¿Imatam biblia nin?

¿Imataq Armagedon nisqankuqa?

¿Imatam runakuna ninku?

Ninkum: “Armagedon kaptinqa lliw runam wañusun guerrawan utaq allpa pachanchikta hatun ñakariy pasaptin”, nispa. Qamqa, ¿ima niwaqtaq?

¿Imatam biblia nin?

Bibliaqa Diospa piñakuynin punchawtam Armagedon nispa sutichan, chaypim ‘tukuy atiyniyuq Diosqa’ lliw mana allin runakunata wañuchinqa (Apocalipsis 16:14, 16).

¿Imatawanmi bibliaqa nin?

• Diosqa piñakuynin punchawpiqa manam kay allpa pachanchiktaqa chinkachinqachu, astawanqa allpa pacha purmachiqkunatam chinkachinqa (Apocalipsis 11:18).

• Diospa piñakuynin punchawpim lliw guerrakunaqa tukunqa (Salmo 46:8, 9).

¿Yaqachum Diospa piñakuynin punchawpi kawsayta atichwan?

Qamqa, ¿ima niwaqtaq?

• Arí

• Manam

• Ichapas

¿Imatam biblia nin?

‘Achkallay-achka runakunam’ ‘llumpa-llumpay ñakariy’ punchawkuna kay pachapi kaptin mana wañunqakuchu, manataqmi wañunqakuchu Diospa piñakuynin punchawpipas (Apocalipsis 7:9, 14).

¿Imatawanmi bibliaqa nin?

• Diosqa piñakuynin punchawpi llapallanchikpas kawsananchiktam munachkan. Payqa mana allin runataqa wañuchin huchanmanta mana wanakuyta munaptillanmi (Ezequiel 18:32).

• Bibliam willawanchik Diospa piñakuynin punchawpi mana wañunanchikpaq ima ruwanamanta (Sofonias 2:3).