Pisillatapas yachay munaqkunapata kutirisun
1 Yaqa llapanchikmi Jehová Diospa llaqtanpi kachkanchik Diosmanta yachay munasqanchikta Diospa siervonkuna musyasqankurayku hinaspam achka kutita pacienciakuspa watukamuwarqanchik yachay munasqanchikta masyachinankupaq. Chaynallataqmi ñoqanchikpas sonqomanta kallpanchakunanchik pisillatapas yachay munaqkunaman kutinapaq. Yachay munaqkunapata kutispapas Jesuspa ‘qatiqninkunaña kanankupaq’ kamachikuytam kasukuchkanchik (Mat. 28:19, 20).
2 Yachay munasqanta musyariy: Bibliamanta qellqanchikkunata mana chaskiwaptinchikpas, ima niwasqanchik, imayna niwayninchik hinaspa imayna qawawasqanchikmi musyachiwanchikman Diospa sumaq noticianmanta yachay munasqanta. Chaykunata musyaspanchikmi atichwan mosoqmanta watukuyta. Huk wawqenchikmi huk runamasinta pichqa kutita watukurqa Bibliamanta mana ima qellqatapas saqespan. Soqta kaq watukusqanpim chayraq Bibliamanta qellqanchikta chaskirqa hinaspam tiempo risqanman hina Biblia estudiaytaña qallarirqa.
3 Yachay munasqanta musyaspaykiqa utqayman kutiy, atispaykiqa chay punchawkunallapi. Ama dejasunchu runapa sonqonpi Diospa Palabran tarpusqanchikta Diablo qechurunantaqa (Mat. 13:19). Imay hora otaq ima punchaw kutinaykipaq nisqaykiman hinam kutinayki (Mat. 5:37).
4 Callekunapi predicaspa: Callekunapi otaq maypipas predicaspayki, ¿kallpanchakunkichu uyariqkunapa yachay munasqankuta masyachinaykipaq? Rimayta tukuruspaykim ichapas niwaq: “Sumaqtam rimaykunchik, ¿maypim tupachwan hinalla parlarinanchikpaq?”. Allin kaptinqa ichapas wakin wawqe-paninchikkuna yachay munaqman telefononkupa numeronta qonmanku otaq qonakunmankupas. Hina predicanayki lawpi runakuna predicayta rikusuptikiqa ichapas telefononpa numeronta qoyta munasunkiman chaynataq maypi yachasqantapas. Mana willawaptinchikpas, hinallam yachay munasqanta masyachiwaq maypi tupaspaykipas.
5 Anchatam kusikunchik plantacha parqosqanchik hinaspa cuidasqanchik waytaramuptin, ¿chaynachu, manachu? Chaynallataqmi ñoqanchikpas kusikuchwan runamasinchikta kaqllamanta watukuspanchik hinaspa iñiyninkupi wiñanankupaq yanapaspanchikpas (1 Cor. 3:6). Chaynaqa, hinallayá kutisun pisillatapas Diosmanta yachay munaqkunapata.