Respetananchikmi Jehovapa kamachisqanta
¿Imatam yuyarichisunki ñawpa tiempopi Coré, Datán, Abiran sutikuna? Contrapi churakuspa hatarisqatachá. ¿Yuyachkankichu pipa contranpi churakusqankuta? Diospa kamachisqan contrapim. Kaykunamantam willan Biblia Números libropi 16 capitulopi, 2002 watapi 1 de agosto Atalayapas kaymantaqa explicarqam “Sumisión leal a la autoridad divina” nisqa temapi. Chayrayku manaraq kay videota qawachkaspa leesun kay revistapa willasqanta chaymi, Respetemos la autoridad de Jehová nisqa allin yachachiq videota qawaspaqa allinta entiendesun. Kaypim rikunki Diosta kasukuq churinkuna, mana kasukuq papanku Corewan mana tupasqanta, Coreqa Jehová Diospa Kamachinanpaq derechonpa contranpim churakurqa (Núm. 26:9-11). Kay dramapi rikusqanchikqa cheqaptam sucederqa, llapanchiktam kallpachawananchik astawanraq Jehová Diosta kuyakunanchikpaq.
Videota qawaspaykiqa, allinta qaway mana kasukuq Coré runapas compañeronkunapas imaynata Diospa contranpi churakusqankuta: 1) ¿Imaynatam rikuchirqaku Diospa kamachisqanta mana respetasqankuta? 2) ¿Imaynatam vencechikurqaku orgullowan, ambicioso kaywan, celoso kaywanpas? 3) ¿Imaynapim Jehovapa nombrasqan runakunapa pantasqallanta qawarqaku? 4) ¿Imamantam quejakurqaku? 5) ¿Imanasqam mana contentakurqakuchu Diospa kamachisqanwan? 6) ¿Imaynatam familiankuwan allinpi kayta puntaman churarqaku Diosta kasukunankumantaqa?
Imaynatam kay drama kunan punchaw sapakamata yanapawanchik Diospa kamachisqanta kasukunapaq: 1) ¿Imaynatam qawana congregacionpi ancianokunapa decidisqanta, imanasqam chayta rurana? 2) ¿Imaynatam chinkachichwan sonqonchikpi mana allin piensaykuna rikuriptin? 3) ¿Imaynatam qawananchik umalliwananchikpaq churasqa runakunapa pantasqanta? 4) ¿Imatam rurananchik sonqonchikpi quejakuy qallariptin? 5) ¿Imaynam sientekunanchik ima privilegiotapas chaskispa? 6) ¿Pikunatam mana haykapipas Diosmanta mastaqa kuyanachu, haykapim kay ñoqanchikpaq sasa kanman?
Congregacionpi kaykuna yachasqayki qepaman, ¿qawawaqchu yapamanta kay videota? Chaynapim mana haykapipas qonqankichu Jehovapa kamachisqan respetanaykita. (Sal. 18:25; 37:28).