8 KAQ YACHACHIKUY

Rikchanachiykunawanmi yachachina

Mateo 13:34, 35

Yachachisqanchik sumaq kananpaqqa, rikchanachiykunatam ruwana. Chaynapim allinta uyarispanku yachachisqanchikta entiendenqaku.

Riqsisqanku kaqkunawanmi rikchanachina. Jesusta qatipakuspam imapas riqsisqanku kaqkunallawan sasa entiendenapaq kaqkunata rikchanachispa yachachina. Chay rikchanachiyqa chaylla entiendenapaqmi kanan. Yachachisqanchikman hinataqmi kanan, chaynapi mana sasachakuspalla entiendenankupaq.

Rikchanachiykunataqa hurquchwanmi imapas qawasqanchik kaqkunamanta hinaspa qillqanchikkunamanta. Yachachwantaqmi allin yachachiqkunamantapas, hinaspam yachachinanchikpaq waqaychakuchwan.
Uyariwaqninchikkunataqa manam hukmanyachinachu. Rikchanachiykunaqa runakunapa ruwasqankuman hina utaq yachay munasqankuman hinam kanan. Manamá hukmanyachinapaq hinachu kanan.
Imamanta yachachisqanchikqa sutillam kanan. Rikchanachiykunata ruwasun yachachiy munasqanchikta entiendenankupaq. Rikchanachisqallanchikta yuyanankumantaqa, kallpanchakusun yachachiy munasqanchikta yuyanankupaq.