2010 watapaq huk punchaw asambleamanta
1. a) Pasaq watakunapi huk punchawlla asambleakuna, ¿imayna sutichasqam karqaku? b) ¿Yanapasurqankichu predicaynikipi?
1 “Allin kaqkunamanta segurakuychik”, “Huk sonqolla qaqa hina takyasun”, “Hinalla cheqapmanta willakusunchik”, “Ñoqaykuqa mitu hinam kallaniku, Jehová Diosmi ichaqa Manka ruraq hina” (Fili. 1:9, 10, 27; Juan 18:37; Isa. 64:8). Kayna sutichasqam karqaku, pasaq watakunapi huk punchawlla asambleakuna. Kunanqa hichpaykamuchkanñam 2010 watapaq huk punchaw asambleanchik, hinaspam 1 Corintios 7:29 nisqanman hina, kayna sutiyoq kanqa: “Manañam tiempo kanñachu”. Arí, ¡munanchikmá chaypi kaytaqa!
2. ¿Imaynatam hukkunata kallpanchachwan asambleata kusikuywan suyanankupaq?
2 Huk punchaw asamblea haykapi kananmanta congregacionnikipi willakuptinqa, familiaykita kallpanchay kusikuywan suyanankupaq. Chaypaqmi wakin tayta-mamakuna, calendariopi chay punchawta qellqanku, qellqankutaqmi imakuna necesitanankumanta hinaspa warmankuwanpas yupanku hayka punchaw faltasqanmanta. Chaymantapas Familiawan Diosta Yupaychanapaq Tutapim estudiawaqchik chayna pasaq asambleapi qellqasqaykichikmanta. Estudiawaqchiktaqmi Benefíciese libropa 13-16 paginakunapa yachachisqanta, chaynapi ‘sumaqta uyarinaykichikpaq’ (Luc. 8:18).
3. ¿Imatam rurachwan yachasqanchikkunata allinta servichikunapaq?
3 Yachasqaykita rurayman churay: Asamblea tukuruptinmi uyarinchik: “¡Sumaqtam yacharunchik!”, nisqankuta. Arí, sumaqmá Jehová Diosmanta chay yachachikuy kasqanrayku (Pro. 10:22). Ichaqa tukuy yachasqanchikkuna yanapawananchikpaqqa yuyaymanananchikmi (Luc. 8:15). Chaymi wasiman kutispaqa, asambleapi yachasqaykimanta familiaykiwan otaq riqmasikiwanpas rimawaq. Rimaychiktaq ima ruranaykichikpaq tantearusqaykichikmanta chaynataq predicanapaq imapi yanaparususqaykichikmantapas. Chaynapim yachasqaykita allinta servichikunki (Sant. 1:25).
4. ¿Imanasqataq allinninchikpaq kanqa hichpamuq huk punchaw asamblea?
4 Munasqanchik regalota chaskispanchikqa, kusisqamá tarikunchik ¿aw? Chaymi kusikuyllawanña suyachkanchik hichpamuq huk punchaw asambleapi Jehová Diospa ima yachachiwananchikta. Tukuy imapim allinta yanapawasunchik, Taytanchik Jehová Diosqa necesitasqanchik kallpatawan predicanapaq yachaytam qowasunchik (2 Tim. 4:2; Sant. 1:17).