Imaynatam Diosta Servinapaq Huñunakuypaq preparakuchwan
1. ¿Imapitaq yanapawanchik Diosta Servinapaq Huñunakuy, imaynatam allintapuni yanapachikuchwan?
1 Diosta Servinapaq Huñunakuyqa yanapawanchikmi runakunata predicaspa allintapuni yanapanapaq. Yachachiwanchiktaqmi Diospa Gobiernonmantawan piñakuynin punchawmanta willakunapaq, hinaspa runakunata Jesuspa qatiqnin kanankupaq yanapanapaqpas (Mat. 28:20; Mar. 13:10; 2 Ped. 3:7). Kay huñunakuywan allinta yanapachikunapaqqa, allin preparasqam rinanchik hinaspa chaypi rimarinanchikpaq hina.
2. ¿Imaynatam preparakuchwan discursokunata allinta entiendenanchikpaq?
2 Discursokunamanta: Discursokunaqa ñam willasqaña kachkan ima qellqapi takyananmanta. Chaymi preparakuchwan hinaspam textonkunatapas maskachwan, chaymantapas piensachwanmi predicacionpi imayna servichikunamanta.
3. Tapukuykunawan kutichikuykunapiwan yachachikuy kaptin, ¿imaynatam preparakuchwan?
3 Tapukuykunawan kutichikuykunapiwan yachachikuymanta: Kayqa pisilla rimaywanmi qallarin chaynallataqmi tukunpas, hinaspam Llaqta Cuidaq revistata hina estudiakun. Kaypaqqa sapa parrafopi yachanapaq kaqkunallatam marcachwan hinaspam allinta rimarinapaq listo kachwan.
4. ¿Imaynatam preparakunanchik huñunakuypi kaqkunawan discursopaq?
4 Huñunakuqkunawan ruranapaq discursomanta: Discurso hina rurakuptinpas, yachachiqqa huñunakuypi kaqkunatam tapunqa rimarinankupaq. Chaymi allinta preparakuspa textokunatapas maskaspaqa, atinkichá tapukuykuna kaptin kutichiyta. Yachachiqqa kallpanchakunqachá huñunakuypi kaqkuna yachananpaq kaqkunamanta rimarinankupaq.
5. ¿Imataq astawan yanapawasun demostracionkunata allinta servichikunapaq?
5 Demostracionkunamanta: Wakin yachachikuykunapim imayna predicanapaq demostracionkuna kan, hinaspam ancianokunata, allin predicaqkunata otaq precursorkunata nin chay demostracionkunata ruranankupaq. Chayna kaptinqa imayna rurakunanmanta piensaspanchikmi preparakunanchik. Demostracionta qawaspaykiñataq, piensay kikikipa rimaynikipi imayna predicanaykipaq. Amataq qonqaychu, demostracionpi servichikuna qellqakunata apayta. Hinaspañataq familiaykiwan Biblia estudiasqaykichik tutapi, chay demostracionkunata practicawaqchik.
6. Rimariy imaraykutaq Diosta Servinapaq Huñunakuypaq preparakunanchik.
6 Diosta Servinapaq Huñunakuyqa allintam yanapawanchik preparakuptinchikqa hinaspa yachachikuyta chaskinapaq ganasllawanña suyaptinchikqa. Chaymantapas yanapawanchikmi kallpanchanakunanchikpaq (Rom. 1:11, 12). Allinta tiempochakuspa preparakuptinchikqa kay huñunakuyqa allintam yanapawasun Diospa munayninta rurananchikpaq (2 Tim. 3:17).