¿Preparasqachu warmaykikuna kachkan?
1. ¿Imanasqataq warmaykikunaqa preparasqa kananku?
1 Estudiasqankupim cristiano mozo-sipaskunaqa sasachakuypi hinaspa imatapas ruranankupaq hikutasqa kanqaku, chayna kaptinpas allinmi kanqa estudiasqankupi ‘cheqapmanta rimanankupaq’ (Juan 18:37). ¿Preparasqachu warmaykikuna kachkan?
2. ¿Imatam warmaykikuna yachananku allin preparasqa kanankupaq?
2 Warmaykikunaqa, ¿yachankuchu ima ruraykuna nacion yupaychaywan tupasqanta otaq Bibliapa nisqanwan mana tupasqantapas? ¿Entiendenkuchu imanasqa mana allin kasqanmanta? ¿Preparasqachu kachkanku universidadman rinankupaq hikutaptinku aguantanankupaq? Drogakunanpaq hinaspa upyananpaq hikutaptinku, ¿yachankuchu ima rurayta? ¿Yachankuchu creesqankumanta imayna explicayta, icha religionniymi mana saqewanchu nispallachu ninku? (1 Ped. 3:15.)
3. ¿Imaynatam Familiawan Diosta Yupaychanapaq Tutata iñiqmasinchikkuna servichikunmanku warmankuta preparanankupaq?
3 Familiawan Diosta Yupaychanapaq Tutata servichikuychik. Estudiasqankupi imapas sasachaqninmantaqa rimarinkichikchá. Ichaqa manaraq sasachakuchkaptinku chaykunamanta warmaykichikwan rimaymi yanapanqa mana hukmanyanankupaq. Familiawan Diosta Yupaychanapaq Tutapi, ¿manachu achka kutipipas kaykunamanta rimawaqchik? Paykunatam tapuwaqchik imakunawan sasachakuy piensasqankuta. Allintaqmi kanman pasaq watakunapi paykunawan rimasqaykichikmanta yuyariypas, ichapas kunanqa chaykunamanta allintaña entiendenku (Sal. 119:95). Ensayawaqchikmi profesorninkupa otaq estudiaqmasinkupa rantinpi qamkuna churakuspa. Warmaykichikta yachachiychik Bibliata hinaspa Razonamiento chaynataq Los jóvenes preguntan librokunata servichikuspan contestanankupaq. Huk iñiqmasinchikmi wawankunawan sapa wata ensayaq kaqmanta estudiaq rispanku mosoq profesorninkunawan rimanankupaq hinaspa Jehová Diospa testigon kasqankuta reqsichikunankupaqpas. (2010 watapi 15 diciembre Llaqta Cuidaq revistapa 3 hinaspa 5 paginankunata qaway.)
4. ¿Imatam rurananku ima pasananmanta cuentata qokuq tayta-mamakunaqa?
4 Kay tukupay tiempopiqa llumpay ‘sasallañam’ warmakunapa atipananku sasachakuykunaqa (2 Tim. 3:1). Ichaqa, ima pasananmanta cuentata qokuq tayta-mamakunaqa kallpanchakunkum manaraq sasachakuy kachkaptin warmankuta yanapanankupaq (Pro. 22:3). Hinaptinqa, warmaykichikta yanapaychik allin preparasqa kanankupaq.