Diosmanta yachasqanchikwanyá kallpanchanakusun

Llapallanchikmi munanchik kallpanchanakunanchikpaq iñiqmasinchikkunawan kuska kayta. Ichaqa manam kuska kaspallachu kallpanchasqaqa kasun. Bibliam niwanchik ‘Diosmanta ima yachachikuytapas willanakuspa’ Diospi hinalla hapipakunapaq kallpanchanakunamanta (Rom. 1:​11, 12). ¿Imaynatam chayta ruwachwan?

Rimasqanchikwanyá hukkunata kallpanchasun. Huñunakuypi rimarispanchikqa manam kikillanchikmantaqa rimananchikchu, aswanqa Jehova Diosmantam, palabranpi nisqanmantam hinaspa serviqninkunamantam. Iñiqmasinchikkunawan rimaspanchikpas iñiyninkupi kallpanchanapaq hinam rimananchik.

Tantiasqanchikpiwan ruwasqanchikwanyá hukkunata kallpanchasun. Ichapas achka iñiqmasinchikkuna hina tantiakurunchik sasachakuykuna kaptinpas Diosta tukuy tiemponchikwan servinapaq. Utaqchá llamkayninchikmanta pisipasqallaña kutiykaramuspapas utaq mana hampiy atina unquywan kaspapas semanapi punta kaq huñunakuyninchikman mana faltakuspa rinchik.

¿Kallpanchanchikchu iñiqmasinchikkunata rimasqanchikwan hinaspa ruwasqanchikwan? ¿Ñuqanchikpas kallpanchasqachu tarikunchik iñiqmasinchikkunapa rimasqankuwan hinaspa ruwasqankuwan?