3 KAQ PARTE

¿Imaynam vida karqa Eden huertapi?

Diosmi tukuy imata qurqa Adanmanwan Evaman (Genesis 1:28).

Jehova Diosmi Evata unancharuspan Adanman quykurqa

Diosmi unancharqa Eva sutiyuq punta kaq warmita, hinaspam Adanman qurqa señoran kananpaq (Genesis 2:21, 22).

Diosmi Adantawan Evataqa unancharqa piensayninkupi hinaspa cuerponkupi mana pantaqta.

Adanwan Evam yachasqanku huertata qawachkanku

Eden sutiyuq sumaq huertapim kawsarqaku, chaypim karqa sumaq sachakuna, animalkuna hinaspa huk mayu. Sumaq paraisom karqa.

Jehova Diosqa paykunawanmi rimaq, hinaspam yachachiq. Chaypi wiñaypaq kawsanankupaqqa Diostam uyarinanku hinaspa kasukunanku karqa.

Diosmi kamachirqa huknin sachapa rurunta ama mikunankupaq (Genesis 2:16, 17).

Rurunta mana mikunankupaq Jehova Diospa harkakusqan sacha

Huk angelmi Diospa contranpi hatarirurqa. Chay mana allin angelpa sutinmi satanas diablo.

Satanasmi culebrawan Evata rimapayachkan pantachinanpaq

Diosmi Adantawan Evata nirqa Eden huertapi huknin sachapa rurunta ama mikunankupaq. Mikuruspankuqa wañunankum karqa.

Satanasqa manam munarqachu Jehova Diosta kasukunankutaqa. Culebrantakamam Evata rimapayarqa mana mikuna sachapa rurunta mikuruspaqa mana wañunanmanta. Aswanqa Dios hina kananmantam nirqa. ¡Hatun llullamá chayqa karqa! (Genesis 3:1-5).