¿Ima sumaq willakuykunataq ñoqanchikpaq kachkan?

1. ¿Ima noticiakunamantam Diosqa willawanchik?

Diosqa munanmi lliw runakuna kusisqa kawsananchikta. Runakunata kuyaspanmi Allpa pachataqa tukuy imayoqta unancharqa. Ñakariytaqa chayllam chinkachinqaña hamuq tiempopi hawkaña kawsakunapaq. Leey Jeremias 29:11.

Manam pi gobiernopas chinkachiyta atinchu wañuchinakuyta, onqoyta nitaq wañuytapas. Diosmantam ichaqa allin noticiakuna kachkan, paymi lliw gobiernokunata chinkachinqa hinaptinmi gobiernollanña wiñaypaq takyanqa. Chaymi serviqninkunaqa manaña onqospa hawkayaypi kawsanqaku. Leey Isaias 25:8; 33:24; Daniel 2:​44.

2. ¿Imaynanpitaq allinpuni kay allin noticiakunaqa?

Diosqa mana allin runakunatam chinkachinqa manaña ñakariy kananpaq (Sofonias 2:3). ¿Haykapitaq chaytaqa ruranqa? Bibliaqa willarqañam kay tiempopi imanasqa sasachakuykuna kananta. Chay willakuykuna cumplikusqanmi qawachin Diosqa chaykunata chaylla chinkachinantaña, chaymi Diosmanta allin noticiakuna uyariyninchikqa allinpuni. Leey 2 Timoteo 3:​1-5.

3. ¿Imatam chaypaqqa rurananchik?

Bibliatam Diosmanta yachanapaq estudiana kuyakuq taytapa cartanta leechkaq hina. Chay qellqam willawanchik imaynatam kusisqa kawsachwan chaynataq imata ruraspam hamuq tiempopi wiñay kawsaytapas haypachwan. Ichaqa manamá lliwchu kusikunqaku Biblia estudiasqaykiwanqa. Chayna kaptinpas amayá chaywanqa hukmanyaychu, kallpanchakusqaykiqa manam yanqapaqchu kanqa. Leey Proverbios 29:25; Apocalipsis 14:​6, 7.