Imaynatam Enseña nisqan librota munachichwan
Kay suplementopim achka rimaykuna tarikun imayna Enseña librota munachinapaq. Aswan allin kananpaqmi kikikipa rimaynikipi hina rimanayki, predicanayki lawpi runakunapaq hina ruranayki hinaspa libropa sumaq nisqankunata allinta reqsispayki rimaykunata qallarinaykipaq. Chaymantapas predicanayki lawpi allin kaptinqa huk rimaykunawanmi munachichwan (qaway Reinopaq Servicionchikta enero 2005, 8 paginata).
Armagedonmanta
◼ “Armagedón rimayta uyarispankum achka runakuna ninku kawsaywan kay pacha puchukachisqa kananta. ¿Ima niwataq Armagedón kusikunanchikpaq kananta yacharuspayki? [Kutichinanta suyay. Chaymanta leey Apocalipsis 16:14, 16.] Qawariy imaynam kawsay kanqa Armagedón pasayta.” Qawachiy 82-84 paginata hinaspa 21 parrafota leey.
Bibliamanta
◼ “Runakunam ninku Bibliaqa Diospa Palabranmi, nispa. ¿Haykapipas tapukurqankichu imaynam runakunapa qellqasqan libroqa Diospa Palabran kanman? [Kutichinanta suyay. Chaymanta leey 2 Pedro 1:21 hinaspa 5 parrafota 19 paginamanta.] Kay librom qawachin Bibliapa kutichisqanta kay tapukuykunamanta.” Qawachiy 6 paginapa tapuykunata.
◼ “Ñawpaqmantaqa kunanmi achka yachaykuna yachanapaq kachkan. Ichaqa, ¿maypitaq sumaq consejokunata tarichwan kusisqa kananchikpaq? [Kutichinanta suyay. Chaymanta leey 2 Timoteo 3:16, 17 hinaspa 12 parrafota 22 paginamanta.] Kay librom yachachin imaynatam kawsachwan Diospa munasqanman hina allin kananchikpaq.” Qawachiy 122 paginanpa cuadronta hinaspa 123 paginapa dibujonta.
Ñakariykunamanta
◼ “Desgraciakuna pasaptinmi achka tapukunku, cheqaptapunichu Diosqa runakunapi interesakun hinaspa ñakarisqankuta musyanmanchu. ¿Haykapipas chayta tapukurqankichu? [Kutichinanta suyay. Chaymanta leey 1 Pedro 5:7 hinaspa 11 parrafota 11 paginamanta.] Kay librom yachachin imaynatam Diosqa runakunapa ñakariyninkuta wiñaypaq tukuchinqa.” Qawachiy 106 paginapa qallariyninpi tapuykunata.
Ayllumanta
◼ “Llapanchikmi munanchik ayllupi kusisqa kawsakuyta, ¿chaynachu? [Kutichinanta suyay.] Bibliam riman imatam llapanchik rurachwan ayllu ukupi kusisqa kawsanapaq: Diostam qatipakuna kuyakuyninta qawachispa.” Leey Efesios 5:1, 2 hinaspa 4 parrafota 135 paginamanta.
Guerramantawan/ hawkayaymanta
◼ “Maylawpipas runakunaqa hawka kawsaytam munanku. ¿Niwaqchu qam kay Pachapi hawka kawsay mosqoylla kasqanta? [Kutichinanta suyay. Chaymanta leey Salmo 46:8, 9.] Kay librom qawachin imaynatam Diosqa munayninta ruranqa hinaspa hawkayayta kay pachaman apamunqa.” Qawachiy 35 paginapa dibujonta hinaspa paywan estudiay 17-21 parrafokunata 34 paginamanta.
Jehová Diosmanta
◼ “Diospi achka iñiq runakunam payman asuykuyta aswan munanku. ¿Yacharqankichu Diosman asuykunapaq Biblia niwasqanchikta? [Kutichinanta suyay. Chaymanta leey Santiago 4:8a hinaspa 20 parrafota 16 paginamanta.] Kay qellqam rurasqa kachkan Diosta runakuna astawan reqsinankupaq, kikinkupa Bibliankuta servichikuspanku.” Qawachiy 8 paginapa qallariyninpi tapuykunata.
◼ “Achka runakunam Diosta mañakunku paypa sutin yupaychasqa kananpaq. ¿Haykapipas tapukurqankichu imam chay sutin? [Kutichinanta suyay. Chaymanta leey Salmos 83:18, NM hinaspa 2-3 parrafokunata 195 paginamanta.] Kay librom willakun imatam cheqaptapuni Biblia yachachin Jehová Diosmanta hinaspa runakunapaq munasqanmanta.”
Jesucristomanta
◼ “Lliw runakunam Jesucristomanta rimayta uyarirqaku. Wakin runakunam ninku reqsisqa runallam karqa, nispa. Hukkunañataqmi tukuy atiyniyoq Diosta hina yupaychanku. ¿Allinchu kanman Jesusmanta reqsiyninchik?” Kutichinanta suyay. Chaymanta leey Juan 17:3 hinaspa 3 parrafota 37 paginamanta. Capitulonpa qallariyninpi tapuykunata qawachiy.
Wañuymantawan/ kawsarimuymanta
◼ “Achka runakunam tapukunku maymanmi rinchik wañukuspaqa. ¿Atichwanchu chaymanta yachayta? [Kutichinanta suyay. Chaymanta leey Eclesiastés 9:5 hinaspa 5-6 parrafokunata 58 paginamanta.] Kay librotaqmi yachachin imayna Bibliapa nisqanman hina wañuqkuna kawsarichisqa kanqaku.” Qawachiy 75 paginapa dibujonta.
◼ “Kuyasqa ayllunchik wañukuptinmi munanchik yapamanta qawaykuyta, ¿manachu? [Kutichinanta suyay.] Achkam kawsarimuymanta Bibliapa nisqanpi consuelota tarirqaku [leey Juan 5:28, 29 hinaspa 16-17 parrafokunata 72 paginamanta]. Kay capitulotaqmi kay tapuykunata kutichin.” Qawachiy 66 paginapa qallariyninpi tapuykunata.
Oracionmanta
◼ “¿Tapukurqankichu haykapipas Diosqa uyariwanchikchu mañakusqanchikta? [Kutichinanta suyay. Chaymanta leey 1 Juan 5:14, 15 hinaspa 16-18 parrafokunata 170-171 paginakunamanta.] Kay capitulotaqmi yachachin imaraykum Diosta mañakunanchik hinaspa imatam rurananchik uyariwananchikpaq.”
Religionmanta
◼ “Achka runakunam religionkunata qawachkankuña aswan sasachakuyllapaqña, ichaqa manam allinpaq hinachu. ¿Allin ñanmanchu religionkuna runakunata pusachkan? [Kutichinanta suyay. Chaymanta leey Mateo 7:13, 14 hinaspa 5 parrafota 145 paginamanta.] Kay capitulom qawachin soqta señalkunata sutilla reqsinapaq ima religiontam Diosqa chaskin.” Qawachiy 147 paginapa nisqanta.
Wiñay kawsaymanta
◼ “Llapanchikmi munanchik mana onqospa wiñaypaq kawsayta. Atikuptinqa, ¿munawaqchu wiñaypaq kawsakuyta? [Kutichinanta suyay. Chaymanta leey Apocalipsis 21:3, 4 hinaspa 17 parrafota 54 paginamanta.] Kay librom yachachin imaynatam wiñay kawsayta chaskichwan hinaspa imaynam kawsayqa kanqa chay promesa cumplikuptin.”
Wasiyoq kaymanta
◼ “Maypipas sasam qollqenchikpa haypawasqanchikman hina allin wasi tariyqa. ¿Chayamunmanchu huk punchaw llapallanchik allin wasiyoq kanapaq? [Kutichinanta suyay. Chaymanta leey Isaías 65:21, 22 hinaspa 20 parrafota 34 paginamanta.] Kay librom yachachin imaynatam Diospa promesan cumplikunqa.”
[5 kaq paginapi recuadro]
Imaynatam nichwan qollqewanpas yanapakuymanta
“Mundontinpi predicacionta qollqewan yanapakuyta munaspaykiqa, gustowanmi chaskisayki.”
“Mana qollqepaqña qellqanchikkuna kaptinpas, chaskinikum sonqomanta qoptinkuqa mundontinpi predicacionta yanapanapaq.”
“Ichapas tapukunki imaynatam mundontinpi predicayta atiniku. Sonqomanta qollqe yanapakuywanmi chaytaqa ruraniku. Sonqoykimanta qoyta munaspaykiqa, gustowanmi chaskisayki.”
(Bibliamanta estudiokunata qoptillanchikmi kay qepa kaqmantaqa rimasun.)