¿Pitaq Jehova Diospa testigonkunata qallarichirqa?

Jehova Diospa testigokunaqa kaqmantam rikuriyta qallaykurqaku 1870 watamanta (chay tiempopiqa biblia estudiaqwanmi sutichakurqaku). Chay watakunam Pittsburgh (Pensilvania, Estados Unidos) llaqtapi kaq aslla runakuna bibliapi yachachikuykunata allinta estudiayta qallaykurqaku. Hinaspam tupachirqaku iglesiakunapi yachachisqankuwan, chaywanmi musyarurqaku bibliapi yachachikuykunawan iglesiakunapi yachachisqanku mana tupasqanmanta. Chaymi bibliapa yachachisqanman hina willakuyta qallaykurqaku librokunapi, periodicokunapi. Chaymantapas ruwarqakum kunan riqsisqanchik Willakuq qillqatapas.

Chay tiempopi biblia estudiaqkunamantam huknin karqa Charles Taze Russell. Paymi cuentallikurqa Willakuq qillqata ruwanankupaqqa chaynataq iñiqkuna yachachisqa kanankupaqpas, ichaqa manam musuq religiontachu qallarichirqa. Russellwan biblia estudiaqmasinkunaqa Jesucristopa yachachisqankunamantam willakuyta qallaykurqaku chaynataq apostolkunapa tiemponpi Diosta yupaychasqankuman hinam ruwaytapas qallaykurqaku. Chay tiempopi iñiqkunataqa Jesucristom qallarichirqa, chaymi paykuna hina ruwasqaykurayku niniku testigokunata qallarichiwaqniykuqa Jesucristo kasqanmanta (Colosenses 1:18-20).