Waqaychanapaq
Sugerenciakuna publicacionkunawan predicananchikpaq
Hatiqnin sugerenciakunam yanapasunki preparakuspayki publicacionkunawan predicanaykipaq.
Acerquémonos a Jehová
“Diospi iñiq achka runakunam munanmanku Dioswan hukllawakuyta. ¿Yacharqankichu Diosman asuykunanchikpaq minkawasqanchikta? [Leey Santiago 4:8.] Kay librom qellqakurqa runakuna Biblianta servichikuspa Diosman asuykunankupaq.” Leey 1 parrafota 16 página nisqanpi.
“Mana allin ruraykunam cheqerichkan, kaypi nisqanman hina [leey Eclesiastés 8:9b]. Achka runakunam tapukunku sichus Dios cuentata qokunchu kaykuna pasasqanmanta icha manachu [leey página 119 nisqanpi 4 kaq parrafopi qallariypi iskay niykunata]. Kay capitulopim yachachin imanasqataq Dios tiempota saqerqa kay mana allinkuna hinallaraq kananpaq.”
¿Existe un Creador que se interese por nosotros?
“¿Maypitaq tarichwan aswan allin consejota hatun sasachakuyninchikkunata allichananchikpaq? [Kutichinanta suyay. Chaymantañataq leey Mateo 7:28, 29.] Kaypim qawanchik imaynata runakuna tarikurqaku orqopi tiyaykuspan Jesuspa yachachisqanwan. Qawariy wakin runakunapa kaymanta nisqankuta [rimariwaqmi página 152 niykunamanta]. Kay capitulopim yachachin Jesuspa imayna kawsasqanmanta hinaspa yachachisqanmantapas.”
“Haykapipas tapukurqankichu ¿Sichum Dios imallatapas ruranqa ñakarikuykunata hinaspa mana allin ruraykunata tukuchinanpaq? [Kutichinanta suyay. Qatiqninpiñataq leey Revelación 21:3, 4.] Kay libropim willan imatam Dios ruranqa ñakarikuykunapa imaraykutaq kasqanta tukuchinanpaq.” Qawachiy 10 capitulota.
¡Manténgase alerta!
“Achka runakunam preocupakunku pleitokuna hinaspa manchakuykunapaq kay tiempopi aswanraq yapakusqanwan [llaqtaykipi chayna reqsisqa pasasqanmanta rimay]. ¿Yacharqankichu kaykuna mundontinpi señalkuna hina kasqanta?, hinaspa ¿allpanchikta Dios munaychakunanpaq hichpanchikpiña kasqanta? [Kutichinanta suyay. Chaymantaqa leey chaywan tupaq textota, kaykuna hina Mateo 24:3, 7, 8; Lucas 21:7, 10, 11, otaq 2 Timoteo 3:1-5.] Kay folletom yachachin imanasqataq kay tiempopi ancha urgente kanman qawan-qawan kananchikpaq tukuy kaykuna pasasqanpi.”
“Achka runakunam llakisqa tarikunku manchakuypaq pasasqankunawan otaq kikillanku ñakarisqankunawanpas. Wakin runakunaqa tapukunku imanasqataq Dios mana kay ñakarikuykunata tukuchinchu nispa. Bibliam willawanchik as tiempollapiña Dios lliw runakunapa ñakarisqanta tukuchinanta [leey Revelación 14:6, 7]. Qawariy Diospa juicion imataq kanman runakunapaq [leey 2 Pedro 3:10, 13]. Kay folletoqa astawanmi yachachin kaykunamanta.”
El conocimiento que lleva a vida eterna
“Pipas kayna sumaqchapi kawsakunaykipaq invitasuptikiqa, ¿munawachu? [Qawachiy dibujota 4 hinaspa 5 paginakunapi tarikusqanta hinaspa kutichinanta suyay.] Qawariy Diospa palabranpi imatam rurachwan kusikuspa wiñaypaq kayna kawsananchikpaq [leey Juan 17:3]. Kay librom yanapasunki tarinaykipaq wiñay kawsayman apaq yachayta.” Niykuy qatiqninpi watukuspayki kay capítulo 1 nisqamanta pichqa kaq parrafokama estudianaykichikpaq.
Librota kicharispa 188 hinaspa 189 paginakunapi servichikuy chay dibujopa hanay niqchanpi nisqanta tapunaykipaq: “¿Munawaqchu kawsayta kay allpanchik Diospa yachayninwan huntakuptin? [Kutichinanta suyay. Hinaspa leey Isaías 11:9.] Kay librom yanapasunki yachanaykipaq imatam Biblia nin chay qamuy paraisomanta hinaspa imatam rurachwan chaypi kananchikpaq”. Niykuy qatiqninpi watukuspayki capítulo 1 nisqapi 11 parrafomanta 16 parrafokama estudianaykichikpaq.
Aprendamos del Gran Maestro
“¿Manachum allpanchikpi kawsayqa allinraq karunman sichus runakuna kay consejopa nisqanta kasukuptinkuqa? [Leey Mateo 7:12a. Hinaspa kutichinanta suyay.] Kay libropiqa tarikun lliw tiempokunamanta allin yachachiqpa yachachikuyninkuna.” Librota kicharispa capítulo 17 nisqanpi qawachiy dibujonkunata hinaspa chay dibujokunapa nisqankunata.
Tiemponchikpiqa yaqa lliw tayta-mamakunam munanku wawankupi allin kaykunata qatallichiyta. Qamqa imata niwaq ¿allinchu kanman chaykunamanta yachachiy? [Kutichinanta suyay. Chaymanta leey Proverbios 22:6.] Qawariy, kaypi kallpanchan tayta-mamakunata wawankunata taksachanmantapacha yachachinankupaq. Chaypaqmi kay libro allichakurqa.” Qawachiy 15 capitulopi otaq 18 capitulopi dibujojkunata hinaspa chaypi nisqankunatawan.
“Wawakunam tapusqankunawan tayta-mamakunata hukmanyachinku. Wakinqa sasa kutichinapaqmi, ¿chaynachu icha manachu? [Kutichinanta suyay. Chaymanta leey Efesios 6:4.] Kay libroqa yanapanmanmi tayta-mamakunata wawankunapa tapukuyninkuta kutichinankupaq.” Librota kicharispa 11,12 capitulokunapi otaq 34 capitulomanta 36 capitulokama qawachiy dibujonkunata hinaspa chaypi nisqankunata.
La vida... ¿cómo se presentó aquí? ¿Por evolución, o por creación?
“Llapanchiktam preocupawanchik llaqtanchikkunapi llakikuykuna hinaspa dañanakuykuna. ¿Kanmanchu pillapas kay sasachakuykuna allichaq? [Kutichinanta suyay.] Diosmi tukuy kaykunata allichanqa.” Librota kichay página 196 nisqapi; hinaspa 19 parrafomanta leey Proverbios 2:21, 22 hinaspa chaymanta rimariy. Qawachiy 16 capitulopa titulonta hinaspa librota munachiy.
Librota 6 paginapi kichaykuspa chaymanta niy: “Achka runakuna ninku kayna sumaq Allpanchik hinaspa tukuy rikchaq kawsaykuna kikillanmanta rikurimusqanta. ¿Qamqa tukuy kaykunamanta ima niwaqtaq? [Kutichinanta suyay.] Achka pruebakuna kanmi ancha atiyniyoq kuyawaqninchik Unanchaqmanta rimariq Bibliapa nisqanman hina. Paymi cheqap Dios, sutinñataqmi Jehová.” Leey Salmo 83:18, hinaspa pisi rimayllapi willay Allpanchik paraisoman tikrakunanpaq Diospa munaynin kasqanta.
El hombre en busca de Dios
“Kay tiempopi kaynaña achka religionkuna kaptin, haykapipas tapukurqankichu ¿imaynatataq yachachwan mayqen religionta Dios kusikuywan chaskinman?” Kutichisqanmanta qepataña librota kichariy página 377 nisqanpi chaymanta qawachiy 7 kaqpi nisqanta, hinaspa tapuy sichus paypas ninman cheqap religionqa llapallan kastakunata huñunanta. Maskay mayqen textotapas chaypi nisqanmanta, tiempon kaptinqa libropi wakin nisqakunamantapas rimariwaq. Runa atencionwan uyarisuptikiqa librota munachiy. Manaraq pasakuspayki, tapuykuy: “¿Imaynatam cheqap religionqa yanapanman runakunapa kawsayninta?”. Arreglota ruraychik kaqllamanta watukuspayki chaymanta kutichinaykipaq.
Sichus punku kichasuqniki nisunki reqsisqa religionpi kasqanta, kaynatam niwaq: “Ima allinmi wakin religionkunapa runankunata reqsiyqa. Ichaqa, imaymanatapas runakunaqa Diosta maskanku [allin kaptinqa leey Hechos 17:26, 27]. Runakunam tayta-mamankunapa religionninkuta qatikunku [leey página 8 nisqanpi párrafo 12 nisqanta]. Wakin religionkunamanta yachaspanchikmi yuyayniyoq hinaspa ancha yachayniyoq hinam kachwanpas. Kay librom yachachin mundontinpi reqsisqa religionkunapa paqarimusqanmanta, rurayninkunamanta hinaspa yachachikuyninkunamantapas”. Libropi qawachiy huk ejemplota uyarisuqniki runapa religionninman rikchakuqta, kay qatiqninpi qawakusqanpi hina: sikhismo (100, 101); hinduismo (116, 117); budismo (141); taoísmo (164-166); confucianismo (177); sintoísmo (190-195); judaísmo (220, 221); islam (289).
Apocalipsis... ¡se acerca su magnífica culminación!
“Uyarirqankipaschá kaymanta rimaqta [willay noticiata]. Chaymanta niwaq desgraciapi runakuna wañuptinku, runakunaqa tapukunku imaynatam wañuqkunapa ayllunta consuelachwan nispa. ¿Ima niwaqtaq qam?” Kutichinanta suyay. Chaymantañataq kichay librota, página 299 nisqanpi hinaspa qawachiy kawsarimuymanta dibujota. Chaymantapas niwaqmi: “Acha runakunam admirakunku allin runakunatawan mana allin runakunata Allpapi qamuq paraisopi Dios kawsarichimunanta yacharuspanku [leey Hechos 24:15 nisqanta, libropi página 297 nisqanpi 9 parrafopi nisqanman hina, chaymantañataq leey 10 parrafopi explicasqanta]. Kay libropim willan sumaq yachaykunata hamuq tiempopaq Diospa munayninmanta”.
La Biblia... ¿la Palabra de Dios, o palabra del hombre?
“Yaqa llapanchikmi kay tiempopiqa hatun sasachakuykunawan tarikunchik. Chayrayku achka runakuna consejo qoqkunata maskanku yanapachikunankupaq. Wakinqa adivinokunatam tapukunku. Ichaqa imatam qam niwaq: ¿maypitaq tarichwan yanapawananchikpaq allin consejokunata? [Kutichinanta suyay.] Bibliaqa willawanchik aswan allin kaqta, chaytam yachananchik [leey 2 Timoteo 3:16. Chaymanta librota kichay página 187 nisqanpi hinaspa leey 9 parrafota]. Kay librom musyachiwanchik bibliapa consejonkuna kasukuyqa allinninchikpaq kasqanta.”
El hombre más grande de todos los tiempos
“Kay killakunapim runakuna Jesuspi yuyaymananku. Aswanqa mundontinpiqa hinallam mana allinkuna cheqerichkan, chayrayku wakinkunaqa tapukunku sichus pay reparawanchikraqchu icha manachu, nispanku. ¿Ima niwaqtaq?” Kutichinanta suyay. Librota kichariy capitulo 24 nisqanpi hinaspa pisi rimayllapi explicay imanasqataq Jesús kay Allpaman qamurqa. Chaymantañataq leey Juan 15:13 nisqanta, chaypi qawachiy maykama Jesuspa kuyakuynin karqa runakunapaq.
“Jesucristomanta rimaspanku achka runakuna payta yuyarinku wawata hina otaq ñakarispa wañunayaq runata hina. Chaypim qawanchik runakunaqa Jesusmanta yuyarinku nacesqallanta hinaspa wañusqallanta. Aswanqa qonqakunku Jesús kawsasqanpi ima sumaqkunata yachachisqanta hinaspa rurasqantapas. Paypa rurasqanqa hinaspa yachachisqanqa allpantinpi lliw runakunatam haykapiña yachaqtapas nanachiwanchik. Chayrayku, ancha allinmi kanman paymanta lliw atisqanchikpi admirakuypaq ñoqanchikrayku rurasqanmanta yachayqa.” Leey Juan 17:3. Qawachiy qallariypi libropa tunpata willasqanpi punta kaq página nisqanpi hinaspa leey tawa parrafota.
¿Imatam Dios munan ñoqanchikmanta?
“Imatam qam niwaq: ¿Dioschu munanman karqa kayna sasachakuykunapa chawpinpi kay tiempopi hina kawsananchikta? [Kutichinanta suyay. Chaymantañataq leey Mateo 6:10.] ¿Haykapipas tapukurqankichu imataq kanman Diospa Reinon?” Qawachiy 6 kaq leeccionta hinaspa leey chaypi tapukuykunata. Estudiayta qallariwaq otaq arreglota rurawaq kaqllamanta watukuspayki estudianaykichikpaq.
“Kay tiempopi yachayninpi runakuna ñawparichkaptinkupas, onqoykunapas hinaspa wañuypas hinallaraq runakunata llumpayta ñakarichichkan hinaspapas llakichichkanraq. ¿Yachankichu imatam Jesús ruranqa onqoqkunapaq, yuyaqkunapaq hinaspa wañuqkunapaqpas?” Kutichinanta suyay. Sichus uyariqniki tapusqaykimanta astawan yachayta munaptinqa, folletota kicharispa 5 kaq leccionpi leey 5 hinaspa 6 parrafopaq tapusqanta, chaymantañataq kay parrafokunamanta rimariwaqpas otaq arreglota rurawaq kaqllamanta watukuspayki rimarinaykichikpaq.
Adoremos al único Dios verdadero
“Imatam qam niwaq: ¿Maymanmi richwan yanapakuyta maskaq sasachakuyninchikkunata atipananchikpaq? [Kutichinanta suyay. Chaymantataq leey Romanos 15:4.] Qawarisqanchikpi hina Bibliapi qellqasqakunaqa kachkan yachananchikpaq, kallpanchawananchikpaq hinaspa suyakuyta qowananchikpaqpas, tukuy chaykunam kallpata qowanchik imaymana sasachakuykunata aguantananchikpaq. Kay libropim kachkan allin yanapakuykuna Bibliata leespanchik allinta entiendenanchikpaq.” Página 30 nisqanpi dibujopi tawa nisqakunata qawachiy.
“Jesús kay allpaman qamusqanmantapacham achka runakuna orakuspanku mañakunku Diospa Reinon qamunanpaq. Qamqa ¿Haykapipas tapukurqankichu imakunatam chay Reinoqa runakunapaq ruranqa? [kutichinanta suyay. Chaymantañataq leey Daniel 2:44.] Kay libropim willachkan imataq Diospa Reinon kasqanta, imatam runakunapaq ruranqa hinaspa imaynatataq chay Reinopa bendicionninkunata chaskichwan. Chaymantañataq rimariy 92 hinaspa 93 paginakunapi rikchanachiymanta.