Bibliapa willasqanqa cumplikunmi

Bibliaqa manam ñawpaq tiempopi pasasqallanmantachu willawanchik, hamuq tiempopi pasananmantapas willawanchikmi. Runakunaqa hamuq tiempopi ima kanantaqa manam willawanchikmanchu. Chaymi yachanchik Bibliaqa Diospa palabran kasqanta. ¿Imatam Bibliaqa nin hamuq tiempomanta?

Willanmi Diospa guerranmanta. Chay guerrawanmi Diosqa Allpapi mana allinkunata chaynataq mana allin runakunatapas puchukachinqa, serviqninkunatam ichaqa waqaychanqa. Diospa churasqan rey Jesucristom nanachikunqa Diospa serviqninkuna hawkalla, kusisqa, mana onqospa chaynataq mana wañuspa kawsakunankupaq.

¿Manachu kusikunchikman Diosqa Allpapi paraisota rurananmanta yachaspaqa? Ichaqa, ¿imatam rurananchik kay paraisopi kawsakuyta munaspaqa? Kay libropa tukupaynin willakuypim yachasunchik imatam rurananchik Diospa rurasqanpi kusikuspa kawsakunanchikpaq. Chaypaqqa leey PUSAQ kaq Parteta hinaspa yachanki hamuq tiempopaq Bibliapa willasqanta.