¿Imatam biblia nin?

¿Pitaq hinaspa imaynataq diabloqa?

¿NIWAQCHU Diabloqa . . .

• . . . huk angel kasqanta?

• . . . ukunchikpi mana allin munasqanchik kasqanta?

• . . . mana kasqanta?

BIBLIAPA NISQAN

Jesuswan rimaspanmi diabloqa nirqa Diosta mana kasukunanpaq (Mateo 4:1-4). Kaymi qawachiwanchik mana allin kawsaq espiritu kasqanta.

¿IMATAWANMI BIBLIAQA NIN?

• Bibliaqa ninmi diablo qallariyninpi allin angel kasqanta, ichaqa llullakuspanmi Diospa contranpi hatarirurqa (Juan 8:44).

• Wakin angelkunapas diablota qatiytañam qallaykurqaku (Apocalipsis 12:9).

• Diabloqa munanmi mana kasqanta runakuna piensanankuta (2 Corintios 4:4).

¿Diabloqa munaychakunchu runakunapi?

WAKIN RUNAKUNAM NINKU diablo mana munaychakuwasqanchikta, wakinkuñataqmi manchakunku diablo munaychakurunanmanta. ¿Ima ninkitaq qamqa?

BIBLIAPA NISQAN

‘Kay pachapi mana allin kaqkunaqa diablopa makinpiñam kachkan’ (1 Juan 5:19). Diabloqa runakuna mana allinkunata ruwanankupaqmi umachan, ichaqa manam llapallan runakunatachu munaychakun.

¿IMATAWANMI BIBLIAQA NIN?

• Bibliaqa ninmi diabloqa runakunata pantachispan munaychakusqanta (2 Corintios 11:14).

• Wakinpim demoniokunaqa runata munaychakunman (Mateo 12:22).

• Diospa yanapakuyninwanqa atinkim diablota qipanchayta (Santiago 4:7).