Tapukuykunapaq kaq

◼ ¿Orakunachu wasi punkullapi Bibliamanta estudiachispa?

Estudiachiyta qallarinapaq hinaspa tukunapaq Diosta mañakuyqa ancha allinmi. Orakuspaqa Diospa chuya espirituntam mañakunchik estudiachisqanchikpi yanapawananchikpaq (Luc. 11:13). Chaynata ruraspaqa qawachinchikmi Biblia estudiayqa respetanapaq kasqanta chaymantapas Diosta imayna mañakunankupaqmi yachachinchik (Luc. 6:40). Chaymi allin kanman pitapas chayllaraq estudiachispa qallariyninchik. Ichaqa sapakamam tanteana wasi punkullapi estudiachispa orakunapaq otaq mana orakunapaqpas.

Chaypaqqa allintam reparananchik maypi estudiachisqanchikta. Ichapas runakunapa ancha mana purisqanpi sapa kuti estudiachispaqa qallarinapaq hinaspa tukunapaq pisi rimayllapi orakuchwan. Punkupi orakuptinchik estudiante penqakunanpaq otaq hukmanyananpaq hina kaptinqa tanteanam huk kutipiña otaq huk sitiopiña orakunapaq. Imayna kaptinpas allintam tanteananchik estudiantenchikwan oracionta haykapi ruranapaqqa (qawariy marzo 2005 watapi lloqsimuq Reinopaq Servicionchikpa 4 kaq paginanta).