6 KAQ TAPUKUY
¿Imatam biblia willakurqa Cristomanta?
WILLAKUYKUNA
“Belen Efrata llaqtacha [...], qanmantam ñuqapaq kamachiq lluqsinqa Israelta kamachinanpaq”.
CUMPLIKUSQAN
“Herodes kamachichkaptinmi Judeapi kaq Belen llaqtachapi Jesus nacerqa, hinaptinmi intipa lluqsimunan lawmanta lucerokunata qawaspa adivinaq runakuna Jerusalenman hamurqaku”.
WILLAKUYKUNA
“Pachaykunatam rakinakurunku. Pachayta rakinakunankupaqpas sorteankuraqmi”.
CUMPLIKUSQAN
“Chaymantam soldadokunaqa Jesusta clavowan qirupi takaruspanku pachanta huqarispanku tawaman rakirurqaku [...]. Ukunchakunan pachanqa karqa mana costurayuqmi kunkanmanta uraykama hukllaman awasqa. Chaymi ninakurqaku: ‘Amayá llikisunchu, sorteaptinchikyá pipas apakuchun’, nispanku”.
WILLAKUYKUNA
“Paymi harkaykun tullunkuna mayqillanpas mana pakisqa kananpaq”.
CUMPLIKUSQAN
“Jesusman asuykuspankum ichaqa wañusqataña qawaspanku piernantaqa manaña pakirqakuchu”.
WILLAKUYKUNA
“Huchanchikkunaraykum paytaqa tuksirurqaku”.
CUMPLIKUSQAN
“Huknin soldadom lanzawan costillanpi tuksirurqa, hinaptinmi chaylla lluqsiramurqa yawarwan yaku”.
WILLAKUYKUNA
“Hinaptinmi qupuwananku kaqta qupuwarqaku, 30 qullqitam qupuwarqaku”.
CUMPLIKUSQAN
“Chaymantam Judas Iscariotewan sutichasqa apostol rirqa riqsisqa sacerdotekunaman, Judasqa karqa 12 apostolkunamanta hukninmi, hinaspanmi nirqa: ‘¿Imatataq quwankichik qamkunaman entregaykuptiyqa?’, nispa. Hinaptinmi 30 qullqita qunankupaq nirqaku”.