BIBLIAMANTA TAPUKUYKUNA

¿Imatam Jesusqa ruwanqa hamuq tiempopi?

33 kaq watapi Jesus wañukurqa hinaspa kawsariruspanmi hanaq pachaman kutikurqa. Chaymanta pachak watakuna pasaytam rey kananpaq nombrasqa karqa (Daniel 7:13, 14). Hamuq tiempopiqa kay Pachapi tukuy mana allinkunatam chinkachinqa chaynataq wakchayaytapas. (Leey Salmo 72:7, 8, 13.)

Jesucristo kay Allpa pachata Gobiernaspanqa tukuytam sumaqllataña allichanqa. Taytanpa atiy qosqanwanmi runakunapa pantaq kayninta chinkachinqa. Kay pachapi kawsaqkunaqa mana yuyaqyaspam wiñaypaq kawsanqaku. (Leey Juan 5:26-29; 1 Corintios 15:25, 26.)

¿Imatataq Jesusqa kay tiempopi ruwachkan?

Qatiqninkunatam yanapachkan Diospa Gobiernonmanta enteron Pachapi willakunankupaq. Jesusmi nirqa Diospa Gobiernon runakunapa gobiernonta chinkachinankama qatiqninkunata Diosmanta willakuypi yanapananpaq kasqanmanta. (Leey Mateo 24:14; 28:19, 20.)

Cheqap cristianokunapa congregacionnintakamam Jesusqa runakunata yanapachkan allinta kawsanankupaq. Mana allin runakunapa puchukasqan tiempopipas hinallam yanapanqa chaynataq Diospa prometesqan mosoq Pachapipas. (Leey 2 Pedro 3:7, 13; Apocalipsis 7:17.)