¿Imataq Diospa gobiernonqa?

BIBLIAM NIN:

‘Hanaq pacha Diosmi huk gobiernota hatarichinqa’, nispa (Daniel 2:44, willakuy, Musuq allpa pachapi kawsaqkunapaq biblia).

“Warmachatam quykuwanchik. Payqa kamachiqmi kanqa”, nispa (Isaias 9:6).

¿IMAPIM KAY NISQAN YANAPAWACHWAN?

• Allin gobierno kasqanraykum sapakamata yanapawasun (Isaias 48:17, 18).

• Ñam chayaykamuchkanña manaña unquspa hawka kawsakunapaq tiempo (Apocalipsis 21:3, 4).

¿ISKAYRAYANACHU BIBLIAPA NISQANMANTA?

Manam, qawasun imanasqa:

• Jesusqa Diospa gobiernonpi imakuna ruwanantam qawachirqa. Yachachirqam Diospa gobiernon hamunanmanta hinaspa kay pachapi munaynin ruwakunanmanta qatiqninkuna mañakunankupaq (Mateo 6:9, 10). Chaymantapas qawachirqam Diospa gobiernon imakuna ruwananmanta.

  Jesus kay pachapi kaspanqa yarqaymanta kaqkunatam mikuchirqa, unquqkunatam hampirqa hinaspapas wañuqkunatam kawsarichirqa (Mateo 15:29-38; Juan 11:38-44). Chaykuna ruwasqanwanmi sutillata qawachirqa Diospa gobiernonpi kamachispan tukuy imakuna ruwananmanta (Apocalipsis 11:15).

• Tukuy ima pasakusqanmi qawachin Diospa gobiernon kayllapiña kasqanta. Diospa gobiernon manaraq kay pachata kamachimuptin guerrakuna, terremotokuna hinaspa muchuykuna kananmantam Jesusqa willakurqa (Mateo 24:3, 7).

  Chaykuna nisqanmi kunanqa sutilla qawakuchkan. Chaymi mana iskayrayachwanchu Diospa gobiernon chaykunata chinkachinanmantaqa.