7 KAQ TAPUKUY
¿Imakuna pasananmantam bibliaqa willakurqaña?
“Huk nacionmi peleanqa huklaw nacionwan chaynataq huk gobiernopas huklaw gobiernowan [...]. Tukuy kaykunaqa ñakariykunapa qallariyllanraqmi”.
“Diosmanta willakuqtukuqkunapas achkallañam rikurimunqaku hinaspam achkata pantachinqaku. Chaynallataqmi tukuy mana allinkuna yapakusqanrayku yaqa llapallan runakuna manaña kuyakuq kanqaku”.
“Guerrakunamanta hinaspa guerrakuna kasqanmanta willakuykunata uyarispaykichikqa amam manchakunkichikchu. Chaykunaqa kananmi, ichaqa manam tukuy imapa tukupayninraqchu”.
“Kanqam manchakuypaq terremotokuna, kaypi-chaypi unquykuna chaynataq muchuypas, kanqataqmi manchakuypaq kaqkuna hinaspa cielomanta hatun señalkunapas”.
“Tukupay punchawkunapiqa mana haykapipas qawasqanchik sasallaña punchawkunam kanqa. Runakunam kanqaku kikillankupi piensaqkuna, qullqilla kuyaqkuna, alabakuqkuna, hatuntukuqkuna, hukkuna kamiqkuna, tayta-mamanku mana kasukuqkuna, mana agradecekuqkuna, runamasin qipanchaqkuna, ayllunta mana kuyaqkuna, acuerdoman mana yaykuqkuna, runamasinta yanqamanta tumpaqkuna, mana controlakuqkuna, animal hina piña runakuna, allin kaqkuna ruwayta mana munaqkuna, runamasin traicionaqkuna, mana uyarikuqkuna, capaztukuqkuna hinaspa Diosta kuyanankumantaqa kusirikuykunallataña kuyaqkuna. Ninqakum: ‘Diostam tukuy sunquwan serviniku’, nispanku. Ruwasqankuwanmi ichaqa mana chayna kasqankuta qawachinqaku”.