¿Pitaq kay pachata munaychakun?

¿Pitaq kanman?

BIBLIAM NIN:

‘Mana allin runakunaqa satanaspa munaychakusqanmi kachkanku’, nispa (1 Juan 5:19, Musuq allpa pachapi kawsaqkunapaq biblia).

“Chayraykum Diospa churinqa rikurimurqa diablopa ruwasqankunata chinkachinanpaq”, nispa (1 Juan 3:8).

Imanasqa sasachakuykuna kasqanmantam yachanki (Apocalipsis 12:12).

Kay pachapi mana allin kaqkunaqa tukunqapunim (1 Juan 2:17).

Manam, qawasun imanasqa:

Satanaspa gobiernonqa tukunqam. Jehova Diosqa tukuchiytam munachkan satanaspa munaychakusqantaqa. Prometewanchiktaqmi diablota ‘pasaypaqta chinkachinanpaqpas’ (Hebreos 2:14).
Diosmi Jesucristota akllarqa kay pachata kamachimunanpaq. Jesusqa manam kay pachata munaychakuq diablo hinachu. Jesuspa imayna kamachimunanmantam Dios nirqa: “Mana piyniyuqkunatawan wakchakunatam yanapaykunqa [...]. Sasachakuymantawan ñakariymantam paykunataqa libraykunqa”, nispa (Salmos 72:13, 14).
Diosqa manam llullakunmanchu. Bibliapim nin ‘Diosqa mana llullakuq’ kasqanmanta (Hebreos 6:18). Jehova Diosqa cumplinpunim prometesqantaqa (Isaias 55:10, 11). ‘Kay pacha kamachiqqa wischusqam kanqa’ (Juan 12:31).

¿Imaynataq kay pacha kanqa satanas manaña kamachiptin?

Chaymantam yachawaq SALMOS 37:10, 11 hinaspa APOCALIPSIS 21:3, 4 nisqanpi.