Asamblea programa repasanapaq mosoq arreglo
Satanaspa mundonpi mana allin kawsaypa astawan yapasqan tiempopin, Jehovaqa kallpata qowanchis “Diospa mana munasqan kaqkunatapas, kay pachaq kaqninkunata sinchita munaytapas wikch’upuyta, hinaspa allin yuyaywan purispa, chaninta kawsaspa, Diosta manchakuspa kay pachapi kawsananchispaq” (Tito 2:12). “Esclavo fiel y discretowan” Diospa qowasqanchismi circuito asambleapas, día especial asambleapas (Mat. 24:45, NM). ¡Anchatan espiritualpi kallpachawanchis kay huñunakuykunaqa!
Asambleapi yachasqanchista mana qonqaspa kasukunanchispaqmi, servicionchispaq 2005 watapi kanqa repasanapaq mosoq arreglo. Kay suplementopi 5, 6 paginakunapi temakunan ñawpaqmanta willawanchis asambleapi programata, asambleamanta repasana tapuykunatapas. Chay temakunatan congregacionkunaqa analizanqaku Reunión de Serviciopi sapa asamblea ñawpaqta, asamblea qhepatapas. ¿Imaynan kanqa chay arreglo?
Circuito asamblea ñawpaqtan huk ostaq iskay semana ñawpaqta Reunión de Serviciopi kanqa chunka minuto discurso, chaytan ruwanqaku “Asamblea programa repasanapaq mosoq arreglo” nisqa temamanta. Chay discurso ruwaqqa willanqan repasopi tapuykunata, uyariqkunatapas kallpachanqan asambleapi uyarisqankuta anotanankupaq, chaymantan preparakunqaku asamblea qhepa semanakunapi repasopaq.
Asamblea qhepa semanakunatan Reunión de serviciopi repasota ruwanqaku chunka pisqayoq minutopi, asambleapi ñawpaq p’unchay programamanta, qatiqnin semanatataq asambleapi iskay kaq p’unchaypi programamanta chunka pisqayoq minutota. Iskaynin discursotan ruwanqaku suplementopi qelqasqa tapuykunawan. Repasotaqa ruwananku cristiano kawsayninchispi yanapananpaq hinan. Chay repaso ruwanankupaqmi ancianokunaqa Reunión de Serviciopi huk discursokunata pisiyachinkuman, manañapas ruwankumanchu otaq huk semanakunapipas ruwankuman.
Día especial de asambleapaq repasotapas kaqllatan ruwanqaku, kay repasotan ichaqa huk kutillapi ruwanqaku chunka pisqayoq minutopi. Llapanchismi kay suplementota waqaychananchis leenanchispas Jehová Diospa yachachiwasqanchista sonqonchispi hap’inanchispaq (Isa. 48:17, 18).