¿Imataq pasarqa satanasta uyariptinku?

Diosta mana kasukusqankuraykum Adanwan Evaqa wañururqaku (Genesis 3:6, 23).

Culebrata kasukuspanmi Evaqa mana mikuna ruruta mikururqa. Chaymantam Adanman quykurqa, hinaptinmi paypas mikururqa.

Chayna ruwasqankuwanmi huchallikurqaku. Chaymi Diosqa Adantawan Evata paraiso huertamanta qarqururqa.

Sasa vidam qallaykurqa paykunapaqwan wawa-churinkupaqpas. Tiempo pasaptinmi yuyaqyaspa wañurqaku. Manam cielomanchu nitaq huk sitiomanchu rirqakuqa, allpayaruspallam chinkarurqaku.

Wañusqakunaqa allpayaruspankum manaña imatapas ruwankuñachu (Genesis 3:19).

Paykunapa miraynin kaspam wañunchik. Wañusqaqa manam uyarinñachu, qawanñachu nitaq imatapas ruwanñachu (Eclesiastes 9:5, 10).

Jehova Diosqa manam munarqachu runakuna wañunantaqa. Chaymi wañusqakunataqa kawsarichinqaña. Kasukuspankuqa manam haykapipas wañunqakuchu. Wiñaypaqmi kawsakunqaku.