1 kallpanchakuychik casado vidaykichikpi kusisqa kawsakunaykichikpaq

¿CHAYPAQQA IMATAQ YANAPASUNKICHIKMAN?

Casadokunaqa kallpanchakunankum wañukunankukama kuska kanankupaq, chaypaq kallpanchakuspankuqa ima sasachakuy kaptinpas manam rakinakunqakuchu.

Wakin casarasqakunaqa churi-wawankuraykulla utaq ayllunkuraykullam kuskaqa kanku. Ichaqa manamá chaynachu kananku, aswanqa kuyanakusqankurayku hinaspa respetanakusqankuraykum kuskaqa kananku.

BIBLIAM NIN: ‘Qusaqa manam warmintaqa saqinanchu’, nispa (1 Corintios 7:11).

Micam nin: “Wañukunaykukama kuska kanaykupaq ninakusqaykuta yuyarisqaymi yanapawan imawanpas mana chaylla piñakurunaypaq hinaspa pantaruspaypas warmichayta ‘pampachaykullaway’ ninaypaq, yanapawantaqmi ima sasachakuyña kaptinpas chaylla allichanaykupaq”, nispa.

¿IMANASQATAQ ANCHA ALLIN KALLPANCHAKUYNINCHIKQA?

Casarasqakuna kuska kanankupaq ninakusqankuta yuyarispankuqa, ima sasachakuyña kaptinpas manam rakinakunqakuchu.

Jeanmi nin: “Achka runakunam casarakunku rakinakuyta piensastinña, chaynata piensaspa pipas casarakuqqa ima sasachakuypas kaptinmi chaylla rakikurunqa”, nispa.

¿IMATAQ YANAPASUNKICHIKMAN?

PIENSARIY KAYKUNAPI

Qusaykiwan utaq warmikiwan piñanakuruspaykiqa:

• ¿Ñakakunkichu casarakusqaykimanta?

• ¿Piensankichu “hukwan casarakuruspayqa allinmi kachkayman karqa” nispayki?

• ¿Yaqachu ninki “saqiruspaymi pipas kuyawaqniytaña maskakurusaq” nispayki?

Chaynata piensaspaykichikqa kallpanchakunaykichikmi casado vidaykichikpi allin kanaykichikpaq.

KAYMANTAM RIMAWAQCHIK

• ¿Hinallachu kuyanakuchkanchik hinaspa wañukunanchikkama kuska kayta munachkanchik?

• ¿Imatataq ruwananchik ñawpaqta hina kuyanakunanchikpaq, chaynapi wañukunanchikkama kuska kananchikpaq?

KAYKUNATAM RUWAWAQCHIK

• Qusayki utaq warmichayki kuyasqaykitam huk cartachapi niykuwaq.

• Allinmi kanman warmichaykipa utaq qusaykipa fotonta llamkaynikipi churayniki.

• Mana kuska kaspaykichikqa sapa punchawmi qayanakuwaqchik.

BIBLIAPIM NIN: “Diospa kuskanchasqantaqa amayá pipas rakichunchu”, nispa (Mateo 19:6).