¿IMATAM BIBLIA NIN?
¿Imataq pasawanchik wañukuptinchik?
WAKIN RUNAKUNAM PIENSANKU wañuruptinchikqa almanchik hinalla kawsasqanta. Wakinñataqmi ninku mana chayna kasqanta. ¿Imatam qamqa piensanki?
¿IMATAM BIBLIA NIN?
“Manam imatapas yachankuchu wañuqkunaqa” (Eclesiastes 9:5). Chaynaqa, pipas wañukuspanqa qalaypaqmi chinkarun.
¿IMATAWANMI BIBLIAQA NIN?
Bibliam nin, punta taytanchik Adanqa wañuruspan allpaman kutiykusqanta (Genesis 2:7; 3:19). Chaynallataqmi lliw wañuqkunapas allpayanchik (Eclesiastes 3:19, 20).
Diosqa lliw runakunatam wañukuptinqa huchankumanta pampachaykunña (Romanos 6:7). Chaynaqa manañamá Diosqa wañuqkunataqa huchankumanta ñakarichinñachu.
¿Atinmankuchu wañukuqkuna kawsarimuyta?
¿IMA NIWAQTAQ?
Arí
Manam
Ichapas
¿IMATAM BIBLIA NIN?
‘Diosqa kawsarichimunqam’ (Hechos 24:15).
¿IMATAWANMI BIBLIAQA NIN?
Bibliaqa wañuytam puñuywan tupachin (Juan 11:11-14). Imaynam puñuqkunata ñuqanchik rikcharichinchik, yaqa chaynallatam Diosqa wañusqakunata kawsarichinqa (Job 14:13-15).
Bibliaqa willawanchikmi achka runakunata Dios kawsarichisqanmanta, chaymi mana iskayrayanchikchu hamuq tiempopi kawsarichinanmantaqa (1 Reyes 17:17-24; Lucas 7:11-17; Juan 11:39-44).