¿Imatam biblia nin?

¿Kanmanchu Diospa sutin?

WAKIN RUNAKUNAM NINKU Diosqa mana sutiyuq kasqanta, wakinkuñataqmi ninku Diospa sutinqa “Dios” utaq “señor” kasqallanta, wakin runakunañataqmi ninku Diosqa achka sutiyuq kasqanta. Qamqa, ¿ima niwaqtaq?

¿IMATAM BIBLIA NIN?

‘Hanaq pachapi taytayku, sutiki yupaychasqa kachun’ (Mateo 6:9. Qaway Chuya Qellqa 2012 bibliapi “Rimaykunapa imam ninanmanta” niq yachachikuypi “Dios” niqta).

¿IMATAWANMI BIBLIAQA NIN?

• Unanchawaqninchikta “señor”utaq “tayta Dios” nispa sutichaptinkupas kikinmi Jehova sutitaqa churakurqa (Exodo 3:15, NM).

• Diosqa manam mana riqsiy atinachu, kikinpunim munan riqsinanchikta (Hechos 17:27).

• Dioswan allin amistad kanapaqqa paypa sutintam yachananchik (Santiago 4:8).

¿Huchachu kanman Diospa sutin rimayqa?

¿IMA NIWAQTAQ?

• Arí

• Manam

• Ichapas

¿IMATAM BIBLIA NIN?

“Sutiytaqa amam yanqaqa rimankichu” (Exodo 20:7). Asikunapaq hina utaq yanqapas-yanqa Diospa sutinta rimayqa manam allinchu (Jeremias 29:9).

¿IMATAWANMI BIBLIAQA NIN?

• Jesusqa yacharqam Diospa sutintaqa chaymi payqa sutinta rimaq (Juan 17:25, 26, Sagrada Biblia Quechua-Castellano).

• Diosqa munanmi sutinta rimaspa mañakunanchikta (Salmo 105:1).

• Diospa enemigonkunam munachkanku lliw runakuna Diospa sutin qunqanankuta (Jeremias 23:27, Sagrada Biblia Quechua-Castellano).