¡Atiwaqmi escuelaykipi predicaytaqa!
1. Cristiano kaspayki, ¿imatam escuelapi rurayta atiwaq?
1 ¿Chayllaraqchu escuelapi kachkanki icha unay watañachu? Imayna kaptinpas, cristiano mozo-sipaskunaqa sasachakuykunapim escuelapi tarikunku. Chayna kaptinpas atinmankum Diosmanta predicaytaqa (Juan 18:37). Hinaptinqa, ¿preparasqachu sientekunki escuelapi predicanaykipaq?
2. ¿Imanasqataq nichwan escuelapi predicanaykipaq preparasqaña kasqaykita?
2 Allinta piensaspaykiqa manam hukmanyanaykichu, ñam Jehová Diosmanta, tayta-mamaykimanta hinaspa allin yuyayniyoq confianza sirvientemantapas achka yachachikuyta chaskirunkiña (Pro. 1:8; 6:20; 23:23-25; Efe. 6:1-4; 2 Tim. 3:16, 17). Yaqapaschá kunankamaqa yachankiña escuelapi ima sasachakuykuna kasqanta. Chaynaqa Bibliamanta tukuy yachasqaykita servichikuspa preparakuy predicanaykipaq (Pro. 22:3). Los jóvenes preguntan nisqa iskaynin librokunapa yachachikuyninkunata allinta estudiay, chaynataq ¡Despertad!, nisqa revistapi mozo-sipaskunapaq lloqsimuq yachachikuykunatapas.
3. ¿Imaynatawanmi escuelapi predicayta atiwaq?
3 Yuyariy, qamllam escuelapiqa predicayta atiwaq. Hukkunam qawanku imayna pachakusqaykita, allichapakusqaykita, rimasqaykita hinaspa imayna kasqaykitapas. Qawankutaqmi profesorkunata hinaspa estudiaqmasikikunatapas respetasqaykita chaynataq allin estudiaq kasqaykitapas. Musyankutaqmi paykuna hina mana kasqaykita. ¿Tapusurqankiñachu imanasqa chayna kasqaykita? (Mal. 3:18; Juan 15:19.) Chayqa yanapasunkimanmi iñisqaykikunamanta willanaykipaq (1 Tim. 2:9, 10). Chaymantapas kanqachá llaqtapa chaynataq escuelapa fiestankuna. ¿Imatam ninki chay fiestakunapi mana kasqaykimanta tapusuptiki? Ninkichu: “Religionniymi harkawan, Jehová Diospa testigonmi kani”, nispa. Icha Taytanchik Jehová Diosmantachu predicanki. Preparasqa kasqaykim yanapasunki escuelaykipi pimanpas predicanaykipaq (1 Ped. 3:15).
4. ¿Imanasqataq seguro kawaq escuelaypi predicay atinaykimanta?
4 Yaqapaschá escuelapiqa manchapakunki ichaqa yuyariyá, manam sapallaykichu kachkanki achkam munanku allin kanaykita. Chaymantapas, ¿manachu kusikunapaq kanman escuelaykipi predicay atisqaykimanta piensayqa? Chaynaqa kallpanchakuyá. ¡Escuelapi predicanaykipaqqa preparasqam kachkanki!