Agradecido kasun
1 “Sasa tiempokunapi kawsanchik chaypas”, achka razonkunam kan Jehovata agradecekunanchikpaq (2 Tim. 3:1). Ñoqanchikrayku sapallan Churinta qosqanmantam mastaqa agradecekunanchik (Juan 3:16). Chaymantapas Testigokunaqa achkatam chaskinchik espiritualpi mikunata, pantasqa religionpi kaqkunaña yarqaymanta kachkanku chaypas (Isa. 65:13). Mundontinpi wawqepanintin kaspam lliw sitiopi llapanchik willanchik cheqap adoracionmanta (Isa. 2:3, 4; 60:4-10, 22). ¿Imaynatam Jehovaman rikuchichwan imaymana bendicionkuna qowasqanchikmanta agradecido kasqanchikta? (Col. 3:15, 17.)
2 Kusikuywan mana obligasqa servisqanchik. Qollqewan yanapaymanta rimaspam apóstol Pablo qellqarqa: “Diosqa kuyakun kusikuywan qoqtam” (2 Cor. 9:7). Kaqllataqmi servicionchikpipas, agradecido kayninchikmi rikukun Bibliamanta yachasqanchikwan, reunionkunapi uyarisqanchikwanpas kusisqa kasqanchikpi, serviciopi achkata llamkaspa Diospa munaynintapas kusisqa rurasqanchikpi (Sal. 107:21, 22; 119:14; 122:1; Rom. 12:8, 11).
3 Ñawpa tiempo Israelpi Leyqa manam nirqachu sapakama ofrendapaq hayka qonankuta. “Jehovapa bendecisqanman” hina qospam israelitakunaqa agradecido kayninkuta rikuchirqaku (Deu. 16:16, 17). Kunanpas kaqllataqmi: agradecesqa sonqonchikmi kallpachawasun atisqanchikman hina achkata predicananchikpaq hukkunaman yachachinanchikpaqpas. Kay killakunapim rikuchinchikman Diospaq agradecido kasqanchikta. Vacacionninkupim wakinqa aswan achkata predicanku otaq precursor auxiliarpas kanku. ¿Atichwanchu kay killakunapi masta predicayta?
4 Anchata agradecekusun. Oracionninchikwanmi rikuchisun Jehovata agradecekusqanchikta (1 Tes. 5:17, 18). Diospa Palabranmi kallpachawanchik “iñiypipas agradecimientopipas llimparinanchikpaq” (Col. 2:7). Achka ruranayoq kaspa otaq llumpay llakisqa kaspapas, sapa punchaw oracionninchikpi Diosta agradecekusun (Fili. 4:6). Chaynapim, servicionchikpipas oracionninchikpipas, “apu kasun Diosninchikta anchata agradecekuspa” (2 Cor. 9:12).