INTERNETPI QILLQAKUNA Watchtower
INTERNETPI QILLQAKUNA
Watchtower
Quechua (Ayacucho)
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ñ
  • ñ
  • BIBLIA
  • QILLQAKUNA
  • HUÑUNAKUYKUNA
  • my willakuy 11
  • Punta rikuriq chirapamanta

Kaypaqa manam videon kanraqchu

Pampachaykullawayku, kaqmanta ñitiy videota qawanaykipaq.

  • Punta rikuriq chirapamanta
  • Bibliamanta willakuq libroy
  • Kaywan tupaq yachachikuy
  • Pusaq runallamanta mirasqanchik
    Bibliamanta yachanaykipaq qillqa
  • ¿Kaqmantachu sinchi para runakunata chinkachinqa?
    Jesusmanta yachasun
  • Noeypa tiemponpi nisyullay-nisyu paraqa, ¿ciertotachu pasarqa?
    Bibliamanta tapukuykuna
  • Ñawpa tiempopi ima pasakusqanmanta
    Dioswan kuyachikuytaqa atichwanmi
Astawan qaway
Bibliamanta willakuq libroy
my willakuy 11
Punta kaq chirapa hinaspa Noeypa buque ruwasqan

11 KAQ WILLAKUY

Punta rikuriq chirapamanta

¿YACHANKICHU imatam Noeyqa rurarqa buquemanta aylluntin chayllaraq lloqsimuspanku? Regalotam Diosman qorqa. Uray kaq dibujopi chaynatam rurachkan. Sinchi Paramanta ayllunta Dios salvaykusqanmantam Noeyqa agradecekunanpaq animalkunamanta ofrendata qorqa.

¿Chaskirqachu Jehová Diosqa Noeypa ofrecesqanta? Chaskirqam. Chaymi Diosqa Noeyta prometerqa manaña sinchi parawan kay pachata puchukachinanpaq.

Noeywan ayllunmi Diospaq kusikuymanta chitachata kañapuchkanku

Allpaqa chayllam chakirurqa, chaymi Noeywan ayllunqa buquemanta lloqsiruspanku hinalla allpapi kawsakurqaku. Diosmi bendecispan nirqa: ‘Achka wawa-churiyoqyá kaychik. Miranaykichikmi kay Pachata huntanaykichikkama’ nispa.

Tiempopa risqanman hina sinchi paramanta runakuna uyarispankuqa mancharikunmankuch, kaqllamanta sinchi parawan runakunata Dios puchukachinanmanta. Chaymi Dios señalta qorqa runakunata yuyarichinanpaq Prometesqanman hina manaña yakuwan Allpata pampaykunanpaq. ¿Yachankichu imatam qorqa chayta yuyarichinanpaq? Chirapatayá.

Para usyayta Inti kanchaykamuptinmi chirapaqa cielopi rikurin. Sumaqllaña achka colorniyoqmi chirapaqa. ¿Hukllatapas rikurqankichu? ¿Qawachkankichu dibujopi kaqta?

Kaynatam Dios nirqa: ‘Manañam sinchi parawanqa wañuchisaqñachu runakunata nitaq animalkunatapas. Chirapaytam churani puyupi. Puyupi chirapa rikurimuptinmi chayta qawaspay yuyarisaq wiñaypaq contrato rurasqayta’ nispa.

Chirapata qawarispaykiqa, ¿imatam yuyarinayki? Diospa prometesqanta, payqa manañam sinchi parawanqa kay pachata puchukachinqañachu.

Genesis 8:18-22; 9:9-17.

Estudianapaq tapukuykuna

    Quechua (Ayacucho) Qillqakuna (2004-2025)
    Lluqsiy
    Yaykuy
    • Quechua (Ayacucho)
    • Compartir
    • Munasqaykiman hina kananpaq
    • Copyright © 2025 Watch Tower Bible and Tract Society of Pennsylvania
    • Imaynata servichikunapaq
    • Waqaychasqa kanapaq
    • Configuración de privacidad
    • JW.ORG
    • Yaykuy
    Compartir