¿Cuentata qukunchikchu mañakuptinchik Jehova Dios yanapawasqanchikta?

Bibliapim willawanchik serviqninkunapa mañakusqanta Jehova Dios contestasqanta. Diosta serviqkunaqa manam iskayrayarqakuchu sasachakuypi tarikuptinku pay yanapasqantaqa, chaymi paykunata iñiyninkupi anchata kallpancharqa. Ñuqanchikpas Jehova Diosta mañakuspanchikqa willakunanchikmi imayna sientekusqanchikta, ima necesitasqanchikta hinaspa imapi yanapawananchikpaq. Hinaspapas imayna contestawasqanchiktam suyananchik. Wakinpiqa Jehova Diosqa manam munasqanchikman hinachu utaq piensasqanchikman hinachu contestawanchik (2Co 12:7-9; Ef 3:20). Qawaykusunchikyá mañakuptinchik Jehova Dios imakunapi yanapawasqanchikta.

• Kallpatam quwanchik sasachakuyninchikkunata atipananchikpaq (Flp 4:13).

• Yachaytam quwanchik imapipas allinta tantiananchikpaq (Stg 1:5).

• Kallpatam quwanchik imatapas allinta ruwananchikpaq (Flp 2:13).

• Llakisqa tarikuptinchikpas hawkayaytam quwanchik (Flp 4:6, 7).

• Llakisqa utaq hukmanyasqa tarikuptinchikmi iñiqmasinchikkunawan yanapawanchik (1Jn 3:17, 18).

• Hukkunapaq mañakuptinchikmi paykunata yanapan (Hch 12:5, 11).

JEHOVA DIOSQA MAÑAKUSQANCHIKTA UYARINMI, NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Shimizu sutiyuq iñiqmasinchikpa willakusqanqa yanapanmanchu pay hina tarikuqkunata?

• ¿Imaynatataq qatipakuchwan Shimizu sutiyuq iñiqmasinchikta?