“Kay allin noticiam willakusqa kanqa”
1. ¿Imaynatam yachanchik predicacionta mana pipas harkananmanta?
1 Manam imapas harkanmanchu Jehová Dios munayninta cumplinantaqa (Isa. 14:24). Juez Gedeonqa 300 runakunawanqa manam venceytaqa atinmanchu karqa Madian casta 135.000 tropakunataqa. Ichaqa Jehová Diosmi nirqa: ‘Israel casta runakunatam Madian casta runakunamanta libranki. Ñoqam qamtaqa kachachkayki’, nispa (Jue. 6:14). Kunan tiemponchikpi, ¿ima ruraytam Jehová Dios yanapachkan? Jesusmi nin: “Diospa munaychakusqanmanta kay allin noticiam willakusqa kanqa enterollan kay pachapi”, nispa (Mat. 24:14). ¡Manamá pipas harkanmanchu runakunaman willananchiktaqa!
2. ¿Imanasqataq Dios serviyninchikpi sapakama suyachwan Jehová Dios yanapawananchikta?
2 Jehová Diosmi sapakamata yanapawanchik. Manam pipas iskayrayanmanchu Llaqtanta Dios yanapananmantaqa, ichaqa ¿suyachwanchu sapakamata yanapawananchikta? Sasachakuy tiempopi kaspanmi apostol Pablo musyakurqa, Jehová Diosqa churin Jesucristontakama yanapasqanta (2 Tim. 4:17). Seguropunim kachwan munayninta ruranapaq sapakamapa kallpanchakusqanchikta Dios bendecinanmantaqa (1 Juan 5:14).
3. ¿Imakunapim Jehová Dios yanapawanchik?
3 ¿Achka ruraynikikunawanchu Diosta servinapaq manaña ganasniyoq tarikunki? Diosmi “qon kallpata desmayasqakunaman” (Isa. 40:29-31). Dios serviynikipi ¿harkakuykunachu kachkan? Jehová “Diosmanyá qoykuy preocupasqa kasqaykitaqa. Payñam cuentallikunqa qanmantaqa” (Sal. 55:22). ¿Rimanaykipaqchu iskayrayanki? “Kunanyá riy, ñoqam rimachiqniki kasaq” (Exo. 4:11, 12). ¿Onqoq kaspaykichu astawan Dios serviyta mana atinki? Diosqa chaninchanmi sonqomanta pisillatapas rurasqanchiktaqa, hinaspam allinta servichikun (1 Cor. 3:6, 9).
4. ¿Imatam rurasun tukuy sonqomanta Jehová Diospi confiakuspaqa?
4 Jehová Dios makinta haywariptinqa, ‘¿pitaq harkakunman?’ (Isa. 14:27, NM.) Servisqanchikta Dios bendecisqanpi confiaspayá, ‘mana manchakuspa Diospa kuyakuyninmanta hinalla willakusun’ (Hech. 14:3).