¿Imaynatataq huñunakuypaq allinta preparakuna?

Jehová Diospa testigonkunawan Bibliata estudiaspaqa tiempowanraqchá preparakunki. Huñunakuypaqpas chaynatam ruranayki. Allinnikipaqmi kanman ima punchawpi preparakunaykipaq tanteasqaykiman hina ruraynikiqa.

Tanteay maypi hinaspa haykapi estudianaykipaq. ¿Imay horapitaq allinta entiendewaq? ¿Tutapayta manaraq llamkaynikiman richkaspa, icha tutapichu warmaykikuna puñuruptinña? Tiempochakunaykipaq sasa kaptinpas tanteay haykapi estudianaykipaq, ama imawanpas harkachikuychu chay ruraynikitaqa. Hawkalla estudianaykipaq sitiota maskay hinaspa apagay radiota, televisionta chaynataq telefonotapas. Manaraq estudiayta qallarichkaspa Diosta mañakuy imawanpas mana intuchikunaykipaq chaynataq Diospa Palabranta allinta entiendenaykipaqpas yuyaymanay (Filipenses 4:6, 7).

Señalay chaylla contestanapaq kaq palabrakunata. Yachachikuy imamanta kasqanpi reparay. Reparaytaq yachachikuypa titulonpi, sapa subtitulon yachachikuywan imayna tupasqanpi, qawaytaq dibujonkunata hinaspa aswan allinnin kaq yachachikuykunamanta yuyarinapaq kaq tapuykunata leey. Chaymantataq sapa parrafota leespa tapuykuna contestanapaq kaqta maskay. Mana copiasqa textokunata Bibliaykipi maskay hinaspa yachachikuywan imayna tupasqanpi reparay (Hechos 17:11). Tapuykunata contestanapaq kaq palabrakunata yuyanaykipaq señalay. Chayna preparakusqaykiqa yanapasunkim munaspaykiqa makikita hoqarinaykipaq hinaspa entiendesqaykimanta huñunakuypi rimarinaykipaq.

Sapa semanapaq yachachikuykunata chaynata preparakuspaykiqa astawanraqmi Diospa Palabranmanta yachanki (Mateo 13:51, 52).

• ¿Imaynatam hinaspa haykapim huñunakuypaq preparakuwaq?

• ¿Imaynatam preparakuwaq huñunakuypi rimarinaykipaq?