu.
Payqa pimanpas mana sayapakuspam juzganqa”, nispa.+
11 Hanaq pachapi kaqkunayá kusikuchun, kusikuchuntaqyá kay pachapi kaqkunapas.
Lamar quchawan chaypi kaqkunayá qaparichunku.+
12 Kusikuchuntaqyá chakrakunapas chaynataq chaypi kaqkunapas.+
Montepi sachakunapas kusikuymanta qaparichunku.+
13 Jehova Diospa ñawpaqninpiyá qaparichunku,
Diosqa runakunapa jueznin kananpaqmi hamuchkan.
Kay allpa pachatam allin ruwayman hina juzganqa.+
Imam kaqta rimasqanman hinam runakunata juzganqa.+
97 ¡Jehova Diosqa kamachichkanñam!+
Allpa pachayá kusikuchun.+
Llapallan islakunayá kusikuchun.+
2 Paypa muyuriqninpim tutayaywan yana puyu kachkan.+
Payqa kamachin allin kaqta ruwaspam, mana pimanpas sayapakuspam.+
3 Paypa ñawpaqnintam linwachkaq nina richkan.+
Chiqniqninkunatam kaymanta-chaymanta rupachkan.+
4 Llipyankunam kay pachata kanchachkan.
Allpa pachañataqmi chayta qawaspan katkatatachkan.+
5 Urqukunapas wira* hinam Jehova Diospa ñawpaqninpi chulluchkan.+
Llapallan kamachiq Diospa ñawpaqninpim chulluchkan.
6 Hanaq pacham allin ruwaq kasqanmanta willakun.
Llapallan runakunam kanchayninta qawanku.+
7 Pinqaypiyá kachunku llaqllasqa taytacha-mamachata yupaychaqkunaqa.+
Pinqaypiyá kachunku mana imapas ruwaq taytacha-mamachankumanta hatunchakuqkunaqa.+
Paypa ñawpaqninpiyá qunqurakuychik llapallan taytacha-mamachakuna.+
8 Sion muqum chayta uyarispan kusikun.+
Jehova Dioslláy, Juda lawpi llaqtachakunam
kamachikuynikikunata uyarispan kusikun.+
9 Jehova Dioslláy, qamqa kanki allpa pachapa hawanpi hanaq pachapi taytaykum.
Qamqa tukuy imapa hawanpim kachkanki, qam hina Diosqa manam pipas kanchu.+
10 Jehova Diosta kuyaqkuna, mana allin ruwaytaqa chiqniychikyá.+
Payqa payman sunqu kaqkunataqa waqaychanmi.+
Mana allin runakunapa makinmantam libraykun.+
11 Allin ruwaqkunapaqmi achki kanchamuchkan.+
Allin sunquyuq runakunapaqmi kusikuy kachkan.
12 Allin ruwaq runakuna, Jehova Diosyá kusikuynikichikqa kachun.
Chuya sutintayá hatunchaychik.
Taki.
98 Jehova Diospaqyá musuq takita takipuychik.+
Payqa suma-sumaq kaqkunatam ruwarun.+
Alliq* makinmi yanapaykuwanchik, chuya makinmi yanapaykuwanchik.+
2 Jehova Diosqa yanapakuykuq kasqantam yacharqaku.+
Llapallan runakunam yacharqa allin ruwaq kasqanta.+
3 Israel runakunata imaña kaptinpas hinalla kuyasqanmantam yuyarirun,+ paykunapaq nisqanman hina ruwananmantam yuyarirun.
Allpa pachapi llapallan runakunam qawarqaku Diospa yanapakuyninta.+
4 Allpa pachayá kusikuymanta Jehova Diosta hatunchachun.
Kusikuchunkuyá, kusikuymantayá qaparichunku, takikunatayá takipuchunku.+
5 Arpata tocaspayá Jehova Diospaq takipuychik.
Arpatayá tocapuychik, takikunatayá takipuychik.
6 Cornetillakunatayá pukupuychik, waqratayá pukupuychik.+
Kamachiq Jehova Diospa qayllanpiyá kusikuymanta qapariychik.
7 Lamar quchawan chaypi kaqkunayá qaparichunku.
Allpa pachawan chaypi kaqkunayá qaparichunku.
8 Mayukunayá taqllakuchunku.
Urqukunapas llapallankuyá kusikuymanta qaparichunku.+
9 Jehova Diospa ñawpaqninpiyá qaparichunku, payqa hamuchkan allpa pachata juzgananpaqmi.
Allin ruwayman hina allpa pachapi kaqkunata juzgananpaqmi,+
allin ruwayman hina runakunata juzgananpaqmi.+
99 Jehova Diosqa kamachiqñam,+ runakunayá katkatatachunku.
Payqa trononpim querubin angelkunapa hawanpi* tiyachkan.+ Kay allpa pachayá kaqmanta kuyuchun.
2 Sion muqupim Jehova Diosqa hatu-hatun.
Llapallan llaqtakunapa hawanpim payqa kachkan.+
3 Suma-sumaq sutikitayá hatunchachunku,+
chuya sutikiqa suma-sumaq kasqanraykuyá hatunchachunku.
4 Payqa atiyniyuq kamachiqmi, payqa haykapipas allinllata ruwaqmi.+
Qamqa allin ruwaytam sumaqta takyachirqanki.+
Jacobmanmi allin ruwaytawan allin kaqta qurqanki.
5 Jehova Diostayá hatunchaychik.+
Sarupakunanpa ñawpaqninpiyá qunqurakuychik,+ payqa chuyam.+
6 Moiseswan Aaronmi sacerdotekuna karqaku.+
7 Sayanpa puyumantam rimamuq.+
Paykunaqa kamachikuyninkunatawan nisqankunatam kasukuqku.+
8 Jehova Diosllayku, qamqa uyariykurqankim.+
Pampachakuykuq Diosmi paykunapaq karqanki.+
Ichaqa huchankuraykum paykunataqa castigarqanki.+
9 Jehova Diostayá hatunchaychik.+
Chuya urqunpa ñawpaqninpiyá qunqurakuychik.+
Jehova Diosqa chuyam.+
Tukuy ima ruwasqanmanta agradecekusqanku taki.
100 Jehova Diospaqyá kay allpa pachapi llapallan kaqkuna kusikuymanta qaparichunku.+
2 Jehova Diostayá kusikuywan yupaychaychik.+
Qayllanmanyá yaykuychik kusikuymanta qaparistin.
3 Jehova Diosninchikqa Dios kasqantayá yachaychik.+
Paymi unanchawarqanchik, chaymi ñuqanchikqa paypa kanchik*.+
Ñuqanchikqa runankunam kanchik, pastonpi mikuq ovejankuna hinam kanchik.+
4 Punkunkunatayá yaykuychik payta hatunchastin.+
Punkunmanyá yaykuychik paypaq takistin.+
Tukuy ima ruwasqanmanta agradecekuspayá sutinta hatunchaychik.+
5 Ancha allinmi Jehova Diosqa.+
Imaña kaptinpas wiñaypaq kuyakuqmi.
Rimasqanman hina ruwayninpas wiña-wiñaypaqmi.+
Davidpa takisqan.
101 Kuyakuynikimantawan* allin ruwaq kasqaykimantam takisaq.
Jehova Dioslláy, qampaqmi takikunata takipusqayki.
2 Yachaywanmi imatapas ruwasaq, allintam imatapas ruwasaq.
¿Haykapitaq hamunki?
Wasiy ukupipas qamllaman sunqum kasaq.+
3 Mana allin kaqkunataqa manam qawasaqchu.
Allin ruwayta saqispa mana allin ruwasqankutaqa chiqninim.+
Paykunapa ruwasqankutaqa manam qatipakusaqchu.
4 Mana allin runaqa ñuqamanta karupim kachkan.
Mana allin kaqkunataqa manam ruwasaqchu.
5 Runamasinmanta qipanpi rimaqtaqa chinkachisaqmi.+
Hatuntukuq runakunawan
mana allin runakuna hinalla kanantaqa
manam saqisaqchu.
6 Kay allpa pachapi llapallan allin ruwaqkunatam maskasaq
ñuqawan kuska yachanankupaq*.
Allin kawsakuyta maskaqmi runaykunaqa kanqa.
7 Wasiypiqa manam yachanqachu llulla rimaqkunaqa.
Ñuqapa qayllaypiqa manam llulla rimaqqa kanqachu.
8 Mana allin ruwaqkunataqa sapa achikyaqtam chinkachisaq.
Mana allin ruwaqkunatam llapallanta Jehova Diospa llaqtanmanta chinkachisaq.+
Manaña ima ruwakuytapas atispan ñakariqpa mañakusqan. Llakinkunamanta Jehova Diosman willakusqan.+
102 Jehova Dioslláy, mañakusqaytayá uyariykullaway.+
Yanapaykuwanaykipaq mañakusqayqa qanmanyá chayamuchun.+
2 Llakipi kaptiyqa amayá qipancharullawaychu.+
Kurkuykamuspayá uyariykullaway.
Qayakamusqaytayá chaylla uyariykullaway.+
3 Kawsakuyniyqa qusni hina chinkaruqllam,
tullullaykunam ninapa rupasqan hina kachkan.+
4 Sunqullaypas ñitisqa kasqanraykum qura hina chakirun,+
tantay mikuytapas qunqaruniñam.
6 Chunniqpi pelicano hinam kallachkani.
Raqaykunapi chusiq hinam kallachkani.
7 Manam puñuytapas tarillanichu*.
Teja wasipa hawanpi sapallan pichinkucha hinam kallachkani.+
8 Chiqniwaqniykunam tukuy punchaw tuku-tukuyta kamiwanku.+
Ñuqamanta asikuqkunaqa ñakanankupaqmi sutiypiraq rimanku.
9 Uchpatañam tantata hina mikuchkani.+
Tomanaypipas wiqillayñam kachkan.+
10 Piñakusqaykiraykum chayna kachkani,
qamqa hatarichiwarqanki mana qawariwanaykipaqmi.
11 Kawsakuyniyqa llantuy hina chinkaruqllam.+
Qura hinam chakichkani.+
12 Jehova Dioslláy, qanmi ichaqa wiñaypaq kawsakunki.+
Ancha riqsisqa kaynikipas wiñaypaqmi kanqa.+
13 Hatarispaykim qamqa Sion muqutaqa llakipayanki.+
Kuyapayanaykipaq punchawmi chayaramun.+
14 Yupaychasuqnikikunaqa Sionpi rumi pirqakunawanmi kusikunku.+
Runaykikunaqa ñutu allpantapas kuyankum.+
15 Llapallan runakunam Jehova Diospa sutinta manchakunqaku.
Kay allpa pachapi llapallan kamachiqkunam kanchaynikita manchakunqaku.+
16 Jehova Diosqa Sion muqutam kaqmanta hatarichinqa.+
Payqa kanchayninpim rikuriykamunqa.+
17 Wakchakunapa qayakusqantam uyarinqa.+
Mañakusqantapas sumaqtam uyariykunqa.+
18 Kayqa qillqasqa kachkan qipa wiñaykunapaqmi.+
Kayqa qillqasqa kachkan qipa wiñay runakuna Jehova* Diosta hatunchanankupaqmi.
19 Payqa hanaq pachamantam qawamuchkan.+
Jehova Diosqa hanaq pachamantam kay allpa pachata qawamuchkan.
20 Qawamuchkanqa presochasqakunapa qayakusqanta uyarinanpaqmi.+
Wañunankupaqña kaqkunata yanapananpaqmi.+
21 Jehova Diospa sutin Sion muqupi willakusqa kananpaqmi,+
Jerusalenpi hatunchasqa kananpaqmi,
22 chaynaqa kanqa llaqtachakunawan hatun llaqtakuna
Jehova Diosta yupaychanankupaq hukllawakuptinkum.+
23 Payqa manaraq machuyachkaptiymi pisi kallpayarachiwan.
Payqa manaraq tiempoypim machuyarachiwan.
24 Ñuqam nirqani:
“Dioslláy, amayá wañurachiwaychu manaraq tiempoypiqa,
qamqa wiñaypaq kawsakuqmi kanki.+
25 Qamqa ñawpaqmantaraqmi allpa pachatapas suma-sumaqta takyachirqanki,
hanaq pachatapas qanmi ruwarqanki.+
26 Chaykuna chinkaptinpas qamqa hinallam kawsanki,
paykunaqa mawka pacha hinam tukunqaku.
Qamqa mawka pachata hurquspa musuq pachawanña hinaruchkaq hinam paykunata cambianki, hinaptinmi chinkanqaku.
27 Qanmi ichaqa hina kaqlla kanki, qamqa manam haykapipas chinkankichu.+
28 Yupaychasuqnikikunapa churinkunaqa hawkam kawsakunqaku.
Qampa ñawpaqnikipim miraynikikunapas allin takyachisqa kanqaku”, nispay.+
Davidpa takisqan.
103 Jehova Diostam ñuqaqa hatunchasaq,
tukuy sunquywanmi Diospa chuya sutinta hatunchasaq.
2 Jehova Diostam ñuqaqa hatunchasaq,
manam haykapipas qunqasaqchu tukuy ima ruwasqankunataqa.+
4 Payqa wañuymantam harkaykusunki,+
kuyakuyninwanmi* hinaspa llakipayakuyninwanmi coronaykachisunki.+
5 Payqa allin kaqkunatam qusunki+ wañukunayki punchawkama,
chaynapi anka hina musu kaynikiman kutiykunaykipaq.+
7 Payqa ñanninkunatam Moisesman riqsichirqa,+
payqa ruwasqankunatam Israelpa mirayninkunaman riqsichirqa.+
8 Jehova Diosqa kuyapayakuqmi, payqa llakipayarikuqmi,+
payqa mana chaylla piñakuqmi, payqa imaña kaptinpas ancha kuyakuqmi.+
10 Payqa manam huchanchikman hinachu imatapas ruwawanchik,+
payqa manam mana allinta ruwasqanchikman hinachu kutichipuwanchik.+
11 Imaynam hanaq pachapas allpa pachamantaqa alto-altopi kachkan,
12 Imaynam intipa qispimunanmanta intipa siqaykunanpas karu-karupi kachkan,
chaynatam huchanchikkunatapas ñuqanchikmanta karuncharun.+
13 Imaynam taytapas churinkunata llakipayan,
chaynam Jehova Diospas manchakuqninkunataqa llakipayan.+
14 Payqa sumaqtam yachan imamanta ruwasqa kasqanchikta,+
payqa yuyanmi ñutu allpallamanta ruwasqa kasqanchikta.+
15 Runapa vidanqa qura hinallam,+
purunpi wayta hinam waytarin,+
16 ichaqa wayra pukuykamuptinmi chaylla chinkarun,
hinaptinmi maypi wiñasqanpas mana yachakunchu.
17 Jehova Diospa kuyakuyninmi* ichaqa
manchakuqninkunapaqqa wiña-wiñaypaq,+
allin ruwaq kayninqa haypanmi manchakuqninkunapa mirayninkunapaqpas,+
18 contrato* ruwasqanman hina ruwaqkunapaqpas+
chaynataq kamachikuyninman hina ruwaqkunapaqpas.
20 Jehova Diostayá hatunchaychik angelninkuna,+ paytayá hatunchaychik kallpasapakunawan atiyniyuqkuna,
paytayá hatunchaychik paypa nisqanman hina ruwaqkuna,+ paypa kamachikuyninkunata kasukuqkuna.
21 Jehova Diostayá hatunchaychik angelninkuna,+
paytayá hatunchaychik yupaychaqninkuna, paypa munaynin ruwaqkuna.+
22 Jehova Diostayá hatunchaychik paypa unanchasqan kaqkuna,
paypa kamachisqan sitiokunapiyá payta hatunchaychik.
Jehova Diostam ñuqaqa hatunchasaq.
104 Jehova Diostam ñuqaqa hatunchasaq.+
Jehova Dioslláy, qamqa ancha atiyniyuqmi kanki.+
Sumaq kaywan pachasqa hinam kachkanki, kanchariywan pachasqa hinam kachkanki.+
2 Kanchachkaq llikllapi wankusqa hinam kachkanki.+
Carpapa qatanta hinam hanaq pachatapas mastarinki.+
3 Payqa wasinpa altusninkunapaqmi qirukunata churan hanaq pacha yakukunapa hawanpi.+
Puyukunam carretan rikurirun.+
Wayrapa raprankunapim purin.+
4 Diosqa angelninkunatam espiritu kanankupaq ruwarun.
Yupaychaqninkunatam linwachkaq ninata hina ruwarun.+
5 Payqa allpa pachatam suma-sumaqta takyachirqa.+
Manam haykapipas maymi kasqanmantaqa pipas kuyuchinqachu.+
6 Achka-achka yakuwanmi llikllawan hina pampaykurqanki,+
chay yakukunam urqukunata pamparurqa.
7 Qam qaqchaykuptikim yakukuna ayqikurqaku,+
tunrururuchimuptikim utqayman ayqikurqaku.
8 Urqukunam rikurirurqa,+ pampakunam wayquyarurqa,
maymi nisqaykimanmi rirqaku.
9 Maykamalla kanankupaqmi nirqanki,+
allpa pachata kaqmanta mana pampanankupaqmi nirqanki.
10 Pukyukunamanta tuqyamuq yakukunatam payqa wayqukunaman chayachin,
urqukunapa chawpintam yakukunata kallpachin.
11 Purun animalkunam chay yakukunata tomanku,
purunpi wiñaq asnokunam chay yakukunawan saksaykunku.
12 Chay yakukunamanmi alton pawaqkunapas tiyaykunku,
kallmasapallaña sachapi tiyaykuspankum takinku.
13 Diosqa yachasqan sitiomantam urqukunaman chaqchumun,+
kay allpa pachapas tukuy ima ruwasqaykiwanmi huntaykun.+
14 Payqa qurakunatam wiñachin animalkuna mikunanpaq,
payqa kawsaykunatam qispichin runakuna mikunankupaq,+
kay allpa pachapiqa tukuy imam kan.
15 Kanmi runapa sunqunta kusichiq vinopas,+
kanmi runapa uyanta llipipipichiq aceitepas,
kanmi wañuqlla runapa sunqunta tiyaykachiq tantapas.+
16 Jehova Diospa sachankunaqa saksasqam kachkanku,
Libano urqupi cedro sachankunapas saksasqam kachkanku,
17 alton pawaqkunam chaypi qistachakunku*.
Cipres sachakunapim cigüeñakunapas+ puñunku.
19 Payqa killatam unancharqa ima tiempo kasqanta yachanapaq,
intipas yachanmi imay hora chinkaykuyta.+
20 Qanmi tutayayta apamunki, chaymi tutaykamun,+
chaymi montepi tutan puriq animalkunapas lluqsimunku.
22 Inti qispiramuptinmi ichaqa pasakunku,
puñunankumanmi pasaykunku.
23 Runañataqmi llamkaq lluqsin,
inti siqaykunankamam allinta llamkan.
24 ¡Jehova Dioslláy, achkam unanchasqaykikunaqa!+
Yachaywanmi llapallanta unancharqanki,+
tukuy ima unanchasqaykikunawanmi kay allpa pachaqa hunta kachkan.
25 Lamar quchapas machullay-machum,
chaypim tukuy imapas kawsan, hatunpas uchuypas chaypim kawsan.+
27 Tukuy chaykunam
horallanpi mikuchinaykita suyanku.+
28 Tukuy ima qusqaykitam chaykunaqa huñukunku,+
makikita kichariptikim allin kaqkunawan saksaykunku.+
29 Uyaykita paykunamanta pakaptikiqa llakisqallañam kanku,
paykunapi kaq samayta qichuruptikiqa wañuruspankum allpayarunku.+
30 Atiynikiwan unanchasqam kanku,+
qamqa kay allpa pachatam sumaqyachinki.
31 Jehova Diospa ancha riqsisqa kayninqa wiñaypaqmi kanqa,
Jehova Diosqa tukuy ima ruwasqankunamantam kusikunqa.+
32 Pay qawarimuptinqa allpa pachapas kuyunmi,
urqukunata llachpaykuptinqa urqukunapas qusnirinmi.+
35 Huchasapakunam kay pachamanta chinkanqaku,
mana allin ruwaqkunaqa manañam kanqakuñachu,+
Jehova Diostam ñuqaqa hatunchasaq.
¡Jehova Diostayá hatunchaychik*!
105 ¡Jehova Diostayá agradecekuychik!+ Sutinmantataqyá qayakuychik.
Imakuna ruwasqanmantayá runakunaman willaychik.+
2 Takipuychik, payta hatunchaspayá takipuychik.
Tukuy ima ruwasqankunapiyá yuyaymanaychik*.+
4 Jehova Diostayá maskaychik,+ mañakuychikyá kallpata qusunaykichikpaq.
Hinallayá maskaychik Diospa yanapakuyninta.
5 Tukuy ima ruwasqankunatayá yuyariychik,
yuyariychikyá milagrokuna ruwasqanta hinaspa mana allinkuna pasananmanta rimasqankunata.+
6 Yuyariychikyá Diospa yupaychaqnin Abrahanpa mirayninkuna,+
yuyariychikyá Jacobpa churinkuna. Qamkunaqa kankichik Diospa akllasqankunam.+
7 Diosninchikqa Jehova Diosmi.+
Payqa llapallan runakunapa juezninmi.+
8 Payqa manam qunqanchu contrato* ruwasqantaqa,+
payqa 1.000 miraykunaña kaptinpas manam qunqanchu nisqankunataqa.+
9 Yuyachkanmi Abrahanwan contrato ruwasqantapas,+
yuyachkanmi Isaacman juraspa nisqantapas,+
10 chaynallatam Jacobmanpas nirqa kamachikuyta quspan,
una-unaypaq contratotam Israelpaq ruwarqa.
13 Paykunaqa purirqaku nacion-nacionmi,
llaqtan-llaqtanmi.+
14 Diosqa manam saqirqachu pipas runankunata ñakarichinantaqa.+
Aswanqa runankunaraykum kamachiqkunata qaqcharqa.+
15 Nirqam: “Akllakusqaykunataqa amam imanankichikchu,
17 Paykunapa ñawpaqnintam huk runata kacharqa,
19 Chaynaqa karqa Diospa nisqankuna cumplikunankamam,+
Jehova Diosqa aswan allin runaña kananpaqmi yanapaykurqa.
20 Kamachiqmi kacharinankupaq nirqa,+
llaqtakunata kamachiqmi kachaykachirqa.
21 Wasinpi nanachikunanpaqmi churaykurqa,
kapuqninkunamanta cuentallikunanpaqmi churaykurqa.+
22 Ancha riqsisqa runakunata munasqanman hina kamachinanpaqmi churaykurqa,
yuyaqkunata yachachinanpaqmi churaykurqa.+
24 Diosqa runankunatam achkayarachirqa,+
chiqniqnin runakunamantapas aswan atiyniyuqtam rikurirachirqa.+
25 Runankunata chiqninankupaqmi runakunapa sunqunta rumiyarachirqa,
yupaychaqninkunata chiqnispa hatarinankupaqmi sunqunkuta rumiyarachirqa.+
27 Iskayninkum Diospa nisqanta paykuna* qawachkaptin ruwarqaku,
iskayninkum Diospa atiyninwan Cam allpapi+ milagrokunata ruwarqaku.
29 Yakunkutam yawaryarachirqa,
chaypi kaq challwakunapas wañururqam.+
30 Karyakunawanmi llaqtankuta huntarachirqa,+
kamachiqpa puñunanmanpas huntarurqam.
31 Tankayllukunawan hinaspa chuspikunawanmi
llaqtankuta huntarachirqa.+
32 Runtu paratañam chayachirqa,
allpanmanmi llipyakunata kachaykurqa.+
33 Uvasninkutawan higosninkutam tukururqa,
llaqtankupi kaq sachakunatam lliwta tukururqa.
34 Dios kamachiptinmi aqarway urukuna llaqtata pamparurqa,
puyu hinañam mana raprayuq aqarway urukuna pamparurqa.+
35 Chay aqarway urukunam llaqtapi tukuy imata qalaypaq tukururqa,
tarpusqanku kawsaykunatam qalayta tukururqa.
36 Chaymantam Egiptopi llapallan punta naceqkunata wañurachirqa,+
mirayninkupi punta naceqkunatam llapallanta wañurachirqa.
37 Runankunaqa quri-qullqiyuqñam lluqsirqaku,+
runankunamantaqa manam mayqinpas unqurqachu.
38 Paykuna pasakuptinkum Egipto runakunaqa kusikurqaku,
paykunaqa Israel runakunatam manchakurqaku.+
39 Diosqa sayanpa puyutam churaykurqa paykunata waqaychananpaq,+
tutanñataqmi linwachkaq ninawan achkirqa.+
40 Paykuna mañakuptinkum taksa yutukunata quykurqa,+
yarqaymanta kaptinkupas hanaq pacha tantatam saksanankukama mikuchiq.+
42 Diosqa yupaychaqnin Abrahanman nisqankunatam yuyarirurqa.+
43 Chaymi runankunata hurqurqa, runankunaqa kusisqallañam lluqsirqaku,+
akllakusqankunatam hurqurqa, paykunaqa kusikuymantam qaparirqaku.
44 Huklaw runakunapa allpantam quykurqa,+
paykunaqa chaskirqaku huklaw runakunapa llamkakusqanku allpatam,+
45 chaynapi nisqanman hina cumplinankupaq,
kamachikuyninkunata kasukunankupaq.+
¡Jehova Diostayá hatunchaychik*!
106 ¡Jehova Diostayá hatunchaychik*!
Allin Dios kasqanraykuyá Jehova Diospa tukuy ima ruwasqankunamanta agradecekuychik.+
Imaña kaptinpas wiñaypaq kuyakuqmi.+
2 ¿Pitaq willakunman atiyninwan Jehova Diospa tukuy ima ruwasqankunamanta?
¿Pitaq willakunman hatunchanapaq ruwasqankunamanta?+
3 Allin ruwaqkunaqa kusisqam kanku.
Allin kaqta ruwaqkunaqa kusisqam kanku.+
4 Jehova Dioslláy, yuyariwankimá runaykikunata yanapaspaykiqa.+
Tukuyta ruwaspaykiyá yanapaykullaway
5 akllakusqaykikunapaq imapas ruwasqaykiwan ñuqapas kusikunaypaq.+
Runaykikunawan kuska kusikunaypaq,
runaykikunawan kuska qamta hatunchanaypaq.
6 Ñawpaq abueloyku hinam huchallikuruniku.+
Tuku-tukuytam mana allinllata ruwaruniku, mana allin ruwaqmi rikuriruniku.+
7 Egiptopi tukuy ima ruwasqaykikunatam ñawpaq abueloykuqa mana kaqpaqpas hapirqakuchu.
Manam yuyarirqakuchu imaña kaptinpas kuyakuqllaña kasqaykitaqa.
Aswanmi paykunaqa qipancharusurqanki lamar quchapa patanpi, arí, Puka lamar quchapa patanpi.+
8 Diosmi ichaqa sutinrayku yanapaykusurqankichik.+
Atiyniyuq kasqanta yachanaykichikpaqmi yanapaykusurqankichik.+
9 Qaqchaykuptinmi Puka lamar quchaqa chakirurqa.
Chunniqninta hinam lamar quchapa chawpinta pusasurqankichik.+
10 Chiqnisuqnikichikkunapa makinmantam libraykusurqankichik.+
Chiqnisuqnikichikkunapa makinmantamá hurquykusurqankichik.+
11 Yakukunam pamparurqa chiqniqninkunataqa,
manam hukllapas qiparqachu.+
12 Chaymi Diospa nisqankunapi hapipakurqaku.+
Takikunata takispankum hatunchayta qallaykurqaku.+
13 Ichaqa chayllam Diospa tukuy ima ruwasqankunata qunqarurqaku.+
Manam nisqankunataqa kasukurqakuchu.
14 Chunniqpim munapayasqanku kaqkunallawan atipachikurqaku.+
Chunniqpim Diosta piñachirqaku.+
15 Diosqa mañakusqankutam qurqa,
ichaqa unquywanmi wañuparachirqa.+
16 Carpankupa kasqanpim Moisesta chiqniyta qallaykurqaku.
Carpankupa kasqanpim Jehova Diospa akllakusqan+ Aaronta+ chiqniyta qallaykurqaku.
17 Hinaptinmi allpa kicharikuykuspan Datanta millpururqa.
Abiranwan kaqkunatapas pamparurqam.+
18 Paykunaman sayapakuqkunatam nina ruparurqa.
Mana allin ruwaqkunatam nina ruparurqa.+
19 Horeb lawpim malta torota ruwakururqaku.
Qurimanta ruwarusqanku malta toropa ñawpaqninpim qunqurakurqaku.+
20 Ñuqata yupaychawanankumantaqa
pastota mikuq torota ruwaruspankum yupaycharqaku.+
21 Yanapaqninku Diostam qunqarurqaku.+
Egiptopi tukuy imata ruwaspa yanapaqninkutam qunqarurqaku,+
22 Cam allpapi tukuy ima ruwasqantam qunqarurqaku.+
Puka lamar quchapi tukuy ima ruwasqantam qunqarurqaku.+
23 Diosqa piñakuyninta paykunaman kachaykunanpaqñam kachkarqa.
Ichaqa akllakusqan Moisesmi chayta mana ruwananpaq mañakurqa.+
24 Paykunaqa chaskinanku allpatam mana valeqta hina qawarqaku,+
Diospa nisqankunamantam iskayrayarqaku.+
25 Carpankupim yanqakunataña rimayta qallaykurqaku.+
Jehova Diospa nisqankunataqa manam uyarirqakuchu.+
26 Chayraykum Diosqa makinta huqariykuspa nirqa
chunniqpi wañurachinanpaq.+
27 Mirayninkuta runakuna munaychakunankupaqmi saqinan karqa.
Huklaw llaqtakunamanmi chiqichinan karqa.+
28 Chaymantam paykunaqa Peor lawpi Baal taytachata yupaychayta qallaykurqaku.+
Mikurqakutaqmi wañusqakunapaq animalkuna kañasqankutapas*.
29 Tukuy imata ruwasqankuwanmi Diosta piñachirqaku.+
Chaymi Diosqa paykunata wañuchiyta qallaykurqa.+
30 Ichaqa Fineas hatariykuspan huchallikuqta wañurachiptinmi
manaña wañurqakuñachu.+
31 Chayraykum Fineasqa mana huchayuq kasqanwan riqsisqa karqa qipa wiñaykunapaqpas.
Wiñaypaqmi allin ruwaq kasqanrayku riqsisqa karqa.+
32 Paykunaqa Meriba* law yakukunapim Diosta piñachirqaku.
Paykunapa huchanraykum Moisespas sasachakuypi karqa.+
34 Manam Jehova Diospa nisqanman hinachu ruwarqaku.+
Manam wañuchinankupaq nisqan runakunatapas wañuchirqakuchu.+
37 Qari churinkutawan warmi churinkutam
demoniokunapaq kañapuqku.+
38 Sapa kutillam mana huchayuqkunata wañuchiqku.+
Canaan lawpi taytacha-mamachakunapaqmi churi-wawankuta wañuchiqku.+
Churi-wawankupa yawarnintam chay taytacha-mamachakunapaq sutuchiqku.
Mana huchayuqkunapa yawarninwanmi allpatapas millakuypaqtaña ruwarurqaku.
39 Tukuy ima ruwasqankuwanmi millakuypaqña* rikurirurqaku.
Imayna kawsakusqankuwanmi millakuypaqña rikurirurqaku, taytacha-mamachakunata yupaychaspankum huchallikururqaku.+
40 Chayraykum Jehova Diosqa llumpa-llumpayta piñakurqa runankunapaq.
Akllakusqan runankunatam millakuytaña qallaykurqa.
41 Sapa kutillam saqirqa chiqniqnin runakunapa makinman wichiykunankupaq.+
Chiqniqnin runakuna munaychakunanpaqmi saqirqa.+
42 Chiqniqnin runakunam llumpa-llumpayta ñakarichirqaku.
Chiqniqninku runakunapa makinpim ñakarirqaku.
43 Achka kutikamam chiqniqninkunapa makinmanta Diosqa paykunata hurquykurqa.+
Paykunam ichaqa Diosta qipanchaspanku mana kasukuqkuchu.+
Mana allinllata ruwasqankuraykum paykunaqa pinqaypi karqaku.+
44 Diosmi ichaqa ñakarisqankuta qawaspan+
yanapaykunanpaq qayakusqankuta uyariykurqa.+
45 Paykunaraykum contrato* ruwasqanta yuyarirqa.
Imaña kaptinpas kuyakuq kasqanraykum paykunataqa llakipayarqa.+
46 Chiqniqninkuna llakipayarinanpaqmi
tukuyta ruwarqa.+
47 Jehova Diosllayku, salvaykullawaykuyá.+
Llapallan llaqtakunamanta huñuykullawayku.+
Chaynapi chuya sutillaykita hatunchanaykupaq,
kusikuymanta hatunchanaykupaq.+
48 Jehova Diosqa hatunchasqayá kachun.
Israelpa Diosninqa wiña-wiñaypaq hatunchasqayá kachun.+
Llapallan llaqtakunayá nichunku: “¡Chaynayá kachun*!”, nispa.
¡Jehova Diostayá hatunchaychik*!
PICHQA KAQ
(Salmos 107-150)
107 Allin Dios kasqanraykuyá Jehova Diospa tukuy ima ruwasqankunamanta agradecekuychik.+
Imaña kaptinpas wiñaypaq kuyakuqmi.+
2 Kaytayá nichunku ñakariymanta Jehova Diospa libraykusqan runakunaqa.
Kaytayá nichunku ñakarichiqnin runakunapa makinmanta libraykusqan runakuna,+
3 llapallan llaqtakunamanta huñusqa kaqkuna,+
intipa qispimunan lawmanta kaqkuna, intipa siqaykunan lawmanta kaqkuna,
norte lawmanta kaqkuna chaynataq sur lawmanta kaqkuna.+
4 Chunniqpim kayman-chayman purirqaku, chaki allpapim purirqaku.
Yachanankupaq* llaqtaman riq ñantam mana tarirqakuchu.
5 Yarqaymantam karqaku, yakumantam karqaku.
Pisiparuspam yaqaña wañurqakupas.
6 Llakisqa kaspankum Jehova Diosta mañakurqaku yanapaykunanpaq.+
Hinaptinmi payqa sasachakuyninkupi yanapaykurqa.+
7 Allin ñannintam purichirqa.+
Chay ñanmi chayachirqa yachananku llaqtaman.+
8 Runakunaqa Jehova Diospa kuyakuyninmantayá* agradecekuchunku.+
Runakunapa churinpaq tukuy imata suma-sumaqta ruwasqankunamantayá agradecekuchunku.+
9 Payqa yakunayachikuqmanmi saksanankama yakuta quykurqa.
Saksanankamam yarqaymanta kaqman allin kaqkunata quykurqa.+
10 Wakinqa tutayaypim yacharqaku.
Wichqasqam karqaku, cadenawan watasqa kaspankum ñakarirqaku.
11 Chaynaqa karqaku Diospa nisqankunata mana kasukuspankum.
Hanaq pacha taytapa munayninta mana ruwaspankum.+
12 Chaynapim payqa ñakariyta kachaykuspa paykunata pinqayman churarqa.+
Wichiptinkupas manam pipas hatarichirqachu.
13 Llakisqa kaspankum Jehova Diosta mañakurqaku yanapaykunanpaq.
Hinaptinmi payqa sasachakuyninkupi yanapaykurqa.
14 Qalaypaq tutayaymantam paykunataqa hurquykurqa.
Cadenankutam tipiparurqa.+
15 Runakunaqa Jehova Diospa kuyakuyninmantayá* agradecekuchunku.+
Runakunapa churinpaq tukuy imata suma-sumaqta ruwasqankunamantayá agradecekuchunku.
16 Broncemanta punkukunatam wichirachin.
Fierromanta trankankunatam pakiparun.+
17 Mana yachaywan ruwasqankuraykum llumpa-llumpayta ñakarirqaku.+
Huchankuraykum llumpa-llumpayta ñakarirqaku, mana allinkunata ruwasqankuraykum llumpa-llumpayta ñakarirqaku.+
18 Ima mikuytapas lliwmi millakururqaku.
Wañuypa patanpiñam tarikurqaku.
19 Llakisqa kaspankum Jehova Diosta mañakurqaku yanapaykunanpaq.
Hinaptinmi payqa sasachakuyninkupi yanapaykurqa.
20 Rimariykamuptinmi allinyarurqaku.+
Uchkumantam paykunata hurquykurqa.
21 Runakunaqa Jehova Diospa kuyakuyninmantayá* agradecekuchunku.
Runakunapa churinpaq tukuy imata suma-sumaqta ruwasqankunamantayá agradecekuchunku.
22 Agradecekusqankuraykuyá animalkunata nakapuchunku.+
Kusikuymanta qaparispayá tukuy ima ruwasqankunamanta willakuchunku.
23 Lamar quchanta botepi puriqkunawan
lamar quchanta imatapas apaqkunam+
24 Jehova Diospa unanchasqankunata qawarqaku,
suma-sumaq unanchasqankunatam lamar quchapi qawarqaku.+
25 Qawarqakum rimariykuptillan
llumpa-llumpay wayrawan+ lamar qucha urquchakusqanta.
26 Chaykunaqa hanaq pachaman hinaraqmi huqarikunku
hinaspam uku-ukuman chinkaykunku.
Tukuy chaykunawanmi llumpa-llumpay mancharisqallaña tarikunku.
27 Mana sayayta atispam kayman-chayman sinka hina wichinku.
Chaypiqa imaña yachasqankupas yanqapaqmi.+
28 Chaymantam paykunaqa llakisqa kaspanku Jehova Diosta mañakunku yanapaykunanpaq.+
Hinaptinmi payqa sasachakuyninkupi yanapaykun.
29 Llumpa-llumpay wayratam sayachin.
Lamar quchapa urquchakusqantam hawkayachin.+
30 Lamar quchapa hawkayasqanta qawaspankum paykunaqa kusikunku.
Diosmi paykunata pusan maymi risqankuman chayanankupaq.
31 Runakunaqa Jehova Diospa kuyakuyninmantayá* agradecekuchunku.
Runakunapa churinpaq tukuy imata suma-sumaqta ruwasqankunamantayá agradecekuchunku.+
32 Huñunasqa runakunapa chawpinpiyá hatunchachunku.+
Yuyaqkunapa kasqanpiyá hatunchachunku.
33 Diosqa mayukunatam chaki allpaman rikurichin.
Pukyukunatam chaki allpaman tikran.+
34 Tukuy imapa qispinan allpatam qullpa allpaman tikran. Tukuy imapa qispinan allpatam mana imapa kananta ruwarun.+
Tukuy chaykunatam ruwarun chaypi yachaq runakunapa huchanrayku.
35 Chaki allpatam tikran qurakunapa kanan quchakunaman.
Chaki allpakunapim pukyukunata tuqyachin.+
37 Paykunaqa chakrapim tarpunku, uvaskunatam plantanku.+
Tukuy chaykunaqa alli-allinmi qispin.+
38 Dios bendeciptinmi paykunaqa achkaman mirarunku.
Imapas uywakusqanku asllayanantaqa manam saqinchu.+
39 Ichaqa kaqmantam asllayanku.
Ñakarichiptinkum sasachakuypiwan nanaypi kaspa pinqaypi kanku.
40 Diosqa riqsisqa runakunatam pinqayman churan.
Ñanpa mana kasqan chaki chunniqpim purichin.+
41 Wakchakunatam ichaqa mana ñakarinankupaq yanapan.+
Ovejakunata hinam ayllunkutapas mirachin.
42 Chayta qawaspankum allin ruwaq runakunaqa kusikunku.+
Mana allin ruwaqkunam ichaqa mana imatapas rimarinkuchu.+
43 Yachayniyuq runaqa kaykunatam yachanan.+
Jehova Dios imaña kaptinpas kuyakuq kasqanmantam sumaqta yachanan. Paypa ruwasqankunapim sumaqta yuyaymananan.+
Davidpa takisqan.
108 Diosnilláy, sunqullayqa qamllapaqmi.
Tukuy sunquywanmi qampaq tocapuspay takipusqayki.+
2 Ñuqam rikcharisaq, manaraq achikyamuchkaptinmi rikcharisaq.
Ñuqam arpata tocasaq, cuerdayuq kaqkunatam tocasaq.+
3 Jehova Dioslláy, llapallan runakunapa chawpinpim hatunchallasqayki.
Llaqtakunapa chawpinpim qampaq takipullasqayki.
4 Kuyakuynikiqa* hatu-hatunmi, kaymanta hanaq pachakama hinaraqmi.+
Hapipakunapaq hina kasqaykiqa puyukamaraqmi haypan.
5 Diosnilláy, hanaq pachapa hawankamaraqyá huqarikuy.
Enteron allpantinpiyá allin riqsisqa kay.+
6 Chaynapi kuyasqayki runakuna ñakarichiqninkupa makinmanta libraykusqa kanankupaq.
Atiynikiwanyá yanapaykuwayku, qayakamusqaytayá uyariykuway.+
7 Chuya Diosmi* nirqa:
“Kusikuywanmi Sichem* allpata rakinaspay qusaq.+
Kusikuywanmi Sucot wayquta tupusaq.+
8 Galaad+ allpaqa ñuqapam, Manases allpapas ñuqapam.
Efrain allpañataqmi cascoy hina.+
Juda allpañataqmi kamachinaypaq tawnay hina.+
9 Moab allpañataqmi mayllakunay lavatorio hina.+
Edom allpañataqmi usutayta wikapanaypaq kanqa.+
Filistea allpapim kusikuymanta qaparisaq”, nispa.+
10 ¿Pitaq pusawanman mana yaykuy atina llaqtaman?
¿Pitaq pusawanman Edom allpakama?+
11 Dioslláy, qipancharuwaptikikuqa, ¿pitaq hukqa qam hina kanman?
Diosllayku, soldadoykutapas manaña yanapaptikiqa, ¿pitaq hukqa qam hina kanman?+
12 Diosllayku, sasachakuyniykupiyá yanapaykuwayku.+
Runakunapa yanapakuyninqa yanqapaqmi.+
13 Diosninchik yanapawaptinchikmi kallpayuq kasunchik.+
Paymi chiqniwaqninchikkunataqa sarupanqa.+
Takiqkunata yachachiqpaq. Davidpa takisqan.
109 Hatunchasqay taytalláy,+ amayá upallallaqa qiparuychu.
2 Llullalla rimaqkunawan mana allin ruwaqkunam mana allinllata ñuqamanta rimachkanku.
Ñuqamantam llullallata rimachkanku.+
3 Paykunaqa chiqnikuywanmi chawpicharuwan,
paykunaqa yanqamantam maqawan.+
4 Kuyaptiypas paykunaqa chiqniwanmi,+
ñuqam ichaqa hinalla mañakuni.
5 Paykunapaq allin kaqta ruwaptiypas paykunaqa mana allinllatam ruwawan,+
paykunata kuyaptiypas paykunaqa chiqniwanmi.+
6 Mana allin runata kachaykuy chiqniwaqniy runaman,
chiqnikuq runayá alliqninpi* kachun.
7 Juzgaptinkupas huchayuqyá qipachun,
mañakusqantapas huchata hina qawachunku.+
9 Churinkunapas mana taytayuqyá qipachun,
warminpas mana qusayuqyá qipachun.
10 Churinkunapas tukuy imata mañakustinyá kayman-chayman purichunku,
raqayninkumantayá lluqsichunku mikuyta mañakuq.
11 Imapas quqninyá qipakuchun llapallan imapas kapuqninwanqa,
mana riqsisqan runakunayá qichuchun imapas kapuqninkunataqa.
12 Amayá pipas kuyapayachunchu,
churinkunatapas amayá pipas llakipayachunchu.
13 Mirayninkunapas chinkachisqayá kachun,+
qatiqnin miraypiqa sutinpas chinkachisqayá kachun.
14 Jehova Diosqa amayá qunqachunchu ñawpaq abuelonkupa huchantaqa,+
mamanpa huchantapas amayá qunqachunchu.
15 Jehova Diosqa tukuy ima ruwasqankuta ama qunqaspayá
sutinkuta kay pachamanta chinkachichun.+
16 Chay runakunaqa manam kuyapayakuqkuchu,+
aswanqa wakchakunatawan ñakariqkunatam wañuchinankupaq maskaqku,+
hukmanyasqakunatam wañuchinankupaq maskaqku.+
17 Runakunata ñakasqanraykum kikin ñakasqa rikurirun,
pitapas bendeciytaqa manam munaqchu, chayraykum imapas bendiciontaqa mana chaskiqchu.
18 Ñakaymi lliklla hina paytaqa wankurun,
ñakaymi yaku hina ukunman yaykurun,
ñakaymi aceite hina tullunkunaman chayarun.
19 Hinakunan pachan hinayá ñakayqa kachun,+
wiqaw watakunan hinayá paypi sapa punchaw kachun.
20 Jehova Diosqa chaykunatam kacharinqa chiqniwaqniy runakunamanqa,+
chaykunatam kacharinqa ñuqamanta mana allinkunata rimaqkunamanqa.
21 Llapallan kamachiq Jehova Dioslláy, qamyá ichaqa ñuqapaq tukuy imata ruway,
sutikiraykuyá tukuy imata ruway.+
Chiqniwaqniykunapa makinmantayá hurquykullaway, imaña kaptinpas kuyakuq kaynikiqa allinmi.+
23 Llantuy hinam chinkaruchkaniña,
aqarway uru hinam taspipasqa karuni.
24 Mana mikusqayraykum muqullaykunapas wichiruchkanña,
mana mikusqayraykum tullunwan-qarallanña kachkani, qalaypaqñam kachkani.
26 Jehova Dioslláy, yanapaykullaway,
imaña kaptinpas kuyakuynikiraykuyá waqaychaykullaway.
27 Yachachunkuyá kaykunaqa qampa ruwasqayki kasqanta,
Jehova Dioslláy, yachachunkuyá makikipa ruwasqan kasqanta.
28 Paykuna ñakawaptinpas qamqa bendeciwayá.
Ñuqata chiqnikuwanankupaq hatarispankupas pinqaypiyá kachunku,
ñuqayá ichaqa kusisqa kasaq, yupaychaqniki kasqayraykuyá kusisqa kasaq.
29 Chiqniwaqniykunaqa pachakuchkaq hinayá pinqaywan pachakuchunku,
pinqakuyyá pachanku hina kachun.+
30 Jehova Diostam tukuy sunquywan hatunchasaq,
achka runakunapa kasqanpim hatunchasaq.+
31 Payqa wakchapa alliqninpim kanqa
yanqamanta tumpaptinku yanapaykunanpaq.
Davidpa takisqan.
110 Jehova Diosmi señorniyta nirqa:
2 Sion muqumantam Jehova Dios kamachinaykipaq tawnata haywarimunqa, paymi ninqa:
“Chiqnisuqnikikunatayá munaychakuchkay”, nispa.+
3 Soldadoykikuna peleaq riptinkum runaykikuna kikinkumanta yanapakunqaku.
Achikyaqmantapacham achkallay-achka kikinkumanta tukuy imata ruwanqaku.
Sulla hinam achkallay-achka musukuna kapusuchkanki.
4 Jehova Diosqa ruwananmantapuni juraspanmi nirqa:
5 Jehova Diosqa alliqnikipim kanqa.+
Piñakuynin punchawpim kamachiqkunata sarupanqa.+
6 Runakuna imayna kasqanmanta nisqantam ruwanqa.+
Kay allpa pachatam wañusqakunawan manaña rikuyta ruwanqa.+
Enteron allpa pachapi kamachikuqtapas sarupanqam.
7 Ñanninta rispanmi payqa* kallpachkaq yakuta tomaykunqa.
Chayraykum payqa umanta huqarispan rinqa.
111 ¡Jehova Diostayá hatunchaychik*!+
א [alef]
Tukuy sunquywanmi ñuqaqa Jehova Diosta hatunchasaq,+
ב [bet]
huñunasqa allin ruwaq runakunapa qayllanpim hatunchasaq, huñunasqa runakunapa qayllanpim hatunchasaq.
ג [guimel]
2 Jehova Diospa ruwasqankunaqa suma-sumaqmi,+
ד [dalet]
tukuy chaykunawan kusikuqkunaqa sumaqtam yachaykunku.+
ה [he]
ז [zayin]
4 Payqa suma-sumaq ruwasqankuna mana qunqasqa kananpaqmi tukuyta ruwan.+
ח [jet]
Jehova Diosqa kuyapayakuqmi, payqa llakipayakuqmi.+
ט [tet]
5 Manchakuqninkunamanmi payqa mikuchin.+
י [yod]
Contrato* ruwasqantaqa manam haykapipas qunqanchu.+
כ [kaf]
6 Atiywan ruwasqankunatam runankunaman qawachirqa,
ל [lamed]
huklaw runakunapa herencianta paykunaman quspanmi qawachirqa.+
מ [mem]
7 Makinpa ruwasqankunaqa chiqap kaqwan allin ruwayllam,+
נ [nun]
imapas nisqankunaqa mana iskayrayanapaqmi.+
ס [samekh]
8 Imapas nisqankunaqa mana iskayrayanapaqmi kunanmanta wiña-wiñaykama,
ע [ayin]
imapas nisqankunaqa chiqap kaqman hinam kachkan, allin ruwayman hinam kachkan.+
פ [pe]
9 Payqa runankunatam ñakariymanta hurquykurqa,+
צ [sade]
contrato ruwasqanqa wiña-wiñaypaq kananpaqmi nirqa.
ק [qof]
Diospa sutinqa chuyam, paypa sutinqa suma-sumaqmi.+
ר [resh]
10 Jehova Diosta manchakuyqa yachayniyuq kaypa qallariyninmi.+
ש [shin]
Imapas nisqankunata kasukuqkunaqa yachayniyuqmi kanku.+
ת [taw]
Hatunchasqa kayninqa wiña-wiñaypaqmi.
112 ¡Jehova Diostayá hatunchaychik*!+
א [alef]
Mayna kusisqam Jehova Diosta manchakuq runaqa.+
ב [bet]
Mayna kusisqam kamachikuyninkunawan kusikuq runaqa.+
ג [guimel]
2 Kay allpa pachapim mirayninkuna atiyniyuq kanqaku.
ד [dalet]
Allin ruwaq runakunapa mirayninqa bendecisqam kanqaku.+
ה [he]
3 Wasinqa tukuy imayuqmi, wasinpiqa tukuy imam kapun.
ו [waw]
Allin ruwaq kasqanpas wiña-wiñaypaqmi.
ז [zayin]
4 Allin ruwaqkunapaqqa paymi tutayaypi achki hina kancharin.+
ח [jet]
Diosqa kuyapayakuqmi, llakipayakuqmi+ hinaspa allin ruwaqmi.
ט [tet]
5 Qukuykuq runaqa allinmi kawsakun.+
י [yod]
Imatapas ruwan allin ruwaq kasqanman hinam.
כ [kaf]
6 Paytaqa manam imapas haykapipas kuyuchinqachu.+
ל [lamed]
Allin ruwaq runaqa wiñaypaq yuyarisqam kanqa.+
מ [mem]
7 Mana allin willakuykuna uyariytapas manam manchakunqachu.+
נ [nun]
Paypa sunqunqa allin takyasqam kachkan, manam pipas kuyuchinqachu. Payqa Jehova Diosllapim hapipakun.+
ס [samekh]
8 Paypa sunquntaqa manam pipas kuyuchinqachu. Payqa manam manchakunchu.+
ע [ayin]
Payqa chiqniqninkunapa pinqaypi qipasqankutam qawanqa.+
פ [pe]
9 Payqa wakchakunaman imatapas achkanpi quykuqmi.+
צ [sade]
Allin ruwaq kayninqa wiña-wiñaypaqmi kanqa.+
ק [qof]
Atiyninwanmi ancha riqsisqa kanqa.
ר [resh]
10 Mana allin ruwaqkunam chayta qawaspa piñakunqaku.
ש [shin]
Kachuparikuspankum chinkanqaku.
ת [taw]
Mana allin runakunapa imapas munasqanqa yanqapaqmi kanqa.+
113 ¡Jehova Diostayá hatunchaychik*!
Yupaychaqninkuna, Jehova Diostayá hatunchaychik,
Jehova Diospa sutintayá hatunchaychik.
2 Jehova Diospa sutinqa hatunchasqayá kachun,
kunanmanta wiña-wiñaykamayá hatunchasqa kachun.+
3 Jehova Diospa sutinqa hatunchasqayá kachun,+
intipa qispimunanmanta intipa siqaykunankamayá hatunchasqa kachun.
4 Jehova Diosqa llapallan llaqtakunamantapas alto-altopim kachkan,+
ancha riqsisqa kasqanpas hanaq pachapa hawanpim kachkan.+
5 ¿Pitaq kanman Jehova Diosninchik hinaqa?+
Payqa alto-altopim kamachinanpaq trononpi tiyachkan.
6 Diosqa kurkuykamunmi puyukunapa kasqantawan allpa pachata qawamunanpaq,+
7 payqa kurkuykamunmi mana imayuq runata allpamanta sayariykachinanpaq,
8 Kamachiqkunawan kuskata tiyaykachinanpaqmi paytaqa sayariykachin,
llaqtanpi kamachiqkunawan tiyaykachinanpaqmi sayariykachin.
9 Qulluq warmitapas wawasapatam ruwaykun,
wawasapata ruwaruspanmi kusisqata kachin.+
¡Jehova Diostayá hatunchaychik*!
114 Israel runakuna Egiptomanta lluqsiruptinkum,+
huk rimayniyuq runakunapa chawpinmanta Jacobpa mirayninkuna lluqsiruptinkum
2 Juda runakunapa kasqanpi chuya wasin karqa.
Israel runakunam runankuna karqa.+
4 Carnerokuna hinam urqukunapas pawaykacharqaku.+
Chitakuna hinam muqukunapas pawaykacharqaku.
5 Lamar qucha, ¿imaynanpitaq ayqikurqanki?+
Jordan mayu, ¿imaynanpitaq asurikurqanki?+
6 Urqukuna, ¿imaynanpitaq carnerokuna hina pawaykacharqankichik?
Muqukuna, ¿imaynanpitaq chitakuna hina pawaykacharqankichik?
7 Allpa pacha, Diosraykuyá katkatatay,
Jacobpa Diosninraykuyá katkatatay.+
8 Hatun rumipa kasqanpim qurakunapa wiñanan quchataña rikurirachin.
Rumikunapa kasqanpim pukyukunataña rikurirachin.+
115 Jehova Diosllayku, ñuqaykutaqa amayá hatunchawaykuchu,
aswanqa sutikitayá hatunchay.+
Imaña kaptinpas kuyakuq kasqaykiraykuyá sutikita hatunchay, nisqaykiman hina ruwaq kasqaykiraykuyá sutikita hatunchay.+
2 Amayá saqiychu huklaw runakuna
“¿maytaq chay Diosninku?” ninankutaqa.+
3 Ñuqanchikpa Diosninchikqa hanaq pachapim kachkan,
payqa tukuy ima munasqantam ruwan.
4 Runakunapa taytacha-mamachankuqa quri-qullqimantam,
chaykunaqa runakunapa ruwasqallanmi.+
5 Simiyuqmi kanku ichaqa manam rimankuchu,+
ñawiyuqmi kanku ichaqa manam qawankuchu,
6 rinriyuqmi kanku ichaqa manam uyarinkuchu,
sinqayuqmi kanku ichaqa manam muskinkuchu,
7 makiyuqmi kanku ichaqa manam llachpankuchu,
chakiyuqmi kanku ichaqa manam purinkuchu,+
kunkayuqmi kanku ichaqa manam qaparinkuchu.+
8 Taytacha-mamachata ruwaq runakunaqa chaykuna hinam kanqaku,+
taytacha-mamachakunapi hapipakuq runakunaqa chaykuna hinam kanqaku.+
9 Israel runakuna, Jehova Diosllapiyá hapipakuychik.+
Payqa yanapasuqnikichikmi, payqa harkachikunaykichik hinam.+
10 Aaronpa mirayninkuna,+ Jehova Diosllapiyá hapipakuychik.
Payqa yanapasuqnikichikmi, payqa harkachikunaykichikmi.
11 Jehova Diosta manchakuqkuna, Jehova Diosllapiyá hapipakuychik.+
Payqa yanapasuqnikichikmi, payqa harkachikunaykichik hinam.+
12 Jehova Diosqa ñuqanchiktaqa manam qunqawanchikchu, payqa yanapawasunmi,
Israelpa mirayninkunatam bendecinqa,+
Aaronpa mirayninkunatam bendecinqa.
13 Jehova Diosqa manchakuqninkunatam yanapanqa,
uchuytapas hatuntapas yanapanqam.
14 Jehova Diosmi mirachisunkichik,
mirachinqataqmi churikichikkunatapas.+
15 Kay pachatawan hanaq pachata unanchaq+
Jehova Diospa bendecisqanyá kaychik.+
17 Jehova* Diostaqa manañam wañusqakunaqa hatunchanchu,+
wañuruspa upallaruqkunaqa manañam hatunchanchu.+
18 Ñuqanchikmi ichaqa Jehova Diosta hatunchasunchik
kunanmanta wiña-wiñaykama.
¡Jehova Diostayá hatunchaychik*!
116 Qayakusqayta uyariwasqanraykum Jehova Diosta kuyani.
Yanapaykuwananpaq qayakusqayta uyariwasqanraykum paytaqa kuyani.+
2 Payqa kurkuykamuspanmi uyariykuwan.+
Chayraykum kawsanaykamaqa payta qayakusaq.
3 Wañuymi waska hina muyuriruwarqa.
Wañuqkunapa kasqanmanmi* uraykuchkarqaniña.+
Hukmanyasqallañam karqani. Llakisqallañam karqani.+
4 Ichaqa Jehova Diostam sutinmanta qayakurqani.+
Kaynatam nirqani: “Jehova Dioslláy, yanapaykullaway”, nispay.
5 Jehova Diosqa llakipayakuqmi, payqa allin ruwaqmi.+
Diosninchikqa llakipayakuqllañam.+
6 Jehova Diosqa chayllaraq imapas ruway yachaqkunataqa waqaychanmi.+
Ñuqaqa qalaypaqñam karqani, hinaptinmi payqa yanapaykuwarqa.
7 Ñuqaqa kaqmantayá samaykusaq.
Jehova Diosmi kuyapayaykuwan.
8 Qamqa wañuymantam harkaykuwarqanki.
Mana waqanaypaqmi yanapaykuwarqanki.
Mana urmarunaypaqmi hapiykuwarqanki.+
9 Jehova Diospa ñawpaqninpim purisaq, runakunapa yachasqan* allpa pachapim purisaq.
10 Diospi hapipakusqayraykum rimarqani.+
Llumpa-llumpay ñakariypim tarikurqani.
11 Llumpa-llumpay mancharisqa kaspaymi nirqani:
“Llapallan runakunam llullalla rimaq kanku”, nispay.+
12 ¿Imaynatataq Jehova Diosman kutichipuyman?
¿Imaynatataq kutichipuyman allin kaqkuna ruwapuwasqanmanta?
13 Tukuy imapi yanapaykuwasqanmantam agradecekusaq.
Jehova Diostam sutinmanta qayakusaq.
16 Jehova Dioslláy, yupaychaqniki kasqayraykum qayakamullayki.
Yupaychaqnikim kani,
yupaychasuqniki warmipa wawanmi kani.
Cadenaykunamantam kachaykuwanki.+
17 Ñuqapaq tukuy imata ruwasqaykiraykum animalkunata nakapusqayki.+
Jehova Diostam sutinmanta qayakusaq.
18 Jehova Diosman imapas ruwanaypaq nisqaykunataqa+
Jerusalen llaqtapa chawpinpim cumplisaq.
¡Jehova Diostayá hatunchaychik*!+
117 Jehova Diostayá hatunchaychik llapallan nacionmanta kaq runakuna.+
Llapallaykichikyá payta hatunchaychik.+
2 Paypa kuyakuyninqa* hatu-hatunmi, ñuqanchiktaqa ancha-anchatam kuyawanchik.+
Nisqanman hina+ Jehova Diospa ruwasqanqa wiña-wiñaypaqmi.+
¡Jehova Diostayá hatunchaychik*!+
118 Allin Dios kasqanraykuyá Jehova Diospa tukuy ima ruwasqanmanta agradecekuychik,+
payqa imaña kaptinpas wiñaypaq kuyakuqmi.
2 Kunanqa Israel runakunayá nichunku:
“Kuyakuyninqa* wiña-wiñaypaqmi”, nispa.
3 Kunanqa Aaronpa mirayninkunayá nichunku:
“Kuyakuyninqa* wiña-wiñaypaqmi”, nispa.
4 Kunanqa Jehova Diosta manchakuqkunayá nichunku:
“Kuyakuyninqa* wiña-wiñaypaqmi”, nispa.
5 Llakisqa kaspaymi Jehova* Diosta qayakurqani,
Jehova Diosñataqmi uyariykuwaspan huklawman aparuwarqa hawka kanaypaq.+
6 Jehova Diosqa ñuqawanmi kachkan, manam manchakusaqchu.+
¿Imanawanmantaq runaqa?+
7 Jehova Diosqa ñuqawanmi kachkan, payqa yanapaykuwaqniymi*,+
chiqniwaqniykuna pinqaypi kasqantam qawasaq.+
8 Runakunapi hapipakunamantaqa
Jehova Diospi hapipakuymi aswan allinqa.+
9 Kamachiqkunapi hapipakunamantaqa
Jehova Diospi hapipakuymi aswan allinqa.+
10 Llapallan runakunam chawpicharuwarqa,
ichaqa Jehova Diospa sutinpim qipaman kutichirqani.+
11 Chawpicharuwarqakum, arí, qalaypaqmá chawpicharuwarqaku,
ichaqa Jehova Diospa sutinpim qipaman kutichirqani.
12 Abejakuna hinañam karqaku,
ichaqa kichkapi rataq nina hinam chaylla chinkarurqaku.
Jehova Diospa sutinpim qipaman kutichirqani.+
13 Wichichiwanankupaqmi llapa kallpankuwan tanqaykuwarqaku,
ichaqa Jehova Diosmi yanapaykuwarqa.
15 Kusikuymanta qapariyllañam allin ruwaqkunapa carpanpiqa kachkan,
yanapasqa kasqankumanta qapariyllañam allin ruwaqkunapa carpanpiqa kachkan.
Jehova Diospa alliq* makinmi atiyniyuq kasqanta qawachikuchkan.+
16 Jehova Diosqa kusikuymantam alliq makinta huqarichkan,
Jehova Diospa alliq makin atiyniyuq kasqanqa sutillam kachkan.+
17 Ñuqaqa manam wañusaqchu, ñuqaqa kawsasaqmi,
kawsasaqqa Jehova* Diospa tukuy ima ruwasqankunamanta willakunaypaqmi.+
19 Allin ruwaypa punkuntayá kichaykuwaychik,+
chayninta yaykuspaymi ñuqaqa Jehova* Diosta hatunchasaq.
20 Kaymi Jehova Diospa punkunqa,
kaynintam yaykunku allin ruwaqkunaqa.+
21 Mañakusqayta uyariwasqaykiraykum hatunchasqayki,+
libraykuwaqniy kasqaykiraykum hatunchasqayki.
24 Chay punchawqa Jehova Diospa nisqan punchawmi,
chay punchawqa kusisqam kasunchik, kusisqallañam kasunchik.
25 ¡Jehova Dioslláy, yanapaykuwanaykikupaqmi mañakamullaykiku!
¡Jehova Dioslláy, tukuy ima ruwasqaykupas allin kananpaqyá yanapaykullawayku!
26 Jehova Diospa sutinpi hamuqqa bendecisqayá kachun,+
Jehova Diospa wasinmantam qayakuniku bendecisqa kanaykichikpaq.
27 Jehova Diosllam Diosninchikqa,
paymi achkiwaqninchikqa.+
28 Qamqa Diosniymi kanki, chayraykum ñuqaqa hatunchasqayki.
Taytalláy, ñuqaqa hatunchallasqaykim.+
29 Allin Dios kasqanraykuyá Jehova Diospa tukuy ima ruwasqankunamanta agradecekuychik,+
א [alef]
119 Mayna kusisqam allin ñanpi puriqkunaqa,
mayna kusisqam Jehova Diospa kamachikuyninkunaman hina kawsakuqkunaqa.+
2 Mayna kusisqam Diospa nisqankunata kasukuqkunaqa,+
mayna kusisqam kamachikuyninkunata tukuy sunqunkuwan maskaqkunaqa.+
3 Paykunaqa manam mana allintaqa ruwankuchu,
Diospa ñanninpim purinku.+
4 Qanmi kamachirqanki
nisqaykiman hina cumplikunanpaq.+
5 Amalaya allinta takyayman+
kamachikuynikikunata kasukunaypaq.
6 Chayna kaptinqa manam pinqakusaqchu+
kamachikuynikikuna allin qawaytaqa.
7 Imapas nisqaykikuna allin kasqanta yachaykuspayqa
chuya sunquywanmi hatunchasqayki.
8 Kamachikuynikikunataqa kasukusaqmi.
Amayá qalaypaqqa saqirullawaychu.
ב [bet]
9 ¿Imaynatataq musuqa mana huchallikuspa kawsakunman?
Rikchan-rikchanlla kaspam, nisqaykiman hina kawsaspam.+
10 Ñuqaqa tukuy sunquywanmi maskayki.
Amayá munaychu kamachikuynikikunamanta karunchakurunaytaqa.+
11 Nisqaykikunatam sunquypi waqaychani+
qampa contraykipi mana huchallikunaypaq.+
12 Jehova Dioslláy hatunchasqayá kay,
kamachikuynikikunatayá yachaykachillaway.
13 Imapas imayna kananmanta
nisqaykikunatam willakuni.
14 Chaninniyuq kaqkunawan kusikunaymantaqa+
kamachikuynikikunawanmi kusikuni.+
15 Kamachikuynikikunapim yuyaymanasaq.+
Ñannillaykipim ñawiypas kanqa.+
16 Kamachikuynikikunataqa anchatam kuyani.
Nisqaykikunataqa manam qunqasaqchu.+
ג [guimel]
17 Kay yupaychaqnikita kuyapayaykuy
hinalla kawsaspan nisqaykikunata kasukunanpaq.+
18 Ñawillaykunatayá kichaykuway
suma-sumaq kamachikuyllaykita allinta qawanaypaq.
19 Kay allpapiqa huklaw runakunapa llaqtanpi hinallam kachkani.+
Kamachikuynikikunataqa amayá ñuqamantaqa pakaruychu.
20 Imapas nisqaykikunata
uyariykunaymantam wañuruchkaniña.
21 Qamqa qaqchankim hatuntukuqkunataqa.
Kamachikuynikikunamanta karunchakuq mana allin runakunataqa qaqchankim.+
22 Asipayawanankumantayá harkaykullaway, pinqaypi kanaymantayá hurquykullaway.
Ñuqaqa kamachikuynikikunatam kasukullarqani.
23 Kamachikuqkuna waqtapuralla tiyaruspa ñuqamanta rimaptinkupas
yupaychaqnikiqa kamachikuynikikunapim yuyaymanani.
24 Kamachikuynikikunataqa anchatam kuyani.+
Kamachikuynikikunaqa allin kaqta ruwanaypaqmi yanapawan.+
ד [dalet]
25 Allpapim wischurayachkani.+
Nisqaykiman hinayá wañuymanta harkaykullaway.+
26 Imayna tarikusqaymanta willakuptiymi uyariykullawarqanki,
kamachikuynikikunatayá yachaykachillaway.+
27 Kamachikuynikikunapa imayna kasqantayá yachaykachillaway
suma-sumaq ruwasqaykikunapi yuyaymananaypaq.+
28 Llumpa-llumpay llakisqa kasqayraykum puñuytapas mana atirqanichu,
nisqaykiman hinayá kallpata quykullaway.
29 Pantay ñantaqa ñuqamantayá karunchay,+
kamachikuynikikunata yachachiwaspaykiyá yanapaykuway.
30 Allin ñantam akllakurqani,+
imapas nisqaykikuna allin kasqantaqa riqsikunim.
32 Ñannillaykipim purillasaq, kamachikuynikikunatam kasukullasaq,
qanmi chaypaqqa sunquyta kichaykuwanki.*
ה [he]
33 Jehova Dioslláy, kamachikuynikikunapa ñannintayá riqsiykachillaway,+
riqsiykuspayqa wañukunaykamam chayninta purillasaq.+
34 Yachaytayá quykullaway kamachikuynikikunata kasukunaypaq,
kamachikuynikikunaman hina tukuy sunquywan ruwanaypaq.
35 Kamachikuynikikunapa ñannintayá riqsichillaway,+
chayninta purispayqa kusisqam kallani.
36 Kamachikuynikikunata kasukuq sunqu kanaypaqyá yanapaykullaway,
amayá imapas munapayaqqa kasaqchu.+
38 Kay yupaychaqnikiman niwasqaykitayá cumpliy
manchakusunaykipaq.
39 Amayá pinqaypi kanaytaqa munaychu,
imapas nisqaykikunaqa allinpunim.+
40 Kamachikuynikikunamantam wañuruchkaniña,
allin ruwaq kasqaykiraykuyá wañuymanta harkaykullaway.
ו [waw]
41 Jehova Dioslláy, imaña kaptinpas kuyakuynikiyá ñuqapaqqa sutilla kachun,+
yanapakuynikiyá sutilla kachun, nisqaykiman hinayá kachun.+
42 Chayna kaptinqa chiqniwaqniykunatam kutipakusaq,
nisqaykikunapi hapipakusqayraykum kutipakusaq.
43 Simiymantaqa amayá qalaypaqqa qichuruychu chiqap kaq rimaytaqa,
ñuqaqa nisqaykikunapim hapipakuchkani.
44 Kamachikuynikikunataqa haykapipas kasukusaqmi,
wiña-wiñaypaqmi kasukusaq.+
45 Allin ñannintam hawka purikusaq,+
hawkaqa purikusaq kamachikuynikikunata maskasqayraykum.
46 Kamachiqkunapa ñawpaqninpim kamachikuynikikunamanta willakusaq,
manam pinqakusaqchu.+
47 Kamachikuynikikunataqa anchatam kuyani,
chiqaptapunim kuyani.+
48 Kamachikuynikikunamanmi makiyta haywarisaq,
kamachikuynikikunataqa anchatam kuyani,+
kamachikuynikikunapim yuyaymanasaq.+
ז [zayin]
49 Kay yupaychaqnikiman niwasqaykitayá yuyariy,
chay nisqaykitam suyachkani.
50 Chay nisqaykiqa ñakariptiymi sunquyta tiyaykachin,+
nisqaykikunaqa wañuymantam harkaykuwarqa.
51 Hatuntukuqkuna asipayawaptinpas
ñuqaqa manam kamachikuynikikunamantaqa karunchakusaqchu.+
53 Mana allin runakunaraykum llumpa-llumpayta piñakuni,
paykunaqa kamachikuynikikunamantam karunchakurunku.+
54 Maypiña-chaypiña yachaptiypas*
kamachikuynikikunaqa takikuna hinam ñuqapaqqa.
55 Jehova Dioslláy, tutanmi sutikita yuyarini,+
yuyariniqa kamachikuynikikunata kasukunaypaqmi.
56 Kamachikuynikikunata kasukusqayraykum
chayta sapa kuti ruwallani.
ח [jet]
59 Ñannillaykunatam sumaqta qawarirqani
kamachikuynikikunaman hina purinaypaq.+
60 Mana unaspam kamachikuynikikunataqa
chaylla kasukuni.+
61 Mana allin runakunam waskawan hinaña muyuruwan,
chaywanpas ñuqaqa kamachikuynikikunataqa manam qunqanichu.+
62 Chawpi tutatam hatarini ñuqapaq tukuy ima ruwasqaykikunamanta agradecekunaypaq,+
tukuy ima nisqaykikuna allin kasqanmanta agradecekunaypaq.
63 Ñuqaqa hukllawakuni qamta manchakuqkunallawanmi
hinaspa kamachikuynikikunata kasukuqkunallawanmi.+
64 Jehova Dioslláy, imaña kaptinpas kuyakuynikim kay allpa pachamanqa huntaykun,+
kamachikuynikikunatayá yachaykachillaway.
ט [tet]
65 Jehova Dioslláy, nisqaykiman hinam
kay yupaychaqnikitaqa allinta yanapawachkanki.
66 Yuyaywan imatapas ruwanaypaqyá yachaykachillaway, yachaytayá quykullaway,+
ñuqaqa kamachikuynikikunapim hapipakullani.
67 Ñakariypi manaraq kachkaspayqa mana yachastinmi imatapas ruwaq kani,
kunanmi ichaqa nisqaykiman hinaña ruwani.+
68 Qamqa allin Diosmi kanki,+ qampa ruwasqaykikunaqa allinmi,
kamachikuynikikunatayá yachaykachillaway.+
69 Hatuntukuqkunaqa ñuqamantam llullallata rimanku,
ñuqam ichaqa tukuy sunquywan kamachikuynikikunata kasukuni.
71 Ñakarisqayqa allinniypaqmi karqa,+
chaynatam kamachikuynikikunata yacharqani.
72 Kamachikuynikikunaqa allinniypaqmi,+
waranqantin qurimantapas* aswan allinmi,
waranqantin qullqimantapas aswan allinmi.+
י [yod]
73 Makikiwanmi unanchawarqanki,
makikiwanmi sumaqta ruwawarqanki,
kamachikuynikikunamanta yachanaypaqyá yachayta quykullaway.+
74 Manchakusuqnikikunaqa rikuykuwaspankum kusikunku,
ñuqaqa nisqaykikunatam suyachkani.+
75 Jehova Dioslláy, ñuqaqa yachanim allin juzgaq kasqaykita,+
nisqaykiman hina ruwaq kasqaykiraykum ñakarichiwarqanki.+
78 Hatuntukuqkunaqa pinqaypiyá kachunku,
paykunaqa yanqamantam* mana allinkunata ruwawan,
ñuqam ichaqa kamachikuynikikunapi yuyaymanasaq.+
79 Qamta manchakuqkunaqa ñuqamanyá kutimuchunku,
kamachikuynikikunata yachaqkunaqa ñuqamanyá kutimuchunku.
80 Sunquyqa chuyayá kallachun kamachikuynikikunata kasukunaypaq,+
chaynapi pinqaypi mana qipanaypaq.+
כ [kaf]
81 Anchatam munachkani yanapaykuwanaykita,+
ñuqaqa nisqaykikunatam suyachkani.
82 “¿Haykapitaq sunqullayta tiyaykachinki?” nispa niptiymi+
ñawillaykunapas nisqaykikuna qawaykuytaña munachkan.+
83 Ñuqaqa qusnipa chakirachisqan odre hinañam kallachkani,
kamachikuynikikunatam ichaqa mana qunqallanichu.+
84 ¿Hayka punchawraqtaq kay yupaychaqniki suyasaq?
¿Haykapitaq chiqniwaqniykunata juzganki?+
85 Hatuntukuqkunawan kamachikuynikikunata mana kaqpaqta hina qawaqkunaqa
uchkutam uchkurunku chayman wichiykuptiy hapiruwanankupaq.
86 Llapallan kamachikuynikikunaqa confiakunapaqmi,
yanqamantam runakunaqa ñakarichiwan, ¡yanapaykullaway!+
87 Yaqallam kay allpa pachamanta chinkarachiwanku,
ñuqam ichaqa kamachikuynikikunataqa mana saqirqanichu.
88 Imaña kaptinpas kuyakuq kasqaykiraykuyá wañunaymanta harkaykullaway,
kamachikuynikikunata kasukunaypaqyá wañunaymanta harkaykullaway.
ל [lamed]
89 Jehova Dioslláy,
nisqaykikunaqa wiñaypaqmi hanaq pachapi kanqa.+
90 Nisqaykiman hina ruwasqaykiqa wiñaypaqmi,+
qamqa kay allpa pachataqa wiñaypaqmi sumaqta takyachirqanki.+
91 Qam kamachisqaykiraykum tukuy ima ruwasqaykikunaqa kunankama kachkan,
qampa munaynikitam llapallan ruwachkan.
92 Kamachikuynikikunata mana kuyaspayqa
ñakariyniypich wañuruyman karqa.+
93 Kamachikuynikikunataqa manam haykapipas qunqasaqchu,
kawsachkaniraqqa kamachikuynikikunaraykum.+
95 Mana allin runaqa wañurachiwananpaqmi kachkan,
ñuqam ichaqa kamachikuynikikunaman hina ruwachkani.
96 Ñuqaqa qawarqanim mayna sumaqña kaqpas tukuqlla kasqanta,
kamachikuynikikunam ichaqa mana tukunchu.
מ [mem]
97 ¡Ancha-anchatam kamachikuynikikunata kuyallani!+
Chisyaymi kamachikuynikikunapi yuyaymanani.+
98 Chiqniwaqniykunamanta aswan yachayniyuq kanaypaqmi kamachikuynikikunaqa yanapawan,+
kamachikuynikikunaqa ñuqawanmi haykapipas kachkan.
99 Kamachikuynikikunapi yuyaymanasqayraykum
yachachiwaqniykunamantapas aswan yachaywan imatapas ruwani.+
100 Kamachikuynikikunata kasukusqayraykum
yuyaqkunamantapas aswan yachaywan kawsakuni.
101 Nisqaykiman hina ruwanayraykum
mana allin ñannintaqa mana purinichu.+
102 Yachachiwasqaykiraykum
kamachikuynikikunamantaqa mana karunchakunichu.
נ [nun]
106 Ñuqam nirqani imapas nisqaykikunata kasukunaypaq,
chaytaqa nisqayman hinamá cumplisaq.
107 Ñuqataqa anchatam ñakarichiwarqaku,+
Jehova Dioslláy nisqaykiman hinayá wañuymanta harkaykullaway.+
108 Ama hina kaspayá takipusqayta ofrendata hina chaskiykullaway,+
Jehova Dioslláy, kamachikuynikikunatayá yachaykachillaway.+
109 Ñuqaqa sapa punchawmi wañuypa patanpi kallachkani,
kamachikuynikikunatam ichaqa mana qunqanichu.+
110 Mana allin ruwaqkunaqa hapiruwanankupaqmi tuqllata churarunku,
ñuqam ichaqa kamachikuynikikunamantaqa mana karunchakunichu.+
111 Kamachikuynikikunataqa chaskikunim, wiñaypaq herenciayta hinam chaskikuni,
kamachikuynikikunaqa sunqullaytam kusichin.+
112 Haykapikamapas kamachikuynikikunata kasukunaypaqmi tantiaruni,
wiñaypaq kasukunaypaqmi tantiaruni.
ס [samekh]
115 Mana allin ruwaqkuna ama asuykamuwaychikchu,+
ama asuykamuwaychikchu Diosniypa kamachikuyninkunata kasukunaypaq.
116 Ama wañurunaypaqyá nisqaykiman hina yanapaykullaway,+
nisqaykikunata suyasqayraykuqa amayá pinqaypiqa kasaqchu.+
117 Yanapaykullaway waqaychasqa kanaypaq,+
yanapaykuwaptikiqa kamachikuynikikunatam nisqaykiman hina ruwasaq.+
118 Qamqa chiqninkim kamachikuynikikunamanta karunchakuqkunataqa,+
chiqninkiqa mana allin kasqankuraykum, llullallata rimasqankuraykum.
119 Kay allpa pachapi mana allin ruwaqkunataqa qupata hinam wikapanki, imatapas hinam wikapanki,+
chayraykum ñuqaqa kamachikuynikikunata kuyani.
120 Qamta manchakusqayraykum katkatatani,
ima ruwanaykimanta nisqaykikunatam manchakuni.
ע [ayin]
121 Ñuqaqa allin ruwayman hinam ruwarqani,
ñuqaqa allin kaqtam ruwarqani. ¡Amayá chiqniwaqniykunapa makinpiqa saqirullawaychu!
122 Kay yupaychaqniki hawka kananpaqyá imallatapas niykuway,
hatuntukuqkunaqa amayá ñakarichiwachunchu.
123 Yanapaykuwanaykipaq suyasqaypim ñawillaypas utirunña,+
nisqaykikunata suyasqaypim ñawillaypas utirunña.+
124 Imaña kaptinpas kuyakuq kasqaykitayá kay yupaychaqniki yachaykusaq,+
kamachikuynikikunatayá yachaykachillaway.+
125 Ñuqaqa yupaychaqnikim kani, yachaytayá quykullaway,+
kamachikuynikikunata riqsinaypaqyá yachayta quykullaway.
126 Chayaramunñam punchaw nisqanman hina Jehova Dios ruwananpaq,+
paykunaqa kamachikuynikikunataqa manam kasukurqakuchu.
127 Chayraykum ñuqaqa kamachikuynikikunata kuyani,
qurimantapas astawanmi kuyani, chuyay-chuyay qurimantapas astawanmi kuyani.+
פ [pe]
129 Kamachikuynikikunaqa suma-sumaqmi,
chayraykum ñuqaqa kasukuni.
131 Simillayta kichariptiymi llakillaña hapiwan,
kamachikuynikikunata maskasqayraykum+ llakillaña hapiwan.
132 Ñuqaman kutiriykamuspayá kuyapayaykullaway,+
sutiki kuyaqkunata nisqaykiman hinayá kuyapayaykullaway.+
133 Nisqaykikunawanyá yanapaway purisqaypi mana wichiykunaypaq,
amayá ima mana allinpas munaychakuwachunchu.+
134 Ñakarichiwaqniy runapa makinmantayá hurquykullaway,
hurquykuwaptikiqa kamachikuynikikunatam kasukullasaq.
135 Uyallaykiyá kancharimuchun kay yupaychaqnikiman,+
kamachikuynikikunatayá yachaykachillaway.
136 Kamachikuynikikunata runakuna mana kasukusqankuraykum
wiqillaypas mayu hinaña kallpan.+
צ [sade]
138 Kamachikuynikikunaqa allinmi,
kamachikuynikikunaqa mana iskayrayanapaqmi.
139 Chiqniwaqniykuna nisqaykikunata qunqarusqankuraykum
sunquypas rawranraq.+
141 Ñuqaqa mana imapaq valeq hapisqankum kani, ñuqaqa asipayasqankum kani,+
chaywanpas kamachikuynikikunataqa manam qunqarqanichu.
143 Llakisqaña kaspaypas, sasachakuypiña kaspaypas,
kamachikuynikikunataqa hinallam kuyani.
144 Kamachikuynikikunapa allin kasqanqa wiñaypaqmi,
yachaytayá quykullaway+ hinalla kawsanaypaq.
ק [qof]
145 Jehova Dioslláy, tukuy sunquywan qayakamullasqaytayá uyariykullaway,
kamachikuynikikunataqa kasukullasaqmi.
146 Qanmanmi asuykamullayki. ¡Yanapaykullawayá!
Kamachikuynikikunataqa kasukullasaqmi.
147 Tutapayta hatarispaymi yanapaykuwanaykipaq qayakamullayki,+
ñuqaqa nisqaykikunatam suyachkani.
148 Tukuy tuta mana puñuspaymi
nisqaykikunapi yuyaymanani.+
149 Kuyakuq kasqaykiraykuyá* uyariykullaway.+
Jehova Dioslláy, allin ruwaq kasqaykiraykuyá wañuymanta harkaykullaway.
150 Hichpamuchkankuñam millakuypaq kaqkunata ruwaqkunaqa,
paykunaqa kamachikuynikikunamanta karupim kachkanku.
152 Una-unayñam kamachikuynikikunamanta kayta yachasqayqa,
kamachikuynikikunataqa wiña-wiñaypaqmi churaykurqanki.+
ר [resh]
153 Ñakarisqaytayá qawarimuway, hinaspayá kay ñakariymanta hurquykullaway,+
ñuqaqa manam qunqallanichu kamachikuynikikunataqa.
154 Rantiypi rimarispayá libraykullaway,+
nisqaykiman hinayá wañuymanta harkaykullaway.
155 Mana allin ruwaqkunataqa manam yanapankichu,
paykunaqa kamachikuynikikunataqa manam maskarqakuchu.+
156 Jehova Dioslláy, qamqa ancha llakipayakuqmi kanki,+
allin ruwaq kasqaykiman hinayá wañuymanta harkaykullaway.
157 Chiqniwaqniykunaqa achkallañam, kamiwaqniykunapas achkallañam,+
chaywanpas ñuqaqa kamachikuynikikunamantaqa manam karunchakurqanichu.
158 Qipanchakuq runakunataqa millakuypaqtam qawani,
paykunaqa nisqaykikunatam mana kasukunkuchu.+
159 Kamachikuynikikunataqa ancha-anchatam kuyani,
Jehova Dioslláy, imaña kaptinpas kuyakuq kasqaykiraykuyá wañuymanta harkaykullaway.+
ש [sin utaq shin]
162 Nisqaykikunawanqa anchatam kusikullani,+
quri-qullqita tariruq runa hinam kusikullani.
164 Punchawpim qanchis kutita hatunchayki,
nisqaykikuna allin kasqanraykum hatunchayki.
166 Jehova Dioslláy, yanapaykuwanaykitam suyachkani,
ñuqaqa kamachikuynikikunataqa kasukullanim.
167 Kamachikuynikikunataqa kasukullanim,
kamachikuynikikunataqa ancha-anchatam kuyani.+
168 Kamachikuynikikunatawan nisqaykikunataqa kasukullanim,
qamqa imapas ruwasqaytam qawamuchkanki.+
ת [taw]
169 Jehova Dioslláy, yanapaykuwanaykipaq qayakamusqayqa qanmanyá chayamuchun,+
nisqaykikunawanyá yachayta quykullaway.+
170 Qayakamullasqayqa qanmanyá chayamuchun,
nisqaykiman hinayá yanapaykullaway.
171 Simillayqa kusikuywanmi hatunchasunki,+
qamqa kamachikuynikikunatam yachaykachillawanki.
172 Qallullaypas nisqaykikunamantayá takichun,+
kamachikuynikikunaqa llapallanmi allin.
173 Makillaykiqa yanapaykuwananpaqyá chaylla kachkachun,+
ñuqaqa akllakuruni kamachikuynikikuna kasukuytam.+
174 Jehova Dioslláy, yanapaykuwanaykitam suyachkani,
kamachikuynikikunatapas anchatam kuyani.+
175 Hinalla kawsakuspay hatunchanaypaqyá yanapaykuway,+
imapas nisqaykikunayá yanapaykuwachun.
176 Chullaruq oveja hinam chinkarullani,+
kay yupaychaqnikita maskawaqniyyá hamuy,
ñuqaqa kamachikuynikikunataqa manam qunqarqanichu.+
Wichayman rispa takisqanku*.
2 Jehova Dioslláy, llulla rimaqkunapa chawpinmanta hurquykuway.
Yanqa rimaqkunapa chawpinmanta hurquykuway.
3 Yaw llulla rimaq, ¿imatataq Diosqa ruwasunki?
Yaw llulla rimaq, ¿imaynatataq payqa castigasunki?+
4 Guerraman riq runapa ñawchiy-ñawchiy flechanwanmi+ castigasunki.
Retama yantapa sansanwanmi+ castigasunki.
5 ¡Imaynaraq kasaq, huklaw runakunapa llaqtanpi hinam Mesec llaqtapi yachachkani*!+
Quedar llaqtapa carpankunapim yachachkani.+
6 Una-unayñam kawsachkani
chiqninakuyllapi kaq runakunawan.+
7 Ñuqaqa hawka kawsakuytam munani. Ichaqa hawka kawsakuymanta rimaptiymi
paykunaqa wañuchinakuyllamanta rimanku.
Wichayman rispa takisqanku.
121 Urqukunatam qawallani.+
¿Maymantataq yanapaykuwaqniy hamunqa?
2 Kay pachatawan hanaq pachata
unanchaq Jehova Diosmi yanapaykuwaqniyqa.+
3 Payqa manam haykapipas saqinqachu urmanaykitaqa.+
Waqaychasuqnikiqa manam haykapipas puñuymantaqa kanqachu.
4 Manam, manapunim haykapipas puñuywanqa aysachikunqachu.
Israelta waqaychaqqa manam puñunqachu.+
5 Jehova Diosmi qamtaqa waqaychasuchkanki.
Jehova Diosqa alliq* lawnikipi+ llantu hinam.+
6 Punchawqa manam intiqa imanasunkichu.+
Tutanqa manam killapas imanasunkichu.+
7 Imamantapas Jehova Diosmi waqaychasunki.+
Payqa wañuymantam waqaychasunki.+
8 Tukuy ima ruwasqaykipim Jehova Diosqa waqaychasunki.
Kunanmanta wiña-wiñaykamam waqaychasunki.
Wichayman rispa takisqanku.
Davidpa takisqan.
122 “Jehova Diospa wasinman hakuchik” nispa niwaptinkum
anchata kusikurqani.+
2 Jerusalen llaqta, kunanqa chakiykupas
punkuyki ukupiñam kachkan.+
3 Jerusalenqa alli-allin ruwasqam kachkan.
Suma-sumaq ruwasqam kachkan.+
4 Jerusalenmanmi rirqaku llapallan ayllukuna,
Jehova* Diospa akllakusqan ayllukuna.
Israelta nisqanman hinam Jehova Diospa sutinta hatunchaq rirqaku.+
5 Jerusalenpim kachkan quejata allichaqpa trononqa.+
Davidpa mirayninkunapa trononmi chaypi kachkan.+
6 Jerusalen llaqta hawkalla kananpaqyá mañakuychik.+
Jerusalen llaqta, kuyasuqnikikunaqa hawkam tarikunqaku.
7 Hawkayayyá haykapipas kachun murallayki ukupiqa.
Allin pirqasqa torrekikuna ukupipas hawkayayyá kachun.
8 Wawqiykunatawan puriqmasiykunata kuyasqayraykum nisaq:
“Jerusalenpiqa hawkayayyá kachun”, nispay.
9 Jehova Diospa wasinta kuyasqayraykum+
allin kaqta qampaq maskasaq.
Wichayman rispa takisqanku.
123 Qamtam qawamullayki.+
Arí, hanaq pacha tronoykipi tiyaqtam qawamullayki.
2 Imaynam patronninpaq llamkaq qaripas patronninta imapaqpas qawan,
imaynam patronanpa wasinpi llamkaq warmipas patronanta imapaqpas qawan,
chaynam ñuqanchikpas Jehova Diosta qawanchik,+
pay yanapaykuwananchiktam suyanchik.+
3 Jehova Diosllayku llakipayariykullawayku, ama hina kaspayá llakipayariykullawayku,
amirunikuñam burlakusqa kaytaqa.+
4 Amirunikuñam kikillanpi hapipakuqkunapa asikuwasqankuta,
amirunikuñam hatuntukuqkunapa tukuy ima niwasqankuta.
Wichayman rispa takisqanku. Davidpa takisqan.
124 “Ñuqanchikwan Jehova Dios mana kaptinqa...”.+
Israelyá nichun:
2 “Ñuqanchikwan Jehova Dios mana kaptinqa,+
chiqniwaqninchik runakuna wañuchiwananchikpaq hatarimuspankuch+
3 kawsachkaqllata millpuruwachwan karqa.+
Ñuqanchikpaq piñakuspankuch kawsachkaqllata millpuruwachwan karqa.+
4 Yakuch aparuwachwan karqa,
lluqllach pamparuwachwan karqa.+
5 Achkallay-achka yakuch aparuwachwan karqa.
6 Jehova Diosyá hatunchasqa kachun.
Payqa manam mikuruwananchiktaqa saqirqachu.
7 Ñuqanchikqa kanchik tuqlla churaqpa tuqllanmanta
lluptikamuq pichinkucha hinam.+
Tuqlla tipikuruptinmi
ñuqanchikqa lluptikamurqanchik.+
8 Kay pachatawan hanaq pachata unanchaq
Jehova Diospa sutinpim yanapakuyqa kachkan”, nispa.+
Wichayman rispa takisqanku.
125 Jehova Diospi hapipakuqkunaqa+
Sion muqu hinam kanku.
Wiña-wiñaypaq mana kuyuriqmi kanku.+
2 Imaynam Jerusalenpa muyuriqninpipas urqukuna kachkan,+
chaynam Jehova Diospas llaqtanpa muyuriqninpi kachkan.+
Kunanmanta wiña-wiñaykamam muyuriqninpi kanqa.
3 Mana allin ruwaqkunaqa manañam allin ruwaqkunataqa munaychakunqachu.+
Manachayqa allin ruwaqkunam mana allin ruwaytaña qallaykunmanku.+
4 Jehova Dioslláy, allin kaqkunatayá ruwaykapuy kuyapayakuqkunapaqqa.+
Allin kaqkunatayá ruwaykapuy allin sunquyuqkunapaqqa.+
5 Mana allin ñanpi puriqkunataqa mana allin runakunatawan
kuskatam Jehova Diosqa chinkachinqa.+
Israelpiqa hawkayayyá kachun.
Wichayman rispa takisqanku.
126 Sion muqupi kaqkunata Jehova Dios kutirachimuptinqa+
musquyniykupi hinam tarikurqaniku.
2 Chay punchawkunaqa asi-asillañam karqaniku.
Kusikuymantam qaparirqaniku.+
Chay punchawkunapiqa huklaw llaqtayuq runakunapas niqkum:
“Jehova Diosqa paykunapaqmi tukuyta ruwarun”, nispa.+
3 Jehova Diosqa ñuqanchikpaqmi tukuyta ruwarun.+
Ancha-ancha kusisqam kachkanchik.
4 Jehova Dioslláy, huklawman apasqa kaqkunatayá kaqmanta kutirachimuy.
Negueb lawpi yakukunata hinayá kaqmanta rikurirachimuy.
5 Waqastin tarpuqkunaqa
kusikuymanta qaparistinmi cosechanqaku.
6 Wiqi ñawintin tarpuq riqkunaqa,
kusikuymanta qaparistinmi kutimunqaku.+
Wiqi ñawintin mugunkuta aparikuspa riqkunaqa,
kusikuymanta qaparistinmi gamillankuta apastin kutimunqaku.+
Wichayman rispa takisqanku.
Salomonpa takisqan.
127 Wasita Jehova Dios mana hatarichiptinqa,
wasi hatarichiqkunapas yanqapaqmi anchata llamkanku.+
Llaqtata Jehova Dios mana waqaychaptinqa,+
yanqapaqmi llaqtata waqaychaqpa rikchasqanpas.
2 Yanqapaqmi tutapayta hatarisqaykichikpas.
Yanqapaqmi tutakama rikchasqaykichikpas.
Yanqapaqmi mikunaykichikpaq anchata llamkasqaykichikpas.
Payqa kuyasqankunamanqa mikuchinmi.
Payqa kuyasqankunataqa miskitam puñuchin.+
3 Churi-wawakunaqa Jehova Diospa quwasqanchik regalom.+
Mamanpa wachakusqan wawaqa Diospa quwasqanchik regalom.+
4 Kallpasapa runapa makinpi flecha hinam churi-wawakunaqa.
Flecha hinam musuraq kaspa churyakusqanku churi-wawakunaqa.+
5 Mayna kusisqam flechankunapa kanan wayqata flechakunawan huntachichkaq hina achka churiyuq runaqa.+
Manam pinqaypiqa qipanqakuchu*.
Paykunaqa* chiqniqninku runakunawanmi llaqtapa punkupi rimanqaku.
Wichayman rispa takisqanku.
128 Mayna kusisqam pipas Jehova Diosta manchakuqqa.+
Mayna kusisqam ñanninkunapi puriqqa.+
2 Anchata kallpanchakuspa llamkakusqaykitam mikunki.
Ancha-ancha kusisqam kanki. Tukuy imaykim kapusunki.+
3 Achkallataña ruruq uvas hinam warmikipas wasiki ukupi kanqa.+
Aceitunas sachapa ikllinkuna* hinam churikikunapas mesaykipa muyuriqninpi kanqa.
4 Chayna bendecisqam kanqa
Jehova Diosta manchakuq runaqa.+
5 Sion muqumantam Jehova Diosqa bendecisunki.
Jerusalenpi hawkayay kasqantam wañukunaykikama qawanki.+
6 Rikunkim churikikunapa churinkunatapas.
Israelpiqa hawkayayyá kachun.
Wichayman rispa takisqanku.
129 “Warma kasqaymantaraqmi ñakarichiwarqaku…”.+
Kunanqa Israelyá nichun:
2 “Warma kasqaymantaraqmi ñakarichiwarqaku.+
Ichaqa manam chinkachiwarqakuchu.+
3 Yapuqkunam wasayta rejawan aparachiwarqaku.+
Hatun sukakunata* hinam kicharuwarqaku”, nispa.
4 Jehova Diosmi ichaqa allin ruwaq.+
Mana allin ruwaqkunapa waskantam tipirurqa.+
5 Pinqaypi qipaspankum qipaman kutirinqaku.
Sion muquta chiqniqkunaqa qipamanmi kutinqaku.+
6 Wasipa hawanpi qurakuna hinam kanqaku.
Mana pilachkaptinku chakiruq qurakuna hinam kanqaku.
7 Rutuqkunapa makinmanpas manam huntanqachu.
Gamilla marqaqkunapa marqayninmanpas manam huntanqachu.
8 Manam pipas chayninta puriqqa ninqachu:
“Jehova Diosyá bendecisunkichik.
Jehova Diospa sutinpim bendecimuykiku”, nispaqa.
Wichayman rispa takisqanku.
130 Jehova Dioslláy, uku-ukumantam qayakamullayki.+
2 Jehova Dioslláy, qayakamusqaytayá uyariykullaway.
Yanapaykuwanaykipaq qayakamusqaytayá sumaqta uyariykullaway.
4 Qamllapim chiqaptapuni pampachakuyta tariniku.+
Chayraykum qamllata hatunchaykiku.+
5 Ñuqaqa Jehova Diosllapim hapipakuni, tukuy sunquywanmi payllapi hapipakuni.
Ñuqaqa nisqankunatam suyachkani.
6 Jehova Diostam kusisqa suyachkani.+
Achikyanantaña munaq llaqta cuidaqmantapas astawan kusisqaraqmi suyachkani.+
Arí, paykunamantapas astawanraqmá suyachkani.
7 Israelqa hinallayá Jehova Diosta suyachun.
Jehova Diosqa imaña kaptinpas kuyakuqmi.+
Atiyniyuqtaqmi libraykunanpaqpas.
8 Payqa Israel runakunapa huchantam pampachanqa.
Wichayman rispa takisqanku.
Davidpa takisqan.
131 Jehova Dioslláy, sunqullayqa manam hatuntukuqkunapa hinachu.
Ñawillaypas manam hatuntukuqkunapa hinachu.+
Hatun kaqkunataqa manam maskanichu.+
Mana haypay atinaykunataqa manam maskanichu.
2 Manam, aswanqa allinllam hinaspa hawkallam kachkani.+
Mamanpa marqayninpi anukasqa wawa hinam kachkani.
Anukasqa wawa hinam hawkalla kachkani.
3 Israelqa Jehova Diostayá suyaykuchun,+
kunanmanta wiña-wiñaykamayá suyaykuchun.
Wichayman rispa takisqanku.
132 Jehova Dioslláy, Davidtayá yuyariy.
Paypa ñakarisqankunatayá yuyariy.+
2 Jehova Dioslláy, qanman nisusqaykikunatayá yuyariy.
Jacobpa atiyniyuq Diosnin, qanman nisusqaykitayá yuyariy.+ Davidmi nirqa:
3 “Carpaymanqa manam yaykusaqchu, wasiymanpas manam yaykusaqchu.+
Puñunaymanpas manam yaykusaqchu, camaymanpas manam ustusaqchu.
4 Manam huk ñawitapas puñusaqchu,
manam qimchiyllapas-qimchisaqchu,
5 Jehova Diospa wasinta ruwanaypaq allpata tarinaykama,
Jacobpa atiyniyuq Diosninpaq wasinta ruwanaykama”, nispa.+
6 Efrata llaqtapi+ rimasqankutam* uyarirqaniku.
Sachakunapa kasqanpim tariramurqaniku.+
7 Wasinmanyá yaykusun.+
Sarupakunanpa ñawpaqninpiyá qunqurakusun.+
8 Jehova Dioslláy, hatarispaykiyá samarinayki sitioman hamuy.+
Atiynikita qawachiq baulnintinyá hamuy.+
9 Sacerdotekunapas allin ruwaywanyá pachasqa hina kachunku.
Qanman sunqu runaykikunaqa kusikuymantayá qaparichunku.
10 Yupaychaqniki Davidta kuyasqaykiraykuyá
akllakusqaykitaqa ama qipanchaychu.+
11 Jehova Diosmi Davidta prometespan nirqa:
“Hukkaqnin miraynikitam tronoykipi tiyachisaq”, nispa.+
Kay nisqanmantaqa manam qipamanqa kutinqachu.
12 Nirqataqmi: “Contrato* ruwasqayman hina churikikuna ruwaptinkuqa,
yachachisqay kamachikuyniykunata kasukuptinkuqa,+
churinkupas wiñaypaqmi tiyanqaku tronoykipi”, nispa.+
14 “Kaypim wiñaypaq samarisaq.
Kaypim yachasaq.+
Yachasaqqa kaypi yachayta munasqayraykum.
15 Kawsaykunatam achkanpi qusaq.
Wakchakunatam tantawan saksachisaq.+
16 Sacerdotekunatam pachachichkaq hina salvaykusaq.+
Diosman sunqu kaqkunam kusikuymanta qaparinqaku.+
17 Chaypim Davidta aswan atiyniyuqta ruwasaq.
Tukuytam ruwarqani akllakusqaypa churinkunata akllanaypaq*.+
18 Chiqniqninkunatam pinqaypi churasaq.
Paypa kamachisqanmi ichaqa aswan allin kanqa*”, nispa.+
Wichayman rispa takisqanku. Davidpa takisqan.
2 Aaronpa umanman allinnin kaq aceiteta talliy hinam,+
barbanpa hawantaraqmi sutun,+
pachanpa kunkankamaraqmi chayan.
Chaypim Jehova Diosqa rimarqa
wiñay kawsaymanta.
Wichayman rispa takisqanku.
134 Jehova Diostayá hatunchaychik.
Jehova Diostayá hatunchaychik llapallan payta yupaychaqkuna.+
Wasinpi tutan kaqkuna,+ Jehova Diostayá hatunchaychik.
2 Wasinpiyá makikichikta huqariychik.+
Makikichikta huqarispayá Jehova Diosta hatunchaychik.
3 Kay pachatawan hanaq pachata unanchaq Jehova Diosyá
Sion muqumanta bendecimusunki.
135 ¡Jehova Diostayá hatunchaychik*!
Jehova Diospa sutintayá hatunchaychik.
Jehova Diosta yupaychaqkuna, paytayá hatunchaychik.+
2 Jehova Diospa wasinpi kaqkuna, paytayá hatunchaychik.
Wasinpa pationkunapiyá hatunchaychik.+
3 Jehova* Diostayá hatunchaychik, Jehova Diosqa allin Diosmi.+
Diospa sutintayá takispa hatunchaychik, sumaq kasqanraykuyá hatunchaychik.
4 Jehova* Diosqa Jacobtam akllakurqa.
Payllapaq kananpaqmi Israelta akllakurqa.+
5 Ñuqaqa allintam yachani Jehova Dios atiyniyuq kasqantaqa.
Diosninchik hina atiyniyuqqa manam pipas kanchu.+
6 Jehova Diosqa munasqantam ruwan+
hanaq pachapipas, kay pachapipas, lamar quchapipas chaynataq may ukupipas.
7 Paymi puyukunata tukuy hinastinmanta huqarin.
Paymi paramunanpaq llipyachimun*.
Maymi kasqanmantam wayratapas pukuchimun.+
8 Egiptopim punta naceqkunata wañurachirqa.
Runakunapa piwi* churintawan animalkunapa punta kaq uñantam wañurachirqa.+
9 Egipto, qampa chawpikipim tukuy imata ruwarqa hinaspa milagrokunata ruwarqa.+
Kamachiqpaqwan* runankunapaqmi manchakuypaq kaqkunata ruwarqa.+
10 Achka nacionkunatam chinkarachirqa.+
Kamachiqkunatam achkata wañurachirqa.+
11 Amorreo runakunapa kamachiqnin Seontam wañurachirqa.+
Basan runakunapa kamachiqnin Ogtam wañurachirqa.+
Canaan lawpi llapallan kamachiqkunatam chinkarachirqa.
12 Paykunapa allpantam herencianku kananpaq quykurqa.
Israel runakunamanmá herenciankuta quykurqa.+
13 Jehova Dioslláy, sutikiqa wiña-wiñaypaqmi kanqa.
Jehova Dioslláy, ancha riqsisqa kaynikiqa wiña-wiñaypaqmi kanqa.+
14 Jehova Diosqa llaqtanraykum tukuyta ruwanqa.+
Payqa yupaychaqninkunatam llakipayariykunqa.+
15 Runakunapa taytacha-mamachankuqa quri-qullqimantam.
Chaykunaqa runakunapa ruwasqallanmi.+
16 Simiyuqmi kanku, ichaqa manam rimankuchu.+
Ñawiyuqmi kanku, ichaqa manam qawankuchu.
17 Rinriyuqmi kanku, ichaqa manam uyarinkuchu.
Simiyuq kaspapas mana samayniyuqmi kanku.+
18 Taytacha-mamachakunata ruwaq runakunaqa chaykuna hinam kanqaku,+
taytacha-mamachakunapi hapipakuq runakunaqa chaykuna hinam kanqaku.+
19 Israelpa mirayninkuna, Jehova Diostayá hatunchaychik.
Aaronpa mirayninkuna, Jehova Diostayá hatunchaychik.
20 Leviypa mirayninkuna, Jehova Diostayá hatunchaychik.+
Jehova Diosta manchakuqkuna Jehova Diostayá hatunchaychik.
21 Sion muqumantayá+ Jehova Diosqa hatunchasqa kachun.
Jerusalenpi yachaqqa*+ Sion muqumantayá hatunchasqa kachun.
¡Jehova* Diostayá hatunchaychik!+
136 Jehova Diostayá agradecekuychik, allin Dios kasqanraykuyá agradecekuychik,+
payqa imaña kaptinpas wiñaypaq kuyakuqmi.+
2 Runakunapa yupaychasqan kaqkunamantapas aswan atiyniyuq Diosta agradecekuychik,+
payqa imaña kaptinpas wiñaypaq kuyakuqmi.
3 Taytachakunamantapas atiyniyuq Diostayá agradecekuychik,
payqa imaña kaptinpas wiñaypaq kuyakuqmi.
5 Yachaywanmi hanaq pachataqa unancharqa,+
payqa imaña kaptinpas wiñaypaq kuyakuqmi.
6 Yakukunapa hawanpim allpa pachata mastaykurqa,+
payqa imaña kaptinpas wiñaypaq kuyakuqmi.
7 Hanaq pachamanta kanchamuqkunatam unancharqa,+
payqa imaña kaptinpas wiñaypaq kuyakuqmi.
8 Punchaw achkinanpaqmi intita unancharqa,+
payqa imaña kaptinpas wiñaypaq kuyakuqmi.
9 Tutan kanchananpaqmi killatawan lucerokunata unancharqa,+
payqa imaña kaptinpas wiñaypaq kuyakuqmi.
10 Egiptopi punta naceqkunatam wañurachirqa,+
payqa imaña kaptinpas wiñaypaq kuyakuqmi.
11 Egiptomantam Israel runakunata hurquramurqa,+
payqa imaña kaptinpas wiñaypaq kuyakuqmi.
12 Atiyninwanmi,+ atiyniyuq makinta haywarispanmi hurqumurqa,
payqa imaña kaptinpas wiñaypaq kuyakuqmi.
13 Puka lamar quchatam iskayman rakirurqa,+
payqa imaña kaptinpas wiñaypaq kuyakuqmi.
14 Lamar quchapa chawpintam Israel runakunata chimpachirqa,+
payqa imaña kaptinpas wiñaypaq kuyakuqmi.
15 Kamachiqtawan* soldadonkunatam Puka lamar quchapi chinkarachirqa,+
payqa imaña kaptinpas wiñaypaq kuyakuqmi.
16 Runankunatam chunniqninta pusarqa,+
payqa imaña kaptinpas wiñaypaq kuyakuqmi.
17 Ancha riqsisqa kamachiqkunatam wañurachirqa,+
payqa imaña kaptinpas wiñaypaq kuyakuqmi.
18 Atiyniyuq kamachiqkunatam chinkarachirqa,
payqa imaña kaptinpas wiñaypaq kuyakuqmi.
19 Amorreo runakunapa kamachiqnin Seontam+ wañurachirqa,
payqa imaña kaptinpas wiñaypaq kuyakuqmi.
20 Basan runakunapa kamachiqnin Ogtam+ wañurachirqa,
payqa imaña kaptinpas wiñaypaq kuyakuqmi.
21 Paykunapa allpantam herenciata hina quykurqa,+
payqa imaña kaptinpas wiñaypaq kuyakuqmi.
22 Israel runakunamanmi herenciata hina quykurqa,
payqa imaña kaptinpas wiñaypaq kuyakuqmi.
24 Chiqniwaqninchikkunamantam sapa kutilla libraykuwarqanchik,+
payqa imaña kaptinpas wiñaypaq kuyakuqmi.
25 Llapallan samayniyuqkunamanmi payqa mikuchin,+
payqa imaña kaptinpas wiñaypaq kuyakuqmi.
26 Hanaq pachapi Diostayá agradecekuychik,
payqa imaña kaptinpas wiñaypaq kuyakuqmi.
137 Babilonia mayukunapa patanpim+ tiyaykurqaniku.
Sion muquta yuyarispaykum waqarqaniku.+
3 Chaypim preso apawaqniyku runakuna takipunaykupaq niwarqaku.+
Ñuqaykumanta asikuqkunam kusichinaykuta munarqaku. Paykunam niwarqaku:
“Sion muqumanta takikunatayá takipuwayku”, nispa.
4 ¿Imaynamá huklaw llaqtapiqa
Jehova Diospa takintaqa takiymanku?
6 Qalluypas qalaypaqyá laqakuruchun
qamta qunqaruptiyqa.
Qalluyyá qalaypaq laqakuruchun kusichiwaqniy kaqkunarayku
Jerusalenta qunqaruptiyqa.+
7 Jehova Dioslláy, yuyariyá
Jerusalen wichiptin Edom runakunapa imam nisqankuta. Paykunam nirqaku:
“¡Qalaypaqyá taqmaychik! ¡Qalaypaqyá pampankama taqmaychik!”,+ nispa.
8 Babilonia llaqta, manapas unaymantam chinkachisqa kanki.+
Mayna kusisqaraq kanqaku,
ñuqaykuta imam ruwawasqaykikuman hina ruwasuqnikichik runakunaqa.+
9 Mayna kusisqaraq kanqaku churikichikkunata hapiykuspa
hatun rumikunaman chamqaruq runakunaqa.+
Davidpa takisqan.
2 Chuya wasiki* lawmanmi kumuykusaq,+
sutikitam hatunchasaq+ imaña kaptinpas kuyakuq kasqaykirayku, sutikitam hatunchasaq nisqaykiman hina cumpliq kasqaykirayku.
Qamqa nisqaykikunatam hatuncharunki, sutikitam hatuncharunki,
imamantapas* astawanmi hatuncharunki.
3 Qayakamusqay punchawpim qamqa uyariykuwarqanki,+
mana manchakunaypaqmi yanapaykuwarqanki, kallpanchaykuwarqankim.+
4 Jehova Dioslláy, kay allpa pachapi kamachiqkunam llapallanku hatunchasunki,+
paykunaqa nisqaykikunata uyarisqankuraykum hatunchasunki.
5 Jehova Diospa ñanninkunamantam takinqaku,
takinqakuqa Jehova Diospa kanchaynin hatu-hatun kasqanraykum.+
6 Jehova Diosqa atiyniyuq kachkaspanpas llampu sunquyuqtaqa yanapaykunmi,+
hatuntukuqkunatam ichaqa karullamanta riqsiykun.+
7 Tukuy imawanña sasachakuptiypas
qamqa wañuymantam harkaykuwanki,+
chiqniwaqniykuna piñakuptinmi makikita haywariykunki,
alliq* makikim yanapaykuwanqa.
8 Jehova Diosmi ñuqapaqqa tukuy ima nisqanta ruwapuwanqa,
Jehova Dioslláy, imaña kaptinpas wiñaypaq kuyakuqmi kanki.+
Amayá qunqaruychu unanchasqaykikunataqa.+
Takiqkunata yachachiqpaq.
Davidpa takisqan.
139 Jehova Dioslláy, qamqa sunquytam qawawanki, sumaqtam riqsiwanki.+
2 Yachankim haykapi tiyaykusqayta, yachankitaqmi haykapi hatarisqaytapas,+
qamqa karullamantaraqmi ima piensasqaytapas yachanki.+
3 Qamqa yachankim haykapi illasqayta, yachankitaqmi haykapi puñuykusqaytapas,
qamqa ñanniykunataqa allintam riqsinki.+
5 Qamqa ñawpaqniymantapas qipaymantapas muyuriruwankim,
ñuqapa hawaymanmi makikita churanki.
6 Ancha-ancha yachayniyuqmi qamqa kanki, ñuqaqa manam haypayta atinichu,
yachaynikiqa mana entiendey atinam.+
7 ¿Maymantaq ayqiyman atiynikimanta?
¿Maymantaq ayqiyman qayllaykimanta?+
8 Hanaq pachaman ayqikuptiypas qamqa chaypich kachkawaq,
wañusqakunapa kasqanman* uraykuptiypas qamqa chaypich kachkawaq.+
9 Achikyaq achki hina utqayman pawaptiypas,
karu-karupi kaq lamar quchapa patanpi yachanaypaq* pawaptiypas,
10 makikiqa mayninta rinaypaqchá pusawanman,
11 Tutayaymi ñuqataqa pakawachkan niptiypas,
muyuriqniypi tutayaypas kanchaytañach qallaykunman.
12 Maynaña tutayaypas qampaqqa manam tutachu,
tutapas qampaqqa punchaw hinam achkinman,+
qampaqqa tutayaypas kancharinmi.+
Imapas ruwasqaykikunaqa mayna suma-sumaqmi,+ chaytaqa sumaqtam yachani.
15 Pakallapi ruwasqa kaptiypas
tulluykunaqa manam qanmantaqa pakasqachu karqa,
mamaypa wiksanpi wiñaptiypas tulluykunaqa manam qanmantaqa pakasqachu karqa.+
16 Qamqa sulluchallaraq kachkaptiymi qawawarqankiña,
cuerpoypa tukuy imachankunapas libroykipim qillqasqaña karqa,
hayka punchawpi imachankuna wiñananmantapas qillqasqañam karqa,
manaraq imachankunapas kachkaptinmi qillqasqaña karqa.
17 ¡Chaykunaraykum ima piensasqaykikunapas suma-sumaq ñuqapaqqa!+
Taytalláy, ¡mana tukuqmi yachaynikiqa!+
19 Taytalláy, ¡mayna allinraq kanman mana allin ruwaqkunata wañurachiptikiqa!+
Chayta ruwaruptikiqa runa wañuchiqkunach ñuqamanta karunchakunmanku,
20 qanmanta mana allinta rimaqkunach ñuqamanta karunchakunmanku.
Chiqnisuqnikikunam sutikita mana kaqpaqta hina hapinku.+
21 Jehova Dioslláy, ¿manachu ñuqaqa chiqnini chiqnisuqnikikunataqa?+
¿Manachu ñuqaqa millakuni qanmanta karunchakuqkunataqa?+
22 Paykunataqa qalaypaqmi chiqnini,+
paykunaqa qalaypaq chiqniqniykunañam rikurirunku.
23 Taytalláy, sumaqtayá qawaykuway, sunquytayá sumaqta qawaykuway.+
Sunquyta qawaykuwaspaykiyá imakuna piensasqaytapas yachaykuy, imakuna llakichiwasqantayá yachaykuy.+
24 Qawaykuwayá, ñuqapi kachkanchus mana allin kaqkuna,+
qawaykuwaspaykiyá wiñaypaq allinta kawsakunaypaq yanapaykullaway.+
Takiqkunata yachachiqpaq. Davidpa takisqan.
140 Jehova Dioslláy, mana allin runakunamantayá libraykullaway,
maqakuqllaña runakunamantayá harkaykullaway,+
2 sunqunkupi mana allinllata tantiaqkunamantayá harkaykullaway,+
chisyay maqanakuyllapi kaqkunamantayá harkaykullaway.
3 Culebrapa qallunta hinam qallunkutapas ñawchiyachinku,+
rimasqankupas kachukuq culebrapa hinam venenoyuq kachkan.+ (Samarinapaq).
4 Jehova Dioslláy, mana allin ruwaqkunamantayá pakaykullaway,+
maqakuq runakunamantayá harkaykullaway,
wichichiwanankupaq hatariqkunamantayá harkaykullaway.
5 Hatuntukuqkunaqa tuqllatam churaruwan,
purinay ñanpa waqtankunapim waskawan tuqllata churaruwan,+
hapiruwanankupaqmi tuqllata churarunku.+ (Samarinapaq).
6 Jehova Diostam nini: “Qanmi Diosniyqa kanki,
Jehova Dioslláy, yanapaykuwanaykipaq qayakamusqaytayá uyariykullaway”,+ nispay.
7 Llapallan kamachiq Jehova Dioslláy, atiywan waqaychaqnilláy,
qanmi umallayta harkaykuwarqanki wañuchinakuy punchawpi.+
8 Jehova Dioslláy, mana allin ruwaqkunapa imapas munasqankutaqa amayá quychu.
Ima tantiasqankupas yanqapaqyá kachun, manachayqa llumpa-llumpaytam hatuntukuyta qallaykunmanku.+ (Samarinapaq).
9 Muyuriruwaqniy runakunapa umanqa
kikinkupa mana allin rimasqallankuwanyá pampasqa kachun.+
10 Nina parayá paykunapa hawanman chayamuchun.+
Ninaman wischusqayá kachunku, uku-uku uchkuman+ wischusqayá kachunku,
amayá haykapipas hatarimuchunkuchu.
11 Runamasinta yanqamanta tumpaq runaqa amayá kay pachapiqa tarichunchu maypi yachanantapas*.+
Maqakuq runakunaqa llumpayta ñakarispayá wañuchunku.
12 Ñuqaqa yachanim Jehova Diosqa wakchakunata yanapananta,
payqa wakchakunapaqmi allin kaqta ruwanqa.+
13 Allin ruwaq runakunaqa paypa sutintam hatunchanqaku,
allin ruwaq runakunaqa paypa qayllanpim kawsakunqaku.+
Davidpa takisqan.
141 Jehova Dioslláy, qamtam qayakamullayki.+
Utqaymanyá hamuy yanapaykuwanaykipaq.+
Qayakamuptiyqa uyariykamullawayá.+
2 Mañakusqayqa incienso*+ hinayá qampa qayllaykipi kachun.+
Makillayta huqarisqaypas inti siqaykuyta kawsayta kañay hinayá kachun.+
3 Jehova Dioslláy, simillayta wichqaykuy.
Mana allinta rimanaymanta simillayta waqaychaykuy.+
4 Amayá saqiychu sunqullay mana allinkunata munapayanantaqa.+
Amayá saqiychu mana allin runakunawan mana allinkunata ruwanantaqa.
Amayá haykapipas saqiychu miskillaña mikuyninkuta mikunaytaqa.
5 Allin ruwaq runaqa azoteykuwanman imaña kaptinpas kuyawasqanraykuch.+
Allin ruwaq runapa qaqchawasqanqa umayman talliwasqanku aceite hinach kanman.+
Umayqa manam harkakunmanchu chay aceiteta talliwanankutaqa.+
Ñuqaqa hinallam paykunapaq mañakusaq sasachakuykunapi kaptinku.
6 Juezninkunaña qaqaman wischusqa kaptinkupas,
nisqaykunatam llaqtapi runakuna uyarinqa, nisqaykunaqa uyarinapaq hinam.
7 Imaynam allpapas yapuptinku kayman-chayman kichakun,
chaynam tullunchikkunapas wañusqakunapa kasqanpiqa* kaypi-chaypi chuqa-chuqa kachkan.
8 Llapallan kamachiq Jehova Dioslláy, ñawiykunam qamllapi kachkan.
Qamllapim pakakullani.+
Amayá wañuchillawaychu.
9 Tuqlla churawasqankumantayá harkaykullaway.
Mana allin ruwaqkunapa tuqllanmantayá waqaychaykullaway.
10 Mana allin ruwaqkunaqa kikinkupa tuqlla churasqallankumanmi wichiykunqaku.+
Ñuqam ichaqa allinlla ayqikusaq, imapapas mana imanasqanmi ayqikusaq.
Machaypi+ kaspa Davidpa mañakusqan. Maskil*.
142 Qaparispaymi Jehova Diosta qayakurqani yanapaykuwananpaq.+
Qaparispaymi Jehova Diosta mañakurqani kuyapayaykuwananpaq.
2 Paymanmi llakiykunata willakullani.
Paymanmi sasachakuyniykunamanta willakullani.+
3 Sunquypi hukmanyasqa tarikuspaymi payman willakullani.
Qamqa ñanniykunatam qawanki.+
Purisqay ñankunapim
ñuqapaq tuqllakunata churarunku.
4 Alliqniytayá* qawariy,
ñuqataqa mana kaqpaqmi hapillawanku,+
manam maymanpas ayqinaypaq kanchu,+
manam pipas ñuqamantaqa llakikunchu.
5 Jehova Dioslláy, yanapaykuwanaykipaqmi qayakamullayki.
Qayakamullaykim: “Qamqa pakakunaymi kallanki.+
Kawsaqkunapa kasqan kay allpa pachapiqa qamllam tukuy ima kapuwaqniy kallanki”, nispay.
6 Qaparispa qayakamusqaytayá uyariykullaway.
Ñuqaqa qalaypaqñam kachkani.
Chiqniwaqniykunamantayá harkaykullaway.+
Chiqniwaqniykunaqa ñuqamantaqa aswan kallpasapam kanku.
7 Sutikita hatunchanaypaqyá
wichqasqa kasqaymanta hurquykullaway.
Allin ruwaq runakunaqa muyuriqniymanyá huñunakamuchun.
Qamqa kuyawankim.
Davidpa takisqan.
143 Jehova Dioslláy mañakamusqaytayá uyariykullaway,+
yanapaykuwanaykipaq qayakamusqaytayá uyariykullaway,
nisqaykiman hina ruwaq kasqaykiraykuyá uyariykullaway, allin ruwaq kasqaykiraykuyá uyariykullaway.
2 Kay yupaychaqnikitaqa amayá juzgallawaychu,
manam pipas allinlla ruwaqqa kanmanchu qampa qayllaykipiqa.+
3 Chiqniwaqniykunam maskawachkan,
pampapim qalaypaqta saruparuwan.
Una-unayña wañukuq runa hinam tutayaypi kachkani, mana munachkaqtam tutayaypi kawsachiwachkanku.
5 Ñawpaq watakunatam yuyarini,
tukuy ima ruwasqaykipim yuyaymanani,+
tukuy ima ruwasqaykikunapim suma-sumaqta yuyaymanani.
6 Qanmanmi makillayta haywarimuyki,
yakumanta kaq chaki allpa hinam ñuqapas qanmanta kallachkani.+ (Samarinapaq).
8 Achikyaqtayá imaña kaptinpas kuyakuqllaña kasqaykita uyariykachiway,
ñuqaqa qamllapim hapipakullani.
Mayninta purinaypaqyá ñanta riqsiykachillaway,+
ñuqaqa qanmanmi asuykamullayki.
9 Jehova Dioslláy, chiqniwaqniykunamantayá harkaykullaway,
ñuqaqa waqaychaykuwanaykipaqmi qamta maskallayki.+
10 Munaynikita ruwanaypaqyá yachaykachillaway,+
qamqa Diosniymi kallanki.
Qamqa llampu sunqum kanki,
atiynikiwanyá allin allpanta pusaway.
11 Jehova Dioslláy, sutikiraykuyá wañuymanta harkaykullaway,
allin ruwaq kasqaykiraykuyá sasachakuymanta hurquykullaway.+
12 Imaña kaptinpas kuyakuq kasqaykiraykuyá chiqniwaqniykunata wañuchiy,+
manchachiwaqniy runakunatayá wañuchiy,+
ñuqaqa yupaychaqnikim kani.+
Davidpa takisqan.
144 Jehova Diosqa hatunchasqayá kachun, payqa pakaykuwaqniy hatun rumi hinam.+
Wañuchinakuy punchawpaq makiyta hichu-hichuta ruwaqqa hatunchasqayá kachun.
Wañuchinakuypaq makiyta hichuyachiqqa hatunchasqayá kachun.+
2 Payqa kuyakuqmi*, payqa hatun pirqa hinam,
payqa pakakunaymi, payqa imamantapas libraykuwaqniymi.
Payqa harkachikunay hinam, payqa waqaychaqniymi.+
Payqa llaqtakunata makiyman churaqmi.+
3 Jehova Dioslláy, ¿imataq runaqa yuyanaykipaqqa?
¿Imataq wañuqlla runapa churinqa payta nanachikunaykipaqqa?+
4 Runapa vidanqa samay hinallam.+
Vidanqa llantuy hina chinkaruqllam.+
5 Jehova Dioslláy, hanaq pachata waqtanpaykachimuspaykiyá uraykamuy.+
Urqukunatayá llachpaykuy qusnirinankupaq.+
6 Llipyachimuspayá chiqnikuq runakunata kayman-chayman chiqirachiy.+
Flechaykikunata kacharispayá paykuna ukupi manchakuyta hatarichiy.+
7 Hanaq pachamantayá makikita haywarimuy.
Uku-uku yakukunamantayá hurquykullaway, uku-uku yakukunamantayá harkaykullaway.
Huklaw llaqtayuq runakunapa makinmantayá libraykullaway.+
8 Huklaw runakunaqa llullallatam rimanku.
Alliq* makinkuta huqarispam llulla rimaytapas “chiqapmi chayqa” ninku.
9 Taytalláy, musuq takitam takipusqayki.+
Cuerdayuq kaqkuna waqaykamuptinmi takita takipusqayki.
10 Kamachiqkuna vencenanpaq yanapaykuqpaqmi takipusaq.+
Yupaychaqnin Davidta espadawan mana wañuchinankupaq harkaykuqpaqmi takipusaq.+
11 Huklaw runakunapa makinmantayá libraykullaway. Huklaw runakunapa makinmantayá waqaychaykullaway.
Huklaw runakunaqa llullallatam rimanku.
Alliq makinkuta huqarispam llulla rimaytapas “chiqapmi chayqa” ninku.
12 Chayna kaptinqa qari churiykupas chaylla wiñaq plantakuna hinam kanqaku.
Warmi churiykupas kamachiqpa wasinpi llaqllasqa pilarkuna hinam suma-sumaq kanqaku.
13 Taqiykupas tukuy rikchaq kawsaywanmi huntay-huntay kanqa.
Ovejaykupas waranqanpim miranqa, arí, pachak waranqanpim miranqa.
14 Chichu vacaykupas hawkam kanqa, manam sullunqachu.
Llaqtaykupa punkunpiqa manam llakikuymanta qapariyqa uyarikunqachu.
15 ¡Mayna kusisqam chayna llaqtapi kawsakuq runakunaqa!
¡Mayna kusisqam Jehova Diosta Diosninkupaq hapiq runakunaqa!+
Davidpa takisqan.
א [alef]
ב [bet]
ג [guimel]
3 Jehova Diosqa ancha atiyniyuqmi, payllam hatunchanapaq hinaqa,+
paypa atiyninqa pipapas mana entiendey atinanmi.+
ד [dalet]
4 Wiñaypaqmi runakunaqa tukuy ima ruwasqaykikunata hatunchanqa,
atiynikiwan tukuy ima ruwasqaykimantam willakunqaku.+
ה [he]
5 Paykunam rimanqaku kanchariynikimantawan ancha atiyniyuq kasqaykimanta,+
ñuqañataqmi yuyaymanasaq admirakuypaq ruwasqaykikunapi.
ו [waw]
6 Paykunam rimanqaku atiywan tukuy ima ruwasqaykimanta,
ñuqañataqmi ancha atiyniyuq kasqaykimanta willakusaq.
ז [zayin]
7 Paykunaqa kuyakuq kasqaykita yuyarispankum hatunchasunki,+
allin ruwaq kasqaykita yuyarispankum kusikuymanta qaparinqaku.+
ח [jet]
8 Jehova Diosqa llakipayakuqmi, payqa kuyapayakuqmi,+
payqa mana chaylla piñakuqmi, imaña kaptinpas hinalla kuyakuqmi.+
ט [tet]
9 Jehova Diosqa llapallankuwanmi kuyapayakuq,+
tukuy ima ruwasqanpim kuyapayakuyninqa sutilla kachkan.
י [yod]
10 Jehova Dioslláy, tukuy ima ruwasqaykim ancha riqsisqata ruwasunki,+
qanman sunqu kaqkunam hatunchasunki.+
כ [kaf]
11 Paykunam kamachiq kasqayki ancha riqsisqa kasqanmanta willakunqaku,+
paykunam atiynikimanta willakunqaku.+
ל [lamed]
12 Atiynikiwan tukuy ima ruwasqaykimanta runakuna yachananpaqmi willakunqaku,+
kamachisqaykipa suma-sumaq kanchariyninmantam willakunqaku.+
מ [mem]
13 Kamachiq kasqaykiqa wiña-wiñaypaqmi,
tukuy ima kaqkunapas qampa makikipim wiñaypaq kanqa.+
ס [samekh]
ע [ayin]
15 Llapallankum qamta qawamusunki imatapas qunaykita suyaspanku,
qamqa tiempollanpim mikunankuta qunki.+
פ [pe]
צ [sade]
ק [qof]
18 Jehova Diosqa qayakuqninkunapa hichpallanpim kachkan,+
tukuy sunqumanta qayakuqninkunapa hichpallanpim kachkan.+
ר [resh]
19 Manchakuqninkunapaqmi munasqanta ruwapun,+
yanapaykunanpaq qayakusqanta uyariykuspanmi imamantapas libraykun.+
ש [shin]
20 Jehova Diosqa kuyaqninkunatam imamantapas waqaychaykun,+
mana allin ruwaqkunatam ichaqa chinkachinqa.+
ת [taw]
21 Jehova Dios hatunchasqa kasqanmantam simillayqa willakunqa,+
llapallan kawsaqkunayá chuya sutinta wiña-wiñaypaq hatunchachunku.+
146 ¡Jehova Diostayá hatunchaychik*!+
Jehova Diostam ñuqapas hatunchasaq.+
2 Kawsanaykamaqa Jehova Diostam hatunchasaq.
Kawsanaykamaqa Diosniypaqmi takikunata takipusaq.
3 Kamachiqkunapiqa amayá hapipakuychikchu.
Runakunapipas amayá hapipakuychikchu, paykunaqa manam salvaytaqa atiwachwanchu.+
4 Runakunapa samaynin chinkaruptinqa allpamanmi kutiykunku.+
Chay punchawllapim ima ruway munasqankupas tukurun.+
5 Mayna kusisqam Jacobpa Diosninwan yanapachikuq runaqa.+
Mayna kusisqam Jehova Diospi hapipakuq runaqa.+
6 Diosqa hanaq pachatapas, kay pachatapas hinaspa
lamar quchatapas unanchaqmi, unancharqataqmi chaykunapi tukuy ima kaqtapas.+
Payqa nisqanman hina haykapipas ruwaqmi.+
7 Payqa ñakarichisqa kaqkunapaqmi allin kaqta ruwapun.
Yarqaymanta kaqkunamanmi payqa tantata quykun.+
Jehova Diosqa wichqasqa kaqkunatam kacharin.+
8 Jehova Diosqa ñawsakunapa ñawintam kichaykun.+
Jehova Diosqa ñakariypi kaqkunatam yanapaykun*.+
Jehova Diosqa allin ruwaqkunatam kuyan.
9 Jehova Diosqa huklaw llaqtayuqkunatam yanapaykun.
Payqa mana taytayuqkunatam waqaychaykun.
Payqa viudakunatam waqaychaykun.+
Mana allin ruwaqpa imapas tantiasqankunatam ichaqa yanqachan.+
10 Jehova Diosqa wiñaypaqmi kamachinqa.+
Sion muqupi yachaqkuna, Diosnikiqa wiña-wiñaypaqmi kamachinqa.
¡Jehova Diostayá hatunchaychik*!
147 ¡Jehova Diostayá hatunchaychik*!
Diospaq takikunata takipuyqa suma-sumaqmi.
¡Mayna sumaqmi, mayna allinmi payta hatunchayqa!+
2 Jehova Diosmi Jerusalenta hatarichichkan.+
Kayman-chayman apasqa Israel runakunatam huñuchkan.+
3 Llakisqa sunquyuqkunatam payqa hawkayaykachin.
Heridankutapas payqa latapawanmi wataykun.
4 Payqa lucerokunatam yupan.
Payqa llapallan lucerokunatam sutinmanta qayan.+
5 Taytanchikqa tukuy atiyniyuqmi.
Atiyninpas hatu-hatunmi.+
Yachayninpas mana tukuqmi.+
6 Jehova Diosqa llampu sunqukunataqa hatariykachinmi.+
Mana allin ruwaqkunatam ichaqa pampaman wikapaykun.
7 Jehova Diospaqyá takipuychik tukuy ima ruwasqankunamanta agradecekuspa.
Arpa waqaykamuptinyá Diosninchikpaq takikunata takipuychik.
8 Payqa hanaq pachatam puyuwan tapaykun.
Allpa pachamanmi parachimun.+
Urqukunapim qurakunata wiñachin.+
9 Payqa animalkunamanmi mikuchin.+
Cuervokunapa mallquchankuna yarqaymanta waqaptinmi mikuchin.+
10 Caballopa kallpanpas paypaqqa manam imachu.+
Runapa kallpanpas paypaqqa manam imachu.+
11 Jehova Diosqa kusikun payta manchakuqninkunawanmi,+
imaña kaptinpas kuyakuq kasqanmanta mana iskayrayaqkunawanmi.+
12 Jerusalen llaqtapi runakuna, Jehova Diostayá hatunchaychik.
Sion muqupi yachaqkuna, Diosnikichiktayá hatunchaychik.
13 Payqa llaqtapa punkunkunapa trankankunatam mana pakikuqta ruwaykun.
Payqa churikikunatam bendecin.
14 Allpaykimanmi hawkayayta apamun.+
Allinnin trigowanmi saksaykachisunki.+
15 Kay allpa pachamanmi kamachikuyninkunata kachamun.
Nisqankunaqa maymanpas chayllam chayan.
16 Millwata hinam lastata chayachimun.+
Uchpata hinam qasata qasachimun.+
17 Tantapa ñutunta hinam runtu parata chayachimun.+
¿Pitaq aguantanman chirikuyninta?+
18 Pay kamachiptinmi chaykunaqa chaylla chullurun.
Wayrata pay pukuchimuptinmi+ yakukunapas kallpan.
19 Jacobpa mirayninkunamanmi nisqankunata willan.
Kamachikuyninkunatawan imata ruwanankutam Israelpa mirayninkunaman willan.+
20 Chaytaqa manam mayqan llaqtawanpas ruwarqachu.+
Paypa imam ruwananmantaqa paykunaqa manam imatapas yachankuchu.
¡Jehova Diostayá hatunchaychik*!+
148 ¡Jehova Diostayá hatunchaychik*!
Hanaq pachamantayá Jehova Diosta hatunchaychik,+
alto-altopi kaqkuna, Diostayá hatunchaychik.
2 Angelkuna, Diostayá hatunchaychik.+
Llapallan angelkuna, Diostayá hatunchaychik.+
3 Intiwan killa, Diostayá hatunchaychik.
Kanchariq lucerokuna, llapallaykichikyá Diosta hatunchaychik.+
4 Alto-altopi cielokuna, Diostayá hatunchaychik.
Puyukunapa hawanpi yakukuna, Diostayá hatunchaychik.
5 Llapallan altopi kaqkunayá Jehova Diospa sutinta hatunchachun,
pay kamachiptinmi llapallan unanchasqa karqa.+
6 Diosmi chaykunataqa wiña-wiñaypaq sumaqta takyachichkan,+
chaykunamanta paypa tukuy ima kamachisqanqa manam chinkanqachu.+
7 Jehova Diostayá kay allpa pachamanta hatunchaychik,
hatunchaychikyá lamar quchapi hatu-hatun kaqkuna, qamkunapas uku-uku yakukuna.
8 Hatunchaychikyá llipyawan runtu para, qamkunapas ritiwan puyukuna,
hatunchaychikyá tukuy imata apaq wayra, qampas nisqankunata cumpliq wayra.+
10 Hatunchaychikyá purun animalkunawan+ uywa animalkuna,
qamkunapas qasqunpa puriq animalkunawan alton pawaqkuna.
11 Hatunchaychikyá kay allpa pachapi kamachiqkunawan llapallan llaqtakuna,
qamkunapas kamachiqta yanapaqkunawan kay allpa pachapi juezkuna.+
12 Hatunchaychikyá musukunawan sipaskuna,
qamkunapas warmakunawan yuyaqkuna.
13 Llapallaykichikyá Jehova Diospa sutinta hatunchaychik,
paypa sutinqa suma-sumaqmi, manam pipas haypayta atinmanchu.+
Paypa atiyniyuq kasqanqa allpa pachapa hinaspa hanaq pachapa hawankamaraqmi kachkan.+
14 Payqa runankunamanmi atiyta qunqa
payman sunqu kaqkuna alabasqa kanankupaq,
Israelpa churinkuna alabasqa kananpaq, kuyasqan runankuna alabasqa kananpaq.
¡Jehova Diostayá hatunchaychik*!
149 ¡Jehova Diostayá hatunchaychik*!
Jehova Diospaqyá musuq takita takipuychik.+
Payman sunqu yupaychaqkunapa chawpinpiyá hatunchaychik.+
2 Unanchaqninmantayá Israel runakuna kusikuchun.+
Kamachiqninkuwanyá Sion muqupa churinkunapas kusikuchunku.
3 Tususpayá sutinta hatunchachunku.+
Panderetawan arpa waqaykamuptinyá takikunata takispa sutinta hatunchaychik.+
4 Jehova Diosqa runankunawanmi kusisqallaña kachkan.+
Llampu sunqukunata salvaykuspanmi hatunchan.+
5 Diosman sunqu kaqkunaqa kancharichunkuyá, ancha riqsisqayá kachunku.
Puñunankupiyá kusikuymanta qaparichunku.+
6 Simillankupiyá Diospaq takinkuna kachun.
Makillankupiyá kachun iskay lawnin kuchukuq espadanku.
7 Paykunata imam ruwasqankuman hina llaqtakunata ruwanankupaqyá makillankupi kachun.
Llaqtakunata castigananpaqyá makillankupi kachun.
8 Kamachiqkunatawan yanapaqninkunata
cadenawan watanankupaqyá makillankupi kachun.
9 Paykunata castigananpaqqa qillqasqam kachkan.+
Chaytam ruwananku llapallan payman sunqu kaqkunaqa.
¡Jehova Diostayá hatunchaychik*!
150 ¡Jehova Diostayá hatunchaychik*!+
Diostayá chuya wasinmanta hatunchaychik.+
Hanaq pachapiyá hatunchaychik, hanaq pacha unanchasqanpim atiynin sutilla kachkan.+
2 Hatunchaychikyá atiyninwan tukuy ima ruwasqanmanta.+
Hatunchaychikyá tukuy atiyniyuq kasqanmanta.+
3 Waqrata pukuspayá hatunchaychik.+
Cuerdayuq kaqkunata tocaspayá hatunchaychik. Arpawanyá hatunchaychik.+
4 Panderetata+ salsalyachispayá hatunchaychik. Tususpayá hatunchaychik.
Cuerdayuq kaqkunata tocaspayá hatunchaychik.+
5 Platillowanyá hatunchaychik.
Platillota chinchinyachispayá hatunchaychik.+
6 Llapallan kawsaqkunayá Jehova Diosta hatunchachun.
¡Jehova Diostayá hatunchaychik*!+
Utaq: “Rapinkunapas”.
Utaq: “Mesiaspa”, “Cristopa”.
Qaway kay palabrapa ima ninan kasqanta.
Qaway kay palabrapa ima ninan kasqanta.
Utaq: “Temployki”.
Hebreo rimaypiqa nichkan: “Seminitpi”, nispam. Qaway kay palabrapa ima ninan kasqanta.
Hebreo rimaypiqa nichkan: “Seolpiqa”, nispam. Qaway kay palabrapa ima ninan kasqanta.
Utaq: “Tocasaq”.
Qaway kay palabrapa ima ninan kasqanta.
Qaway kay palabrapa ima ninan kasqanta.
Utaq: “Tiyaq”.
Qaway kay palabrapa ima ninan kasqanta.
Hebreo rimaypiqa nichkan: “Seolpi”, nispam. Qaway kay palabrapa ima ninan kasqanta.
Ichapas kanman: “Kikillanpaq munaq runaqa kikillanmi alabakun”, niqpas.
Utaq: “Templonpim”.
Hebreo rimaypiqa nichkan: “Seminitpi”, nispam. Qaway kay palabrapa ima ninan kasqanta.
Utaq: “Tiyanman”.
Qaway kay palabrapa ima ninan kasqanta.
Kaypiqa rimachkan taytacha-mamachakunapa sutinmantam.
Utaq: “Paña”.
Hebreo rimaypiqa nichkan: “Seolpiqa”, nispam. Qaway kay palabrapa ima ninan kasqanta.
Ichapas kanman: “Manam ismunantaqa saqinkichu”, niqpas.
Hebreo rimaypiqa nichkan: “Seolmi”, nispam. Qaway kay palabrapa ima ninan kasqanta.
Utaq: “Templonmanta”.
Hebreo rimaypiqa nichkan: “Querubinpi”, nispam.
Utaq: “Ñakariqkunatam”.
Utaq: “Paña”.
Utaq: “Tocasqaywanmi”.
Qaway kay palabrapa ima ninan kasqanta.
Hebreo rimaypiqa nichkan: “Jacobpa Diosninpa sutinyá”, nispam.
Utaq: “Paña”.
Kaypiqa rimachkan imaña kaptinpas hinalla kuyasqanmantam.
Utaq: “Paña”.
Kayqa karqa abejapa ceranmi.
Utaq: “Chikllirimuq”.
Ichapas kanman: “Hawkalla yakukunapa kasqanman”, niqpas.
Kaypiqa rimachkan imaña kaptinpas hinalla kuyananmantam.
Utaq: “Tiyasaq”.
Utaq: “Tiyaqkunapas”.
Utaq: “Pacto”. Qaway kay palabrapa ima ninan kasqanta.
Qaway kay palabrapa ima ninan kasqanta.
Utaq: “Tiyanayki”.
Utaq: “Templonta”.
Utaq: “Tocapullasaq”.
Utaq: “Hermon”.
Utaq: “Rapintapas”.
Utaq: “Templopi”.
Hebreo rimaypiqa nichkan: “Seolmantam”, nispam. Qaway kay palabrapa ima ninan kasqanta.
Utaq: “Nisqaykita cumpliq”.
Hebreo rimaypiqa nichkan: “Seolmanyá”, nispam. Qaway kay palabrapa ima ninan kasqanta.
Qaway kay palabrapa ima ninan kasqanta.
Utaq: “Tiyasqanmantam”.
Utaq: “Yarqay tiempopi”.
Qaway kay palabrapa ima ninan kasqanta.
Kaypiqa rimachkan imaña kaptinpas hinalla kuyakuq kasqanmantam.
Utaq: “Chikllimuq”.
Utaq: “Tiyaspaykiyá”.
Utaq: “Yarqay”.
Hebreo rimaypiqa nichkan: “Makillaypapas cuartan hinallam”, nispam.
Kaypiqa rimachkan imaña kaptinpas hinalla kuyakuq kasqanmantam.
Utaq: “Amen”.
Qaway kay palabrapa ima ninan kasqanta.
Ichapas kanman: “Tullullaykunata pakipachkaq hinam”, niqpas.
Qaway kay palabrapa ima ninan kasqanta.
Utaq: “Tiyaq”.
Utaq: “Paña”.
Utaq: “Venderuwankiku”.
Utaq: “Pacto”. Qaway kay palabrapa ima ninan kasqanta.
Qaway kay palabrapa ima ninan kasqanta.
Utaq: “Paña”.
Kayqa miskillataña asnaq sachapa sutinmi.
Kayqa karqa suma-sumaq alaqam.
Ichapas kanman: “Bordasqa”, niqpas.
Utaq: “Tiyanayki”.
Hebreo rimaypiqa nichkan: “Alamotpi”, nispam. Qaway kay palabrapa ima ninan kasqanta.
Ichapas kanman: “Harkachikunankutapas”, niqpas.
Utaq: “Tocapuychik”.
Utaq: “Temploykipi”.
Utaq: “Tiyaqkunapas”.
Utaq: “Tiyaqkuna”.
Hebreo rimaypiqa nichkan: “Seolpaq”, nispam. Qaway kay palabrapa ima ninan kasqanta.
Hebreo rimaypiqa nichkan: “Seolpim”, nispam.
Hebreo rimaypiqa nichkan: “Seolmanta”, nispam.
Utaq: “Pacto”. Qaway kay palabrapa ima ninan kasqanta.
Ichapas kanman: “Paymanmi kuskanchakuykunki”, niqpas.
Utaq: “Waqllikuqkunawanmi”.
Utaq: “Profeta”. Qaway kay palabrapa ima ninan kasqanta.
Hebreo rimaypiqa nichkan: “Hisopowan”, nispam. Qaway kay palabrapa ima ninan kasqanta.
Utaq: “Chuya espirituykiwan”. Qaway kaypa ima ninan kasqanta.
Qaway kay palabrapa ima ninan kasqanta.
Kaypiqa rimachkan imaña kaptinpas hinalla kuyakuq kasqanmantam.
Qaway kay palabrapa ima ninan kasqanta.
Qaway kay palabrapa ima ninan kasqanta.
Qaway kay palabrapa ima ninan kasqanta.
Utaq: “Tiyakuyman”.
Hebreo rimaypiqa nichkan: “Seolman”, nispam. Qaway kay palabrapa ima ninan kasqanta.
Utaq: “Pacto”. Qaway kay palabrapa ima ninan kasqanta.
Qaway kay palabrapa ima ninan kasqanta.
Qaway kay palabrapa ima ninan kasqanta.
Kaypiqa rimachkan imaña kaptinpas hinalla kuyakuq kasqanmantam.
Utaq: “Tocapullasqayki”.
Kaypiqa rimachkan imaña kaptinpas hinalla kuyakuq kasqanmantam.
Qaway kay palabrapa ima ninan kasqanta.
Qaway kay palabrapa ima ninan kasqanta.
Utaq: “Raskiykuspay”.
Qaway kay palabrapa ima ninan kasqanta.
Ichapas kanman: “Chuya wasinpim Diosqa”, niqpas.
Utaq: “Siquem”.
Ichapas kanman: “Murallasqa llaqtaman”, niqpas.
Kaypiqa rimachkan imaña kaptinpas hinalla kuyakuq kasqanmantam.
Utaq: “Qanmantaqa manam ñuqallayqa kacharikullaymanchu”.
Utaq: “Paña”.
Utaq: “Raskiykunqa”.
Utaq: “Tiyananpaq”.
Utaq: “Temploykipi”.
Kayqa karqa abejapa ceranmi.
Ichapas kanman: “Puyukunapa hawanta”, niqpas.
Kaypi Jehova sutitaqa Jah nispapas nichwanmi.
Utaq: “Tiyarqaku”.
Ichapas kanman: “Ovejakunapa kanchanpi”, niqpas.
Kaypi Jehova sutitaqa Jah nispapas nichwanmi.
Utaq: “Temploykiraykum”.
Utaq: “Rumichakuna hina qullqita”.
Ichapas kanman: “Egiptomantam kamachiqkuna hamunqaku”, niqpas.
Hebreo rimaypiqa nichkan: “Mesallankuyá”, nispam.
Utaq: “Tiyananku”.
Utaq: “Tiyaqkunam”.
Utaq: “Amen”.
Qaway kay palabrapa ima ninan kasqanta.
Utaq: “Profetakunapas”.
Utaq: “Paña”.
Hebreo rimaypiqa nichkan: “Leviatanpa”, nispam.
Utaq: “Pacto”. Qaway kay palabrapa ima ninan kasqanta.
Utaq: “Sur”.
Utaq: “Tiyanpas”.
Kaypiqa rimachkan imaña kaptinpas hinalla kuyakuq kasqanmantam.
Kaypi Jehova sutitaqa Jah nispapas nichwanmi.
Qaway kay palabrapa ima ninan kasqanta.
Utaq: “Pacto”. Qaway kay palabrapa ima ninan kasqanta.
Utaq: “Angelkunapa”.
Utaq: “Tiyasqankupa”.
Ichapas kanman: “Samay hinalla chinkaruq kasqankuta”, niqpas.
Kayqa kachukuq chuspikunam.
Ichapas kanman: “Llumpa-llumpay fiebrewan”, niqpas.
Utaq: “Punta naceq”.
Utaq: “Paña”.
Qaway kay palabrapa ima ninan kasqanta.
Utaq: “Tiyasqanman”.
Utaq: “Temploykitam”.
Ichapas kanman: “Chawpinpi”, niqpas.
Utaq: “Chikllipankunapas”.
Utaq: “Paña”.
Qaway kay palabrapa ima ninan kasqanta.
Utaq: “Fiestapaqyá”.
“Meriba” ninanqa: “Piñanakuy” utaq “liryay”, ninanmi.
Utaq: “Pactota”. Qaway kay palabrapa ima ninan kasqanta.
Utaq: “Tiyasqan”.
Qaway kay palabrapa ima ninan kasqanta.
Utaq: “Tapachakunmi”.
Utaq: “Tiyaqkunaqa”.
Ichapas kanman: “Diosnillayku, harkachikunaykuta qawarimuy”, niqpas.
Kaypiqa rimachkan imaña kaptinpas hinalla kuyakuq kasqanmantam.
Utaq: “Mana rakisqa”.
Hebreo rimaypiqa nichkan: “Seolmantam”, nispam. Qaway kay palabrapa ima ninan kasqanta.
Qaway kay palabrapa ima ninan kasqanta.
Hebreo rimaypiqa nichkan: “Seolmanmi”, nispam. Qaway kay palabrapa ima ninan kasqanta.
Hebreo rimaypiqa nichkan: “Abadonpiqa”, nispam.
Ichapas kanman: “Llapallankum muyuriruwanku”, niqpas.
Qaway kay palabrapa ima ninan kasqanta.
Kaypiqa rimachkan imaña kaptinpas hinalla kuyakuq kasqanmantam.
Utaq: “Pactota”. Qaway kay palabrapa ima ninan kasqanta.
Hebreo rimaypiqa nichkan: “Tronoyki”, nispam.
Kaypi Jehova sutitaqa Jah nispapas nichwanmi.
Utaq: “Paña”.
Kaypiqa rimachkan imaña kaptinpas hinalla kuyakuq kasqanmantam.
Utaq: “Revelacionpi”.
Kaypiqa rimachkan imaña kaptinpas hinalla kuyakuq kasqanmantam.
Utaq: “Punta naceq”.
Hebreo rimaypiqa nichkan: “Seolman” nispam. Qaway kay palabrapa ima ninan kasqanta.
Kaypiqa rimachkan imaña kaptinpas hinalla kuyakuq kasqanmantam.
Utaq: “Amen”.
Utaq: “Tiyanayku”. Ichapas kanman: “Pakakunayku”, niqpas.
Utaq: “Chikllirimuq”.
Kaypiqa rimachkan imaña kaptinpas hinalla kuyakuq kasqanmantam.
Utaq: “Tiyaqqa”.
Utaq: “Llantuykusqanmi samapakunqa”.
Utaq: “Pañaykipim”.
Ichapas kanman: “Pakakunayki”, niqpas.
Kaypiqa rimachkan imaña kaptinpas hinalla kuyakuq kasqanmantam.
Utaq: “Chikllispankupas”.
Kaypi Jehova sutitaqa Jah nispapas nichwanmi.
Kaypi Jehova sutitaqa Jah nispapas nichwanmi.
Kaypiqa rimachkan imaña kaptinpas hinalla kuyakuq kasqanmantam.
“Meriba” ninanqa: “Piñanakuy” utaq “liryanakuy”, ninanmi.
Kayqa karqa abejapa ceranmi.
Utaq: “Paña”.
Ichapas kanman: “Chawpinpi”, niqpas.
Ichapas kanman: “Manam kikillanchikchu rikurirqanchik”, niqpas.
Kaypiqa rimachkan imaña kaptinpas hinalla kuyakuq kasqanmantam.
Utaq: “Tiyanankupaq”.
Ichapas kanman: “Qalaypaqñam kallachkani”, niqpas.
Kaypi Jehova sutitaqa Jah nispapas nichwanmi.
Kaypiqa rimachkan imaña kaptinpas hinalla kuyakuq kasqanmantam.
Kaypiqa rimachkan imaña kaptinpas hinalla kuyakuq kasqanmantam.
Kaypiqa rimachkan imaña kaptinpas hinalla kuyakuq kasqanmantam.
Utaq: “Pacto”. Qaway kay palabrapa ima ninan kasqanta.
Utaq: “Tapachakunku”.
Utaq: “Damankunapaq”.
Hebreo rimaypiqa nichkan: “Leviatanpas”, nispam.
Ichapas kanman: “Paypi yuyaymanayniyqa kusichiwachunyá”, niqpas.
Utaq: “¡Aleluya!”. Kaypi Jehova sutitaqa Jah nispapas nichwanmi.
Ichapas kanman: “Ruwasqankunamantayá rimaychik”, niqpas.
Utaq: “Pacto”. Qaway kay palabrapa ima ninan kasqanta.
Utaq: “Profetakunatapas”.
Utaq: “Yarqayta”.
Utaq: “Venderurqaku”.
Utaq: “Tiyarqa”.
Yaqachusmi kaypiqa Egipto runakunamanta rimachkan.
Kaypiqa yaqachusmi Moisesmantawan Aaronmanta rimachkan.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Kaypiqa rimachkan wañusqa runakunapaq utaq runakunapa yupaychasqan kaqkunapaq animalkunata kañasqankumantam.
“Meriba” ninanqa: “Piñanakuy” utaq “liryanakuy”, ninanmi.
Qaway kay palabrapa ima ninan kasqanta.
Utaq: “Pacto”. Qaway kay palabrapa ima ninan kasqanta.
Utaq: “¡Amen!”.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “Tiyanankupaq”.
Kaypiqa rimachkan imaña kaptinpas hinalla kuyakuq kasqanmantam.
Kaypiqa rimachkan imaña kaptinpas hinalla kuyakuq kasqanmantam.
Kaypiqa rimachkan imaña kaptinpas hinalla kuyakuq kasqanmantam.
Kaypiqa rimachkan imaña kaptinpas hinalla kuyakuq kasqanmantam.
Kaypiqa rimachkan imaña kaptinpas hinalla kuyakuq kasqanmantam.
Ichapas kanman: “Chuya wasinpim Dios”, niqpas.
Utaq: “Siquem”.
Utaq: “Pañanpi”.
Utaq: “Pañaypi”.
Kaypiqa rimachkan qallariynin versiculopi señormantam.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “Pacto”. Qaway kay palabrapa ima ninan kasqanta.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Ichapas kanman: “Basura wischunamanta”, niqpas.
Utaq: “¡Aleluya!”. Kaypi Jehova sutitaqa Jah nispapas nichwanmi.
Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Hebreo rimaypiqa nichkan: “Seolmanmi”, nispam. Qaway kay palabrapa ima ninan kasqanta.
Utaq: “Tiyasqan”.
Utaq: “¡Aleluya!”. Kaypi Jehova sutitaqa Jah nispapas nichwanmi.
Kaypiqa rimachkan imaña kaptinpas hinalla kuyakuq kasqanmantam.
Utaq: “¡Aleluya!”. Kaypi Jehova sutitaqa Jah nispapas nichwanmi.
Kaypiqa rimachkan imaña kaptinpas hinalla kuyakuq kasqanmantam.
Kaypiqa rimachkan imaña kaptinpas hinalla kuyakuq kasqanmantam.
Kaypiqa rimachkan imaña kaptinpas hinalla kuyakuq kasqanmantam.
Kaypi Jehova sutitaqa Jah nispapas nichwanmi.
Ichapas kanman: “Yanapaqniykunawan kuskam kachkan”, niqpas.
Kaypi Jehova sutitaqa Jah nispapas nichwanmi.
Utaq: “Paña”.
Kaypi Jehova sutitaqa Jah nispapas nichwanmi.
Kaypi Jehova sutitaqa Jah nispapas nichwanmi.
Kaypi Jehova sutitaqa Jah nispapas nichwanmi.
Kaypiqa rimachkan imaña kaptinpas hinalla kuyakuq kasqanmantam.
Ichapas kanman: “Sunquy mana iskayrayananpaqmi yanapaykuwanki”, niqpas.
Utaq: “Tiyaptiypas”.
Utaq: “Rumichakuna hina qurimantapas”.
Kaypiqa rimachkan imaña kaptinpas hinalla kuyakuq kasqanmantam.
Ichapas kanman: “Llullakuspam”, niqpas.
Kaypiqa rimachkan imaña kaptinpas hinalla kuyakuq kasqanmantam.
Qaway “wichayman rispa takisqanku” niqpa ima ninan kasqanta.
Utaq: “Tiyachkani”.
Utaq: “Paña”.
Kaypi Jehova sutitaqa Jah nispapas nichwanmi.
Kaypiqa tayta-mamakunamantachusmi rimachkan.
Kaypiqa churi-wawakunamantachusmi rimachkan.
Utaq: “Chikllinkuna”.
Utaq: “Wachukunata”.
Kaypi Jehova sutitaqa Jah nispapas nichwanmi.
Kaypiqa Diospa baulninmantachusmi rimachkan.
Utaq: “Pacto”. Qaway kay palabrapa ima ninan kasqanta.
Utaq: “Tiyaytam”.
Utaq: “Akllakusqaypa achkinta ratachinaypaq”.
Hebreo rimaypiqa nichkan: “Paypa umanpi coronam ichaqa llipipipinqa”, nispam.
Utaq: “¡Aleluya!”. Kaypi Jehova sutitaqa Jah nispapas nichwanmi.
Kaypi Jehova sutitaqa Jah nispapas nichwanmi.
Kaypi Jehova sutitaqa Jah nispapas nichwanmi.
Ichapas kanman: “Punkukunatam kicharin”, niqpas.
Utaq: “Punta naceq”.
Utaq: “Faraonpaqwan”.
Utaq: “Tiyaqqa”.
Kaypi Jehova sutitaqa Jah nispapas nichwanmi.
Utaq: “Faraontawan”.
Kaypiqa Babiloniamantam rimachkan.
Utaq: “Paña”.
Ichapas kanman: “Makiypas chakichun”, niqpas.
Ichapas kanman: “Tukuyta tocapusqayki”, niqpas.
Utaq: “Temployki”.
Ichapas kanman: “Sutikimantapas”, niqpas.
Utaq: “Paña”.
Hebreo rimaypiqa nichkan: “Seolman”, nispam. Qaway kay palabrapa ima ninan kasqanta.
Utaq: “Tiyanaypaq”.
Utaq: “Paña”.
Ichapas kanman: “Qanmantaraqmi rimachkani”, niqpas.
Utaq: “Tiyanantapas”.
Kayqa karqa miski asnaq kutacha hinam.
Hebreo rimaypiqa nichkan: “Seolpiqa”, nispam. Qaway kay palabrapa ima ninan kasqanta.
Qaway kay palabrapa ima ninan kasqanta.
Utaq: “Pañaytayá”.
Kaypiqa rimachkan imaña kaptinpas hinalla kuyakuq kasqanmantam.
Utaq: “Paña”.
Hebreo rimaypiqa nichkan: “Payqa kurkunpallaña kaqkunatam hatarichin”, nispam.
Utaq: “¡Aleluya!”. Kaypi Jehova sutitaqa Jah nispapas nichwanmi.
Hebreo rimaypiqa nichkan: “Kurkunpallaña kaqkunatam hatarichin”, nispam.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “¡Aleluya!”. Kaypi Jehova sutitaqa Jah nispapas nichwanmi.
Utaq: “Antarawanyá”.
Utaq: “¡Aleluya!”. Kaypi Jehova sutitaqa Jah nispapas nichwanmi.