Kallpachaq música
1 Musicapas takipas ancha importantem cheqap adoracionpiqa. Ñawpa tiempo Israelpim Asafpas wawqenkunapas takirqaku: “¡Jehovaman graciasta qoychik [...]! Paypaq takiychik, sumaqta tocaychik, imaymana rurasqanpi anchata interesakuychis”, nispa. (1 Cró. 16:8, 9). Kunanpas llapanchikmi Jehovapaq takinchik congregacionpi sapa semana huñunakuspa (Efe. 5:19). ¿Manachu chay takikuna yanapawanchik paypa sutinta alabananchikpaq? (Sal. 69:30.)
2 Reinopaq Musicaqa, Reinopaq takikunata orquestawan grabasqankum, chay musicaqa yuyayninchiktam huntachin espiritual piensaykunawan. “Musicata uyarispaqa, chay takipa letrankunatam yuyarini —nirqam huk hermananchik—. Arí, ¡chay musicata uyarispaqa Jehovapim piensanchik!” (Fili. 4:8.)
3 Haykapmi uyarichwan. Reinopaq musicata wasipi uyariyqa espiritual cosaskunatam yuyarichin chaymi yanapan familiapi hawka kawsay kananpaq. “Kay [musicatam] churaniku yapa yapamanta wasipipas carropipas, manam haykappas amikunikuchu kay sumaq musicamanta —nispam qellqarqa huk familia—. Reinopaq musicaqa yanapawankum yuyayniykupi tranquilo kanaykupaq chaymi mana sasachu reunionkunapaq alistakuypas otaq asambleaman riypas.” Huk hermanam kayta nirqa: “Wasipi imapas ruranay ratokuna uyariptiymi kallpachawan... ¡chay musicata uyarispam ñoqaqa kusisqa chayllaraq taqsasqa pachayta doblani! Decidikunim desanimasqa kaspay kay música uyarinaypaq. ¡Anchatam kallpachawan! [...] Llapanmi Reinomanta takikunaqa kusichiwan”. ¿Ima ratokunapim yanapasunkiman chayna kallpachaq música?
4 Kay tiempopi musicaqa yaqa llapanmi mundopi ruraykunaman kallpachan. Taytamamakunam wawankuman allin musicata gustachinanku Reinopaq musicata sapa kutin uyarichispa. Biblia estudiaqkunapas, chayllaraq interesakuqkunapas kusikunqakum kay sumaq musicata uyarispa, kay musicaqa Jehovatam alaban ñoqanchiktataq kallpachawanchik (Sal. 47:1, 2, 6, 7).