Qanchis kaq parte: Estudiopi orana
Diosta servinankupaq hina estudiota qosun
1. a) ¿Imanasqataq allin kanman Bibliamanta estudiota qospa oracionwan qallariypas, tukuypas? b) ¿Imaynatam estudianteta entiendechichwan Bibliata estudiaspa oranapaq?
1 Diospa bendicionninmi yanapanqa Biblia estudiaqkunataqa espiritualpi wiñanankupaq (1 Cor. 3:6). Chayrayku, Bibliamanta estudiota qospaqa oracionta rurana qallarispapas, tukuspapas. Diosta kuyakuq runakunawanqa qallariymantapacham oracionta rurachwan. Hukkunawanqa sasapaschá kanman oracionwan qallariy. Salmo 25:4, 5; 1 Juan 5:14 textokunawanmi estudianteta entiendechichwan imanasqam oracionta rurana, Juan 15:16 versiculowanñataq yachachichwan Jesucristopa sutinpi Jehová Diosman orakunanchikta.
2. ¿Pim estudiopi oracionta ruranman bautizasqa warmipa estudionman bautizasqa qari acompañaptin? ¿Manaraq bautizasqa predicaq acompañaptinqa?
2 ¿Pim oracionta ruranman? Bautizasqa warmi acompañachikuptinqa estudio qonanpaq bautizasqa qariwanqa, qarim oracionta ruranan, warmim ichaqa estudiota qonman umanta tapakuykuspa (1 Cor. 11:5, 10). Sichus, manaraq bautizasqa publicador acompañanman paninchiktaqa, paninchikmi oracionta ruranman. Chayna kaptinqa, umanta tapakuykuspam orakunanpas, estudiotapas qonan.
3. ¿Imakunatam oracionpi mañakunanchik Bibliamanta yachachispa?
3 Imatam oracionpi mañakuna. Bibliamanta yachachispaqa manam unaytachu orana, ichaqa asllapim munasqanchikta mañakuna. Diospa bendicionninta estudiopaq mañakuspaqa, cheqapkuna yachasqanchikmantapas agradecekuspaqa, hatunchananchikmi Jehová Diostapas, Paymi yachachiwaqninchik (Isa. 54:13). Estudiantepa allinninpaqpas mañakuchwanpas, agradecekunam llaqtanwan Jehová Diospa yachachiwasqanchikmantapas (1 Tes. 1:2, 3; 2:7, 8). Yachasqanta kasukunanpaq estudiantepa kallpanchakusqanta Jehová Diospa bendicinanpaqmi oracionpi mañakuchwanpas. Chaynapim estudiante yachanqa ‘uyarisqanman hina rurayta’ (Sant. 1:22).
4. ¿Imaynatam yanapan Bibliamanta yachachispa oracionwan qallariypas, tukuypas?
4 Oracionqa anchatam yanapan. Diospa bendicionnintam chaskinchik (Luc. 11:13). Respetachinmi Diospa Palabran estudiasqanchikta. Orasqanchikta uyarispam estudiantepas yachanqa pay kikin orakuyta (Luc. 6:40). Diospaq, kuyakuywan agradecekuywan huntasqa sonqomanta lloqsiq oracionkunaqa estudiantetam yanapanqa Diosninchichwan amistad rurananpaq.