Aswan allinta yachachinapaq kimsa yanapakuykuna
1. ¿Imanasqataq hinalla kallpanchakunanchik aswan allin yachachiq kanapaq?
1 Diosmanta willakuqkunaqa lliwmi yachachiq kanchik. Sumaq yachachikuykunamantam runamasinchikman yachachiyta munanchik: predicaspapas, kaqmanta watukuspapas otaq Bibliamanta estudiachispapas. ‘Bibliapa yachachisqankunamanta’ explicaspataqmi ‘salvakunankupaq’ yanapanchik (2 Tim. 3:15). ¡Mayna sumaqmi chayqa! Allinpunim aswan allin yachachiq kanapaq hinalla kallpanchakuyqa. Chaypaqmi kimsa yanapakuykuna kachkan.
2. Mana sasachakuspa entiendenankupaq, ¿imaynatam yachachina?
2 Ama sasa entiendenatachu yachachisun. Allin entiendesqanchik yachachikuymanta hukkunaman willaspaqa, qonqaruchwanpaschá yachachisqanchik paykunapaq mosoq hinaspa sasa entiendena kasqanta. Chaymi Bibliamanta yachachispaqa mana allinchu tukuy imamanta huk kutillapi willayqa. Chayna ruranamantaqa aswan allinnin kaq yachachikuykunallamantam willana. Allinta yachachinapaqqa manataqmi rimaysapallañachu kananchik (Pro. 10:19). Manataqmi lliw textokunatachu maskananchik, allinmi kanman astawan entiendechiq textokunallata leeyqa. Leeruspañataq qawachina chay textokuna yachachisqanchikwan imayna tupasqanmanta. Yuyarisun, Jesusmi sasa entiendena yachachikuykunamanta willarqa Ancha Reqsisqa Yachachikuyninpi (Mateo 5-7 capitulokunapi). Chaykunamanta yachachispanqa manam sasa entiendena rimaykunawanchu nitaq llumpayta rimaspanchu yachachirqa.
3. ¿Imanasqataq rikchanachiykunata servichikuyqa ancha allin, hinaspa imataq aswan allinqa kanman?
3 Rikchanachiykunata servichikusun. Piensarinanchikpaq, yuyananchikpaq chaynataq imayna sientesqanchikta qawachinapaqmi rikchanachiykunaqa yanapawanchik. Rikchanachiykunata allintapuni servichikunapaqqa manam sumaqllaña willakuqraqchu kananchik. Jesusqa manam unayta willaspachu nitaq sasa entiendenatachu servichikurqa (Mat. 7:3-5; 18:2-4). Kantaqmi huk rikchaq allin rikchanachiykunapas, chaykunaqa kanman facil entiendenapaq yanapakuq dibujokunam. Allinta preparakuspaqa sumaq rikchanachiykunapichá piensasun.
4. ¿Imaynatam tapukuykunata allinta servichikuchwan?
4 Tapukuykunata allinta servichikusun. Tapukuykunaqa Biblia estudiaqtam yanapan piensarinanpaq. Chaymi tapuspanchikqa contestananta pacienciakuspa suyananchik. Utqayllaman ñoqanchik contestaspaqa manach yachachwanchu paypa ima entiendesqanmantaqa. Pantasqata contestamuptinpas manachá chayllataqchu mana chayna kasqanta nisunchik, yaqapaschá allin kanqa huk tapukuykunallawan allinta entiendenanpaq yanapayqa (Mat. 17:24-27). Chaywanpas, yachanchikmi lliw yachachiqkunaqa pantaq kasqanchikta. Bibliaqa qawachiwanchikmi imayna yachachisqanchikta allinta qawakunapaq, chayna rurayninchikqa uyariwaqninchiktawan ñoqanchiktapas allintam yanapawasun (1 Tim. 4:16).