BIBLIAMANTA TAPUKUYKUNA
¿Wakcha kayqa wiñaypaqchu kanqa?
¿Imaynatam diosqa chinkachinqa wakchayayta? (Mateo 6:9, 10)
Llumpay wakcha kasqankuraykum wara-waranqantin runakuna sapa wata wañunku yarqaymanta utaq unquykunawan. Wakin nacionkunapi apu kaptinkupas nana-nanaq runakunam wakcha kanku. Bibliam willakun wakchayayqa ñawpaqmantapacha kasqanta (leey Juan 12:8).
Wakchayaytaqa tukuchinman enteron pachata huk allin gobernante kamachispallanmi. Chay gobernanteqa tukuchinantaqmi guerrakunata, achka runakunam wakchayaypi tarikunku guerrakuna kasqanrayku. Chayna gobernante churanamantam Dios niwanchik (leey Daniel 2:44).
¿Pitaq wakchayaytaqa tukuchinqa?
Jehova Diosmi churin Jesucristota churarun kay pachata kamachimunanpaq (Salmo 2:4-8). Jesusmi runakunata yanapanqa wakchayayninta chaynataq tukuy sasachakuyninta chinkachispan (leey Salmo 72:8, 12-14).
Jesucristoqa ‘hawkayay qukuqmi’ chaymi pay kamachimuptinqa hawkayaypi kawsakusunchik. Lliw runakunam kasunchik wasiyuq, allin llamkayniyuq hinaspa achkanpi mikuyniyuq (leey Isaias 9:6, 7; 65:21-23).