¿Imataq familiawan Diosta yupaychayqa?

Ñawpa tiempomantaraqmi Jehová Diosqa ayllukunata kallpanchan familiantin iñiyninkupi kallpanchanakunankupaq chaynataq huñulla kanankupaqpas (Deuteronomio 6:6, 7). Chaymi Testigonkunaqa familiantin Diosta yupaychanaykupaq tanteaniku necesitasqaykuman hina Bibliapa yachachikuyninkunamanta sapa semana estudianaykupaq. Sapallanku kaqkunapas Diosta yupaychanankupaqmi tiempochakunmanku Bibliamanta astawan yachanankupaq.

Jehová Diosman astawan asuykuymi. ‘Diosman asuykuptinchikqa paypas asuykuwasunmi’ (Santiago 4:8). Jehová Diostam astawan reqsinchik imayna Dios runakunawan kasqanmanta Palabranta estudiaspa. Familianchikwan estudiayninchiktaqa qallarichwanmi Bibliata kallpawan leespa, chaypaqqa ichapas sapa semana leechwan Diospa Munayninta Ruwananchikpaq huñunakuypi leenapaq tanteasqaña textokunata. Sapakamam leenmanku akllasqanku textokunata hinaspam imapas yachasqankumanta rimarinmanku.

Familianchikwan astawan kuyanakuymi. Qosakunam señorankuwan chaynataq tayta-mamakunam wawa-churinkuwan astawan kuyanakunku Bibliata kuska estudiasqankuwan. Chayna estudianankupaq tanteasqanku punchawtaqa kusikuywanmi suyanqaku. Ichapas wawa-churinkupi piensaspa Willakuq, ¡Rikchariy! revistapa hinaspa jw.org nisqanpi yachachikuyninkunata paykunawan estudianmanku, estudianmankutaqmi warmanku escuelapi ima sasachakuyninkutapas imaynata atipanankupaq yachachispa. Huñunakuypaq tupaq takikunatapas takinmankum, estudiasqanku tukuytañataqmi imallatapas mikunmanku.

Diosta yupaychanapaq familianchikwan sapa semana kallpanchakusqanchikqa yanapawanchikmi Bibliata kusikuywan estudiananpaq. Chayna rurasqanchikmantaqa astawan bendecisqam kasun (Salmo 1:1-3).

• ¿Imanasqam Diosta yupaychanaykupaq sapa semana tiempochakuniku?

• ¿Imatam tayta-mamakunaqa ruranmanku Dios yupaychayninku kusikuypaq kananpaq?