Allin yachachiq hinaspa allin rimaq kanapaq

MOZO-SIPAS otaq yuyaqña chaynataq warmi otaq qari kaptikipas qatiqninpi yachachikuykunaqa yanapasunkim allinta rimaspa Diospa Palabranmanta allin yachachiq kanaykipaq.

Diosmanta Yachachinapaq Escuelata dirigeq ancianom chay escuelapi matriculasqa kaqkunata ninqa imata ruranankupaq. Qatiqnin 3 paginakunapim tarinki leenaykipaq, discursota otaq demostracionta ruranaykipaq listata. Chay listapi yachachikuykunaqa numerowanmi ordenninpi qallarin, chayman hinam allin rimaq otaq allin yachachiq kanaykipaq qatiqnin paginakunapi yachachikuykunata tarinki. Tarinkitaqmi allin yachachiq otaq allin rimaq kanaykipaq huk yanapakuykunatapas.

Listapi imay colorwan rikuriqmi imapaq kasqanta sutillata qawachin 1) iñiqmasinchikkunapa qayllanpi leenankupaq, 2) demostracionta imayna ruranankupaq, 3) congregacionpi imayna yachachinankupaq. Escuelata dirigeq ancianom nisunki imapi kallpanchakunaykipaq. Imapi kallpanchakunaykipaq nisusqayki yachachikuypa tukupayninpim rurananchikpaq kaqkunata tarinki, chayta ruraptikiqa allintam yanapasunki. Imapi kallpanchakunaykipaq nisusqaykiman hina ruraptikiqa hukpiña kallpanchakunaykipaqmi yapapiqa nisunki.

Demostracionta ruranaykipaq tupasuptikiqa, maypi hinaspa piwan imayna ruranaykipaqmi preparakunayki. Chaypaqqa 82 kaq paginapim imaynakunata ruranaykipaq listata tarinki ichaqa manam chayman hinallachu sapa kuti ruranayki. Ichapas wakinpiqa experienciata hapinaykirayku escuelata dirigeq anciano nisunkiman listapi imayna nisqanman hina ruranaykipaq, wakinpiqa kikikipaschá imayna ruranaykipaqqa tanteanayki kanqa.

Escuelapi ima ruraypas mana tupasuptikiqa kay librota leespa hinaspa rurananchikpaq kaqkunata ruraspaqa sutillatam ñawparinki. Ichapas sapa semana estudiawaq kay libropa sapa yachachikuyninmanta atisqaykiman hina.

Escuelapi unayña kaspa otaq unayña predicaq kaspapas ñawparinaykipaqqa hinallam kallpanchakunayki. Chaymi kallpanchaykiku Diosmanta Yachachinapaq Escuelapi yachachikuykunawan allinta yanapachikunaykipaq.