¿Jehova Diospa testigonkunaqa Estados Unidospa religionninchu?

Diosmanta enteron pachapi imaynata willakunaykupaqmi Estados Unidospi tanteanaykupaq wasiyku kan. Ichaqa manam chayraykuchu chay nacionpa religionnin kaniku. Imanasqataq chaynata niniku.

• Wakin religionkunatam secta ninku riqsisqa religionmanta rakikusqankurayku. Jehova Diospa testigonkunam ichaqa mana ima religionmantapas rakikurqanikuchu. Aswanqa kallpanchakunikum apostolkunapa tiempopi iñiqkuna hina Diosta yupaychanaykupaq.

• Jehova Diospa testigonkunaqa 230 masnin nacionkunapim kachkaniku. Maypi yachaspaykupas Jehova Diostawan Jesusta servinaykupaqmi astawanqa kallpanchakuniku, manam Estados Unidospi nitaq huk law nacionpi gobiernota servinaykupaqchu (Juan 15:19; 17:15, 16).

• Bibliapa yachachisqanpim iñiniku, manam Estados Unidospi religionpi punta apaqkunapa qillqaruspa yachachisqankupichu (1 Tesalonicenses 2:13).

• Jesustam qatikuniku manam runakunatachu (Mateo 23:8-10).