¿YUYACHKANKICHU?
¿Leerqankichu qaynakunalla chaskisqayki Willakuq qellqakunata? Hinaptinqa, yaqapaschá kay tapukuykunata kutichiwaq:
Nisan killapa 14 punchawninpi, ¿imay horatam carnerota otaq chivatota wañuchinanku karqa?
Wakin Bibliakunapa nisqanman hinaqa, ‘inti seqaykuruptinñam’ carnerotaqa wañuchinanku karqa, ichaqa achkillaraqmi kanan karqa (Ex. 12:6) (15/12, 18 hinaspa 19 paginakunapi).
¿Bibliapi ima ancha allin yanapakuykunam mozo-sipaskunata yanapanman allinta tanteanankupaq?
1) Diospa Gobiernontawan allin ruwayta puntata maskay (Mat. 6:19-34). 2) Hukkunata yanapaspa kusisqa tarikuy (Hech. 20:35). 3) Mozo-sipasllaraq kaspa Jehova Diosta serviy (Ecl. 12:1) (15/1, 19 hinaspa 20 paginakunapi).
¿Haykapitaq Carneropa casarakuynin kanqa? (Apoc. 19:7.)
Rey Jesucristo vencenanpaq lloqsisqanpa qepantam otaq ‘Hatun Babilonia’ chinkachisqa karuptinmi hinaspa Armagedonwan sutichasqa tukuy atiyniyoq Diospa guerran qepatam (15/2, 10 paginapi).
¿Imanasqataq punta pachak watapi judiokuna suyarqaku Mesias chayamunanmanta? (Luc. 3:15.)
Manamá nichwanchu punta pachak watapi judiokuna Mesias chayamunanmanta Danielpa willakusqanta allinta entiendesqankumantaqa (Dan. 9:24-27). Chayna kaptinpas, ichapas uyarirqaku oveja michiqkunaman angelpa ima nisqanta otaq Diosmanta willakuq Ana templopi wawa Jesusta rikuruspan nisqanta. Chaymantapas, yachayniyoq runakunam Jerusalenman chayarurqaku ‘judiokunapa reynin naceqta’ maskaq (Mat. 2:1, 2). Watakuna pasaytañataqmi bautizaq Juan willakurqa Mesias chayllaña rikurimunanmanta (15/2, 26 hinaspa 27 paginakunapi).
¿Imatam ruwachwan arí nisqanchik mana yanqa kananpaq? (2 Cor. 1:18.)
Wakinpiqa imapas nisqanchiktaqa manam cumpliyta atisunchu qonqaymanta imapas mana piensasqanchik pasarusqanrayku. Cristianokunam ichaqa imatapas prometekuspanqa tukuyta ruwanan chayta cumplinanpaq (15/3, 32 paginapi).
¿Ima sasachakuykunam kanman pi cristianopas familianta saqespan llamkayrayku huk nacionman astakuptin?
Familia kuskalla mana yachaptinqa churi-wawakunam imayna kasqankupiwan imayna kawsasqankupi qalaypaq hukmanyarunmanku. Chaymantapas, casarasqa kaqkuna kuska mana yachaspankuqa huchapakuymanmi wichiykunmanku (15/4, 19 hinaspa 20 paginakunapi).
¿Imaynatam millakuypaq qalalla kaqkuna qawaymanta controlakuchwan?
Kimsa consejokunam kaykuna: 1) millakuypaq qalalla kaqkunata rikuruspaqa huklawmanmi chaylla qawananchik, 2) imapas piensasqanchikta cuidakuspam allin kaqkunapi piensananchik hinaspapas Diostam mañakunanchik, 3) cuidakunanchiktaqmi ima ruwasqanchikpipas, chaymi peliculakunapi otaq Internetpi millakuypaq qalalla kaqkunataqa mana qawananchikchu (1/5, 10-12 paginapi).
¿Ima tawa tapukuykunapim reparananchik pimanpas Diosmanta willaspanchik?
¿Pikunamantaq willasaq? ¿Maypitaq willasaq? ¿Haykapitaq allinpuni kanman willanaypaq? Hinaspa, ¿imaynatam willayta qallarisaq? (15/5, 12-15 paginakunapi.)