11 kaq yachachikuy
Diospa rechazasqan creenciapas costumbrepas
¿Imayna creenciakunam costumbrekunam mana allinchu? (1)
¿Creenankuchu cristianokuna Diosqa Trinidadmi nisqankupi? (2)
¿Imanasqam cheqap cristianokuna mana festejankuchu Navidadtapas, Pascuatapas cumpleañokunatapas? (3, 4)
¿Atinmankuchu wañusqakuna kawsaqkuna perjudicayta? (5)
¿Cruzpichu Jesús wañurqa? (6)
¿Mayna valorniyoqtaq Diosta kusichiy? (7)
1. Manam llapan costumbrekunachu nitaq llapan creenciakunachu mana allinqa. Diosmi ichaqa, mana munanchu pantasqa religionkunapa yachachisqanta, Bibliapa yachachisqanpa contranpi kaqkunatapas. (Mateo 15:6.)
2. Trinidad: ¿Trinidadchu Jehová, huk Diosllapi kimsa persona? Manam. Jehová Yayallam “Cheqap Diosqa”. (Juan 17:3; Marcos 12:29.) Jesusqa piwi Churinmi, Diostam kasukun. (1 Corintios 11:3.) Yayaqa Churimanta mayormi. (Juan 14:28.) Espíritu santoqa manam personachu; Diospa fuerzanmi. (Génesis 1:2; Hechos 2:18.)
3. Navidadpas Pascuapas: Jesusqa manam 25 de diciembrepichu nacerqa, 1 de octubreta hinam, chay killapiqa michiqkunapas campollapim animalninkuta tutapas cuidaqku. (Lucas 2:8-12.) Jesusqa manam haykapipas cristianokunata kamachirqachu nacesqan punchaw festejanankupaq. Wañusqanta yuyarinapaqmi ichaqa kamachirqa. (Lucas 22:19, 20.) Ñawpa tiempopi pantasqa religionkunamantam hamun Navidadpas costumbrenkunapas. Chaynataqmi Pascuapi costumbrekunapas, Pascuapi rurasqanku miskimanta runtupas conejopas. Qallariypi cristianokunaqa manam Navidadtapas, Pascuatapas festejarqakuchu, kunanpas cheqap cristianokunaqa manam festejankuchu.
4. Cumpleañokuna: Jehovata mana adoraq runakunapa festejasqan iskay cumpleañollamantam Bibliaqa willan. (Génesis 40:20-22; Marcos 6:21, 22, 24-27.) Punta cristianokunaqa manam cumpleañonkuta festejarqakuchu. Chay costumbreqa ñawpa tiempopi pantasqa religionkunapim qallarirqa. Cheqap cristianokunaqa yachankum regalo qoyta, huñunakunkutaqmi ima punchawpas sumaq rato pasanankupaq.
5. Wañusqakuna manchakuy: Wañusqakunaqa manam imatapas rurankuchu nitaq imatapas sientenkuchu. Manam yanapanchikmanchu nitaq paykunapas perjudicawanchikmanchu. (Salmo 146:4; Eclesiastés 9:5, 10.) Almaqa wañunmi; wañusqan qepamanqa manam kawsanñachu. (Ezequiel 18:4.) Mayninpiqa, demonio nisqa mana allin angelkunam, wañusqakunaman tukuspa rimanku. Wañusqakuna manchakuypas adoraypas mana allin costumbrekunam. (Isaías 8:19.)
6. Cruz: Jesusqa manam cruzpichu wañurqa, raku kaspipim otaq postepi. Griego palabramanta achka Bibliakunapi “cruz” nispa tikrasqankuqa raku kaspi ninantam. Cruz rurayqa ñawpapi pantasqa religionkunamantam hamun. Qallariypi cristianokunaqa manam cruzta servichikurqakuchu nitaq adorarqakuchu. Chayrayku, ¿allinchu kanman adorayninchikpi cruz servichikuy? (Deuteronomio 7:26; 1 Corintios 10:14.)
7. Sasapasmi kanman wakin costumbrekuna creenciakuna saqeyqa. Familiaykikunapas amigoykikunapas manapaschá munanqakuchu chay costumbrekuna saqenaykita. Diosta kusichiymi aswan allinqa runamasinchik kusichiymantaqa. (Proverbios 29:25; Mateo 10:36, 37.)
[22 kaq paginapi foto]
Diosqa manam Trinidadchu
[23 kaq paginapi foto]
Navidadpas Pascua Floridapas ñawpa tiempopi pantasqa religionkunamantam hamun
[23 kaq paginapi foto]
Manam wañusqakunataqa adoranachu nitaq manchakunachu