¿Iternetwanchu churi-wawaykikuna pierderun? | Bibliapi yanapakuy kanchu tayta-mamakunapaq

“Warmakunaqa loco hinañam kachkanku, iternetllawanñam kawsanku, mana internetwanqa manam ima ruwakuytapas atinkuchu” (Vivek Murthy, director general de Salud Pública de Estados Unidos. New York Times, 2024, 17 punchaw junio killa).

¿Tayta-mamakunaqa imaynatataq yanapanmanku mana internetllamanña qukurunankupaq? Bibliapim sumaq yanapakuykuna kachkan.

¿Imaynatataq yanapanmanku tayta-mamakuna?

Bibliapi kayna nisqankunapiyá piensaychik.

‘Yuyayniyuq runaqa imapaqpas allintam tantian’ (Proverbios 14:15).

Qanmantam warmaykikuna internetpi kananpas utaq mana kananpas. Internetqa sasachanmanmi. Chaymi manaraq internetpi kanankupaq saqichkaspayki kaykunata yuyarinayki, yuyayniyuqñachu warmayki, kasukunchu internetpi hayka unay kananpaq nisqaykita, pikunawan hukllawakunanpaq nisqaykita, mana allinkunata mana qawananpaq nisqaykita.

• Astawan yachayta munaspaykiqa leey kaykunata “¿Deberían mis hijos usar redes sociales?” y “Enséñele a su hijo adolescente a usar con seguridad las redes sociales”.

‘Tiempoykichikta ama usuchiychikchu’ (Efesios 5:16).

Warmaykikuna internetpi kananpaq saqispaykiqa, niy imakunata ama ruwanankupaq, niytaq nisqayki imaynanpi allin kasqanta. Warmayki cambiaptinqa ninaykim internetpi manaña ñawpaqta hina kananpaq.

• Qawachiy Allintayá internetta servichikuy niq videota, chayqa kanchan “Qawanapaq dibujokuna” niqpim. Chaynatam warmaykikunata yanapanki internetllamanña qukuruyqa mana allin kasqanta yachanankupaq.

Astawan yachanaykipaq

Bibliapim niwanchik “mana haykapipas qawasqanchik sasallaña” punchawkunapi kawsasqanchikta (2 Timoteo 3:1-5). Niwanchiktaqmi imaynata kawsakunapaqpas, sasachakuypi kaspa imayna kanapaqpas. Kay yachachikuypim tarinki 20 masnin bibliamanta yachachikuykunatawan videokunata, tayta-mamakunapaqwan wawa-churikunapaq.