Kimsa kaq parte: Bibliawan allinta yanapasun
Diosta servinankupaq hina estudiota qosun
1. ¿Imanasqam Bibliawan yanapachikunanchik Bibliamanta yachachispa?
1 Bibliamantaqa yachachinchik Jesuspa “discipulon kanankupaqmi”, chaytaqa rurasun Diospa Palabranpa yachachisqanta allinta entiendespa kasukuptinkum (Mat. 28:19, 20, NM; 1 Tes. 2:13). Chaymi Bibliamanta yachachinanchik. Qallariypiqa allinmi kanman estudiantekunapa Biblianpi textokuna maskanankupaq yachachiy. ¿Imaynatam Bibliawan yanapanchikman espiritualpi wiñanankupaq?
2. ¿Imaynatam decidisun ima textokuna leenapaqpas analizanapaqpas?
2 Akllay leenayki textokunata. Estudiopaq preparakuspaqa, allinta qawariy estudiasqayki tema sapakama textowan imayna tupasqanta, chaymantataq akllay estudiaptikichik mayqen texto leenaykichikta. Aswan allinqa creesqanchik temakuna rikuchiq textokuna leeymi. Manapaschá leewaqchu wakin textokunataqa. Sapakama estudiantepa necesitasqanman hina yanapay.
3. ¿Imaynatam yanapan tapuykuna, imaynatam tapuna?
3 Tapuy estudianteta. Textokunata qam kikiki explicanaykitaqa, estudiantewan qam explicachikuy. Chaytaqa ruranki texto leesqaykichikmanta paypa entiendesqanta tapuspam. Leesqaykichik texto fácil entiendena kaptinqa, tapuriy parrafopa nisqanwan chay textopa imayna tupasqanta. Mayninpiqa kutichinanpaq hina tapuna otaq achka tapuykunatapas tapuna Bibliapa nisqanman hina estudiante entiendenanpaq. Allin entiendenanpaq hina masta explicana kaptinqa, estudiantepa kutichisqan qepataña explicay.
4. ¿Imakunatam explicananchik leesqanchik textokunamanta?
4 Entiendenanpaq hina yachachiy. Flechata allin manejaq runaqa chulla flechallawanmi hapichin imapas munasqanta. Chaynam allin yachachiqpas, manam achkatachu riman imapas entiendechinanpaq. Fácil entiendenanpaq hinam asllata riman. Mayninpiqa qellqanchikkunapipaschá maskanayki kanqa Bibliapi huk textota allinta explicanaykipaq (2 Tim. 2:15). Ama ichaqa textopi sapakama palabrakunatachu explicay. Estudiasqaykichik tema yanapaq palabrallata allinta entiendechiy.
5, 6. ¿Imaynatam estudiantekunata yanapanchikman Diospa Palabranmanta yachasqankuta kasukunankupaq, imatam ichaqa mana rurananchikchu?
5 Imaynatam yanapana yachasqanta kasukunanpaq. Atikusqanman hina estudianteta yanapay Bibliapi textokuna kawsayninwan imayna tupasqanta. Ejemplopaq, huñunakuykunaman manaraq riq estudiantewan Hebreos 10:24, 25 versiculokunata leespaqa, willariwaqmi huknin huñunakuymanta hinaspam invitawaq rinanpaq. Ama ichaqa obligaychu rinanpaq, aswanqa Bibliawan yanapay Jehovata kusichiyta munaspan pay kikin kallpachakunanpaq (Heb. 4:12).
6 Bibliawan allinta yachachispam huk runakunata yanapasun Diospi ‘iñikuspa kasukuspa’ Jesuspa discipulon kanankupaq (Rom. 16:26).