Familiapi maqanakuyqa tukunqam

YAQAPASCHÁ admirakunki punta kaq willakuypi hinaspa iskay kaq willakuypiqa hina chay familiallamanta rimasqanta yachaspayki.

Frankqa yaqa lliw maqakuq runakuna hinam “allin runa” tukun hukkunapa qayllanpiqa, aswanraqmi suegronkunapa qayllanpiqa. Ichaqa warmi-qarilla tarikuptinkum pasaypaqta ñakarichin.

Achka runakunam Frank hina wiñarqaku maqanakuq familiapi, yuyayniyoq kaspankuñataqmi piensanku maqayqa allin kasqanta. Ichaqa manamá allinchu chay ruwayqa. Chaymi yaqa lliw runakuna hukmanyanku, señoranku maqaq runakunamanta uyarispanku.

Chayna kaptinpas maqanakuyqa tukuy hinastinpimá pasakun. Yachanallapaq: Estados Unidos nacionpim maqasqa warmikunata yanapanapaq oficinaman huk minutollapi yaqa 16 runakuna qayanku. Kayqa qawakun llapan castakunapi, tukuy rikchaq ayllukunapi hinaspa apukunapi chaynataq wakcha runakunapipas. Chaymantapas manam llapankuchu quejakunku, chaykunatawan yupasqaqa achka-achkaraqmi kanmanku.b

Kaykuna pasakusqanmantam kaynata tapukunku: ¿Imaynamá qosaqa kuyasqan señoranta mana valeqta hinaqa ñakarichinman? ¿Atichwanchu yanapayta señoranku maqaq runakunata?

Kay revistataqa Jehova Diospa testigonkunam ruwamunku, paykunam piensanku maqakuq qosakunapas Bibliapi yachachikuykunawan cambiay atisqankuta. ¿Atikunmanchu chay ruwayta? ¡Arí! Ichaqa kallpanchakunam. Bibliata estudiaspankum achka runakuna maqakuqllaña kasqankumanta controlakuyta atirqaku hinaspam kunanqa kuyakuqllaña kanku (Colosenses 3:8-10). Troypa hinaspa Valeriepa imayna kawsasqankumanta qawasun.

—¿Imaynam qallariypiqa kawsakurqaku?

Valerie: Prometenakusqayku tutam Troyqa laqechuruwarqa semanantin uyay qoyoyanankama. Chaymantañataqmi pasaypaqta ruegakuwarqa pampachanaypaq hinaspam niwarqa manaña haykapipas maqawananpaq. Unay watakunam chaynata niwaq kuti-kutirispa.

Troy: Imawanñapas chaylla piñakuqmi karqani, mikuy mana horallanpi kaptinpas. Huk kutipim señorayta pistolawan waqtarurqani. Hukpiñataqmi pasaypaqta maqaruspay wañurachisqaytapas piensarqani. Hinaspam churiypa kunkanman cuchillota churaykuspay manchachirqani.

Valerie: Mancharisqallañam kawsarqani. Wakinpiqa wasimantam ayqeq kani qosaypa sonqon tiyanankama. Ichaqa nanay simiwan niwasqankunam astawanqa nanawaq maqawasqanmantaqa.

—Troyqa, ¿warmacha kasqanmantachu maqakuqllaña karqa?

Troy: Arí, warmacha kasqaymantam wiñarqani maqanakuypa chawpinpi. Taytaymi mamayta maqaq llapaykupa qayllaykupi. Taytay saqeruwaptinkum mamayqa huk runawanña uywanakurqa, paypas hinallam maqaq. Chaymantapas chay runaqa paniytawan ñoqatam abusaruwarqaku. Chaymi preso ripurqa. Ichaqa manamá chayraykuchu maqakuq runaqa kanay karqa.

—Valerieqa, ¿imanasqataq manaqa saqerurqachu?

Valerie: Manchakurqanim, chaymi piensarqani: “¿Maskawaspa wañurachiwaptinqa? Otaq ¿tayta-mamayta wañurachiptinqa? ¿Quejakuruptiy astawan mana allinpi tukuruptinqa?”, nispa.

—¿Haykapimantam tukuy kaykuna allinyayta qallaykurqa?

Troy: Señoraymi Biblia estudiayta qallaykurqa Jehova Diospa testigonkunawan. Qallariypiqa manam munarqanichu paykunawan hukllawakunantaqa hinaspam harkayta munarqani chay mana reqsisqa “religionmanta”. Chaymi señoraytaqa astawan ñakarichiq kani hinaspa Testigokunatapas. Ichaqa wañuy mañayoq tawa watachayoq churiy Danielmi huk kutipi yaqa kimsa semana hospitalpi karqa. Chaypim Testigokunaqa tukuy imapi yanapawarqaku, cuidarqakutaqmi Desiree warmi warmachaykutapas. Huk kutipim huk testigo tukuy tuta llamkaramuspan Danielniyta tukuy punchaw cuidarqaraq chaynapi señoray tumpallatapas samananpaq. Paykunata cheqnichkaptiypas yanapakuq kasqankum sonqoyta llampuyaykachirqa. Chaypim qawarqani cheqap cristianokuna imayna kasqankuta hinaspam hukninta mañakurqani Bibliamanta yachachiwananpaq. Bibliata estudiaspaymi yacharurqani qosaqa warminwan imayna kawsakunanmanta hinaspa imakuna mana ruwananmantapas, chaynapim wiñaypaqña saqerqani maqakuqllaña kasqaytaqa. Tiempopa risqanman hinañataqmi Jehova Diospa testigonña karqani.

—¿Bibliapi ima yachachikuykunam yanaparqa?

Troy: Bibliapim 1 Pedro 3:7 nin señoranchiktaqa ‘cuidanapaq’. Galatas 5:23 nisqanpim kallpanchan ‘llampu sonqolla’ hinaspa ‘imapipas controlakuq’ kanapaq. Efesios 4:31 nisqanpipas qawachinmi ‘insultakuq’ kayqa mana allin kasqanta. Hebreos 4:13 nisqanpiñataqmi qawachin tukuy imapas Diospa qayllanpiqa sutilla kasqanta. Payqa tukuy imatam qawan, vecinoykuna mana qawaptinkupas. Yacharqanitaqmi ‘mana allin amistadkunaqa allin kawsaqkunatapas urmachisqanta’, chaymi paykunawanqa manaña hukllawakunayñachu karqa (1 Corintios 15:33). Chay amistadniykunam kallpanchawaq maqakuqllaña kanaypaq. Paykunam niqku: maqaspam warmitaqa “allinta manejana” nispa.

—¿Imaynam kunanqa casado vidan?

Valerie: Troyqa 25 wata qepatam bautizakurqa Jehova Diospa testigon kananpaq. Chaymantapacham payqa kuyakuqllaña, sumaq simillaña hinaspa entiendekuqllaña ñoqawanqa.

Troy: Ñakakunim familiayta ñakarichisqaymantaqa, ima huchayoqmá señorayqa karqa chaynataña ñakarichinaypaqqa. Ichaqa anchatam munani Isaias 65:17 nisqan cumplikunanta, chaynapi mana allin kawsakusqaykuta qonqanaykupaq.

—¿Imatam sapakama consejawaqchik maqanakustin kawsaq familiakunata?

Troy: Pipas familianta maqaqqa otaq nanay simiwan rimapayaqqa yanapakuytam necesitan. Maskachunyá, chaypaqqa achka yanapakuykunam kan. Ñoqataqa, Jehova Diospa testigonkunawan Biblia estudiasqaymi hinaspa paykunawan huñunakusqaymi yanapawarqa, pasaypaq maqakuqllaña kasqayta saqenaypaq.

Valerie: Amayá kawsakuynikitaqa tupachiychu hukkunapa imayna kawsasqankuwanqa, nitaq utqayllamanqa ruwaychu allinnikipaq kasqanta yachay-tukuq runakunapa nisusqaykitaqa. Allinpi mana llapanku tukuptinkupas, kunan sumaq kawsakusqaykuta qawaspaymi kusikuni casado vidayta mana yanqachasqaymanta.

FAMILIAPI MAQANAKUYQA TUKUNQAM

Diospa Palabranpim nin: “Bibliapi llapallan qellqasqa kaqkunaqa Diospa Espiritunpa qosqanmi, allinmi yachachiwananchikpaq, faltanchikkuna qawachiwananchikpaq, pantaypi puriptinchikpas allin ñanman kutirichiwananchikpaq”, nispa (2 Timoteo 3:16). Troy hinam achka qosakunapas Bibliapa nisqanta kasukurqaku chaynapim piensasqankuta hinaspa maqakuqllaña kasqankutapas cambiarqaku.

¿Munawaqchu yachayta casado vidaykipi Biblia imayna yanapasunaykimanta? Astawan yachayta munaspaykiqa, yachasqayki lawpi Jehova Diospa testigonkunata maskay otaq Internetpi www.pr2711.com/quy nisqaman yaykuy.